28, మే 2016, శనివారం

సమస్య - 2047 (పద్యములను వ్రాయవలెను...)

కవిమిత్రులారా, 
ఈరోజు పూరించవలసిన సమస్య ఇది...
“పద్యములను వ్రాయవలెను పదుగురు రోయన్”

74 కామెంట్‌లు:

  1. హృద్యం బుగ మెచ్చంగను
    పద్యములను వ్రాయవలెను పదుగురు; రోయన్
    పద్యంబులు వ్యర్థంబని
    పద్యంబులను నిరసించు వారలె యెపుడున్.

    రిప్లయితొలగించండి
  2. అధ్యయనము జేయకనే
    హృద్యము గాపలుకు నంట యోగము నందున్
    సధ్యో జాతుని కరుణను
    పద్యములను వ్రాయవలెను పదుగురు రోయన్

    సధ్యోజాతుడు = శివుడు

    రిప్లయితొలగించండి
    రిప్లయిలు
    1. అక్కయ్యా,
      'రోయన్' ఏ అర్థంలో ప్రయోగించారు?
      చేయక.. అన్నది కళ. కనుక '... జేయకయే' అనండి.
      రెండవ పాదంలో యతి తప్పింది.
      సద్యోజాతుని సధ్యోజాతుని.. అన్నారు.

      తొలగించండి
    2. సద్యోజాతుని కరుణను
      పద్యములను వ్రాయవలెను , పదుగురు రోయన్
      అధ్యయనము జేయకయే
      మద్యము సేవించుచు వ్రాయు మహిమాన్వితమౌ

      తొలగించండి
  3. శుభోదయం !

    ఉద్యమ కారిణి వోలెన్
    పద్యములను వ్రాయవలెను; పదుగురు రోయన్
    విద్యను విడమాకు! భువిన
    సాధ్యము పద్యములు నేర్వ సాధన జేయన్ !


    చీర్స్
    జిలేబి

    రిప్లయితొలగించండి
    రిప్లయిలు
    1. మీ పూరణ బాగున్నది. అభినందనలు.
      'విడమాకు' అనడం గ్రామ్యం. 'విడబోకు' అనండి. 'భువిని' అనడం సాధువు. ఇకారాంత శబ్దం తరువాత 'ని' చేర్చాలి.

      తొలగించండి

    2. ధన్య వాదాలండీ కంది వారు !

      ఆరోగ్యము కుశల మేనా ! విశ్రాంతి తగు పాళ్ళ అవసరం !

      టేక్ కేర్ !

      జిలేబి

      తొలగించండి
  4. హృద్య పద బంధురంబుల
    నుద్యోదిత మహిత భావముప్పొంగంగన్
    విద్యాలంకృత ధీయుత
    పద్యములను వ్రాయవలెను పదుగురు రోయన్!

    రోయు=వెదకు

    రిప్లయితొలగించండి
    రిప్లయిలు
    1. మీ పూరణ బాగున్నది. అభినందనలు.
      'ఉప్పొంగన్'అనడం సాధువు. 'భావ ముప్పొంగ సదా' అనండి.

      తొలగించండి
  5. సేద్యము సేయగ మేధను
    పద్యములను వ్రాయవలెను, పదుగురు రోయన్
    విద్యా ప్రకటన వృథ, నై
    వేద్యము కాదా నిజముగ వేదాగ్రణికిన్||

    రిప్లయితొలగించండి
  6. సద్యోజాతుడు మెచ్చగ
    విద్యల దల్లిని దలచుచు వేడుక తోడన్
    హృద్యంబుగ ధరను నిలుచు
    పద్యములను వ్రాయవలెను పదుగురు రోయన్!!!

