2, డిసెంబర్ 2012, ఆదివారం

సమస్యా పూరణం - 894 (గ్రహణకాలమ్మునఁ దినిన)

కవిమిత్రులారా,
ఈరోజు పూరించవలసిన సమస్య ఇది ...
గ్రహణకాలమ్మునఁ దినినఁ గలుఁగు మేలు. 

19 కామెంట్‌లు:

  1. గ్రహణ కాలమ్మున దినిన గలుగు మేలు
    మేలనుట దప్పు కద జంతు జాలములును
    తినవు, తినినచో నెవరేని దీర్ఘ కాల
    రోగముల పాలగుట లెస్స లోకమందు

    రిప్లయితొలగించండి
  2. వంటకములెల్లపుడు చల్ల బఱచ నేల?
    వేడి గా భుజియింపుమా ప్రీతితోడ.
    పత్ని వడ్డన జేయగ పతియును పరి
    గ్రహణ కాలమ్మునఁ దినినఁ గలుగు మేలు.

    పరిగ్రహణము = స్వీకరించుట (వెంటనే తినమనుట.)

    దైవమును భక్తి తోడను దలచి నామ
    స్మరణ చేయదగు నాయనా, జపము జేయి
    గ్రహణ కాలమ్మునఁ; దినినఁ గలుగు మేలు
    గ్రహణ స్నానము పిదపయె గనుము బాల.

    రిప్లయితొలగించండి
  3. Brahmanunemaata kanuka oo ! baava, paaNe
    grahaNa kaalammuna dinina galugu mealu
    yakka yemgili maamumdu haaye gaanu
    thinuduyanuchu maradalechye theepi laddu

    రిప్లయితొలగించండి
  4. గ్రహణ కాల మ్మున దినిన గలుగు మేలు
    ననుట సరి కాదు నరయగ నార్యు లార !
    కడుపు నొప్పులు మఱియును గాలు నొప్పి
    వివిధ రకముల రోగంబు లవియు వచ్చు .

    రిప్లయితొలగించండి
  5. అమ్మా! లక్ష్మీ దేవి గారూ! శుభాశీస్సులు.
    మీ పద్యములో నామ స్మరణ అనే సమాసమును వాడేరు. అందులో నామ అనే పదములో మ గురువు అగును కదా. గణభంగము అగును కాబట్టి కొంచెము మార్చండి. స్వస్తి.

    రిప్లయితొలగించండి
  6. ధాతు పుష్టిని జేయును దంపతులకు
    మంగళ ప్రదమై యొప్పు మహిత రీతి
    సుమధు పర్కము దివ్యము సూ! కరముల
    గ్రహణ కాలమ్మున దినిన గలుగు మేలు.

    రిప్లయితొలగించండి
  7. సాంప్ర దాయమున్ గాదని సణగు వారు
    'గ్రహణ కాలమ్మునఁ దినిన గలుఁగు మేలు'
    మేము తినెదము రండని గోము గనరె!
    ఋషుల వాక్కులు వలయునా ఋజువు లికట?

    రిప్లయితొలగించండి
  8. " గ్రహణ కాలమ్మున దినిన కలుగు మేలు "
    అనుట యనుచితంబని జ్ఞాను లందు రెపుడు
    సమ్మతించరు విజ్ఞాన శాస్త్ర బుధులు
    కీడు మేలేది లేదంద్రు కూడు తినిన

    రిప్లయితొలగించండి
  9. అయ్యా,
    ధన్యవాదములు. ఆ పాదమును ఇట్లు సవరించి.....

    దైవమును భక్తి తోడను దలచి కొనుచు

    గమనించగలరని వినతి చేయుచున్నాను.

    రిప్లయితొలగించండి
  10. తలచికొనుచు, స్మరణ చేయుచు అని పునరుక్తి అవుతున్నది. గ్రహణ స్నానమును కూడా మార్చి...
    ఈ విధముగా మార్చి ప్రచురిస్తున్నాను.

    దైవమును భక్తి తోడ మోదమలరంగ
    స్మరణ చేయదగు నాయనా, జపము జేయి
    గ్రహణ కాలమ్మునఁ; దినినఁ గలుగు మేలు
    గ్రహణము పిదప స్నానపు క్రమము వెనుక.

    రిప్లయితొలగించండి
  11. నిండు చూలాలు కదలక నుండు నెపుడు?
    దైవ సుప్రసాదఫలంబు దక్కునెటుల?
    ఘనులతో మైత్రి చేసిన కలుగు నేమి?
    గ్రహణ కాలమ్మునఁ దినినఁ గలుగు మేలు.

