వసంత కిశోర్ గారూ, మొదటినుంచీ మీకున్న అలవాటే కదా! అయితే అతివృష్టి, లేకుంటే అనావృష్టి! ఈరోజు మీ విశ్వరూపాన్ని ప్రదర్శిస్తున్నారు. ఇప్పటివరకు వచ్చిన మీ తొమ్మిది పూరణలు బాగున్నవి. అభినందనలు. మూడవపూరణలో ‘క్రూరదృక్కగు నర|వరుని...’, తొమ్మిదవ పూరణలో ‘బంధనచ్ఛేదకుడు కపి|వరుని...’ అంటే బాగుంటుందేమో! ***** గండూరి లక్ష్మినారాయణ గారూ, మీ పూరణ బాగున్నది. అభినందనలు. ‘తబడుచు’..? ‘తడబడుచు+ఇంటికి’ అన్నప్పుడు సంధి లేదు. ‘తడబడుచు నింటికి’ అవుతుంది. అక్కడ ‘తడబడు నడకల| వరుని...’ అందామా? ***** రెండుచింతల రామకృష్ణ మూర్తి గారూ, మీ పూరణ బాగున్నది. అభినందనలు. ***** శైలజ గారూ, మీ పూరణ బాగున్నది. అభినందనలు.
వసంత కిశోర్ గారూ, నా సవరణలను సౌహార్దంతో స్వీకరించినందుకు ధన్యవాదాలు. మీ దశమపూరణ బాగున్నా ‘అక్షకుమారునకును’ అన్నచోట గణభంగ మయింది. సవరణ సూచించలేకపోతున్నాను. ‘అసురతనయునకును’ అంటే ఎలా ఉంటుంది? అక్షకుమారుడు రావణుని పుత్రుడే కదా!
మిస్సన్న గారూ, మీ పూరణ బాగున్నది. అభినందనలు. ***** కెంబాయి తిమ్మాజీ రావు గారూ, మీ పూరణ బాగున్నది. అభినందనలు. ***** డా. బల్లూరి ఉమాదేవి గారూ, మీ పూరణ బాగున్నది. అభినందనలు. ***** గుండా వేంకట సుబ్బ సహదేవుడు గారూ, మీ పూరణ బాగున్నది. అభినందనలు.
పోచిరాజు సుబ్బారావు గారూ, మీ పూరణ బాగున్నది. అభినందనలు. ***** అన్నపరెడ్డి సత్యనారాయణ రెడ్డి గారూ, మీ పూరణ బాగున్నది. అభినందనలు. ***** భాగవతుల కృష్ణారావు గారూ, మీ రెండు పూరణలు బాగున్నవి. అభినందనలు. ***** మల్లెల సోమనాథ శాస్త్రి గారూ, మీ నాలుగు పూరణలు బాగున్నవి. అభినందనలు.
కారునలుపు రంగు ఖల్వాటుడే వాడు
రిప్లయితొలగించండిపిల్లగజము రీతి పెద్ద దేహి
పక్షిగూడు వంటి బవిరిగడ్డమ్ముతో
వరుని జూచినంత భయము గలిగె.
అందరికీ వందనములు !
రిప్లయితొలగించండిఅందరి పూరణలూ అలరించు చున్నవి !
హఠాత్తుగా చూచిన వధువునకు :
01)
_____________________________
చట్టి ముక్కు వాని - చలువసులోచను
నెత్తు పల్ల వాని, - జుత్తు లేని
వాని ,చిన్ని కనుల - వాని, నెదుట నున్న
వరుని జూచినంత - భయము గలిగె !
_____________________________
వరుఁడు =పెండ్లికొడుకు;మగఁడు;ఱేఁడు;శ్రేష్ఠుఁడు
పల్లు = దంతము.
వి.యస్. ఆంజనేయులు శర్మ గారూ,
రిప్లయితొలగించండిమీ పూరణ బాగున్నది. అభినందనలు.