    రోయు వెదకు, శోధించు,అరయు

    రిప్లయితొలగించండి
  7. [5/28, 7:51 AM] NVNChary: డా.ఎన్.వి.ఎన్.చారి 9866610429
    ఆద్యంతము రస మయమై
    మద్యంబునుమించి మత్తు మదిలో నిండన్
    సద్యో జాతంబుగ నిక
    పద్యంములను వ్రాయవలెను పదుగురు రోయన్
    [5/28, 8:10 AM] NVNChary: డా.ఎన్.వి.ఎన్.చారి 9866610429
    గద్యము కన్నను సులభము
    హృద్యంబుగ లయనుగూడి హితవరి తానై
    విద్యార్జన సాధనమగు
    పద్యంములను వ్రాయవలెను పదుగురు రోయన్
    [5/28, 8:23 AM] NVNChary: డా.ఎన్.వి.ఎన్.చారి 9866610429
    పద్యము డైలాగు గజలు
    హృద్యము తెలుగాంగ్ల యుర్దు హిందీ లందున్
    చోద్యంబుగ కవు లందరు
    పద్యంములను వ్రాయవలెను పదుగురు రోయన్

    రిప్లయితొలగించండి
    రిప్లయిలు
    1. మీ మూడు పూరణలు బాగున్నవి. అభినందనలు.
      రోయు.. ఏ అర్థంలో ప్రయోగించారు?

      తొలగించండి
  8. అధ్యయ నమ్మును జేయక
    సాధ్యమె కైతల రచనను సాధన జేయన్
    హృద్యముగ ప్రజల మదిగొను
    పద్యములను వ్రాయవలెను పదుగురు రోయన్
    ద- ధ లకు స్వ వర్గజ ప్రాస వేశాను.

    రిప్లయితొలగించండి

  9. హృద్యముగాగవులందరు పద్యములనువ్రాయవలెను,పదుగురురోయన్ విద్యనునవమానించకు విద్యయెమరికూడుబెట్టువిశ్వంబునకున్

    రిప్లయితొలగించండి
    రిప్లయిలు
    1. మీ పూరణ బాగున్నది. అభినందనలు.
      'విద్యల నవమానించకు' అంటే బాగుంటుంది.

      తొలగించండి
  10. పద్యము మనసుకు హృద్యము
    మద్యమ్మునుమాన్పజేయు మహిమే గలుగన్
    చోద్యము నిట్టివి జూచుచు
    పద్యములనువ్రాయవలెను పదుగురురోయన్

    రిప్లయితొలగించండి
    రిప్లయిలు
    1. మీ పూరణ బాగున్నది. అభినందనలు.
      'మనసునకు' అనడం సాధువు. 'పద్య మెడందకు హృద్యము' అనండి.

      తొలగించండి
  11. విద్యలు నేర్చిన యంతట
    గద్యమునకు ఛందము లయగా నిడి వైశా
    రద్యము చాటక, యేలా
    పద్యములను వ్రాయ వలెను పదుగురు రోయన్!
    రోయు = ఏవగించు

    రిప్లయితొలగించండి
  12. చిన్న మార్పులతో రెండవ పద్యం
    విద్యలు నేర్చిన వారలు
    గద్యమునకు ఛందము లయగా నిడి వైశా
    రద్యము చాటుచు , యెన్నో
    పద్యములను వ్రాయ వలెను పదుగురు రోయన్!

    రోయు = ఈర్ష్య పడు

    రిప్లయితొలగించండి
  13. విద్యను సరిపడ నేర్వక
    గద్యమునే నాల్గు వరుస గావ్రాయుచునే
    హృద్యముగ లేక నేలా
    పద్యములను వ్రాయవలెను పదుగురు రోయన్?

    రిప్లయితొలగించండి
    రిప్లయిలు
    1. సమస్యను ప్రశ్నార్థకంగా మార్చిన మీ పూరణ బాగున్నది. అభినందనలు.

