కవిమిత్రులారా,
ఈరోజు పూరించవలసిన సమస్య ఇది...
హలమున రాఘవుఁడు రాక్షసాధిపుఁ జంపెన్.
ఈ సమస్యను సూచించిన డా. విష్ణునందన్ గారికి ధన్యవాదాలు.
ఈరోజు పూరించవలసిన సమస్య ఇది...
హలమున రాఘవుఁడు రాక్షసాధిపుఁ జంపెన్.
ఈ సమస్యను సూచించిన డా. విష్ణునందన్ గారికి ధన్యవాదాలు.
నిజానికి వారిచ్చిన సమస్య
హలమున రాఘవుండు దనుజాధిపుఁ జంపెను సంగరంబునన్.
(దీనినికూడా ప్రయత్నించవచ్చు)
(దీనినికూడా ప్రయత్నించవచ్చు)
కలలందున రావణునకు
రిప్లయితొలగించండిహలమున రాఘవుడు రాక్ష సాధిపు జంపెన్
బలవంతుడ ననుజంపగ
నిలలో నరునికి తరమౌనె నెవ్విధి నైనన్
బలరిపు ముఖ్యామరతతి
రిప్లయితొలగించండియలరగ నస్త్రమును వేసి యతి తీవ్రమహో
జ్జ్వల సంగర భువి కోలా
హలమున రాఘవుడు రాక్షసాధిపు జంపెన్
కలతను బెట్టిన వానిని
రిప్లయితొలగించండినెలతను చెరబట్టి యనిని నెరపెడు వానిన్
బలమంతయు బడ హాలా
హలమున రాఘవుఁడు రాక్షసాధిపుఁ జంపెన్.
రిప్లయితొలగించండినిలబడి క్షేత్రమంతటను నీరసమందక పంట నీయగా
పొలమును దున్ను వేళ మరి పుట్టిన వ్యర్ధపు మొక్కలెన్నియో
యలయక మట్టుబెట్ట సరి హాలికుడెట్టుల దీసివేయునో
హలమున, రాఘవుండు దనుజాధిపుఁ జంపెను సంగరంబునన్
రిప్లయితొలగించండినిలబడి క్షేత్రమంతటను నీరసమందక పంట నీయగా
పొలమును దున్ను వేళ మరి పుట్టిన వ్యర్ధపు మొక్కనెట్టులో
యలయక మట్టుబెట్ట సరి హాలికుడెట్టుల దీసివేయునో
హలమున, రాఘవుండు దనుజాధిపుఁ జంపెను సంగరంబునన్
బలరాముండని సలుపును
రిప్లయితొలగించండిహలమున, రాఘవుడు రాక్షసాధిపు జంపెన్
బలవంతమ్మున నాతని
చెలియను గొనిపోయె గాన, చేటును గనకన్
బల రాముడు గూల్చె రిపుల
రిప్లయితొలగించండిహలమున; రాఘవుఁడు రాక్షసాధిపుఁ జంపెన్
పలు శస్త్రా స్త్రములు వదలి
కలు షాత్ముడు రావణుండు కన్నులు మూయన్
బలరామ !చంపు రిపులను
రిప్లయితొలగించండిహలమున, రాఘవుడు రాక్షసాధిపు జంపెన్
బలమగు కోదండం బున
బలమదమున నెగయు నట్టి రావణు దనుజున్
శ్రీ పండిత నేమాని గారి పూరణ అత్యుత్తమం
రిప్లయితొలగించండిబల వంతుడ నేనే యను
తల బిరుసున చెరను బెట్ట తన సీతను ధీ
బలుడై ,వానర కోలా
హలమున రాఘవుడు రాక్షసాధిపు జంపెన్ !!!
బలరాముడు ద్రుంచె రిపుల
హలమున;రాఘవుడు రాక్షసాధిపుజంపెన్
విలసిత కోదండముతో
నలచక్రాహతునిజేసె హరిశిశుపాలున్ !!!
