27, మే 2014, మంగళవారం

సమస్యాపూరణం – 1425 (రంభను జూచి రాఘవుడు)

కవిమిత్రులారా,
ఈరోజు పూరించవలసిన సమస్య ఇది...
రంభను జూచి రాఘవుడు రమ్మని బిల్చె ననంగకేళికిన్.
ఈ సమస్యను పంపిన అన్నపరెడ్డి సత్యనారాయణ రెడ్డి గారికి ధన్యవాదాలు.
ఒకానొక అవధానంలో గరికిపాటి వారికి ఇచ్చిన సమస్య ఇది...

31 కామెంట్‌లు:

  1. స్థంభము చాటుగా నిలచి సంతస మందున కన్నుగీ టుచున్
    సంభవ మౌనుకా దనక సాకులు జెప్పక వేగ రమ్మికన్
    దంభము తోనప్రేయసిని దాగుడు మూతల యాటలాడగన్
    రంభను జూచి రాఘవుడు రమ్మని బిల్చె ననంగ కేళికిన్

    రిప్లయితొలగించు
    రిప్లయిలు
    1. అక్కయ్యా,
      పద్యం బాగుంది. కాని సమస్య సమర్థంగా పూరింపబడినట్లు లేదు. రాఘవుడు రంభను పిలిచినట్లే ఉంది.

      తొలగించు


  2. రంభను జూచి రాఘవుడు రమ్మని బిల్చె ననంగకేళికిన్
    రామవినాశముం గనుచు సీతయు రాక్షసాదులు నవ్వెన్ హలమున రాఘవుడు రాక్షసాదులన్ జంపెన్
    లంకేశుఁడు రాముఁ జంపె లలనేచ్ఛ మెయిన్.!!


    ఉల్టా పుల్టా
    బిలేజి

    రిప్లయితొలగించు
  3. సంభవ మెట్టులయ్య ! తన సామర సాక్షిని సీత నేలగా
    కుంభిని రావణా సురుని గూల్చి విభీషణు రాజుజేసియా
    రంభము నుండి జానకినె రాణిగ దల్చిన ప్రేమమూర్తియా
    రంభను జూచి రాఘవుడు రమ్మని బిల్చె ననంగకేళికిన్?

    రంభను బోలు జారిణిని రాజును నేనని బొంకి యేలుచున్
    సంభవమంచు రాఘవుడు శంకరుడాదిగ మిత్రవర్గమున్
    దంభములాడి బిల్వగని తన్మయుడై తనుగూడదల్చు సం
    రంభను జూచి రాఘవుడు రమ్మని బిల్చె ననంగకేళికిన్.

    రిప్లయితొలగించు
    రిప్లయిలు
    1. కృష్ణారావు గారూ,
      మీ రెండు పూరణలూ బాగున్నవి. అభినందనలు.
      సామరసాక్షి...? తామరసాక్షి ఉంది కానీ సామరసాక్షి అంటే?

      తొలగించు
  4. జృంభన మైన కోరికల చేతను'రాఘవు' డన్నవాడు సం
    రంభముతోడ యవ్వనపు ప్రాయములోన ప్రభావిడయ్యెనో
    స్తంభము వంటి మానవుడు సంభలినే తన రంభయంచు నా
    రంభను జూచి రాఘవుడు రమ్మని బిల్చె ననంగకేళికిన్!

    రిప్లయితొలగించు
    రిప్లయిలు
    1. శంకరయ్య గారూ,
      మంచి భావంతో పూరణ చెప్పారు. అభినందనలు.
      జృంభణము టైపాటు వల్ల జృంభనము అయింది. ‘ప్రభావిడు’ ? ‘ప్రభావితుడు’ సరియైన పదం కదా!

      తొలగించు
  5. రంభ ఫలాదులన్ దినుచు రాముడు వర్తిల కాననమ్ములన్
    దంభము తోడ శూర్పనఖ దండకు రా నట, మిన్నకుండె సం
    రంభను జూచి రాఘవుడు ; రమ్మని బిల్చె ననంగకేళికిన్
    రంభను బోలు రూపమున గ్రాలుచు రాక్షసపుత్రి రామునిన్

    రిప్లయితొలగించు
    రిప్లయిలు
    1. రవీందర్ గారూ,
      మీ పూరణ బాగుంది. అభినందనలు.
      రంభాఫలము సరైన రూపం.

      తొలగించు
    2. గురువు గారికి వందనములు. సూచనకు ధన్యవాదాలు.
      నా పద్యములోని మొదటి పాదమును యిలా మార్చుతున్నాను :

      శంభుని విల్లు తా విరిచి శ్యాముడు వర్తిల కాననమ్ములన్
      దంభము తోడ శూర్పనఖ దండకు రా నట, మిన్నకుండె సం
      రంభను జూచి రాఘవుడు ; రమ్మని బిల్చె ననంగకేళికిన్
      రంభను బోలు రూపమున గ్రాలుచు రాక్షసపుత్రి నవ్వుచున్

      తొలగించు
  6. శంభు ప్రసాదితంపు ఘన జాపము గూల్చగ మోదియై నిరా
    డంబరు పెళ్లి జేసుకు విలాసము మారగ ప్తేమతో ప్రయా
    ణంబున సీత రాగమయి నవ్వెడు నాథు సమాగమంపు సం
    రంభను జూచి రాఘవుడు రమ్మని బిల్చె ననంగ కేళి కిన్.!