      తొలగించండి
  14. మద్యమ్ము గ్రోలిరేమో
    చోద్యముగ కవిని పదుగురు సొట్టనలాడన్
    విద్య,వివేకము నిచ్చెడు
    పద్యములను వ్రాయ వలెను పదుగురు రోయన్!

    రిప్లయితొలగించండి
  15. హృద్యరసాన్విత రీతిం
    బద్యములనువ్రాయవలెను పదుగురు-రోయ
    న్విద్యల నవమానించుటె!
    పద్యపు రుచులం దనివిన పరమాత్ముండౌ!

    రిప్లయితొలగించండి
  16. విద్యలు ఎన్నియొ నేర్చితి
    ఉద్యమ రీతిగ కవిత్వ మొప్పగ నుడువన్
    తధ్యము మెచ్చరు; యికనే
    పద్యములను వ్రాయవలెను పదుగురు రోయన్

    రిప్లయితొలగించండి
    రిప్లయిలు
    1. మీ పూరణ బాగున్నది. అభినందనలు.
      ‘విద్యల నెన్నియొ నేర్చితి నుద్యమ... మెచ్చరు మరి నే..’ అనండి. (మెచ్చరు+ఇక అన్నపుడు యడాగమం రాదు)

      తొలగించండి
  17. సేద్యముజేసిన పగిదిని
    పద్యములను వ్రాయవలెను -పదుగురురోయన్
    విద్యలనేర్వక యుండుట
    సద్యశములనెల్ల కోరి చంపుటకాదే!

    రిప్లయితొలగించండి
  18. సరస కవితా విశారదులు శంకరయ్యగారికి నమస్సులు. మీరాక వలన ఆరోగ్యం కుదుటబడినట్లు భావిస్తున్నాము. సంతోషము.

    రిప్లయితొలగించండి
    రిప్లయిలు
    1. ధన్యవాదాలండీ! ఇంకా పూర్తిగా కోలుకోలేదు. ఒంటినొప్పులు, నీరసం అలాగే ఉన్నాయి.

      తొలగించండి
  19. హృద్యముగను మది నిలిచే
    పద్యములను వ్రాయవలెను,
    పదుగురు రోయన్
    గద్యము నిండియు నీరస
    పద్యములను వ్రాసినచో పాడియు గలదే

    రిప్లయితొలగించండి
    రిప్లయిలు
    1. మీ పూరణ బాగున్నది. అభినందనలు.
      ‘నిలిచే’ అనడం వ్యావహారికం. ‘నిలిచెడి’ అనండి. ‘వ్రాసినచో’ అన్నచోట గణదోషం. ‘వ్రాయ బూన పాడియు గలదే’ అనండి.

      తొలగించండి
  20. ఆద్యంతము సంక్లిష్టము
    విద్యావంతులిటు రాష్ట్ర విభజన జేయన్
    చోద్యంపు ఘాతుకముపై
    పద్యములను వ్రాయవలెను పదుగురు రోయన్!

    రిప్లయితొలగించండి
  21. రిప్లయిలు
    1. సద్యఃఫల దాయకములు
      విద్యాధికుల కవనౌఘ విజ్ఞాన నిధుల్
      హృద్యముగ నిగూఢార్థపు
      పద్యములను వ్రాయవలెను పదుగురు రోయన్
      [రోయు = వెదకు]

      తొలగించండి
    2. మీ పూరణ బాగున్నది. అభినందనలు.

      తొలగించండి
  22. విద్యావశ్యకతను ప్రతి

    విద్యార్ధికి విశదపరచు విధముగ కవులున్

    హృద్యముగా మది నిలిచెడు

    పద్యములను వ్రాయవలెను పదుగురు రోయన్.

    రోయు = వెదకు


    రిప్లయితొలగించండి
  23. సేద్యంబును చేయుచు యన
    వద్యంబగు రచన జేయు పోతన వోలెన్
    సద్యంబున హృద్యంబగు
    పద్యంబుల వ్రాయవలెను పదుగురు రోయన్

    ఈర్ష్య అనే అర్థంలో వాడియున్నాను.