*****
వసంత కిశోర్ గారూ,
మీ పూరణ బాగున్నది. అభినందనలు.
త్రాగి తన్నే మగణ్ణి చూస్తే :
రిప్లయితొలగించండి02)
_____________________________
త్రాగి వచ్చి రోజు - తన్నుచుండెడివాని
చిట్టి వారి గూడ - గొట్టువాని
సొమ్ము లాగు కొనుచు - సురభి ద్రాగుచు నున్న
వరుని జూచినంత - భయము గలిగె !
_____________________________
వరుఁడు = మగఁడు
వసంత కిశోర్ గారూ,
రిప్లయితొలగించండిమీ రెండవ పూరణ బాగున్నది. అభినందనలు.
మంగమ్మశపథం సినిమాలోలా
రిప్లయితొలగించండిఎంత అందగాడైనా
దుష్టుడైన రాజును చూస్తే :
03)
_____________________________
పువ్వుబోడి జూచి - భోగింపగా నెంచి
కోట కెత్తు కెళ్లి - క్రూరమైన
ఘోరములను జేయు - క్రూరదృ క్కైనట్టి
వరుని జూచినంత - భయము గలిగె !
_____________________________
వరుఁడు =ఱేఁడు
క్రూరదృక్కు = దుష్టుడు
మంచి వాడ తడని మనువాడితినినేను
రిప్లయితొలగించండిమోస మాయె నాకు మొదటి రోజె
తప్ప త్రాగి వచ్చె తబడు చింటికి, నాకు
వరుని జూచినంత భయము గలిగె.
మంచి వాడ తడని మనువాడితినినేను
రిప్లయితొలగించండిమోస మాయె నాకు మొదటి రోజె
తప్ప త్రాగి వచ్చెతడబడుచును నాకు
వరుని జూచినంత భయము గలిగె.
మంచిమగణ్ణి చూచి ఎవరైనా భయపడతారా ???
రిప్లయితొలగించండిఏదో తప్పు చేస్తేనే గదూ భయం
04)
_____________________________
జాలి దయయు గలిగి - యాలిని ప్రేమించి
పిన్న పెద్ద లందు - బేరు గలిగి
బిడ్డ లన్న దొడ్డ - ప్రీతి నుండగ; నేల
వరుని జూచినంత - భయము గలిగె ?
_____________________________
వరుఁడు =శ్రేష్ఠుఁడు
పెద్దపెద్ద వలలు,పిల్ల గడ్డంబుతో
రిప్లయితొలగించండిచేతకర్రతోడ నూత గొనుచు
నీటి జాడ జూచి నిలువెల్ల వెదకు"ధీ
వరు"ని జూచి నంత భయము కలిగె
ధీవరుడు=జాలరి వాడు
తగినన్ని కట్న కానుక లివ్వలేమేమో నని భయం :
రిప్లయితొలగించండి05)
_____________________________
ఆస్తి, నందము గని - యానంద మొందిరి
వరుని జూచి ! నంత - భయము గలిగె
కట్న కానుకలను - పట్నవాసులు హెచ్చు
కోరు కొందురనుచు - ఖేదమునను !
_____________________________
వరుఁడు =పెండ్లికొడుకు
కాల్చగానె తోక కాలుని వలె మారి
రిప్లయితొలగించండివాలమంత బెంచి వాయుసుతుడు
లంక నెల్ల గాల్చ రక్కసులకు కపి
వరుని జూచినంత భయము గలిగె !!!
దుర్మార్గుడు ఆ పై గర్విష్ఠి-ఎదురు పడితే భయమే గదూ
రిప్లయితొలగించండి06)
_____________________________
పెద్ద లన్న లేదు - ప్రేమ యించుక నైన
కొట్టు చుండు నెపుడు - చిట్టి వారి
నాడు వారి నెపుడు - నగడుచు నుండు,కా
వరుని జూచి నంత - భయము గలిగె !
