కవిమిత్రులారా,
ఈరోజు పూరించవలసిన సమస్య ఇది...
తారలు మధ్యాహ్నవేళ తళుకున మెరసెన్.
ఈ సమస్యను పంపిన అన్నపరెడ్డి సత్యనారాయణ రెడ్డి గారికి ధన్యవాదాలు.
అవధానంలో గరికిపాటి వారికి ఇచ్చిన సమస్య ఇది...
తారల కాంతిచే పగలు తళ్కులు చిందియు తెల్లబోయెగా!
ఈరోజు పూరించవలసిన సమస్య ఇది...
తారలు మధ్యాహ్నవేళ తళుకున మెరసెన్.
ఈ సమస్యను పంపిన అన్నపరెడ్డి సత్యనారాయణ రెడ్డి గారికి ధన్యవాదాలు.
అవధానంలో గరికిపాటి వారికి ఇచ్చిన సమస్య ఇది...
తారల కాంతిచే పగలు తళ్కులు చిందియు తెల్లబోయెగా!
చీరెల వ్యాపారంబును
రిప్లయితొలగించండిభారీ యెత్తున మొదలిడు భావమున సినీ
తారల నాహ్వానింపగ
తారలు మధ్యాహ్నవేళ తళుకున మెరసెన్!
హారము కొన్నది శ్రీమతి
రిప్లయితొలగించండిభారము కాదంచు మీకు భర్తకు జూపెన్
ఘోరము ధరగాంచి వెఱగున
తారలు మధ్యాహ్న వేళ తళుకున మెరిసెన్
హరము - 108 పేటల ముత్యాల హారము
మీరలు విందుకే గవలె మింటను నంటెడు భోగముల్ గనన్
రిప్లయితొలగించండిభూరి గణంబు లంతయును భూసురు సైతము నీసు పెండ్లికై
తేరుల మీదుగా తరలి దేవత లెల్లరు మోద మొందగా
తారల కాంతిచే పగలు తళ్కులు చిందియు తెల్ల బోయెగా
బేరములబెంచుకొనుటకు
రిప్లయితొలగించండివారమువారము దుకాణవైభవమొప్పన్
చారెడుకన్నుల సినిమా
తారలు మధ్యాహ్నవేళ తళుకున మెరసెన్!
నోరూరు రుచులటంచును
రిప్లయితొలగించండికారము రెట్టించ, నావకాయను మ్రింగన్
కారగ కన్నీరు నదిగ
తారలు మధ్యాహ్నవేళ తళుకున మెరసెన్.
భేరీభాంకణములతో
రిప్లయితొలగించండినూరుదినంబుల సభకని నూత్నాభరణా
ధారులయి యున్న సినిమా
తారలు మద్యాహ్న వేళ తళుకున మెరిసెన్.
ఆరని జోతులు గదమఱి
రిప్లయితొలగించండితారలు మధ్యాహ్న వేళ తళు కున మెరసెన్
బారులొ నొక భామా మణి
పేరడుగగ జెప్పె యామె వీ ణా యనుచున్
భారత నూతన భూపతి
రిప్లయితొలగించండిసారథ్యము జూచి మెరయ సప్తాధివరుల్
జేరగ నభమున సందడి
తారలు మద్యాహ్న వేళ తళుకున మెరిసెన్.
సప్తాధివరుల్ =సార్క్ ఆమంత్రితులు
సహదేవుడు గారూ,
రిప్లయితొలగించండిమీ పూరణ బాగుంది. అభినందనలు.
*
రాజేశ్వరి అక్కయ్యా,
బాగుంది మీ పూరణ. అభినందనలు.
మూడవ పాదంలో గణదోషం. ‘ఘోరపు ధరఁ గని వెఱగున’ అంటే సరి!
వృత్తంలో మీ పూరణ బాగుంది. ‘భూసురు లెల్లను నీశు పెండ్లి’ అనండి!
*
మంద పీతాంబర్ గారూ,
మీ పూరణ బాగున్నది. అభినందనలు.
‘దుకాణపు వైభవము’ అనాలి కదా... అక్కడ ‘అంగడి వైభవ మొప్పన్’ అందాం.
*
భాగవతుల కృష్ణారావు గారూ,
అది గుంటూరు కారమా? బాగుంది మీ పూరణ. అభినందనలు.
*
సంపత్ కుమార్ శాస్త్రి గారూ,
మీ పూరణ బాగుంది. అభినందనలు.
‘భాంకణము’ శబ్దం ఏ నిఘంటువులోను దొరకలేదు. అక్కడ ‘భేరీభాంకృతు లొప్పగ’ అంటే బాగుంటుందేమో?
‘నూత్నాభరణధారులు’ అనాలి కదా. అక్కడ ‘నూత్నాభరణ/శ్రీ రంజిల్లెడి సినిమా...’ అంటే ఎలా ఉంటుంది?
*
సుబ్బారావు గారూ,
మీ పూరణ బాగుంది. అభినందనలు.
‘వీణ యటంచున్’ అనండి.
*
చంద్రమౌళి గారూ,
మీ పూరణ కాలానుగుణంగా ఉంది. బాగుంది. అభినందనలు.
గురువుగారు,
రిప్లయితొలగించండిచాలా సంతోషమండీ. అద్భుతమైన సవరణలను సూచించారు. శతథా ధన్యవాదములు.
నాగరాజు రవీందర్ గారూ,
రిప్లయితొలగించండిమీ పూరణ బాగుంది. అభినందనలు.
*
సంపత్ కుమార్ శాస్త్రి గారూ,
నా సవరణలను సహృదయంతో ఆమోదించినందుకు సంతోషం.
