12, మే 2016, గురువారం

సమస్య - 2031 (కింకరుఁడే రాజయి...)

కవిమిత్రులారా, 
ఈరోజు పూరించవలసిన సమస్య ఇది....
కింకరుఁడే రాజయి ఘనకీర్తినిఁ బొందెన్.
ఈ సమస్యను సూచించిన కందుల వరప్రసాద్ గారికి ధన్యవాదాలు.

80 కామెంట్‌లు:

  1. రిప్లయిలు
    1. శంకరు భక్తుని ప్రాణము
      కంకుడు తీయంగ శివుడు కంపించె నటన్
      వంకర ధర్మము తెలుపుచు
      కింకరుఁడే రాజయి ఘనకీర్తినిఁ బొందెన్

      తొలగించండి
    2. అక్కయ్యా,
      పద్యం బాగుంది. ఈ పూరణకు నేపథ్యం?

      తొలగించండి
    3. గురువులకు నమస్కారములు
      మార్కండేయుని ప్రాణములను యముడు తీయ బోగ శివుడు అడ్డుపడి యముని తన్ని కాపాడినప్పుడు ,యమ ధర్మ రాజనబడు యముడు అవమానింపబడి చరిత్రలో మిగిలిపోయాడు కదా అదన్నమాట . నాభావము .సరిగాలేకపోతె ఏముంది మామూలె [మన్నించడమే మరి ]

      తొలగించండి
  2. శంకర భక్తుడు శూరుడు
    వంకర లేవియు నులేని వాడును ఇడుముల
    జంకని వీరుడు నిల శివ
    కింకరుడే రాజయి ఘన కీర్తిని బొందెన్

    రిప్లయితొలగించండి
  3. ఇది ఉజ్జయిని జ్యోతిర్లింగ చరిత్రలో చెప్పబడ్డ మహా రాజు చంద్రసేనుడిని దృష్టిలో ఉంచుకుని రాసిన పద్యం

    రిప్లయితొలగించండి
    రిప్లయిలు
    1. మీ పూరణ బాగున్నది.
      కందంలో రెండవపదం చివర తప్పక గురువుండాలి.
      ‘వాడు నిడుములన్| జంకని వీరుం డిల శివ...’ అనండి.

      తొలగించండి
    2. ధన్య వాదములు గురువుగారు

      శంకర భక్తుడు శూరుడు
      వంకర లేవియును లేని వాడు నిడుములన్
      జంకని వీరుండిల శివ
      కింకరుడే రాజయి ఘన కీర్తిని బొందెన్

      తొలగించండి
  4. ఈ కామెంట్‌ను బ్లాగ్ నిర్వాహకులు తీసివేశారు.

    రిప్లయితొలగించండి
    రిప్లయిలు
    1. జిలేబీ గారూ,
      కారణం తెలియదు కాని మీ పూరణలోని వ్యంగ్యం నాకెందుకో బాధను కలిగించింది. (ఇంకెవరికైనా కోపాన్ని తెప్పించవచ్చు!) ఈ బ్లాగు రాగద్వేషాలకు అతీతం. మీ పూరణ లక్షణంగా ఉన్నా తొలగించినందుకు మన్నించండి.

      తొలగించండి
    2. కంది వారు

      బాధ కలిగించి నంత గా పద్యాన్ని సూటిగా చెప్పానా ! !

      అర్థం చేసుకో గలను

      బ్లాగు నిర్వాహకుల దే తుది నిర్ణయం !

      చీర్స్
      జిలేబి

      తొలగించండి
    3. అర్థం చేసికొన్నందుకు ధన్యవాదాలు.

