"పోరు నిశ్చయమ్ము, నిలిచి పోర శక్తి నొసగుమా! ధీర వీర శూర! దారి తెలుపు నాకు మిత్రమా!" శౌరి గాంచి వేడె సవ్యసాచి; చేరె సుందరా కారు కరము, కరము. మోదకరము గాదె క్రీడికిన్.
శ్రీ శ్రీపతి శాస్త్రి గారూ! శుభాశీస్సులు. మీ పద్యము భావము బాగున్నవి. మొదటి పాదము హరిత పత్రములకు ఆహారమౌ భాను అని అన్నారు - నా సలహా: హరిత పత్రములకు ఆహారమిడు భాను అంటే బాగుంటుందేమోనని. పరిశీలించండి. స్వస్తి.
అయ్యా శ్రీ మూర్తి గారూ! శుభాశీస్సులు. మీరు ఉత్సాహ వృత్తము 1వ పాదములో ప్రాసయతి వేసేరు. మార్చండి. ఉత్సాహ వృత్తానికి ప్రాసయతి వేయరాదు. ప్రాస నియమము గల పద్యములకు ప్రాసయతి వేయరాదు. స్వస్తి.
అయ్యా శ్రీ సహదేవుడు గారూ! మీ పద్యములో 2వ పాదములో తోటి వారి సేవ తృప్తి యనుచు అనుటలో యతి మైత్రి లేదు. ఋకారమునకు ఇ, ఈ, ఎ. ఏ, ఋ, ౠ లతో యతి సరిపోతుంది. సరిచేయండి.
అందరూ అనేక ప్రక్రియలలో పద్యములను వ్రాయాలి శంకరాభరణములో వానిపై ప్రశంసలు రావాలి అని నా ఆకాంక్ష. ఈ దిశలో శ్రీమతి లక్ష్మీదేవి గారు తొలి ప్రయత్నము చేసేరు. కృతకృత్యులు అయ్యేరు. ఇక్కడితో ఆమె ఆగిపోరాదు. అలాగే మిగిలిన మనమంతా అదే బాటలో నడచి వీలైనన్ని పద్యములను శంకరయ్య గారికి పంపుచుందాము ఒక దినచర్య గా. శ్రీమతి లక్ష్మీదేవి గారికి మరొక మారు శుభాశీస్సులు. స్వస్తి.
Sri H.V.S.N.Moorti garu! you may send the poems to the email address: Shankarkandi@gmail.com for consideration and publishing in Shankaranandam blog. Regards
అమ్మా శ్రీమతి రాజేశ్వరి గారూ! మీరు వ్రాసిన పద్యములలోని భావమును నాకు అర్థమయిన రీతిలో అన్వయించుకొని, నేను పద్యముల రూపములో నుంచుటకు నొక చిన్న ప్రయత్నము చేసితిని.
వరములిచ్చు తల్లి వరలక్ష్మి ప్రీతితో నురముపైని నొప్పుచుండు శౌరి నాకు రక్ష యగుచు నా తలపై నుంచు కరము కరము మోదకరము గాదె?
భక్తుల కరుణించి ముక్తి నిచ్చెడు వేల్పు పరమశివుడు మెచ్చి శిరముపైని అభయ హస్తమును సమాదృతి నుంచ నా కరము కరము మోదకరము గాదె?
కాళ్ళు కడిగి హేమకలశ జలమ్ముతో హరికి దానమిచ్చు నట్టి వేళ దనుజనాథు కరము కనదే యశమ్ము నా కరము కరము మోదకరము గాదె?
వామన కుమార్ గారు, మీ ఉత్సాహమును గమనించి చెపుతున్నాను. నాకు తెలిసినంత వరకూ, ఉత్సాహ కు ఏడు సూర్యగణములు, ఒక గురువు ఉంటాయి. ప్రాసనియమము ఉంది. అంటే ప్రతిపాదములో రెండవ అక్షరము ఒకటే ఉండాలి. మొదటి అక్షరము లఘువు/ గురువు ఏదైనా అన్ని పాదాల్లో ఒకేరకంగా ఉండాలి. మొదటి అక్షరమునకు, ఐదవ గణము మొదటి అక్షరమునకు యతి.నాలుగు పాదాలుంటాయి. ఇంకేమైనా వివరాలుంటే పెద్దలు చెపుతారు. ప్రయత్నించండి.
