* సమాజములో పెద్దమనిషి గా పేరుపొందిన ఒకతను ఓ పిల్లవాడు చేసిన చిన్న పొరపాటుకే ఉగ్రుడై విపరీతమాటలతో తిడుతూ కర్రెత్తి కొట్టబోయినట్టుగా నూహించి వ్రాసిన పద్యము
నా పద్యాంతమున...."కుందు మీ యెడన్!" అను దానిని "కుందు మిద్ధరన్!" అనవలెననుకొని టైపుచేయు తొందరలో మఱచిపోయితిని. దానిని మఱల నిట్లు ప్రకటించుచుంటిని. పరిశీలింపుఁడు.
"కటకట యిట్టి మాట లనఁగాఁ దగునే? కుటిలాత్మ! యిప్పుడీ వటమట మి ట్లొనర్చి, యిట వైద్యము నేర్చుటె కాక, గాటమౌ గుటగుట గుర్వులన్ గురువు గోసుదె? నీ విఁక రక్కసుండవై యటనట చియ్య నల్ల వస లన్నముగాఁ గొని కుందు మిద్ధరన్!"
* సమాజములో పెద్దమనిషి గా పేరుపొందిన ఒకతను ఓ పిల్లవాడు చేసిన చిన్న పొరపాటుకే ఉగ్రుడై విపరీతమాటలతో తిడుతూ కర్రెత్తి కొట్టబోయినట్టుగా నూహించి వ్రాసిన పద్యము
రిప్లయితొలగించండికటకట యిట్టి మాటలనగా దగునే పొరపాటు నెంచుచున్
కటువుగ మాటలాడుటయు కర్రను చేతధరించి కొట్టబో
వుటయది ధర్మమే? సహన భూషణ ధారిగ కీర్తినొంది నీ
విటులనొ నర్చుటేల,పసి పిల్లలు తప్పులు చేయ కుందురే
ఆంజనేయ శర్మ గారూ,
తొలగించండిమీ పద్యం బాగున్నది. అభినందనలు.
మిత్రులందఱకు నమస్సులు!
రిప్లయితొలగించండి(అల్లసానివారి మనుచరిత్రలో.... వంచనతో నాయుర్వేదవిద్యను నేర్చుకొనుటయే కాక, గురువునుం బరిహసించిన యిందీవరాక్షుని, గురువగు బ్రహ్మమిత్రుం డుగ్రుండై శపించిన ఘట్టము నిట ననుసంధానించుకొనునది)
"కటకట యిట్టి మాట లనఁగాఁ దగునే? కుటిలాత్మ! యిప్పుడీ
వటమట మి ట్లొనర్చి, యిట వైద్యము నేర్చుటె కాక, గాటమౌ
గుటగుట గుర్వులన్ గురువు గోసుదె? నీ విఁక రక్కసుండవై
యటనట చియ్య నల్ల వస లన్నముగాఁ గొని కుందు మీ యెడన్!"
గుండు మధుసూదన్ గారూ,
తొలగించండిపెద్దన వచనానికి చక్కని పద్యరూప మిచ్చారు. పద్యం అద్బుతంగా ఉంది. అభినందనలు.
మధుసూదన్ గారి పద్యానికి ప్రేరణ అయిన పెద్దన వచనం నాకెంతో ఇష్టమైనది. నాకు కంఠస్థం. అది ఇది....
తొలగించండివ. జటిలుండు కిటకిటం బండ్లు గొఱికి హుమ్మని కటమ్ము లదుర ముకుపుటమ్ములు నటింపఁ గటకటా! కుటిలాత్మా! యటమటమ్మున విద్యఁ గొనుటయుంగాక గుటగుటలు గురువుతోనా! యని కటకటం బడి కకపాలలోని బూది కేలం గొని యాసురి యగు మాయ మాయెడం బ్రయోగించి వంచించి యపహసించితివి గావున నసురవై పిశితంబును వసయును నసృగ్రసంబు నశనంబులుగా మెసవి వసుధ వసియింపు మని బసుమంబు సల్ల గుండె జల్లుమని కల్లువడి మునితల్లజు పదపల్లవంబులం ద్రెళ్ళి యిట్లంటి. (మను. 5-19)
ధన్యవాదములు శంకరయ్యగారూ! ఈ వచనము నాకుం గంఠస్థమే! నేనే యిచట నిద్ద మనుకొంటిని. ఇంతలోననే మీర లిచ్చినారు. కృతజ్ఞుఁడను.
తొలగించండినా పద్యాంతమున...."కుందు మీ యెడన్!" అను దానిని "కుందు మిద్ధరన్!" అనవలెననుకొని టైపుచేయు తొందరలో మఱచిపోయితిని. దానిని మఱల నిట్లు ప్రకటించుచుంటిని. పరిశీలింపుఁడు.
"కటకట యిట్టి మాట లనఁగాఁ దగునే? కుటిలాత్మ! యిప్పుడీ
వటమట మి ట్లొనర్చి, యిట వైద్యము నేర్చుటె కాక, గాటమౌ
గుటగుట గుర్వులన్ గురువు గోసుదె? నీ విఁక రక్కసుండవై
యటనట చియ్య నల్ల వస లన్నముగాఁ గొని కుందు మిద్ధరన్!"
స్వస్తి.
కటకట యిట్టి మాట లనగా దగునే మఱి నీకు నిప్పుడు
రిప్లయితొలగించండిన్గ టువుగ మాటలాడ నయగారమ యా రయంగ జెప్పుమా
పటుతర వాక్పటిన్దనరు మాటలు బెక్కులు నైన పల్కుమా
యటుల గుచో బె రున్గున ట యాయువు శ్రీలును సంతుయున్సదా
పోచిరాజు సుబ్బారావు గారూ,
తొలగించండిమీ పద్యం బాగున్నది. అభినందనలు.