      తొలగించండి
  5. కుంకలు రేగిన తరుణము
    వంకలు దిద్దగ శ్రమించ ప్రతినను బూనెన్
    జంకుట యెరుగని " జనతా "
    కింకరుఁడే రాజయి ఘనకీర్తినిఁ బొందెన్

    రిప్లయితొలగించండి
  6. బింకపు నరేంద్ర భక్తిగ
    శంకర పథమాచరించ శపధము బట్టెన్
    అంకుశమును బట్టిన శివ
    కింకరుఁడే రాజయి ఘనకీర్తినిఁ బొందెన్

    రిప్లయితొలగించండి
  7. డా. N.V.N. చారి గారి పూరణ....

    సంకట హరణుని గొల్చుచు
    వేంకట పతి దేవళమున వేడుచునుండన్
    వంకర లన్నితొలగ త
    త్కింకరుడే రాజయి ఘనకీర్తిని బొందెన్

    రిప్లయితొలగించండి
  8. చామర్తి అరుణ గారి భావానికి నా పద్యరూపం....

    అంకార దేశమందున
    శంకించక రాజు నెన్న సామజకరమం
    దంకితమగు మాల పడిన
    కింకరుఁడే రాజయి ఘనకీర్తినిఁ బొందెన్.

    రిప్లయితొలగించండి
  9. శంకరునిదెభూగోళము
    శంకేమియులేదురాజు శివకిం కరుడే
    నంకితముగ సేవలిడెడి
    కింకరుడే రాజయి ఘనకీర్తిని బొందెన్

    రిప్లయితొలగించండి
    రిప్లయిలు
    1. మీ పూరణ బాగున్నది.
      ‘శంక+ఏమియు’ అన్నపుడు యడాగమం వస్తుంది. ‘కింకరుడే యంకితముగ’ అనాలి.

      తొలగించండి
  10. వంకర బుధ్ధులు లేకయు
    బంకున బనిచేయునట్టి భద్రుని ఓనర్
    బంకు యజమాని జేయగ
    కింకరుడేరాజయి ఘనకీర్తిని బొందెన్

    గుళ్ళపల్లి తిరుమల కాంతికృష్ణ

    రిప్లయితొలగించండి
    రిప్లయిలు
    1. అన్యదేశ్యాలున్నా విషయం అటువంటిది కనుక మీ పూరణ బాగున్నది. అభినందనలు.

      తొలగించండి
  11. లంకను బరిపాలించుచు
    లంకేశుడు జంకులేక రాజ్యము నేలెన్
    శంకరుని దయవలన శివ
    కింకరుడే రాజయి ఘనకీర్తిని బొందెన్!!!

    కింకరుడు = సేవకుడు

    రిప్లయితొలగించండి
  12. అంకిత భావము గలిగియు
    కంకణ బద్ధుడయి టీ దుకాణములోనన్
    బింకముగ నమ్మి యెదిగిన
    కింకరుడే రాజయి ఘనకీర్తిని బొందెన్!
    ​​

    రిప్లయితొలగించండి

  13. జింకల తోడను సహవా
    సం గల బుద్ధుని అశోక సామ్రాట్టు గనెన్
    అంకించె జీవితము స
    త్కింకరుడే రాజయి ఘన కీర్తిని బొందెన్ !

    సావేజిత
    జిలేబి

    రిప్లయితొలగించండి
    రిప్లయిలు
    1. బాగుంది మీ పూరణ.
      ‘సహవాసం’ అనడం వ్యావహారికం. అందులోను రెండవపాదంలో ప్రాస తప్పింది. ‘సహవా|సాంకిత బుద్ధుని...’ అనండి.

      తొలగించండి
  14. వంకర చేష్టలను విడిచి
    పొంకముగా పరమశివుని పూజలు చలుపన్
    శంకరుని కరుణ తోడను
    కింకరుడే రాజయి ఘన కీర్తినిఁబొందెన్

    రిప్లయితొలగించండి
  15. డా.సముద్రాల శ్రీనివాసాచార్య
    Sk no.2036
    కవిత no 7
    "కంకుడు" దైవము నిలలో
    సంకటముల బాపువాడు సతతంబనుచున్
    శంకను వీడుచు గొలువగ
    కింకరుడే రాజయి ఘనకీర్తిని బొందెన్
    కంకుడు- కిరాతుడు

    రిప్లయితొలగించండి
  16. పంకజ ముఖి ద్రౌపది తో
    శంకరు కృప నొందినట్టి సహజన్ములతో
    కంకుడుగా విరటుసభను
    కింకరుడే రాజయి ఘనకీర్తిని బొందెన్!