ఉత్సాహ:
రిప్లయితొలగించండిపరమ పూరుషుండు శివుడు పార్వతీవిభుండు శం
కరుడు విశ్వగురువరుండు జ్ఞానవైభవుండు సుం
దరుడు శూలపాణి అభయదాయియైన వాని శ్రీ
కరము కరము మోదకరము గాదె సారధీనిధీ!
అంగారము అంగారము పురోహితము గాదె
రిప్లయితొలగించండిబంగారము బంగారము భాగ్యహితము గాదె
అంతరము అంతరము ధర్మహితము గాదె
కరము కరము మోదకరము గాదె !
చీర్స్
జిలేబి.
పెండ్లి మంటపమున వెలుగొందు ముత్యాల
రిప్లయితొలగించండిసేసలొకరి కొకరు వేసి మురియు
భూమిజాత యొక్క రామచంద్రుని యొక్క
కరము కరము మోదకరము గాదె
విఘ్నములను తొలగ వేడుకొనుము బాల,
రిప్లయితొలగించండినెల్లవేళలందు;నెల్ల పనుల.
విఘ్నపతినభయము వేడ; జూపును శుభ
కరము కరము; మోదకరము గాదె!
"పోరు నిశ్చయమ్ము, నిలిచి పోర శక్తి నొసగుమా!
ధీర వీర శూర! దారి తెలుపు నాకు మిత్రమా!"
శౌరి గాంచి వేడె సవ్యసాచి; చేరె సుందరా
కారు కరము, కరము. మోదకరము గాదె క్రీడికిన్.
అమ్మా లక్ష్మీ దేవి గారూ! శుభాశీస్సులు. మీ పద్యాలు చాల బాగున్నవి. ఆటవెలది 2వ పాదములో "నెల్ల వేళ లందు" లో మొదటగా నుగాగమము రాదు - యడాగమము చెయ్యాలి.
రిప్లయితొలగించండిశ్రీగురుభ్యోనమ:
రిప్లయితొలగించండిహరితపత్రములకు నాహారమౌ భాను
కరము, కరము మోదకరము గాదె
కరికి జూడ, భాగ్యకరము మానవులకు
హరి పదముల జూపు యభయ కరము
"మోక్షము కొరకు నా పాదములనాశ్రయించుమ"ను శ్రీవెంకటేశ్వరుని అభయ హస్తము మానవులకు భాగ్యకరము.
1.
రిప్లయితొలగించండిసతము హాయియొసగు సంతోషమందించు,
శాంతమూర్తియగుచు కాంతులొసగు,
చేరి సత్వమంద జేయుశీతకరుని
కరము కరము మోదకరము గాదె.
2.
అర్థులరుదెంచి యాచింప ననవరతము
నాస్తి శబ్దంబు పలుకక వస్తుతతిని
కొసరి సంతోషమందుచు నొసగెడునర(నృప)
వరునికరము కరము మోదకరము గాదె.
అయ్యో , ఔనండీ. పదమొకటి మార్చాక చూసుకోలేదు. పొరపాటుకు మన్నించండి.
రిప్లయితొలగించండిధన్యవాదాలండి.
సత్యనారాయణ మూర్తి గారు,
రిప్లయితొలగించండినమస్కారములండి. మీ ఆశీస్సులు ఆనందకారకాలు.
ధన్యవాదములు.
శ్రీ శ్రీపతి శాస్త్రి గారూ! శుభాశీస్సులు.
రిప్లయితొలగించండిమీ పద్యము భావము బాగున్నవి. మొదటి పాదము హరిత పత్రములకు ఆహారమౌ భాను అని అన్నారు - నా సలహా: హరిత పత్రములకు ఆహారమిడు భాను అంటే బాగుంటుందేమోనని. పరిశీలించండి. స్వస్తి.