లలనా మణి సీతమ్మని
రిప్లయితొలగించండిబలవంతుడు రావణుండ పహరించుటచే
కలుడా తనితో జరిగిన
హలమున రాఘవుడు రాక్షసాధిపు జంపెన్.
కులసతిఁ జెరబట్టి దనుజ
రిప్లయితొలగించండిబలగర్వమునన్ వరించ బంధీ చేయన్
దలపడి సంగర కోలా
హలమున రాఘవుఁడు రాక్షసాధిపు జంపెన్
మిత్రులాఅ! శుభాశీస్సులు.
రిప్లయితొలగించండిఈ నాటి పూరణలు అన్నియును బాగుగ నున్నవి.
అందరికి అభినందనలు.
కొన్ని సూచనలు:
శ్రీమతి రాజేశ్వరి గారు:
మీ పద్యము బాగుగ నున్నది. అభినందనలు.
4వ పాదములో ఒక అక్షరము ఎక్కువగ నున్నది. టైపు పొరపాటు కావచ్చు. నరునికి బదులుగా నరుని అందాము.
శ్రీ గోలి హనుమఛ్ఛాస్త్రి గారు:
మీ పద్యములు 2 బాగుగ నున్నవి. అభినందనలు.
1వ పద్యములో హాలహలముతో జంపెను అనుటను మార్చితే బాగుండునేమో?
2వ పద్యములో ఆఖరిలో ఎక్కడైన "అటులనే" అంటే అన్వయము పూర్తి అగును.
శ్రీ అన్నపరెడ్డి సత్యనారాయణ రెడ్డి గారు:
మీ పద్యము బాగుగ నున్నది. అభినందనలు.
పద్యము చివరలో గనకన్ అనే కంటే గనకే అంటే బాగుంటుంది.
శ్రీ మంద పీతాంబర్ గారు:
మీ ప్రశంసలకు మా సంతోషము.
పూజ్య గురుదేవులు పండిత నేమాని గారికి నమస్సులు. తమరి సవరణలకు కృతజ్ఞతలు.
రిప్లయితొలగించండి
రిప్లయితొలగించండినిలబడి దేవ గణంబులు
తిలకించిరి కాంక్షతోడ దివినల్దెసలన్
ఇల బెదరను కదనకుతూ
హలమున, రాఘవుడు రాక్షసాధిపు జంపెన్
క్రమాలంకారము
రిప్లయితొలగించండిపొలమును రైతెటు దున్నును?
బలిమిని సీతమ్మ చేయి పట్టినదెవరో?
ఇల రాముండెవని దునిమె?
హలమున; రాఘవుడు; రాక్షసాధిపు జంపెన్
మల్లెల సోమనాధ శాస్త్రి గారి పూరణలు
రిప్లయితొలగించండిచెలగుచు లంకకు వారధి
కలిపియు,వానర బలముల ఘనుడగు వీరుం
డలయక,కీశుల కోలా
హలమున రాఘవుడు రాక్షసాధిపు జంపెన్
చలమున రావణుండువెస జానకి నెత్తుక పోవ,సాయమై
బలమునగాక మారిచుడు బంగరులేడిగ మారగా,కుతూ
హలమున రాఘవుండు దనుజాధిపు జంపెను-సంగరంబునన్
బలమున రావణున్ దునిమె వానరసేనయె తోడుగా తగన్
ఈ కామెంట్‌ను రచయిత తీసివేశారు.
రిప్లయితొలగించండిఇల సీతమ్మను రావణు
రిప్లయితొలగించండిడలవోకగ నపహరించి యారడి పెట్టన్
బలగర్వమణచివేయగ
హలమున రాఘవుడు రాక్షసాధిపు జంపెన్!
శ్రీ నేమాని వారికి ధన్యవాదములు.
రిప్లయితొలగించండిమీ సూచన మేరకు సవరణలు చేయుచున్నాను.
కలతను బెట్టిన వానిని
నెలతను చెరబట్టి యనిని నెరపెడు వానిన్
తలలన్నియు బడ కోలా
హలమున రాఘవుఁడు రాక్షసాధిపుఁ జంపెన్.