పటిమను పటి అన్నారు. వాక్, మాటలు అని పునరుక్తి. ఆ పాదంలో యతి కూడ తప్పింది.
పటుతర సాధుమాటలుసభాస్థలిబెక్కువియైనబల్కుమా
తొలగించండిశిశుపాలుడు ధర్మరాజ రాజసూయ యాగ సభలో కృష్ణుని నిందించు సందర్భము లో భీష్ముడు శిశుపాలుని తో పలికిన మాటలు:
రిప్లయితొలగించండికటకట యిట్టి మాట లనఁగాఁదగునే చెపుమా సభాంతరన్
పటుతర వృద్ద బాంధవ నృపాల గురూత్తమ ధర్మవేదులున్
ఘటికులు వేద శాస్త్ర ఘన కౌశల దర్పిత విప్ర సంఘముల్
ఘటనము సేయ యాగము వికారపు పల్కులు కృష్ణుడోర్చునే
పోచిరాజు కామేశ్వరరావు గారూ,
తొలగించండిమీ పద్యం బాగున్నది. అభినందనలు.
కటకట యిట్టి మాట లనగా దగునే మఱి నీకు నిప్పుడు
రిప్లయితొలగించండిన్గ టువుగ మాటలాడ నయగారమ యా రయంగ జెప్పుమా
పటుతరసాధు మాటలు సభా స్థలి బెక్కువి యైన బల్కుమా
యటుల గుచో బె రుంగున ట యాయువు శ్రీలును సంతుయున్సదా
పోచిరాజు సుబ్బారావు గారూ,
తొలగించండిసవరించిన మీ పద్యం బాగున్నది. అభినందనలు.
‘సభాస్థలిఁ బెక్కులుగాఁగఁ బల్కుమీ’ అనండి.
కటకట యిట్టిమాటలన గాదగునే గజగామినీననున్
రిప్లయితొలగించండిచిటపటలాడబోకుము విచిత్రపు వర్తనవీడుమో సఖీ
నిటలమునందు సంతతము నిన్ను తలంచుచు మోదమొం దెడిన్
పటుతరమైన కౌ గిలిన బంధనచేసి హుషారునీయవే
అన్నపరెడ్డి సత్యనారాయణ రెడ్డి గారూ,
తొలగించండిమీ పద్యం బాగున్నది. అభినందనలు.
‘కౌగిలిని’ అనండి.
పద్యము:-కటకట యిట్టి మాటలనగా దగునే- పతి చాటు దాన నే
రిప్లయితొలగించండినెటు లరుదెంచగా వలయు నిత్తరి నత్త శయించ లేదు నే
నటు నడయాడ నూపురపు నాదము ఘల్లన మ్రోగె. నైననున్
చిటిక నలంకరించుకొని జేరితి నీదరి నందనందనా
కెంబాయి తిమ్మాజీ రావు గారూ,
తొలగించండిమీ పద్యం బాగున్నది. అభినందనలు.
పద్యము:-కటకట యిట్టి మాటలనగా దగునే- పతి చాటు దాన నే
రిప్లయితొలగించండినెటు లరుదెంచగా వలయు నిత్తరి నత్త శయించ లేదు నే
నటు నడయాడ నూపురపు నాదము ఘల్లన మ్రోగె. నైననున్
చిటిక నలంకరించుకొని జేరితి నీదరి నందనందనా
కటకట! యిట్టి మాటలనగా దగునే? వదినమ్మ! దానవుల్
రిప్లయితొలగించండినటనల రామమూర్తి వలె నాదముఁ జేసిన నేనెరుంగనే?
చిటపటలేల? వెళ్ళెదను! జిత్తులమారులు పెక్కురుందురీ
యటవిన! జాగరూకతన నాగుము గీచిన గీతనందునన్!
గుండా వేంకట సుబ్బ సహదేవుడు గారూ,
తొలగించండిమీ పద్యం బాగున్నది. అభినందనలు.
*గు రు మూ ర్తి ఆ చా రి *
రిప్లయితొలగించండికటకట యిట్టిమాట లనగా దగునే యను కర్ణు జూచుచున్
పటపట పన్నులన్ గొరికి భార్గవు డిట్లు శపి౦చె " పొ౦గ. కీ వు + ీ
అటమట మైన రీతి సకలాస్త్ర కళన్ గమని౦చి నాడవే
చటచట బాణముల్ విడువ. జాలక చత్తువు మ౦దబుధ్దివై ,"ి
( అటమటము ; వ౦చనము )
గురుమూర్తి ఆచారి గారూ,
తొలగించండిమీ పద్యం బాగున్నది. అభినందనలు.
కటకట యిట్టి మాట లనఁగాఁ దగునే రణరంగ మందునన్!
రిప్లయితొలగించండిచిటపట జేయు చుంటివి నిషిద్ధము చంపుట బంధులంచునో
దిటవుగ నెంచి చూడుమిట దీటుగ రాజ్యమొ వీరనాకమో
తటపటలాట మానుమిక ధాటిగ కూర్చుము గాండివమ్మునో
కటకట యిట్టి మాటలనఁగాఁ దగునే నడి వీధినందునన్!
రిప్లయితొలగించండికుటిలపు జిహ్వ పేలగను కుండను బ్రద్దలు కొట్టుతీరునన్
పటువగు మోడివర్యునిట భండన మందున చోరుడంచయో!
గుటకలు మ్రింగు రాహులుడ! గుట్టుగ కోర్టుకు దండమిచ్చుచున్