వేడు కొనిన నీ శు వినయంబు తోడన
రిప్లయితొలగించండిశక్తి బుద్ది బలము రక్తి మఱియు
అభయ హస్త మీ యు నశ్వరు శుభ కర
కరము , కరము మోద కరము గాదె !
చిరము భాగ్యనగరమందు తిరిగి యాతపార్తులై
రిప్లయితొలగించండిదరినిజేరి సేదదీర దలచి టేంకుబండుపై
స్థిరత గోరు వారి కా హుసేనుసాగరంపు శీ
కరము కరము మోదకరము గాదెసంధ్యవేళలన్. (ఎల్లవేళలన్)
బలి:
రిప్లయితొలగించండికోరి రావ దేవకోటికి వరకోటి
నిచ్చువాడు, దాన మేనిడుటను
క్రిందగుట గనంగ శ్రీభూవిభునిదివ్య
కరము , కరము మోద కరము గాదె.
రామ కృష్ణ గారు,
రిప్లయితొలగించండికోరి వచ్చె / కోరి రాగ అంటే బాగుంటుందేమో...!
కరము కరము మోద కలహంబులే హెచ్చు
రిప్లయితొలగించండికరము కరము కలుప కలియు మనసు
కలహ మునకు గాక కలియుటకు గలుప
కరము కరము మోద కరము గాదె
అయ్యా శ్రీ మూర్తి గారూ! శుభాశీస్సులు.
రిప్లయితొలగించండిమీరు ఉత్సాహ వృత్తము 1వ పాదములో ప్రాసయతి వేసేరు. మార్చండి. ఉత్సాహ వృత్తానికి ప్రాసయతి వేయరాదు. ప్రాస నియమము గల పద్యములకు ప్రాసయతి వేయరాదు. స్వస్తి.
గురుతుల్యులు శ్రీనేమాని పండితులవారికి నమస్కారములు.
రిప్లయితొలగించండిఉత్సాహంగా ఉత్సాహాన్ని వ్రాయటం ఇదే మొదటిసారి. అనుమానంగానే ప్రాసయతి వేయటం జరిగింది. దోషాన్ని మీరు తెలియజేస్తారనే అనుకున్నాను. శతాధిక ధన్యవాదాలు. మొదటి పాదాన్ని ఈ క్రింది విధంగా సరిచేస్తున్నాను. మీ మార్గదర్శనకు సర్వథా కృతజ్ఞతలు.
"అరసి భాగ్యనగరదీప్తు లాతపార్తియుక్తులై"
దరిని జేరి సేదదీర దలచి టేంకుబండుపై
స్థిరతగోరు వారికా హుసేనుసాగరంపు శీ
కరము కరము మోదకరము గాదె సంధ్యవేళలన్(ఎల్లవేళలన్)
మరుని నాతి వోలె మరువంగ లేనట్టి
రిప్లయితొలగించండివిరుల బోడి వచ్చి అర నగవున
కర కమలము చాచి కర చాలనముఁజేయ
కరము కరము మోదకరము గాదె!
గుండా సహదేవుడు గారి పూరణ....
రిప్లయితొలగించండికలిమిలేము లిలను కడు సహజమ్మని
తోటివారి సేవ తృప్తి యనుచు
ఆర్తు లైన వారి నాదుకొనగ నెత్తు
కరము కరము మోదకరము
అయ్యా శ్రీ శ్రీపతి శాస్త్రి గారూ!
రిప్లయితొలగించండిమీ పద్యము 4వ పాదములో యభయకరము అని యడాగమము చేసేరు కదా, దానిని నుగాగమముగా సరిజేయండి.
అంగ వికలురకిడు నరశాత పరిమితిన్
రిప్లయితొలగించండికొలువు దొరకె తుదకు కలికి వినుము
కుంటి వాడ గాని కూరిమి నాయవ
కరము కరము మోదకరము గాదె!
అయ్యా శ్రీ సహదేవుడు గారూ!