మల్లెల సోమనాధ శాస్త్రి గారి పూరణలు
రిప్లయితొలగించండిచేరియు రాహువు సూర్యుని
భారీగ్రహణము కొరకయి పట్టెడి వేళన్
ఔరా! చీకటి నభమున
తారలు మధ్యాహ్న వేళ తళుకున మెరిసెన్
భారీ యెన్నిక సభకై
తారల నెందరినొ తెచ్చిదండిగ నిలుపన్
కోరిననాట్యము లాడుచు
తారలు మధ్యాహ్నవేళ తళుకున మెరిసెన్
బీరము లాడెడి నొకరుడు
రిప్లయితొలగించండితేరగ తెగ మాటలాడి తీరికవేళన్
చేరియు జనముల నిట్లనె
తారలు మధ్యాహ్నవేళ తళుకున మెరసెన్
భారత యెన్నిక లందున
రిప్లయితొలగించండిజోరుగ సాగెడి సభలకు సొబగులు దిద్దన్
చేరుకొనగ యువ సినిమా
తారలు మధ్యాహ్న వేళ తళుకున మెరసెన్!
నాగరాజు రవీందర్ గారూ,
రిప్లయితొలగించండిమీ రెండవ పూరణ బాగున్నది. అభినందనలు.
*
మల్లెల సోమనాథ శాస్త్రి గారూ,
మీ రెండు పూరణలూ బాగున్నవి. అభినందనలు.
*
రెండుచింతల రామకృష్ణమూర్తి గారూ,
మీ పూరణ బాగున్నది. అభినందనలు.
*
బొడ్డు శంకరయ్య గారూ,
మీ పూరణ బాగున్నది. అభినందనలు.
ఈరోజు ఒక బ్లాగును చూసి నేను దిగ్భ్రాంతికి గురి అయ్యాను. అది రావ్ ఎస్. లక్కరాజు గారి ‘శంకరాభరణం లో నాకు నచ్చిన పద్యాలు’ అన్న బ్లాగు.
రిప్లయితొలగించండిhttp://naakunachchinapadyalu.blogspot.in
ఒక బ్లాగును చూసి అందలి రచనలను చదివి నచ్చిన, నచ్చని అంశాలపై వ్యాఖ్య పెట్టడం మనకు తెలుసు.
‘శంకరాభరణం’ బ్లాగులో పూరణలు, పద్యాలను వ్రాసి, వాటిని తమ బ్లాగుల్లో ప్రకటించుకునే కవిమిత్రులున్నారు.
కాని ఒక బ్లాగులోని నచ్చిన అంశాల గురించి వ్రాయడానికి ప్రత్యేకంగా ఒక బ్లాగు సృష్టింపబడడం బహుశః బ్లాగుల చరిత్రలోనే ప్రథమం కావచ్చు. ఆ అదృష్టానికి మన ‘శంకరాభరణం’ నోచుకోవడం ఆనందదాయకం, గర్వకారణం.
బ్లాగు మిత్రులందరికీ లక్కరాజు వారు పరిచయమే. చాలాకాలంగా ఏదైనా సమస్యా పూరణలో కాని, పద్యరచనలో కాని వారికి నచ్చిన అంశాన్ని పేర్కొని ఆయా కవులకు అభినందనలు తెల్పుతూ వారిని ప్రోత్సహిస్తున్నారు. ఎన్నడూ వివాదాస్పద వ్యాఖ్యలు చేయని సౌజన్యం వారిది.
లక్కరాలు వారికి నా పక్షాన, బ్లాగు మిత్రుల పక్షాన ధన్యవాదాలు తెలియజేస్తున్నాను.
తారట్లాడుచు గనె వ
రిప్లయితొలగించండిస్తారో రారోననుచును, వైభవమొప్పన్
తీరుగ జరిగెడు సభలో
తారలు మధ్యాహ్న వేళ తళుకున మెరసెన్
తారట్లాడుచు గనె వ
రిప్లయితొలగించండిస్తారో రారోననుచును, వైభవమొప్పన్
తీరగు సినిమా సభలో
తారలు మధ్యాహ్న వేళ తళుకున మెరసెన్
భారత మంత్రి మండలి సభాస్థలి పూనిక జేయుచుండగా
రిప్లయితొలగించండిపేరును బొందినట్టి పలు వేదిక లందున, చిత్రసీమలో
వీరులు, నాయకీమణులు వేడుక సల్పగ వచ్చిచేర యా
తారల కాంతిచే పగలు తళ్కులు చిందియు తెల్లబోయెగా!
లక్కరాజు రావు గారు,
రిప్లయితొలగించండిరాజలక్షణం చూపించినారు. సంతోషం కలిగించినారు. మీకు శుభాకాంక్షలు. వందనములు./\
సవరణతో...
రిప్లయితొలగించండితారట్లాడుచు గన వ
స్తారో రారోననుచును, సరగున నపుడే
తీరగు సినిమా సభలో
తారలు మధ్యాహ్న వేళ తళుకున మెరసెన్
ఆరోజు డిసెంబరులో
రిప్లయితొలగించండితీరికగా మాలు లోన తిరుగెడు వేళన్
చేరగ క్రిస్మస్ చెట్టున
తారలు మధ్యాహ్నవేళ తళుకున మెరసెన్!
గారబు హైద్రబాదునను కారుది చిహ్నము గెల్వ నెన్నికన్
రిప్లయితొలగించండివీరుడు చంద్రశేఖరుడు భేషుగ నవ్వగ కారునేగుచున్
దారుల వెంబడిన్ జన, మతాబు టపాసులు చిచ్చుబుడ్ల వౌ
తారల కాంతిచే పగలు తళ్కులు చిందియు తెల్లబోయెగా!