    రిప్లయితొలగించు
    రిప్లయిలు
    1. సహదేవుడు గారూ,
      మీ పూరణ బాగుంది. అభినందనలు.
      ‘శంభు ప్రసాదమైన’, ‘పెండ్లియాడియు’ అనండి.

      తొలగించు
  7. పూజ్య గురుదేవులు కంది శంకరయ్య గారికి నమస్సులు. నిన్న సాయంత్రము యింటికి వచ్చాను.శంకరా భరణం బ్లాగు చూడటము సంతోషంగా వున్నది.

    రిప్లయితొలగించు
    రిప్లయిలు
    1. సత్యనారాయణ రెడ్డి గారూ,
      సంతోషకరమైన వార్త చెప్పారు. మీ ఆరోగ్యం ఎలా ఉంది?

      తొలగించు
  8. సత్యనారాయణ రెడ్డిగారూ సంతోషం.

    రిప్లయితొలగించు
  9. నిన్నటి సమస్యకు నా పూరణ:

    భారత మంత్రి మండలి సభాస్థలి పూనిక జేయుచుండగా
    పేరును బొందినట్టి పలు వేదిక లందున, చిత్రసీమలో
    వీరులు, నాయకీమణులు, వేడుక సల్పగ వచ్చిచేరి రా
    తారల కాంతిచే పగలు తళ్కులు చిందియు తెల్లబోయెగా!

    రిప్లయితొలగించు
  10. గురుదేవులకు నమస్కారములు, దోషములను చూపినందులకు ధన్యవాదములు, సవరణతో

    జృంభణమైన కోరికల చేతను రాఘవు డన్నవాడు సం
    రంభముతోడ యవ్వనపు ప్రాయములోన ప్రభావమొందుచున్
    స్తంభము వంటి మానవుడు సంభలినే తన రంభయంచు నా
    రంభను జూచి రాఘవుడు రమ్మని బిల్చె ననంగకేళికిన్!

    రిప్లయితొలగించు
  11. మల్లెల సోమనాధ శాస్త్రి గారి పూరణ

    శంభుని వింటినెక్కిడియు,సత్వర మాతడు జానకీసతిన్
    దంభము మీఱ పెండ్లిగొన,తద్గుణశీలను,మంగళాంగనల్
    బంభరవేణి నంతరము బంపగ,లాలితధర్మబద్ధితా
    రంభను జూచి రాఘవుడు రమ్మని బిల్చె ననంగకేళికిన్

    రిప్లయితొలగించు


  12. సంభవమిద్ది గాదనుచు సందియమందక నెంచి చూడగన్
    శంభుని విల్లు వంచి ఘన జానకి బట్టెను నొక్క రాత్రి తా
    స్తంభము ప్రక్కనుండ - మది దల్పక నూర్వసి మేనకన్ మరిన్
    రంభను- జూచి రాఘవుడు రమ్మని బిల్చె ననంగకేళికిన్.

    రిప్లయితొలగించు
  13. క్రమాలంకారము

    జృంభిత కేశపాశులిట చేయుతపస్సులు జారు దేనిచే?
    బంభర వేణి సీతనిటు భార్యగజూచుచు పిల్చునెవ్వరో?
    సంభరితాత్ముడై మదన సాయక మేయును కంతుడేలొకో?
    రంభనుజూచి; రాఘవుడు రమ్మనిబిల్చె; ననంగకేళికిన్

    రిప్లయితొలగించు
    రిప్లయిలు
    1. రామకృష్ణ మూర్తి గారూ,
      మీ క్రమాలంకార పూరణ బాగుంది. అభినందనలు.

      తొలగించు
  14. guruvu gaariki dhanyavaadamulu. tamari suucita savaraNatoa padyam:


    శంభు ప్రసాదమైన ఘన జాపము గూల్చగ మోదియై నిరా
    డంబరు పెండ్లియాడియు విలాసము మారగ ప్తేమతో ప్రయా
    ణంబున సీత రాగమయి నవ్వెడు నాథు సమాగమంపు సం
    రంభను జూచి రాఘవుడు రమ్మని బిల్చె ననంగ కేళి కిన్.!

    రిప్లయితొలగించు
  15. దంభము మీర రావణుడు దారిని తప్పుచు శాపమొందెనే
    రంభను జూచి;...రాఘవుడు రమ్మని బిల్చె ననంగకేళికిన్,
    (శంభుని తోడు!) సీతనట చల్లని రాత్రినయోధ్యనందునన్
    కుంభము కొట్టి చెప్పెదను! కొద్దిగ గూడను శంకలేకయే

    తోడు = ఆన (ఒట్టు)

    రిప్లయితొలగించు