రిప్లయితొలగించండిమీ పద్యములో 2వ పాదములో తోటి వారి సేవ తృప్తి యనుచు అనుటలో యతి మైత్రి లేదు. ఋకారమునకు ఇ, ఈ, ఎ. ఏ, ఋ, ౠ లతో యతి సరిపోతుంది. సరిచేయండి.
శ్రీ సరస్వత్యై నమః :
రిప్లయితొలగించండిమిత్రులారా!
ఈనాటి పూరణలు వివిధ కోణములలో వెలుగు జిమ్ముచున్నవి.
1. శ్రీమతి లక్ష్మీదేవి గారు 2 విధాలుగా పూరించేరు.
(1) శుక్లాంబరధరం విష్ణుం
(2) శౌరి సహకారము కోరిన క్రీడి.
మంచి మంచి భావాలు - పద్యములు బాగున్నవి.
2. శ్రీ శ్రీపతి శాస్త్రి గారు: సూర్యకిరణాల ఉపయోగమును మరియు శ్రీ వేంకటేశ్వరుని అభయహస్తమును వర్ణించేరు. బాగున్నది.
3. ....మూర్తి గారు: 3 పద్యములు (1) శీతాంశు కిరణములు
(2) వదాన్యుడైన రాజు చేయి
(3) హుసేను సాగరు శీకరము
పద్యాలు, భావములు బాగున్నవి.
4. శ్రీ సుబ్బారావు గారు: శివుని శుభప్రద హస్తము గురించి చెప్పేరు - బాగున్నది.
5. శ్రీ రామకృష్ణ గారు: వామనమూర్తి హస్తమును అభివర్ణించేరు. మంచి పద్యము.
6. శ్రీ గోలి హనుమఛ్ఛాస్త్రి గారు: కలహానికి గాక సరసానికి అందించిన చేయి గురించి చెప్పేరు - బాగున్నది.
7.శ్రీ జిగురు సత్యనారాయణ గారు: రతీదేవిని బోలిన కాంతతో కరచాలనము గురించి చెప్పేరు. బాగున్నది. పాణిగ్రహణము అయితే ఇంకా బాగుంటుంది కదా.
8. శ్రీ సహదేవుడు గారు: ఆపదలలో ఆదుకొనే హస్తమును గురించి చెప్పేరు - బాగున్నది.
9. శ్రీ మిస్సన్న గారు : అంగ వైకల్యము ఉన్న లేకున్నా వాళ్ళకి కాకుండా పెద్ద దొరలే భోంచేస్తున్న సౌకర్యముల గురించి చెప్పేరు. బాగున్నది. బకాసురుడి హస్తము.
స్వస్తి.
శ్రీ సరస్వత్యై నమః:
రిప్లయితొలగించండిమిత్రులారా!
అందరూ అనేక ప్రక్రియలలో పద్యములను వ్రాయాలి శంకరాభరణములో వానిపై ప్రశంసలు రావాలి అని నా ఆకాంక్ష. ఈ దిశలో శ్రీమతి లక్ష్మీదేవి గారు తొలి ప్రయత్నము చేసేరు. కృతకృత్యులు అయ్యేరు. ఇక్కడితో ఆమె ఆగిపోరాదు. అలాగే మిగిలిన మనమంతా అదే బాటలో నడచి వీలైనన్ని పద్యములను శంకరయ్య గారికి పంపుచుందాము ఒక దినచర్య గా. శ్రీమతి లక్ష్మీదేవి గారికి మరొక మారు శుభాశీస్సులు. స్వస్తి.
ఆర్యా!
రిప్లయితొలగించండినమస్కారములు
శంకరాభరణం బ్లాగులో ప్రచురణకు పద్యాలు వ్రాసి పంపే విధానాన్ని తెలియజేయవలసిందిగా ప్రార్థన.
Sri H.V.S.N.Moorti garu!
రిప్లయితొలగించండిyou may send the poems to the email address: Shankarkandi@gmail.com for consideration and publishing in Shankaranandam blog. Regards
ఆర్యా! ధన్యవాదములు
రిప్లయితొలగించండిఅంబేడ్కర్ జయంతి సందర్భముగా వ్రాసిన మూడు పద్యములు మెయిల్ చేశాను.