    రిప్లయితొలగించండి
    రిప్లయిలు
    1. మీ పూరణ బాగున్నది. అభినందనలు.
      ‘చేయుచు ననవద్యంబగు...’ అనండి.

      తొలగించండి
    2. గురువుగారూ, సవరణకి ధన్యవాదములు. మీ ఆరోగ్యం కుదుట పడినట్లు తలుస్తాను.

      తొలగించండి
  24. పద్యము సంగీత మునకు
    హృద్యమమగు సాధనమ్ము ; హిందోళము నై
    వేద్యము గా గాయకులన
    పద్యములను వ్రాయవలెను పదుగురు రోయన్

    గద్యము కన్నను పద్యము
    నుద్యమముగ రచన చేయ నోర్వగ లేకన్
    పద్య విరోధులు పరుగిడ
    పద్యములను వ్రాయవలెను పదుగురు రోయన్

    రిప్లయితొలగించండి
  25. హృద్యమగు పద్యము c జదువ
    ఆద్యంతము రోయు జనులు యానందమునన్,
    చోద్యము జూడంగ నిచట
    పద్యములను వ్రాయ వలెను పదుగురు రోయన్
    కొరుప్రోలు రాధాకృష్ణ రావు

    రిప్లయితొలగించండి
    రిప్లయిలు
    1. మీ పూరణ బాగున్నది. అభినందనలు.
      ‘జనులు+ఆనందమునన్’ అన్నపుడు యడాగమం రాదు. ‘రోసెడి జను లానందమునన్’ అనండి.

      తొలగించండి
  26. నా రెండవ పూరణము.

    మద్యము వరకట్నము గొను

    నధ్యాయంబుల చరితను నంతము చేయ

    న్నాద్యంతము నిరసించుచు

    పద్యములను వ్రాయవలెను పదుగురు రోయన్.

    రిప్లయితొలగించండి
  27. విద్యార్థు లెంద రున్నను
    పద్యములను వ్రాయవలెను పదుగురు, రోయన్
    గద్యము వలె చదివెడు యా
    విద్యార్థికి కఠిన శిక్ష వేయగ వలయున్ .

    హృద్యముగా చదవ వలెను
    పద్యములను, వ్రాయవలెను, పదుగురు రోయన్
    విద్యాహీనులు, సైపుము
    విద్యాధికులే పొగడెడు విధమున సుమ్మీ.

    విద్యలు నేర్చిన చాలదు
    పద్యములను వ్రాయవలెను, పదుగురు రోయన్
    విద్యాధికుడే బెదరక
    హృద్యముగా జదవగలడు శృతిదప్పకనే

    రిప్లయితొలగించండి
    రిప్లయిలు
    1. మీ మూడు పూరణలు బాగున్నవి. అభినందనలు.
      మొదటి పూరణలో ‘చదివెడు నా...’ అనండి.

      తొలగించండి
  28. హృద్యముగ జనులు మెచ్చగ
    పద్యములను వ్రాయవలెను పదుగురు రోయన్
    పద్యంబు లెచటి వనుచును
    నధ్యయనము చేయవలయు నవనిని వారున్.

    2.విద్యల తల్లికి మ్రొక్కుచు
    పద్యములను వ్రాయవలెను :పదుగురురోయన్
    పద్యములనువ్రాయదలచ
    తద్యము జనులచె సతతము తప్పవు నిందల్

    రిప్లయితొలగించండి
    రిప్లయిలు
    1. మీ రెండు పూరణలు బాగున్నవి. అభినందనలు.
      ‘జనులచె’ అని చే ప్రత్యయాన్ని హ్రస్వంగా వ్రాయరాదు.

