సత్యనారాయణ మూర్తి గారూ, చక్కని విరుపుతో మీ పూరణ చాలా బాగుంది. అభినందనలు. * సంపత్ కుమార్ శాస్త్రి గారూ, సమస్యను ప్రశ్నార్థకంగా మార్చిన మీ పూరణ చక్కగా ఉంది. అభినందనలు. * సుబ్బారావు గారూ, మంచి విరుపుతో సమస్యను పూరించారు. ముఖ్యంగా చెప్పదలచుకున్న విషయాన్ని బలంగా సమర్థించడాని కన్నట్లు "ఒప్పు, కలుగు, తనరారు, ఓలలాడు" అనే సమానార్థ పదాల ప్రయోగం బాగుంది. అభినందనలు. * పండిత నేమాని వారూ, ధర్మాగ్రహ ప్రాశస్త్యాన్ని వివరిస్తూ చక్కని పూరణ చెప్పారు. ఉత్తమమైన పూరణ. అభినందనలు. * శ్యామలీయం గారూ, మీ "చిరు కోపం" పూరణ ప్రశస్తంగా ఉంది. అభినందనలు. "జ్ఞాన జ్యోతి" అన్నప్పుడు "న" గురువై గణదోషం అవుతుంది కదా. అక్కడ "జ్ఞాన దీప్తి" అందాం. * కమనీయం గారూ, ధర్మగ్లానిని ఉపేక్షించకుండా సదాగ్రహం చూపడం మంచిదన్న మీ పూరణ బాగుంది. అభినమదనలు. * గుండా సహదేవుడు గారూ, చిరు కోపం మంచిదే అన్న మీ పూరణ చక్కగా ఉంది. అభినందనలు.
రాజేశ్వరి అక్కయ్యా, పద్యం సలక్షణంగా ఉంది. కాని అన్వయమే ఇబ్బంది పెడుతున్నది. * జిగురు సత్యనారాయణ గారూ, సముద్రునిపై రాముని కోపాన్ని చక్కగా వివరిస్తున్న మీ పూరణ బాగుంది. అభినందనలు. * వసంత కిశోర్ గారూ, అప్పుడప్పుడు ఆయా సందర్భాలలో కోపం చూపించాలన్న మీ పూరణ చక్కగా ఉంది. అభినందనలు.
భాగ్య మడగించి, కీర్తిసంపత్తి గూల్చి,
రిప్లయితొలగించండినష్టములగూర్చునట్టిది నరులకిలను
కోపమే, భూషణము నీతికోవిదునకు
శాంత మటుపైన మధురోక్తి సంపదయును.
భూరిశాంతగుణంబు సద్భూషణంబు
రిప్లయితొలగించండికూర్చ శ్లేషార్థపంక్తి వాగ్భూషణంబు
పుస్తకంబులు హస్తాబ్జ భూషణంబు
కోపమేభూషణము నీతి కోవిదునకు?
కోపము + ఏ భూషణము ?
సకల సంపత్తి హరియించు సాధనంబు
రిప్లయితొలగించండికోపమే , భూషణము నీతి కోవిదునకు
శాంత సహనంబు లియ్యివి సముచితము గ
నొప్పి , కలిగియు యలరారి యోలలాడ .
కయ్యమునకు నరాతులు కాలుద్రువ్వి
రిప్లయితొలగించండిపలుకుచుండ ప్రగల్భముల్ పరువుతీయు
నట్టి యపనిందలను వారి నణచు కొరకు
కోపమే భూషణము నీతికోవిదులకు
సత్య పథముల జూపెడు జ్ఞాన జ్యోతి
రిప్లయితొలగించండిపథ్యవాక్యమ్ములకు మందు వంటి పూత
ప్రేమతో సుద్దు లాడెడు వేళల చిరు
కోపమే భూషణము నీతికోవిదులకు
శాంతికాముకుడైనను,సత్యధర్మ
రిప్లయితొలగించండిహాని కల్గెడి పట్టున ,నట్టి దుష్ట
శక్తుల నుపేక్ష చేయంగ సాధ్యమౌనె?
కోపమే భూషణము నీతికోవిదునకు.
-----------
గుండా సహదేవుడు గారి పూరణ....
రిప్లయితొలగించండిఎల్లవేళల చిరునవ్వు లెక్కుబెట్టి
మధురభాషణమే సరిఁ బెదవిఁ బల్కి
కార్యనిర్వహణార్థముఁ గలిగెడుఁ జిరు
కోపమే భూషణము నీతికోవిదులకు
సత్యనారాయణ మూర్తి గారూ,
రిప్లయితొలగించండిచక్కని విరుపుతో మీ పూరణ చాలా బాగుంది. అభినందనలు.