    రిప్లయితొలగించండి
  17. పంకజ నాభుని ఘన నా
    మాంక తనువు డంబరీషు డనఘుండట ని
    శ్సంకాత్ముడు నారాయణ
    కింకరుఁడే రాజయి ఘనకీర్తినిఁ బొందెన్.

    రిప్లయితొలగించండి
  18. శంక వలదనుచు రాజనె
    "నింకెవరు జవాబునిడిన నిత్తును పదవిన్"
    జంకక సరిగా చెప్పిన
    కింకరుడే రాజయి ఘన కీర్తిని బొందెన్.

    రిప్లయితొలగించండి
  19. శంకరుని విష్ణు భక్తులు
    సంకుచితపు బేధ భావ సంవాదన పా
    సంకులము నెదుగ జేసిన
    కింకరుఁడే రాజయి ఘనకీర్తినిఁ బొందెన్.

    రిప్లయితొలగించండి

  20. బొంకక నాపదలందున
    గొంకక పగతుల కుతికలు గోసి జయమనే
    ఢంకా మ్రోయించే యమ
    కింకరుడే రాజయి ఘనకీర్తిని బొందెన్

    �� చెన్నకేశవ, రాయచోటి ��

    రిప్లయితొలగించండి
  21. శంకర సాక్షాత్కారము
    వంక హరిశ్చంద్రుడంత ప్రార్ధనజేయన్
    శంకిత వీరబాహుని
    కింకరుఁడే రాజయి ఘనకీర్తినిఁ బొందెన్.
    (వంక=వలన)

    రిప్లయితొలగించండి
    రిప్లయిలు
    1. మీ పూరణ బాగున్నది. అభినందనలు.
      మూడవ పాదంలో గణదోషం. 'శంకితుడు వీరబాహుని' అనండి.

      తొలగించండి
  22. శంకరాభరణం’ బ్లాగులో నేటి సమస్య....
    “కింకరుఁడే రాజయి ఘనకీర్తినిఁ బొందెన్”
    నా పూరణ

    కం**
    సంకెల బడినట్టిహయము,
    రంకెలు వేయచు నగుపడె రాజును జూచీ!
    సంకటములు బాపె హనుమ,
    కింకరుడే రాజయి ఘనకీర్తిని బొందెన్!
    (సోమనాద్రి సేవకుడు హనుమప్ప)

    కం**
    వంకర గుణములు గలిగిన,
    బింకము నగుపడు సచివుని భేదము గలిగే,!
    నంకిలి బెట్టగ నాతని,
    కింకరుడే రాజయి ఘనకీర్తి బొందెన్ !!
    (అంకిలి=బాధ,ఆపద,కిటుకు,విఘ్నము)

    కం**
    లంకాధిపుడే నిలపై,
    సంకటము గలిగి,రఘువరు శరమున్ గూలెన్!
    నంకిలి దొలగియు నాతని,
    కింకరుడే రాజయి ఘనకీర్తి బొందెన్ !!
    (రావణుని తమ్ముడు విభీషణుడు రాజగుట)

    రిప్లయితొలగించండి
    రిప్లయిలు
    1. మీ మూడు పూరణలు బాగున్నవి. అభినందనలు.
      1లో 'రాజును గనగన్'…, 2లో' భేదము గలుగన్'…, 3లో 'శరమున గూలెన్' అనండి.

