7, ఆగస్టు 2012, మంగళవారం

సమస్యాపూరణం - 786 (సిగ్గులేనివాఁడు)

కవిమిత్రులారా,
ఈరోజు పూరించవలసిన సమస్య   ఇది...
సిగ్గులేనివాఁడు శ్రీవిభుండు.
ఈ సమస్యను సూచించిన గోలి హనుమచ్ఛాస్త్రి గారికి ధన్యవాదములు.

21 కామెంట్‌లు:

  1. వష్ణు వెచట గలఁడొ వెదుకంగఁ బంపె హి
    రణ్యకశ్యపుండు రాక్షసులను
    వానిఁ గనకఁ బలికె “పారిపోయె బెదరి
    సిగ్గులేనివాఁడు శ్రీవిభుండు”

    రిప్లయితొలగించండి
  2. శంకరార్యా ! చక్కని పూరణ చేశారు..
    మొదటి అక్షరం టైపాటు ...

    రిప్లయితొలగించండి
  3. అయ్యా! శంకరయ్య గారూ! నమస్కృతులు.
    హిరణ్యకశిపుడు అని అంటారు కదా. హిరణ్యకశ్యపుడు అని కూడా అంటారా? మా సందేహ నివృత్తి చేయగలరు.

    రిప్లయితొలగించండి
  4. హనుమచ్ఛాస్త్రి గారూ,
    ధన్యవాదాలు. నా కంప్యూటర్ మానీటర్ చెడిపోయి అక్షరాలు స్పష్టంగా కనిపించడం లేదు.
    పండిత నేమాని వారూ,
    నిజమే, దోషమే! ధన్యవాదాలు.సవరిస్తాను.

    రిప్లయితొలగించండి
  5. సాలె పాము సామజమ్ము, సానికుడని
    చిన్న చూపు చూడ కెన్నగాను
    వారి భక్తి మెచ్చి పరలోకగతిఁ జూప
    సిగ్గు లేనివాఁడు శ్రీవిభుండు.

    రిప్లయితొలగించండి
  6. సవరించిన నా పూరణము.....
    విష్ణు వెచట గలఁడొ వెదకుఁ డనుచు హి
    రణ్యకశిపుఁ డంపె రాక్షసులను
    వానిఁ గనకఁ బలికె “పారిపోయె బెదరి
    సిగ్గులేనివాఁడు శ్రీవిభుండు”

    రిప్లయితొలగించండి
  7. సిగ్గు లేని వాడు శ్రీవిభుం డనుచును
    దెప్పుచుండ నూరు తప్పులగుట
    చక్రపాణి చేత సమసెను శిశుపాలు
    డౌర! కృష్ణుతోడ వైరమేల?

    రిప్లయితొలగించండి
  8. చిన్న పెద్ద యనక చెయి చాపి యాచించు
    సిగ్గు లేని వాడు, శ్రీవిభుండు
    శ్రీల నిచ్చు భక్త జాలము నకునిల
    భక్త లోలుడు గద, పరమ శివుడు

    రిప్లయితొలగించండి
  9. కన్నె మోము వెల్గు కాంతి నేమందువు?
    జ్ఞానశూన్యత గల జడుడె యగును...
    రమకు నాథుడైన రమణుడదెవ్వరు?
    సిగ్గు; లేనివాడు; శ్రీవిభుండు.

    రిప్లయితొలగించండి
  10. కానిపనులజేసి కనకంబునార్జించి
    తానుతినక పరులకివ్వలేని
    వానికున్నపేరు వరుసగమారెను
    "సిగ్గులేనివాఁడు శ్రీవిభుండు"

    రిప్లయితొలగించండి
  11. సిగ్గు, లేని వాడు శ్రీవిభుం డందువే?
    అన్ని యున్న వాడు, నడుగు నెడల
    నన్ని యిచ్చు వాడు నా విభుండే కదా!
    తలప వలదు తప్పు, తప్పు లెపుడు

    రిప్లయితొలగించండి
  12. పాల కడలి లోన పవళించు హరియైన
    శరణు వేడి నంత కరగి పోవు
    కరిని గాచి తుదకు కైవల్య పధమిడె
    సిగ్గు లేని వాఁ డు శ్రీ విభుండు !
    ------------------------------------------
    తన్ను లైన దినగ తగుదు ననెసత్యను
    భక్త వత్స లుండు ప్రాపు గాన
    సిరిని సైత మొదిలి శీఘ్రమే పరుగిడు
    సిగ్గు లేని వాడు శ్రీ విభుండు !