_____________________________
అగడు = తిట్టు
కావరుఁడు = కావరము గలవాఁడు, గర్వి.
అశోకవనిలో ఆంజనేయుని గనిన రాక్షసులకు
రిప్లయితొలగించండిసహజము గదా - ముందాశ్చర్యము - ఆ పై భయం :
07)
_____________________________
ఎర్రనైన కనులు - నెత్తైన కాయంబు
దీర్ఘబాహుడైన - దివ్యరూపు
వనము నందున గని - బమ్మరపడి, కపి
వరుని జూచి నంత - భయము గలిగె !
_____________________________
బమ్మరపడు = ఆశ్చర్యపడు
అగ్ని ప్రత్యక్షం కాగానే - భయపడిన ,వరూధిని స్వగతము :
రిప్లయితొలగించండి08)
_____________________________
అగ్ని సాయ మొంది - యంతర్హితుడగు, ప్ర
వరుని జూచి నంత - భయము గలిగె !
ఇంత సేపు యితని - నేన ? వేధించితి
పాపి నైతి వీని - బాధ పెట్టి !
_____________________________
ప్రవరుఁడు = అరుణాస్పదమందు ఉండిన ఒక విప్రుఁడు.
బ్రహ్మాస్త్రబంధనములను
రిప్లయితొలగించండిచేదించిన కపిశ్రేష్ఠుని గాంచిన రావణునకు :
09)
_____________________________
పరుల తరమె యిటుల - బ్రహ్మాస్త్ర బద్దుడై
మధుర రామ నామ - స్మరణ జేసి
నాగ పాశ బంధ- నములను చేధించ
వరుని జూచి నంత - భయము గలిగె !
_____________________________
వరుఁడు = కపివరుడు
వసంత కిశోర్ గారూ,
రిప్లయితొలగించండిమొదటినుంచీ మీకున్న అలవాటే కదా! అయితే అతివృష్టి, లేకుంటే అనావృష్టి! ఈరోజు మీ విశ్వరూపాన్ని ప్రదర్శిస్తున్నారు. ఇప్పటివరకు వచ్చిన మీ తొమ్మిది పూరణలు బాగున్నవి. అభినందనలు.
మూడవపూరణలో ‘క్రూరదృక్కగు నర|వరుని...’, తొమ్మిదవ పూరణలో ‘బంధనచ్ఛేదకుడు కపి|వరుని...’ అంటే బాగుంటుందేమో!
*****
గండూరి లక్ష్మినారాయణ గారూ,
మీ పూరణ బాగున్నది. అభినందనలు.
‘తబడుచు’..? ‘తడబడుచు+ఇంటికి’ అన్నప్పుడు సంధి లేదు. ‘తడబడుచు నింటికి’ అవుతుంది. అక్కడ ‘తడబడు నడకల| వరుని...’ అందామా?
*****
రెండుచింతల రామకృష్ణ మూర్తి గారూ,
మీ పూరణ బాగున్నది. అభినందనలు.
*****
శైలజ గారూ,
మీ పూరణ బాగున్నది. అభినందనలు.
అశోకవనిలో - అక్షకుమారుడు :
రిప్లయితొలగించండి10)
_____________________________
దీర్ఘ దేహుడగుచు - దీపించి భీముడై
వాయు వేగమునను - పైకి దూక
నక్షకుమారు నకును - యరపును, వనచర
వరుని జూచి నంత - భయము గలిగె !
_____________________________
వనచరవరుఁడు = కపివరుడు
శంకరార్య ! చక్కనైన సవరణలకు ధన్యవాదములు !
రిప్లయితొలగించండిమంగమ్మశపథం సినిమాలోలా
ఎంత అందగాడైనా
దుష్టుడైన రాజును చూస్తే :
*****
03అ)
_____________________________
పువ్వుబోడి జూచి - భోగింపగా నెంచి
కోట కెత్తు కెళ్లి - క్రూరమైన
ఘోరములను జేయు - క్రూరదృక్కగు నర
వరుని జూచినంత - భయము గలిగె !