      తొలగించండి
  23. బొంకులు సెప్పెడు రాజును
    లెంకలు నిక నమ్మ కుండ లేమిని జేయ
    న్శంకను వీడుచు నపుడొక
    కింకరుడే రాజయి ఘన కీర్తిని దెచ్చెన్

    రిప్లయితొలగించండి
  24. వంకర బుద్థిగల నృపుడు
    సుంకములను వేయ జనులు శోకింపగ నా
    సంకటముల బాపగ నో
    కింకరుడే రాజయి ఘన కీర్తిని బొందెన్

    రిప్లయితొలగించండి
  25. బింకపు విశ్వామిత్రుని
    కింకరు డౌ నిత్యసత్య గీతను విడకన్
    బొంకెరుగని హరిచంద్రుడు
    కింకరుడే రాజయి ఘన కీర్తినిబొందెన్

    రిప్లయితొలగించండి
    రిప్లయిలు
    1. మీ పూరణ బాగున్నది.
      'నిత్య సత్య కృత్యము విడకన్ | బొంకకనె హరిశ్చంద్రుడు... 'అనండి.

      తొలగించండి
  26. సంకల్పబలంబనగఁభ యంకరుడా"హిట్లర"టు నియంతగ నిల్చెన్! శంకింపఁ తగునె శక్తిని? కింకరుడేరాజుయయ్యె కీర్తిని పొందెన్

    రిప్లయితొలగించండి
    రిప్లయిలు
    1. గాధిరాజు సందీప్ గారూ,
      శంకరాభరణం బ్లాగు మీకు స్వాగతం పలుకుతున్నది.
      మీ పూరణ బాగున్నది. అభినందనలు.

      తొలగించండి
  27. సంకటపడి శాపమున భ
    యంకరుడై లంక నేలె నసురునిగా ; నా
    శంకరుని భక్తి గొలిచెను
    కింకరుఁడే రాజయి ఘనకీర్తినిఁ బొందెన్.

    రిప్లయితొలగించండి
  28. రిప్లయిలు
    1. ఆవె: లో ప్రయోగము
      రాజకీయమందు రారాజులుండరు
      రాజ్యమేలినోడె రాజునేడు
      కింకరుండె రాజై ఘనకీర్తి పొందెను
      జ్యోతి నవ్య కృష్ణ జూడు మఖిల

      తొలగించండి
    2. కృష్ణ మోహన్ గారూ - రాజై - రెండూ గురువులే, అది సూర్యగణము కాదు. "కి" కి "ఘ" కు యతిచెల్లదు. ఇనగణ ద్వయంబు, ఇంద్ర త్వయంబును, హంస పంచకమ్ము ఆటవెలది.

      తొలగించండి
    3. సమస్యా పూరణలో ఒక్క అక్షరముకూడా మార్చకూడదండీ

      తొలగించండి
  29. శంకరయ్య మాస్టారు గాతికి నమస్సులు
    నెను చిన్న మార్పు చేసి ఆటవెలదిలో పపూరించాను. అన్యదా భావించకండి. నమస్సులతో మీ గోగులపాటి కృష్ణమోహన్

    రిప్లయితొలగించండి
    రిప్లయిలు
    1. మీ ప్రయత్నం ప్రశంసింప దగినదే. కానీ మూడవ పాదంలో గణదోషం. 'ఏలినోడె' అని గ్రామ్యాన్ని ప్రయోగించారు. అన్నపరెడ్డి గారన్నట్లు సమస్యలోని అక్షరాలను మార్చరాదు.

      తొలగించండి
  30. కుంకై కుర్రై తిరిగిన
    కింకరుడే రాజయి ఘనకీర్తిని బొందెన్
    బొంకక పేదల ముదమున
    నంకము, పాంకముల నొదిలి ననువర తమునన్

    రిప్లయితొలగించండి
    రిప్లయిలు
    1. మీ పూరణ బాగున్నది. అభినందనలు.
      'పొంకముల వదలి యనవరతమ్మున్' అనండి.

      తొలగించండి
  31. భారత బుర్రకథ లో సుయోధనుని జన్మవృత్తాంతము చెపుతూ..