      తొలగించండి
  29. .పద్యంబన?యతి,ప్రాసలు
    విద్యలలో యిమిడియుండి|వినయమునందే
    ఉద్యమమౌ |సరిలేకను
    పద్యములను వ్రాయవలెను పదుగురు రోయన్|
    2.------------మధ్యాక్కర----------
    పద్యముబాడగ?మనసు పాపయ శాస్త్రిని దలచు
    హృద్యమువిలవిలలాడు|”హృదయము పుష్ప విలాప
    పద్యాల నడకెంచి జేయ?పదగుంభన ప,దని,స,లుగ
    పద్యములను వ్రాయవలెను పదుగురు రోయన్ వినగనె|


    రిప్లయితొలగించండి
    రిప్లయిలు
    1. మీ రెండు పూరణలు బాగున్నవి. అభినందనలు.
      మొదటిపూరణలో ‘విద్యలలో నిమిడియుండి’ అనండి.
      రెండవపూరణలో ‘నడక+ఎంచి’ అన్నపుడు ‘నడక యెంచి/ నడక నెంచి’ అవురుంది. సంధి లేదు.

      తొలగించండి
  30. నా రెండవ పూరణము

    విద్యను బడయుము ఘనముగ
    నుద్యమ పథమందు సాగు యువకుని వోలెన్
    విద్యుక్తమైన రీతిని
    పద్యములను వ్రాయవలెను పదుగురు రోయన్!

    రిప్లయితొలగించండి
  31. ఈ కామెంట్‌ను రచయిత తీసివేశారు.

    రిప్లయితొలగించండి
  32. విద్యలు గరపిన యొజ్జల,
    వేద్యుల,మాతాపితరుల వేధింపుచు నా
    యాద్యుని సేవించినచో
    పద్యములను వ్రాయవలెను పదుగురు రోయన్

    రిప్లయితొలగించండి
  33. కవిమిత్రులారా,
    నా ఆరోగ్యం కొంతవరకు మెరుగుపడింది. కాకుంటే నీరసంగా ఉంది.
    ఏరోజు బ్లాగులో ‘పద్యరచన, ఖండకావ్యము’ శీర్షికలు కనిపిస్తాయో ఆరోజు నేను సంపూర్ణంగా స్వస్థతను పొందినట్టు లెక్క!

    రిప్లయితొలగించండి
  34. మిత్రులందఱకు నమస్సులు!

    [నేఁటి పద్యకవుల దుఃస్థితి దినదినము పద్య కవిత్వమునుండి వచన కవిత్వమునకు దిగజారుతున్నది. ఇచ్చటఁ బదుగురన, వచన కవితను మెచ్చని పలువురు సంప్రదాయిక పద్య కవులు నని యన్వయము]

    సద్యశము గలుగఁ గవు లిఁకఁ
    బద్యము విడనాడి యన్యభాషోద్యద్దు
    ర్భేద్య ససాంకర్య వచన

    పద్యములను వ్రాయవలెను పదుగురు రోయన్!

    రిప్లయితొలగించండి
  35. నా రెండవ పూరణము:

    సద్యః ప్రఖ్యులగుటకుఁ గు
    విద్యల్ దగఁ గొనిన దుర్వివేచక కవి దు
    ర్భేద్యుల భరతము పట్టఁగఁ

    బద్యములను వ్రాయవలెను పదుగురు రోయన్!

    రిప్లయితొలగించండి

  36. హృద్యమ భావాన్వితముగ
    సాధ్యంబగునంత వరకు సరసోన్నతితోన్
    పద్యముల వ్రాయు మెందుకు
    పద్యములను వ్రాయవలెను పదుగురు రోయన్

    రిప్లయితొలగించండి
  37. స్వానుభవము:

    ఊద్యోగము ముండనమై
    సద్యశమునుగోరి చదువు చంకను నాకన్
    చోద్యమ్మౌ రవములతో
    పద్యములను వ్రాయవలెను పదుగురు రోయన్ :)

    రిప్లయితొలగించండి