నిలబడి క్షేత్రమంతటను నీరసమందక పంట నీయగా
పొలమును దున్ను వేళ మరి పుట్టిన వ్యర్ధపు మొక్కనెట్టులో
యలయక మట్టుబెట్ట సరి హాలికుడే భువి గూల్చినట్టులే
హలమున, రాఘవుండు దనుజాధిపుఁ జంపెను సంగరంబునన్
పూరణలు, పద్యాలు వ్రాసిన కవిమిత్రులందరికీ అభినందనలు, ధన్యవాదాలు.
రిప్లయితొలగించండినా ఆరోగ్యం ఇంకా కుదుటపడలేదు. రేపటి సమస్యను, పద్యరచనను మాత్రం షెడ్యూల్ చేయగలిగాను. మీ పద్యాలపై స్పందించలేకపోతున్నందుకు మన్నించండి.
రిప్లయితొలగించండి'కలవరపాటు కూడదిక కాంత! త్వదీయ విభుండు కోతిమూ
కలగొని కట్టి వారధిని గమ్మున లంకకు జేరె, తీవ్రమౌ
హలమున రాఘవుండు దనుజాధిపుఁ జంపెను, సంగరంబునన్
నలిపితి మెల్ల రక్కసుల నల్లుల వోలె' సమీరి వాకొనెన్.
(హలము = కయ్యము)
విలువలు లేని వాని వలె బేల అయోనిజ నెత్తుకెళ్ళియున్
రిప్లయితొలగించండికలతలు గల్గజేసె దశకంఠుడు, గర్వము నిండుకున్న యా
తలలను ద్రుంచ బాణములు ధాటిగ వేయుచు నెంతయో కుతూ
హలమున రాఘవుండు ధనుజారిని జంపెను సంగరంబునన్!
మిత్రులారా! శుభాశీస్సులు.
రిప్లయితొలగించండిఅందరి పూరణలు బాగుగ నున్నవి. అందరికి అభినందనలు.
శిలనెత్తంగల వారలు
రిప్లయితొలగించండిబలముఁ గలిగినట్టి పెక్కు వానర వీరుల్
గలగల చేసెడు హల్లో
హలమున రాఘవుఁడు రాక్షసాధిపుఁ జంపెన్.
శిలలను చేతఁ బట్టి కడు చేవనుఁ జూపెడు వానరమ్ములన్
పలువురఁ జేర్చి శత్రువును పట్టుకొనంగ మహా బలిష్ఠుడై
యిలసుతఁ గావ వచ్చె; ధనువే తన యాయుధమౌను గానదే
హలమున రాఘవుండు దనుజాధిపుఁ జంపెను సంగరంబునన్?
ఈ కామెంట్‌ను రచయిత తీసివేశారు.
రిప్లయితొలగించండిపలుపలు విధముల చింతలు
తొలగించండికలతలు దీర్చిన మునివర కథనము తోడన్
చెలరేగిన ధైర్యముతో
హలమున రాఘవుఁడు రాక్షసాధిపుఁ జంపెన్
హలము = కలహము
"తతౌ యుద్ధ పరిశ్రాంతం సమరే చింతయా స్థితం
రావణం చాగ్రతో దృష్ట్వా యుద్ధాయ సముపస్థితం
దైవతైశ్చ సమాగమ్య
ద్రష్టుమభ్యాగతో రణం
ఉపగమ్యాబ్రవీద్రామం అగస్త్యో భగవానృషిః"
కిలకిల లాడు కోతులట క్రిందను మీదను గంతి ముద్దుగా
రిప్లయితొలగించండిజలనిధి పైన వారధిని చక్కగ కట్టగ దాటివచ్చుచున్
కులసతి జానకమ్మనిక కూడగ పావని లక్ష్మణుండితో
హలమున రాఘవుండు దనుజాధిపుఁ జంపెను సంగరంబునన్
హలము = కలహము