_____________________________
వరుఁడు =ఱేఁడు
క్రూరదృక్కు = దుష్టుడు
*****
బ్రహ్మాస్త్రబంధనములను
చేదించిన కపిశ్రేష్ఠుని గాంచిన రావణునకు :
9అ)
_____________________________
పరుల తరమె యిటుల - బ్రహ్మాస్త్ర బద్దుడై
మధుర రామ నామ - స్మరణ జేసి
నాగ పాశ బంధ - నచ్ఛేదకుడు కపి
వరుని జూచి నంత - భయము గలిగె !
_____________________________
వరుఁడు = కపివరుడు
వసంత కిశోర్ గారూ,
రిప్లయితొలగించండినా సవరణలను సౌహార్దంతో స్వీకరించినందుకు ధన్యవాదాలు.
మీ దశమపూరణ బాగున్నా ‘అక్షకుమారునకును’ అన్నచోట గణభంగ మయింది. సవరణ సూచించలేకపోతున్నాను. ‘అసురతనయునకును’ అంటే ఎలా ఉంటుంది? అక్షకుమారుడు రావణుని పుత్రుడే కదా!
శంకరార్యులకు మరియొక మారు ధన్యవాదములతో
రిప్లయితొలగించండిఅశోకవనిలో - అక్షకుమారుడు :
10అ)
_____________________________
దీర్ఘ దేహుడగుచు - దీపించి భీముడై
వాయు వేగమునను - పైకి దూక
నసుర తనయు నకును - యరపును, వనచర
వరుని జూచి నంత - భయము గలిగె !
_____________________________
వనచరవరుఁడు = కపివరుడు
చేత వింటి బట్టి చేసె ఠంకారమ్ము
రిప్లయితొలగించండినిపుడె వార్థిఁ కోల నింక జేతు
ననుచు సాగరునకు నయ్యెడ జానకీ
వరుని జూచినంత భయము గలిగె.
భిక్ష గొనిన యతిని వీక్షించె జానకి
రిప్లయితొలగించండిపదితలలిరువదియు బాహువు లను
సరస జేరి తనను చెర బట్టు దైతేయ
వరుని జూచినంత భయము గలిగె.
వరుని జూచి నంత భయము గలిగె*
రిప్లయితొలగించండిఆ.వె:కాలి నడక తోడ కానలో వేగాన
శ్రీహరిని దలచుచు చేడి యొకతె
యరుగు చుండ నచట యగపడిన యసుర
వరుని జూచి నంత భయము గలిగె.
భూత నాధుఁ నెంచి బూడిదాయెను నాడు!
రిప్లయితొలగించండిభగ్గు మనగ భవుని యగ్గి కన్ను!!
నిజము దెలిసిన రతి నిశ్చేష్టయౌచు శ
ర్వరుని జూచి నంత భయము గలిగె!
మిస్సన్న గారూ,
రిప్లయితొలగించండిమీ పూరణ బాగున్నది. అభినందనలు.
*****
కెంబాయి తిమ్మాజీ రావు గారూ,
మీ పూరణ బాగున్నది. అభినందనలు.
*****
డా. బల్లూరి ఉమాదేవి గారూ,
మీ పూరణ బాగున్నది. అభినందనలు.
*****
గుండా వేంకట సుబ్బ సహదేవుడు గారూ,
మీ పూరణ బాగున్నది. అభినందనలు.