    రిప్లయితొలగించండి
  13. విష్ణునింద చెవుల వినుచునుండెడువాడు
    సిగ్గులేనివాడు; శ్రీవిభుండు
    కరుణతోడ కాచు, కమల నయనుడైన
    ప్రభువు రక్షచేయు ప్రజలనెల్ల.

    రిప్లయితొలగించండి
  14. గుండా సహదేవుడు గారి పూరణ.....

    భృగువు వక్షమందు పొగరుగా తన్నినన్
    పాదసేవ జేసి పాద మొత్త
    అతివ సత్య తన్నె నటుపైన తలమీద
    సిగ్గులేనివాడు శ్రీవిభుండు.
    * * * * *
    లక్ష్మీ నరసింహం గారి పూరణ.....

    పట్టుపరుపుమీద పవళించి కరమును
    చెలియకు తలగడగ జేసి నాదు
    రాక నెరుగ డనుచు భృగువు దలచె “నెంత
    సిగ్గులేనివాడు శ్రీవిభుండు”
    * * * * *
    గుండు మధుసూదన్ గారి పూరణ....

    "భృగుఁడు తన్నినంత విష్ణుండు కాలొత్తె;
    సిగ్గులేనివాఁడు శ్రీవిభుండు;
    ఛీ!" యనంగ వలదు! శ్రీశుఁడీ నెపమున
    భృగుని కాలి కన్నుఁ బెఱుక నెంచె!

    రిప్లయితొలగించండి
  15. కలసిరసుర సురలు కవ్వంబుజేయగా
    నుద్భవించెనమృతముత్కటముగ,
    సురలకియ్యదలచి సుదతివేషమునని
    స్సిగ్గులేని వాడు శ్రీవిభుండు.

    ( నిస్సిగ్గు = సిగ్గుపడకపోవటము ) - వైరిసమాస పదము

    రిప్లయితొలగించండి
  16. బాల కృష్ణు రూపు పాలు వెన్నలు దొంగి
    లించినాడు నాడు పొంచి యుండి
    జలకమాడు సఖుల వలువల తా దోచె
    సిగ్గు లేని వాడు శ్రీ విభుండు.

    సిరిని గలిగి యుండి శ్రీశుండు తానయ్యు
    ఆలు వెడలి పోగ నాకలనుచు
    అడవి బాట బట్టె నప్పడిగె కుబేరు
    సిగ్గు లేని వాడు శ్రీ విభుండు.

    రిప్లయితొలగించండి
  17. కవిమిత్రులకు నమస్కృతులు.
    భాషాభిమానంతో, పద్యకవిత్వంపై ఆసక్తితో, ఉత్సాహంగా పూరణలను, పద్యాలను వ్రాస్తున్న అందరికీ అభినందనలు, ధన్యవాదాలు.
    నా కంప్యూటర్ మానీటర్ చెడిపోయి బ్లాగులో చిన్న అక్షరాలు స్పష్టంగా కనపడటం లెఉ. అందువల్ల మీ పద్యాలను చదివలేకపోతున్నాను. మెకానిక్‌కు ఎన్నిసార్లు ఫోన్ చెదినా ఇదిగో వస్తున్నా అంటూ వారంరోజులుగా ఇబ్బంది పెడుతున్నాడు.
    దయచేసి మరో రెందు మూడు రోజులు మిత్రులు పరస్స్పరం గుణదోష విచారణ చేసికొనవలసిందిగామనవ్.
    ఇప్పుడు నేను టైప్ చేదినన్యాఖ్యుఅలో ఎన్ని తప్పులున్నాయో?

    రిప్లయితొలగించండి
  18. తనదునెలవు,పుష్పదామ రత్నమయంబు,
    తన్నెనొకడు నరుడు ,తాల్మిదాల్చె,
    నెట్టులోర్తు నంచు నీసడించెను లక్ష్మి.
    సిగ్గులేని వాడు శ్రీవిభుండు.

    రిప్లయితొలగించండి