10, జులై 2010, శనివారం

దత్త పది - 4

కవి మిత్రులారా!
ఈ రోజు దత్తపది ఇస్తున్నాను. క్రింది పదాలను ఉపయోగిస్తూ "ఎన్నికల కోలాహలం" విషయంగా మీకు నచ్చిన ఛందస్సులో పద్యం వ్రాయండి.
అర, చెర, తెర, మర.

22 కామెంట్‌లు:

  1. అరచేతిని స్వర్గములట
    తెర లేపిరి అనృతములకు, తిట్లాటలకున్
    చెర బట్టినారు జాతిని
    మరతురు పోలింగు లైన మరుసటి రోజే

    రిప్లయితొలగించండి
  2. హరి దోర్నాల గారూ,
    నేను ఊహించనంత గొప్పగా దత్తపదిని సాధించారు. చాలా బాగుంది. హృదయపూర్వక ధన్యవాదాలు.

    రిప్లయితొలగించండి
  3. హరి దోర్నాల: పద్యం చాలా బాగుందండి.

    రిప్లయితొలగించండి
  4. కంది శంకరయ్య గారు, చదువరి గారు, జిగురు సత్య నారాయణ గారు

    ధన్యవాదాలు.

    రిప్లయితొలగించండి
  5. అరఁగులమర వాతెఱ విప్పె చెరచెరగను
    మరతెరలేచె రణమునకు మనుజలర
    మరణపునరణి చెరలాడి తెరలు చుండె
    అరమరలు దీర్ప చెచ్చెర తెరలి రమ్ము!!

    అరఁగు = వేదిక;
    అమర = ఒప్పునట్లు;
    వాతెఱ = పెదవి;
    చెరచెర = వెంటనే
    మనుజలరయ = మనుజులు + అరయ = ప్రజలు చూస్తుండగా
    మరణపునరణి = మరణము + అరణి = మరణము అనే అగ్నిని పుట్టించేది.
    చెరలాడి = సంచరిస్తూ
    తెరలు చుండె = తెర్లు చుండె = ఉడికిపోతుంది
    అరమరలు = సందేహాలు
    చెచ్చెర = శ్రీఘ్రనుగా
    తెరలి రమ్ము = బలుదేరి రమ్ము.

    రిప్లయితొలగించండి
  6. Typos
    చెచ్చెర = శీఘ్రముగా
    తెరలి రమ్ము = బయలుదేరి రమ్ము.

    రిప్లయితొలగించండి
  7. హరి దోర్నాల యొకండె దత్తపది నత్యంత ప్రశంసార్హతన్
    పరిపూర్తిం గనఁ జూచె భావముల సంపత్ స్ఫూర్తితో మేలనన్
    స్మరియింతున్ కవిలోకమున్ ఘన సమస్యాపూరణం బుత్సుకన్
    త్వరగాఁ బంపెడి వార లేలనొ ప్రతిస్పందించ రయ్యో? హరీ!

    రిప్లయితొలగించండి
  8. శంకరయ్య గారు,
    నేను పంపిన పూరణ కనపడటము లేదు. అది మీకు అంద లేదా? ఎమైనా Technical Issues ఉన్నయేమో!!

    రిప్లయితొలగించండి
  9. అరచేతను స్వర్గము కలదని
    చెరబట్టుకు బడుగు మనుజుల చేకొని పోవన్
    తెరపడదు కుటిలము నకెన్నడు
    మర్మము లెరిగిన నియతలు మాంత్రికులేగా

    నమస్కారములు. పొరబడితే ఏముంది ? మామూలేగా ? [ అందుకె ముందుగా ]ధన్య వాదములు

    రిప్లయితొలగించండి
  10. నేదునూరి రాజేశ్వరి గారూ,
    భావం బాగున్నా పద్యంలో గణదోషా లున్నాయి. నాల్గవ పాదంలో ప్రాస తప్పింది. ఏమయితే నేం? అభినందనలు. సవరించిన పద్యం ఇది ....

