సత్యనారాయణ మూర్తి గారూ, ‘మాధురీ భరితమునై పఠించుటయె భాగ్యమనందగు పద్యరాజమున్’ రచించి అందరికీ ఆనందాన్ని కలిగించారు. ధన్యవాదాలు. * కమనీయం గారూ, మీ పద్యం ‘చదువ ముచ్చట గొలుపును చదువరులకు’. చాలా బాగుంది. అభినందనలు. * రాజేశ్వరి అక్కయ్యా, కవుల హృదయాలకు ముదమును కూర్చే సుందరదృశ్యాన్ని వర్ణించారు. బాగుంది. అభినందనలు. మొదటి పాదంలో ‘వెలుగులం దమరెను’ అంటే గణదోషం తొలగిపోతుంది. * ఆ దృశ్యం పాశ్చాత్యసీమకు చెందినదని గుర్తించిన మీ సునిశిత పరిశీలనకు జోహార్లు. సుందరమైన వర్ణన. అభినందనలు.
ప్రకృతి సౌందర్యము
రిప్లయితొలగించండిఅలరుచున్నది ధాత్రి యతిమనోహరముగా
సుందర వృక్షముల్ శోభ గూర్ప
నిర్మల జలముతో నిండి కన్నులవిందు
నై యొప్పుచుండె జలాశయమ్ము
వినువీధిలో నున్న ఘన ఘనాఘన పంక్తి
విష్ణు దర్శనము గావించుచుండె
ఆహ్లాదకరముగా నలరుచుండి ప్రకృతి
హృదయాల దోచుచున్నది బళారె
హర్షమును గూర్చుచుండెను కర్షకులకు
నూహలం దేల్చుచున్నది యువతనెల్ల
సాధు జనులకు సకలమున్ స్వామిమయము
గా నలరి కవుల హృదయాల కాంతి నింపె
పండిత నేమాని వారూ,
రిప్లయితొలగించండిఅద్భుతమైన వర్ణనతో మా హృదయాలలో కాంతి నింపారు. ధన్యులం. ధన్యవాదాలు.
కలమత్యద్భుత రీతి సాగును కదా జ్ఞానప్రకాశమ్ముతో
రిప్లయితొలగించండిలలితార్థాన్విత శబ్ద వైభవముతో ప్రాజ్ఞ ప్రమోదమ్ముగా
విలసత్ భావ తరంగ సంచయము హృద్వీధిన్ బిసాళించగా
బళిరా! శంకర! మిత్ర సత్తమ! నమోవాకమ్ములో ధీనిధీ!
గురుతుల్యులు శ్రీ నేమాని పండితులవారికి,
రిప్లయితొలగించండిఆర్యా!
మీ ప్రకృతి వర్ణన అత్యద్భుతంగా ఉంది. నమస్కారములు.
అయ్యా శ్రీ శంకరయ్య గారూ! & శ్రీ హరి మూర్తి గారూ!
రిప్లయితొలగించండిసంతోషము - శుభాశీస్సులు - మీ వర్ణనలకై ఎదురు చూచుచున్నాను.
సురుచిరమై కనుంగవకు సుందరమౌ ఘనమేఘపంక్తియున్,
రిప్లయితొలగించండిహరితమనోహరాకృతుల నద్భుతరీతి వెలుంగు వృక్షముల్,
సరముల నిండియున్న విక స్వాదుజలంబులశేష(తీవ)మాధురీ
భరితములౌచు చూచుటయె భాగ్యమనందగు దృశ్యరాజమున్.
నీ లిగగనంబు రసమయ నీ రదంబు
రిప్లయితొలగించండిసాధు నీ రంబు గల యట్టి సరసు యదియ
పట్టు వృక్షంబు లెన్ని యొ చుట్టు నుండె
చూ డ ముచ్చట గొలుపును చూ పరులకు
సంధ్య వెలుగులం దమరె సౌరు లెన్నొ
రిప్లయితొలగించండినీలి గగనంపు సొగసుల మేలి ముసుగు
గంగ సిందూర లేలేత రంగు తరులు
కవుల హృదయాలు ముదమంది కావ్య మలర
అతిమనోహర మాదృశ్య మపరసంధ్య
రిప్లయితొలగించండిగాఢ నీలనీరద పంక్తి క్రమ్ముకొనగ
సుందరసరోవర తీరశోభమీర
అరుణవర్ణ పర్ణమ్ముల తరుల జూడ
శిశిరమని తోచె పాశ్చాత్య సీమ యందు.
సత్యనారాయణ మూర్తి గారూ,
రిప్లయితొలగించండి‘మాధురీ భరితమునై పఠించుటయె భాగ్యమనందగు పద్యరాజమున్’ రచించి అందరికీ ఆనందాన్ని కలిగించారు. ధన్యవాదాలు.
*
కమనీయం గారూ,
మీ పద్యం ‘చదువ ముచ్చట గొలుపును చదువరులకు’. చాలా బాగుంది. అభినందనలు.
*
రాజేశ్వరి అక్కయ్యా,
కవుల హృదయాలకు ముదమును కూర్చే సుందరదృశ్యాన్ని వర్ణించారు. బాగుంది. అభినందనలు.
మొదటి పాదంలో ‘వెలుగులం దమరెను’ అంటే గణదోషం తొలగిపోతుంది.
*
ఆ దృశ్యం పాశ్చాత్యసీమకు చెందినదని గుర్తించిన మీ సునిశిత పరిశీలనకు జోహార్లు. సుందరమైన వర్ణన. అభినందనలు.