    సంకట (గాంధారి)గర్భచ్యుతిఁగని
    జంకకుమని ముని (వ్యాసుఁడు) శత కలశములనిడన్, తా
    లాంకు తరికిట తకిట తధ
    కిం, కరుఁడే రాజయి ఘన కీర్తినిఁ బొందెన్!

    కరుఁడు =  a lump, mass, clot; గట్టిపడిన ముద్

    రిప్లయితొలగించండి


  32. 1జంకక పోరును సలుపుచు
    బింకముతో పోరి తనదు వీరము జూపన్
    సంకటమెల్లను బాయగ
    కింకరుడే రాజయి ఘనకీర్తిని బొందెన్.


    2.సంకటములు బాపుమనుచు
    శంకరుని పదమన వ్రాలి సదమల హృదితో
    జంకక వేడగ నాశివ
    కింకరుడే రాజయి ఘనకీర్తిని బొందెన్.

    3.బొంకులు పలికెడి ప్రభువును
    శంకించక జనులు వాని చంపన్ చూడన్
    శృంకలములు తెగ నాహరి
    కింకరుడే రాజయి ఘనకీర్తిని బొందెన్.

    4.వంకర గుణములు కలిగిన
    సంకట పడియెడి నతండు సతతము జగతిన్
    శంకలేక గొలువ నాశివ
    కింకరుడే రాజయి ఘనకీర్తిని బొందెన్.

    రిప్లయితొలగించండి
    రిప్లయిలు
    1. మీ నాలుగు పూరణలు బాగున్నవి. అభినందనలు.
      'శృంఖలము'ను శృంకల మన్నారు. నాలుగవ పూరణ మూడవ పాదంలో గణదోషం. "శంకించక గొలువగ శివ..." అనండి.

      తొలగించండి
  33. శంకపడక రాఘవుడా
    లంకకు ప్రభువుగ తలచెను రావణు తమ్మున్
    వంకలు లేనట్టి యాతడు
    కింకరుడే, రాజయి ఘనకీర్తిని బొందెన్

    రిప్లయితొలగించండి
    రిప్లయిలు
    1. మీ పూరణ బాగున్నది. అభినందనలు.
      మూడవ పాదంలో గణదోషం. "లేనట్టి యతడు" అనండి.

      తొలగించండి
  34. మిత్రులందఱకు నమస్సులు!

    ఱంకెలిడు ఢిల్లి రాజుకు
    శంక నిడఁ బ్రతాపరుద్రు ౘాఁకలి, పేరం,
    డంకిత సరూపుఁ డగు నా

    కింకరుఁడే, రాౙయి, ఘనకీర్తినిఁ బొందెన్!

    రిప్లయితొలగించండి
    రిప్లయిలు
    1. వైవిధ్యంగా చక్కని పూరణ నందించారు. బాగున్నది. అభినందనలు.

      తొలగించండి
  35. నేటి శంకరాభరణం వారి సమస్యాపూరణం ( 12-5-16)
    sk 1 94
    సమస్య : కింకరుఁ డే రాజయి ఘన కీర్తినిఁ బొందెన్
    నా పూరణ : కం :
    కొంకణ దేశమునందొక
    కింకరుడబ్బురపరచుచు కీర్తికి రీటం
    తోకల తీర్చుకొనెన్ నా
    కింకరుఁడే రాజయి ఘన కీర్తినిఁబొందెన్

    రిప్లయితొలగించండి
    రిప్లయిలు
    1. మీ ప్రయత్నం ప్రశంసనీయం.
      'కిరీటం'అని ముప్రత్యయం లేకుండా వ్రాయరాదు.

      తొలగించండి
  36. బింకముతో గుజరాతున
    జంకక రాణికి, భటులకు, జంగము దొరకున్,
    కుంకలకున్ తేనీరిడు
    కింకరుఁడే రాజయి ఘనకీర్తినిఁ బొందెన్!

    రిప్లయితొలగించండి