    అరచేత స్వర్గ ముందని
    చెరబట్టుకు బడుగు జనులఁ జేకొని పోవన్
    తెర పడదు కుటిలమున కర
    మర లెఱుఁగు నియంతలు గన మాంత్రికులేగా!

    రిప్లయితొలగించండి
  11. నా పూరణ -

    అరచుచు, వోటడుగుచు క
    త్తెర పడని నినాదరవము దిమ్మదిరుగఁ జె
    చ్చెర నోటు, మద్య మొసఁగుచు
    మరల మరల నావృతమయి మరపించునులే!

    రిప్లయితొలగించండి
  12. జిగురు సత్యనారాయణ గారూ,
    నన్ను మీరు క్షమించాలి. మీ పూరణ నాకు మెయిల్ లో కనిపించలేదు. అది నేరుగా మాడరేషన్ లోకి వెళ్ళింది. మీరన్నట్లు టెక్నికల్ ప్రాబ్లమే. వెతికితే దొరికింది.
    మీ పూరణ బాగుంది. అచ్చ తెలుగు పద్యం చదివిన అనుభూతి కలిగింది. ధన్యవాదాలు. మీ పూరణ కనిపించక హరి దోర్నాల ఒక్కరే పంపించారని బావించి పద్యం వ్రాసాను. మరో మారు క్షంతవ్యుణ్ణి.
    "మరల తెరలేచె రణమునకు మనుజలరయ" అన్న పాదంలో గణదోషం ఉంది. రణమునకు అన్న చోట "కు" ఎక్కువయింది. దానిని ఇలా సవరిస్తే సరిపోతుంది. "మరల తెరలేచె రణమున కరయ జనులు" ... ఏమంటారు?

    రిప్లయితొలగించండి
  13. సత్యనారాయణ గారి పద్యం ఏ ఛందస్సండి? నాకు అలాంటి యమకంలోే పద్యం అల్లాలనిపించింది, భాష, భావం కుదరడం లేదు.

    రిప్లయితొలగించండి
  14. రవి గారూ,
    అది "తేటగీతి" కదండీ. మీరు సరిగా గమనించినట్టు లేదు.

    రిప్లయితొలగించండి
  15. శంకరయ్యగారు,
    అందరి పూరణలు బాగున్నాయి. సమాయాభావం వల్ల నేను పూరించలేకపోతున్నాను.
    మరొక విషయం. నేను 'గొడుగు కలిగి కూడ తడిసినాడు' సమస్య పూరించి 8వ తారీఖు పంపానండి. కనిపించలేదు.

    రిప్లయితొలగించండి
  16. శంకరయ్య గారు,
    సవరణకు ధన్యవాదాలండి. మొదట "మరల తెరలేచె రణముకు మనుజలరయ" అనే వ్రాసుకున్న. పద్యము Fair చేసెటప్పుడు అదనముగ "న" వచ్చింది. కాని మీ సవరణ నేను వ్రాసుకున్న దాని కంటే బాగుంది.

    రిప్లయితొలగించండి
  17. అరమర యేలరా? మదిని హాయిగ నన్గని కావ నీశ్వరా!
    చెరచెర రాగదే కృపను? శ్రీకర సత్పద సేవఁ జేతునం
    తె; రహి వహింతునయ్య!నిను తిన్నగ చేరుచు.దుష్టునైన నన్
    మరలిచి; కావుమయ్య! శుభమార్గ ప్రదీపక! వేణు గోపకా!

    రిప్లయితొలగించండి
  18. అందరికీ వందనములు !
    అందరి పూరణలూ అలరించు చున్నవి !

    నేటి రాజకీయ నాయకులు :
    01)
    _____________________________________

    అరయగ నందరు నొకటే
    తెర మరుగున సంపదలను - తిందురు గానీ
    చెర విడిపింపరు దీనుల
    మరల మరల నెన్నికగుచు - మాయల మాటల్ !
    _____________________________________
    చెర = దారిద్ర్యపు చెర

    రిప్లయితొలగించండి
  19. వసంత కిశోర్ గారూ,
    చాలా బాగుంది మీ పూరణ. అభినందనలు.

    రిప్లయితొలగించండి