20, జులై 2015, సోమవారం

పద్య రచన - 966

కవిమిత్రులారా,
పై చిత్రాన్ని పరిశీలించి తగిన పద్యము(ల)ను వ్రాయండి.

16 కామెంట్‌లు:

  1. పొట్ట కూటి కొరకు బుట్టల నల్లేటి
    బడుగు జీవులకవి బతుకు నిచ్చు
    కాసు వెట్టి కొన్న కల్పతరువే సుమ్ము
    కుక్కు టముల దాచు చక్కగాను.

    రిప్లయితొలగించండి
  2. పెంపుడు కుక్కుట ములకని
    చంపగ శునకము గ్రదల సం రక్షణకై
    గంపల క్రిందను సుఖమని
    పెంచెద రటపదు గురింట ప్రీతిగ నెపుడున్

    రిప్లయితొలగించండి
  3. వి.యస్. ఆంజనేయులు గారూ,
    మీ పద్యం బాగున్నది. అభినందనలు.
    ‘అల్లేటి’ అని గ్రామ్యాన్ని వాడారు. ‘బుట్టల నల్లెడు’ అనండి.
    *****
    రాజేశ్వరి అక్కయ్యా,
    మీ పద్యం బాగుంది. అభినందనలు.
    రెండవపాదంలో గణదోషం. ‘చంపెడి శునకములనుండి సంరక్షణకై’ అనండి.

    రిప్లయితొలగించండి
  4. కుక్కకు మీ కుక్కుటముల
    దక్కకనే జూడునట్లు దాచుడు గంపన్
    కుక్కకుమీ పదినిరువది
    చక్కగ నైదారునుంచ సంతోషమ్మౌ.

    రిప్లయితొలగించండి
  5. కుకుక్కల పాలవ్వక తమ
    కుక్కుటములఁ గాచు గంపఁ గూర్చిరి భళిరా!
    చక్కగ నూపిరి లాడన్!
    దాక్కొన నేతెంతురేమొ? తస్కరులు సుమా!

    రిప్లయితొలగించండి
  6. గోలి హనుమచ్ఛాస్త్రి గారూ,
    మీ పద్యం బాగున్నది. అభినందనలు.
    *****
    గుండా వేంకట సుబ్బ సహదేవుడు గారూ,
    మీ పద్యం బాగుంది. అభినందనలు.
    ‘దాక్కొను’ వ్యావహారికం. ‘నక్కగ నేతెంతురేమొ నాచులు సుమ్మీ’ అందామా? (నాచి=దొంగ).

    రిప్లయితొలగించండి
  7. చక్కని గంపల నందున
    కుక్కుటములు దాచుచుంద్రు కూరిమి తోడన్
    కుక్కురముల పాలబడక
    నక్కుచు నిదురించు నవియె నయముగ రేయిన్!!!

    రిప్లయితొలగించండి
  8. శైలజ గారూ,
    మీ పద్యం బాగున్నది. అభినందనలు.

    రిప్లయితొలగించండి
  9. ఆ.వె:కడుపు నింపు కొరకు కష్టములబడుచు
    వేదనల నదుముచు వెదురు గంప
    లల్లు జీవనమ్ము లందు వెతలుదీరి
    సుఖము గాంచు నట్టి సుదినమెపుడొ

    రిప్లయితొలగించండి
  10. డా. బల్లూరి ఉమాదేవి గారు,
    మీ పద్యం బాగున్నది. అభినందనలు.

    రిప్లయితొలగించండి
  11. చక్కని సవరణను సూచించిన గురుదేవులకు ధన్యవాదములు. సవరించిన పద్యం:
    కుక్కల పాలవ్వక తమ
    కుక్కుటములఁ గాచు గంపఁ గూర్చిరి భళిరా!
    చక్కగ నూపిరి లాడన్!
    నక్కగ నేతెంతురేమొ? నాచులు సుమ్మీ!

    రిప్లయితొలగించండి
  12. పెరటిలో కోడి పిల్లలు పెరుగుచుండ
    నెండ వేడి తగులనీయ కుండ మరియు
    గ్రద్ద తన్నుకు పోకుండ కావగాను
    గంపలనుపయోగింతురు కొంప లందు

    రిప్లయితొలగించండి
  13. అన్నపరెడ్డి సత్యనారాయణ రెడ్డి గారూ,
    మీ పద్యం బాగున్నది. అభినందనలు.

    రిప్లయితొలగించండి
  14. గంపయందు కోడి గల్లంతు రీతిగా
    మంచి,మమత లన్ని మరుగుపడుట
    నేడు సహజ మవ్వ?నేర్పుల కూర్పులు
    గనగ తగ్గుటాయె|గంపలట్లు|
    2.చట్టపురక్షణట్లుగను చక్కటి గంపలు కోళ్ల కొంపలై
    పట్టియునుంచ?శత్రువుల బాధలు తగ్గునటంచు నెంచగా
    పట్టణ,పల్లె వాసులకుభద్రత దగ్గెను|నల్లువారికిన్
    పట్టున యింటి పట్టున నుపాయముసాగదు|నేటికాలమున్

    రిప్లయితొలగించండి
  15. కె. ఈశ్వరప్ప గారూ,
    మీ పద్యాలు బాగున్నవి. అభినందనలు.

    రిప్లయితొలగించండి