విందు ముందుజరుపుమనుచు విషయ మేమి దేల్పకే
రిప్లయితొలగించండిఅందరందు కట్నమడిగి-ఆడపిల్ల లాంచనాల్
ముందు నివ్వకున్న తాళి ముట్టనన్నపెళ్లిలో
అందగాడె”వరుని జూచినంత భయముగలిగెగా|”
2.పెళ్లి చూపు లైన?పెద్దల కోర్కెచే
ఒప్పుకున్న మాట చెప్పబోక
ఊరినుండి బదులునుత్తర మివ్వుక
వరుని జూచినంత భయము గలిగె|
కె. ఈశ్వరప్ప గారూ,
రిప్లయితొలగించండిమీ పూరణలు బాగున్నవి. అభినందనలు.
కారు నలుపు కలిగి కాకి గొం తుక తోడ
రిప్లయితొలగించండిబిగ్గ రగను నఱచు పిల్లి కండ్ల
వరుని జూచి నంత భయము క లిగెనట
వధువు రాధ కపుడు వనిత లార !
అగ్గితోడ లంక బుగ్గిసలుపు కపి
రిప్లయితొలగించండివరునిఁ జూసినంత భయము గల్గె
లంకలో వసించు రక్కసి మూకకు
పరుగులిడిరి వేగ ప్రభువు కడకు
శ్రీ భాగవతుల కృష్ణారావు గారి పూరణ
రిప్లయితొలగించండి1) లోన చెడ్డి జూపు లోవైస్టు ప్యాంటుతో
బట్టతలను టోపీ,పొట్టి షర్టు ,
చేతిలోన సెల్లు ,చెవిలోని తీగతో
వరుని జూచినంత భయము గలిగె.
2 )వంగ పండు రంగు బారెడు గడ్డము ,
గుండు ,కుండలములు ,కోతి మూతి
మెల్లకన్ను,కుంటి ,మిలియన్ల కధిపతి !
వరుని జూచినంత భయము గలిగె.
ఆ వరూధినియును నా గిరి బాపని
రిప్లయితొలగించండితాను వలపు చేష్ట,ధర్మముడిగి
కోర,-నతడునగ్ని కొలిచియు,వేడు,ప్ర
వరుని జూచి నంత భయము గలిగె
ఉత్తరుండు తానునొప్పెడు దర్పాన
"కౌరవాళినొంతు ఘనము"ననుచు
పలికె,నచట సేన భరమైన కౌరవ
వరుని జూచి నంత భయము గలిగె
పద్మమందు వీర పార్ధుని సుతుడు తా
ఘనులు కౌరవాళి గాయపరచి
కొట్ట,కౌరవుండు కుందుచు,నా వీర
వరుని జూచి నంత భయము గలిగె
రాయబారి కృష్ణు రయమున గట్టగా
కౌరవుండు తలచె ఘనపు విశ్వ
రూప మదియ గాంచి,రోచిష్మతుడు,యదు
వరుని జూచి నంత భయము గలిగె
పోచిరాజు సుబ్బారావు గారూ,
రిప్లయితొలగించండిమీ పూరణ బాగున్నది. అభినందనలు.
*****
అన్నపరెడ్డి సత్యనారాయణ రెడ్డి గారూ,
మీ పూరణ బాగున్నది. అభినందనలు.
*****
భాగవతుల కృష్ణారావు గారూ,
మీ రెండు పూరణలు బాగున్నవి. అభినందనలు.
*****
మల్లెల సోమనాథ శాస్త్రి గారూ,
మీ నాలుగు పూరణలు బాగున్నవి. అభినందనలు.
కొత్తపెత్తనంబు చిత్తంబు జేరదు
రిప్లయితొలగించండిచిత్తమందు కోర్కె చిగురు దొడగ?
ఇంటికోడలలుసు వెంటాడుఅత్త ఫ
వరుని జూచినంత భయముగలిగె|
కె. ఈశ్వరప్ప గారూ,
రిప్లయితొలగించండి‘అత్త పవరు’తో మీ పూరణ బాగున్నది. అభినందనలు.
కాని... ‘పవరును జూచి’ అనాలి కదా!
చక్కని పూరణలు చేసిన కవివరులందరికీ అభినందనలు.
రిప్లయితొలగించండి