22, మే 2014, గురువారం

పద్య రచన – 567

కవిమిత్రులారా,

పై చిత్రాన్ని పరిశీలించి తగిన పద్యము(ల)ను వ్రాయండి.

16 కామెంట్‌లు:

  1. సరదాగా చిన్నారులు
    ధరించిరి విచిత్రమనగ దంపతుల వలెన్
    దరహాసోజ్జ్వల ముఖులై
    సరియగు వేషములు బహు ప్రశంసల గనుచున్

    రిప్లయితొలగించు
  2. మన సాంప్రదాయ మెన్నడు
    కనుమరుగవనీయ కుండ కాపాడుటకే
    చినతనము నుండి వారికి
    మనదే యగు కట్టు బొట్టు మరి నేర్పదరే

    రిప్లయితొలగించు
  3. మన సాంప్రదాయ మెన్నడు
    కనుమరుగవనీయ కుండ కాపాడుటకే
    చినతనము నుండి వారికి
    మనదే యగు కట్టు బొట్టు మరి నేర్పదరే

    రిప్లయితొలగించు


  4. మోహనులాలు మీనా జోడి
    'దృశ్యం'మళయాళ చిత్రము
    ఈ తెలుగు 'చిత్రము' వారిని
    తలపించు అమోఘ బ్లాగ్చిత్రము !!


    జిలేబి

    రిప్లయితొలగించు
  5. బాలా వృద్ధ సమాన
    మ్మౌలాగున బాలలిచట మాన్యతనిపుడే
    మేలగు వస్త్రపు ధారణ
    లీలలు చూచుటకు కన్నులింతలు కావా!!

    రిప్లయితొలగించు
  6. ఈ కామెంట్‌ను రచయిత తీసివేశారు.

    రిప్లయితొలగించు
  7. మల్లెల సోమనాధ శాస్త్రి గారి పూరణ

    ఉల్లము నందున పెద్దలు
    పిల్లల భవితను కలగని,పెద్దలు కాగా
    నెల్లరు తలతురు.వారలు
    చెల్లుదు రెట్టులొ కనగను చెప్పగతరమా!!

    రిప్లయితొలగించు
  8. చిన్న పిల్లల జూడుడు చిలిపిగాను
    మొగుడు పెళ్ళాల మాదిరి మోహనముగ
    నుండి ముద్దులు గలిగించు చుండి వారు
    మనకు నాదర్శ దంపతు లనగ నొప్పు

    రిప్లయితొలగించు
  9. వస్త్ర ధారణ పోటికే వన్నె దెచ్చు
    పిల్ల లిరువురు వేసిరి పల్లెటూరి
    జంటవలె వేష ధారణ జక్కగాను
    వచ్చె బహుమతి వారికే మెచ్చిరంత.

    రిప్లయితొలగించు
  10. కన్నుల విందుగ నుండెను
    పిన్నల వేషములుగనగ ప్రీతినొసంగెన్
    చిన్నారులుదంపతులుగ
    మిన్నగు వస్త్రములలోన మెప్పును బొందెన్

    రిప్లయితొలగించు
  11. పసిడి నవ్వుల రువ్వు బాల బుజ్జమ్మలూ
    ......చీర కట్టేలనే చిన్న నాట
    బులిబుల్లి బుగ్గల బుజ్జి తండ్రీ నీకు
    ......పంచె కట్టేలయా బాల్యముననె
    గంప పైకెత్తుట ఘనమైన క్రీడయా
    ......పకపకా నవ్వగా పాప నీకు
    తలపాగ ఠీవిగా తనరార నిశితమౌ
    ......దృక్కుల కెటు దారి చక్కనయ్య

    తెలుగు సంప్రదాయమ్ముల దెలుపనెంచి
    యిట్టి దుస్తుల దాల్చిరా యింపుమీర
    కాయకష్టము జేసిన కలుగు సుఖము
    లనెడు సూక్తిని బోధించు ఘనత మీదె.

    రిప్లయితొలగించు
  12. శ్రీ మిస్సన్న మహాశయా! శుభాశీస్సులు.

    మీ సీసము సెహ్బాస్
    స్వస్తి.

    రిప్లయితొలగించు
  13. పండిత నేమాని వారూ,
    మీ పద్యం బాగున్నది. అభినందనలు.
    *
    సహదేవుడు గారూ,
    బాగుంది మీ పద్యం. అభినందనలు.
    *
    జిలేబీ గారూ,

    *
    రెండుచింతల రామకృష్ణ మూర్తి గారూ,
    మీ పద్యం బాగుంది. అభినందనలు.
    *
    మాధురి ఆర్. ఎల్. గారూ,
    మల్లెల సోమనాథ శాస్త్రి గారి పూరణలను, పద్యాలను అందిస్తున్నందుకు ధన్యవాదాలు.
    *
    మల్లెల సోమనాథ శాస్త్రి గారూ,
    మీ పద్యం బాగుంది. అభినందనలు.
    *
    సుబ్బారావు గారూ,
    మీ పద్యం బాగుంది. అభినందనలు.
    *
    గండూరి లక్ష్మినారాయణ గారూ,
    మీ పద్యం బాగుంది. అభినందనలు.
    *
    శైలజ గారూ,
    మీ పద్యం బాగుంది. అభినందనలు.
    *
    మిస్సన్న గారూ,
    ఈనాటి మీ సీసపద్యం కడుంగడు ప్రశంసనీయం. నేమాని వారి ప్రశంస నందుకొన్నందుకు అభినందనలు.

    రిప్లయితొలగించు
  14. శ్రీ మిస్సన్నగారికి నమస్సులు..బాలలపై మీ సీసపద్యం,అలాగే వేదమాతపై మీ సీసపద్యం చాలా చాలా బాగున్నాయి..

    రిప్లయితొలగించు
  15. నేమాని పండితార్యులకు, గురువుగారికి ధన్యవాదములు.

    రిప్లయితొలగించు