కవిమిత్రులకు నమస్కృతులు. నిన్న పనుల వత్తిడి వల్ల ఎంత ప్రయత్నించినా సమస్యను పోస్ట్ చేయలేక పోయాను. క్రమం తప్పకుండా రోజు కొక సమస్యను ఇవ్వాలనుకున్న నా నియమం తప్పింది. మన్నించండి.
వసంత కిశోర్ గారూ, హరికథాపితామహుని ప్రస్తావనతో మీ పూరణ ప్రశస్తంగా ఉంది. అభినందనలు. * పండిత నేమాని వారూ, ప్రశంసార్హమైన కథలు చెప్పేవాడు పండితుడన్న మీ పూరణ బాగుంది. అభినందనలు. * సత్యనారాయణ మూర్తి గారూ, చక్కని విరుపుతో మంచి పూరణ చెప్పారు. మీ రెండవ పూరణ వ్యంగ్యార్థ భరితమై శోభిస్తున్నది. అభినందనలు. * కమనీయం గారూ, కమనీయ భావాలు మీ సొంతం. చక్కని పూరణ. అభినందనలు. * సహదేవుడు గారూ, ప్రశంసార్హమైన ప్రయత్నం మీది. అభినందనలు. "చూపెడు తలు పది..."? * సుబ్బారావు గారూ, మంచి విరుపుతో చక్కని పూరణ చెప్పారు. అభినందనలు. * లక్కరాజు వారూ, ధన్యవాదాలు. * రాజేశ్వరి అక్కయ్యా, మీ మొదటి పూరణలోని వక్రోక్తి అదిరింది. రెండవ పూరణ కూడా బాగుంది. అభినందనలు.
నమస్కారములు. ఈ రోజూ కుడా సమస్య కనుపిం చక పొతే , ఫోన్ చేద్దామనుకుంటూ , కంప్యూటర్ దగ్గరకు వచ్చాను. ఇంకేం ? బోలెడు ఆనంధం . హమ్మయ్య. ! ఇక నుంచీ రోజూ ఈ పిలుపు వినవచ్చును. ధన్య వాదములు తమ్ముడూ !
కవిమిత్రులకు నమస్కృతులు.
రిప్లయితొలగించండినిన్న పనుల వత్తిడి వల్ల ఎంత ప్రయత్నించినా సమస్యను పోస్ట్ చేయలేక పోయాను. క్రమం తప్పకుండా రోజు కొక సమస్యను ఇవ్వాలనుకున్న నా నియమం తప్పింది. మన్నించండి.
అందరికీ వందనములు !
రిప్లయితొలగించండిహరికథా పండితుడు :
01)
___________________________________
పలుకు పలుకున తేనెల - పంట నద్ది
పదము పదమున నాట్యమ్ము - పదును బెట్టి
పట్టు వీడని కథనమ్ము - నట్టె నిలిపి
పది కథలు చెప్పగలవాడె - పండితుండు !
___________________________________
అంశమేదైన జ్ఞానబోధాశయముగ
రిప్లయితొలగించండిరసము లెల్లను నింపుచు నసదృశముగ
జనుల నలరింప జేసి ప్రశంసలందు
పది కథలు జెప్పగలవాడె పండితుండు
కథకుడనెడి యశము పొందు, ఘనత నందు
రిప్లయితొలగించండికరము తన్మయభావాన హరిని దలచి
పదికథలు చెప్పగలవాడె, పండితుండు
భావ మాధుర్యమునుగాంచి భళిర! యనును.
వేదశాస్త్రాలు చదివిన విజ్ఞుడైన
రిప్లయితొలగించండిఘనత గనలేడు ప్రస్తుత కాలమందు
మాయమాటలు పలుకుచు మమత జూపి
పదికథలు చెప్పగలవాడె పండితుండు.
శాస్త్ర విజ్ఞాన మెంతయు చాలకున్న,
రిప్లయితొలగించండికావ్యరచనా ధురీణుండు కాకయున్న
చక్కగా పఠితలకు నాసక్తి కల్గు
పది కథలు చెప్పగలవాడె పండితుండు.