*
సంపత్ కుమార్ శాస్త్రి గారూ,
సమస్యను ప్రశ్నార్థకంగా మార్చిన మీ పూరణ చక్కగా ఉంది. అభినందనలు.
*
సుబ్బారావు గారూ,
మంచి విరుపుతో సమస్యను పూరించారు. ముఖ్యంగా చెప్పదలచుకున్న విషయాన్ని బలంగా సమర్థించడాని కన్నట్లు "ఒప్పు, కలుగు, తనరారు, ఓలలాడు" అనే సమానార్థ పదాల ప్రయోగం బాగుంది. అభినందనలు.
*
పండిత నేమాని వారూ,
ధర్మాగ్రహ ప్రాశస్త్యాన్ని వివరిస్తూ చక్కని పూరణ చెప్పారు. ఉత్తమమైన పూరణ. అభినందనలు.
*
శ్యామలీయం గారూ,
మీ "చిరు కోపం" పూరణ ప్రశస్తంగా ఉంది. అభినందనలు.
"జ్ఞాన జ్యోతి" అన్నప్పుడు "న" గురువై గణదోషం అవుతుంది కదా. అక్కడ "జ్ఞాన దీప్తి" అందాం.
*
కమనీయం గారూ,
ధర్మగ్లానిని ఉపేక్షించకుండా సదాగ్రహం చూపడం మంచిదన్న మీ పూరణ బాగుంది. అభినమదనలు.
*
గుండా సహదేవుడు గారూ,
చిరు కోపం మంచిదే అన్న మీ పూరణ చక్కగా ఉంది. అభినందనలు.
ఖర్మ ఫలమును తొలగించ మర్మ మనుచు
రిప్లయితొలగించండికోరి శపియించి మరలించి భూరి వరము.
భువికి దిగివచ్చి తపియించి పుర హరుండు
కోపమే భూషణము నీతి కోవిదునకు ?
ఎత్తుకెత్తుగ కెరటమ్ములెగయచుండ
రిప్లయితొలగించండిఎల్ల కపులు దాటగ లేక తల్లడిల్ల
ఉల్లమందునుగ్రుండయ్యె నల్ల వాడు
కోపమే భూషణము నీతికోవిదునకు!!
అందరికీ వందనములు !
రిప్లయితొలగించండిఅందరి పూరణలూ అలరించు చున్నవి !
01)
_____________________________________________
కోమలత్వంబు లేనట్టి - కూళ లందు
క్రొవ్వి మీదికి వచ్చెడు - కుంక లందు
కొట్ట వచ్చెడు కఱుకైన - క్రొత్త భార్య
కూళతనమును నెదిరించ - కొంత యైన
కోపమే భూషణము నీతి - కోవిదునకు !
_____________________________________________
రాజేశ్వరి అక్కయ్యా,
రిప్లయితొలగించండిపద్యం సలక్షణంగా ఉంది. కాని అన్వయమే ఇబ్బంది పెడుతున్నది.
*
జిగురు సత్యనారాయణ గారూ,
సముద్రునిపై రాముని కోపాన్ని చక్కగా వివరిస్తున్న మీ పూరణ బాగుంది. అభినందనలు.
*
వసంత కిశోర్ గారూ,
అప్పుడప్పుడు ఆయా సందర్భాలలో కోపం చూపించాలన్న మీ పూరణ చక్కగా ఉంది. అభినందనలు.
నమస్కారములు
రిప్లయితొలగించండిచాలా రోజుల తర్వాత వినబడిన పిలుపు .చాలా ఆనందంగా ఉంది. తమ్ముడు ! ధన్య వాదములు.
పిన్ని దుర్భాష లాడగ వివశు డగుచు
రిప్లయితొలగించండితపము చేయంగ వెడలెను విపినములకు
ధృవ మండలము నేలెడి ధృవుడె యనగ
కోపమే భూషణము నీతి కోవిదునకు !
శంకరార్యా ! ధన్యవాదములు !
రిప్లయితొలగించండినిజమే అక్కయ్యా ! చాలా ఆనందంగా ఉంది !ఎన్నో రోజుల తరువాత !
రిప్లయితొలగించండిమంచి మాటలు వినని సమాజమునకు
రిప్లయితొలగించండిధర్మ బోధల చక్కని దారి జూపు
వేళలందున గురువుగా వెలుగు వేళ
కోపమే భూషణము నీతికోవిదునకు