    ఈ క్రింది సమస్యను పూరణ చేయమని ఒక కవిమిత్రులడిగిరి. శంకరయ్యగారివైపు చూస్తున్నాను.ఏమి చేస్తారోనని.
    "అల్లుడు మామపై కినిసి అక్కట!ఎక్కునె అల్కపాన్పుపై"
    అజ్ఞాతగారూ! lekhini.org అని బ్రౌజ్ చేస్తే లేఖిని వస్తుంది. దానిలో పైనున్న పెట్టెలో మీరు ఆంగ్లంలో వ్రాస్తే క్రొందనున్న పెట్టెలో తెలుగులో కనిపిస్తుంది. దానిని సేవ్ చేసి, మనకు కావలసిన చోట పేష్ట్ చేస్తే తెలుగులో మీ అభిప్రాయం వెలువరించినట్లౌతుంది. మీకు తెలిదేమోననే భావనతో వ్రాస్తున్నానంతే. తప్పైతే శంకరయ్య గారు మన్నించ గలరు. నమస్తే.

    రిప్లయితొలగించండి
  12. బ్రాహ్మణుని మాట గనుక ఓ బావ పాణి
    గ్రహణ కాలమ్మున దినిన గలుగు మేలు
    యక్క ఎంగిలి మాముఒదు హాయిగాను
    దినుదుయనుచు మరదలిచ్హె తీపి లడ్డు

    రిప్లయితొలగించండి
  13. బ్రాహ్మణుని మాట గనుక ఓ బావ పాణి
    గ్రహణ కాలమ్మున దినిన గలుగు మేలు
    యక్క ఎంగిలి మాముఒదు హాయిగాను
    దినుదుయనుచు మరదలిచ్హె తీపి లడ్డు

    రిప్లయితొలగించండి
  14. గోఘృతము శరీరమునకు కుశల మన్ని
    వేళలఁ దినదగు మరి వివిధ విశేష
    ఫల మిచ్చునది ప్రకృతి వైద్య పథ్య
    గ్రహణకాలమ్మునఁ దినినఁ గలుఁగు మేలు.

    రిప్లయితొలగించండి
  15. శ్రీ చింతా వారి సమస్యకి నా పూరణ, హాస్యోక్తిగా:
    చెల్లెలి పెళ్ళికిన్ వలయు చిన్నము బంగరు టుంగరంబు నే
    మెల్లగ నాదు మామకును మెల్కెలు వేయుచు పట్టఁజూడ నా
    తల్లియు మందలించె నను దండుగ మాటలు మానుమింకరో
    "అల్లుడు మామపై కినిసి అక్కట!ఎక్కునె అల్కపాన్పుపై"

    రిప్లయితొలగించండి
  16. రజత పళ్ళెర ముననవ రసము లొలుక
    కలసి భుజియింప భాగ్యము కలుగు ననుచు
    నొకటియై సుఖముల శాంతి నొంద పాణి
    గ్రహణ కాలమ్మున దినిన గలుగు మేలు !

    రిప్లయితొలగించండి
  17. క్షమించాలి నేను సరిగా గమనించ లేదు " మా అబ్బాయి మెయిల్ ఐ డి . లోంచి వచ్చింది .ఇక మళ్ళీ నేను సైన్ ఔట్ చేయ లేదు

    రిప్లయితొలగించండి
  18. సమస్యకు చక్కని పూరణలు అందజేసిన కవిమిత్రులు...
    పండిత నేమాని వారికి,
    లక్ష్మీదేవి గారికి,
    అజ్ఞాత గారికి,
    సుబ్బారావు గారికి,
    మిస్సన్న గారికి,
    సహదేవుడు గారికి,
    గండూరి లక్ష్మినారాయణ గారికి,
    చింతా రామకృష్ణారావు గారికి,
    చంద్రశేఖర్ గారికి,
    రాజేశ్వరి అక్కయ్య గారికి,
    అభినందనలు, ధన్యవాదములు.
    *
    చింతా వారూ,
    మీ రిచ్చిన సమస్యను మొన్ననే చూసాను.
    ఈ మధ్య తీరిక లేని పనుల వల్ల సమయం చిక్కడంలేదు, పైగా ఆరోగ్యం బాగుండడం లేదు. వీలైనంత త్వరగా మీ సమస్యకు నా పూరణ అందజేస్తాను. ధన్యవాదాలు.
    ‘మన తెలుగు’ చంద్రశేఖర్ గారు మీ సమస్యకు ఒక పూరణ అందించారు. చూసారా?

    రిప్లయితొలగించండి