వేదవిఙానమంతయుపాదుకొన్న భారతపురాణగాథలుమేరువంత చూడనొకటైనమార్గముఁ జూపెడుతలు
రిప్లయితొలగించండిపది,కథలుచెప్పగలవాడె పండితుండు
కధకు డగు నయ్య ! కమ్మగ, క్రమము తోడ
రిప్లయితొలగించండిపది కధలు చెప్ప గల వాడె , పండి తుండు
భాష మీ దన పరి పూ ర్ణ పట్టు గలిగి
వేద వేదాంత సారపు వేత్త యగు చొ
హ.వేం.స.నా.మూర్తి గారూ మీ పూరణ
రిప్లయితొలగించండి"వేదశాస్త్రాలు చదివిన విజ్ఞుడైన
ఘనత గనలేడు ప్రస్తుత కాలమందు"
చాలా బాగుంది.
రమ్య మైనట్టి ప్రేమలు రక్తి నొసగు
రిప్లయితొలగించండిఉల్ల మలరింఛి జనులు రంజిల్లు నటుల
ఎల్లి పిల్లికి జతబెట్టి కల్ల బొల్లి
పది కదలు చెప్ప గలవాడె పండి తుండు
దైవ చింతన కలిగిన ధన్యు డనుచు
రిప్లయితొలగించండికదలు కధలుగ నల్లిన కావ్య ములను
భక్తి పధమందు ప్రీతిగ భర్గు చెంత
పది కధలు చెప్ప గలవాడె పండి తుండు .
శ్రీ లక్కరాజు రావు గారూ!
రిప్లయితొలగించండిధన్యవాదాలు.
వసంత కిశోర్ గారూ,
రిప్లయితొలగించండిహరికథాపితామహుని ప్రస్తావనతో మీ పూరణ ప్రశస్తంగా ఉంది. అభినందనలు.
*
పండిత నేమాని వారూ,
ప్రశంసార్హమైన కథలు చెప్పేవాడు పండితుడన్న మీ పూరణ బాగుంది. అభినందనలు.
*
సత్యనారాయణ మూర్తి గారూ,
చక్కని విరుపుతో మంచి పూరణ చెప్పారు.
మీ రెండవ పూరణ వ్యంగ్యార్థ భరితమై శోభిస్తున్నది. అభినందనలు.
*
కమనీయం గారూ,
కమనీయ భావాలు మీ సొంతం. చక్కని పూరణ. అభినందనలు.
*
సహదేవుడు గారూ,
ప్రశంసార్హమైన ప్రయత్నం మీది. అభినందనలు.
"చూపెడు తలు పది..."?
*
సుబ్బారావు గారూ,
మంచి విరుపుతో చక్కని పూరణ చెప్పారు. అభినందనలు.
*
లక్కరాజు వారూ,
ధన్యవాదాలు.
*
రాజేశ్వరి అక్కయ్యా,
మీ మొదటి పూరణలోని వక్రోక్తి అదిరింది.
రెండవ పూరణ కూడా బాగుంది. అభినందనలు.
గాలి మేడలు తమగూర్చి, కల్ల బొల్లి
రిప్లయితొలగించండినిందలెన్నియొ ప్రత్యర్ధి నేత గూర్చి
యల్లి రాజకీయాలలో నారిదేరి
పది కథలు చెప్పగలవాడె పండితుండు
పండిత నేమాని వారూ,
రిప్లయితొలగించండికాలోచితమైన మీ వ్యంగ్యాత్మక పూరణ ఉత్తమంగా ఉంది. అభినందనలు.
నమస్కారములు.
రిప్లయితొలగించండిఈ రోజూ కుడా సమస్య కనుపిం చక పొతే , ఫోన్ చేద్దామనుకుంటూ , కంప్యూటర్ దగ్గరకు వచ్చాను. ఇంకేం ? బోలెడు ఆనంధం . హమ్మయ్య. ! ఇక నుంచీ రోజూ ఈ పిలుపు వినవచ్చును. ధన్య వాదములు తమ్ముడూ !
శంకరార్యా ! ధన్యవాదములు !
రిప్లయితొలగించండిభాష తెలిసిన వారలే బాగ తగ్గె
రిప్లయితొలగించండిఉప్పుకప్పుర పద్యంబు నప్ప జెప్పి
సగము తెలుగును వ్రాయగా సరస కవియు
పది కథలు జెప్ప గలవాడు పండితుండు.
హనుమచ్ఛాస్త్రి గారూ,
రిప్లయితొలగించండిబాగుంది మీ పూరణ. అభినందనలు.
శంకరార్యా!ధన్యవాదములు.
రిప్లయితొలగించండి