మరోసారి ధన్యవాదములతో
మూర్తి.
వరము లిచ్చు తల్లి వరలక్ష్మి యెదపైన
రిప్లయితొలగించండిప్రీతి మెఱయు కరము పింగ ళాక్షు
కరుణ జూపి నాదు శిరముపై ముదమార
కరము కరము మోద కరము గాదె !
-----------------------------------------------
భక్త జనుల పాలి పరమేశు డేతెంచి
ముక్తి నియగ వారి భక్తి మెచ్చి
అభయ హస్త మిచ్చి యాదు కొను వేళల
కరము కరము మోద కరము గాదె !
కాళ్ళు కడిగి హేమ ఘటమందు జలముతో
రిప్లయితొలగించండిదనుజ లోక నాధు తమక మొంది
దాన మీయ గోరు దాతగ నేనైతి
కరము కరము మోద కరము గాదె !
పెద్దలందరికీ నమస్కారం.
రిప్లయితొలగించండిఈ ఉత్సాహ -- అంటే పద్య రచన ఎలా ఉంటుందో కొంచెం వివరించ ప్రార్ధన.
అమ్మా శ్రీమతి రాజేశ్వరి గారూ!
రిప్లయితొలగించండిమీరు వ్రాసిన పద్యములలోని భావమును నాకు అర్థమయిన రీతిలో అన్వయించుకొని, నేను పద్యముల రూపములో నుంచుటకు నొక చిన్న ప్రయత్నము చేసితిని.
వరములిచ్చు తల్లి వరలక్ష్మి ప్రీతితో
నురముపైని నొప్పుచుండు శౌరి
నాకు రక్ష యగుచు నా తలపై నుంచు
కరము కరము మోదకరము గాదె?
భక్తుల కరుణించి ముక్తి నిచ్చెడు వేల్పు
పరమశివుడు మెచ్చి శిరముపైని
అభయ హస్తమును సమాదృతి నుంచ నా
కరము కరము మోదకరము గాదె?
కాళ్ళు కడిగి హేమకలశ జలమ్ముతో
హరికి దానమిచ్చు నట్టి వేళ
దనుజనాథు కరము కనదే యశమ్ము నా
కరము కరము మోదకరము గాదె?
శ్రీ వామనకుమార్ గారూ!
రిప్లయితొలగించండిశుభాశీస్సులు:
ఉత్సాహ అనే పద్యము లక్షణములు:
1. 7 సూర్య గణములు 1 గురువు ప్రతి పాదములోను ఉండవలెను
2. 1వ అక్షరమునకు 5వ గణము తొలి అక్షరమునకు యతి సరిపోవలెను
3. ప్రాస నియమము కలదు
పోతనగారి భాగవతములో అనేక ఉత్సాహ వృత్తములు కలవు. చదవండి. స్వస్తి.
వామన కుమార్ గారు,
రిప్లయితొలగించండిమీ ఉత్సాహమును గమనించి చెపుతున్నాను.
నాకు తెలిసినంత వరకూ, ఉత్సాహ కు ఏడు సూర్యగణములు, ఒక గురువు ఉంటాయి. ప్రాసనియమము ఉంది. అంటే ప్రతిపాదములో రెండవ అక్షరము ఒకటే ఉండాలి. మొదటి అక్షరము లఘువు/ గురువు ఏదైనా అన్ని పాదాల్లో ఒకేరకంగా ఉండాలి.
మొదటి అక్షరమునకు, ఐదవ గణము మొదటి అక్షరమునకు యతి.నాలుగు పాదాలుంటాయి.
ఇంకేమైనా వివరాలుంటే పెద్దలు చెపుతారు. ప్రయత్నించండి.
పండితుల వారిచ్చు ప్రోత్సాహమునకు ఎంతైనా కృతజ్ఞురాలను.
రిప్లయితొలగించండినమస్కారములు
రిప్లయితొలగించండిగురువు గారి సహనమునకు ధన్య వాదములు .