పండిత నేమాని వారూ, మీ తరళ వృత్తం ఉత్తమంగా ఉంది. అభినందనలు. * లక్ష్మీదేవి గారూ, మీ రెండు పద్యాలూ బాగున్నవి. అభినందనలు. ‘సాయుధువై యిల’ అనడం సరి! * వసంత కిశోర్ గారూ, మీ పద్యాలు బాగున్నవి. అభినందనలు. * గోలి హనుమచ్ఛాస్త్రి గారూ, మీ పద్యం చాలా బాగున్నది. అభినందనలు. ‘దండించావే’ అనే వ్యావహారికం బదులు ‘దండించితివే’ అంటే సరి! * సుబ్బారావు గారూ, బాగుంది మీ పద్యం. అభినందనలు. కాకుంటే ‘పవరు’ అనే అన్యభాషా పదాన్ని ప్రయోగించారు. * మిస్సన్న గారూ, ప్రశస్తంగా ఉంది మీ పద్యం. అభినందనలు. *
ధరణిపై పలు క్షత్రియుల్ తమ ధర్మమున్ విడనాడుచున్
రిప్లయితొలగించండిదొరతనమ్మును జూపుచున్ గడు దుష్టులౌచు జెలంగ న
త్తరుణమందు సముద్ధరింపగ ధర్మమున్ భృగురాముడై
పరశువూనుచు విక్రమించిన స్వామి! నిన్ బ్రణుతించెందన్
శివధనువది విఱిగిన తఱి
రిప్లయితొలగించండిశివునారాధించు నీవు శివమెత్తితివే,
భవహరుడగు రాముండన
నవగాహన గల్గ తొలగె నారాటములే!
జనకుని యాన బాలనము చక్కగ జేసెడు వాడవీవుగా
జననిని జంపి, తండ్రికడ సత్తు నిరూపణ జేసియుంటివే!
ఘనముగ తల్లి జీవనము కానుక గోరియు తెచ్చిజూపుచున్,
జననము సార్థకమ్ముగను సాయుధు వై నిల నిల్చినాడవే!
అందరికీ వందనములు !
రిప్లయితొలగించండిఅందరి పూరణలూ అలరించు చున్నవి !
పరశురామావతారము :
01)
_______________________________
తండ్రి యానతి తలదాల్చి - తల్లి తలను
తలిరుటాకును త్రుంచెడు - దంతి రీతి
తరిగి వేసెను పరశువు - దాల్చి చేత !
తల్లి , యన్నల బ్రతికించె - తండ్రి గోరి !
పరశువును చేతబూనిన - పరమ కోపి
పగయె రగులగ పలుమార్లు - పట్టు బట్టి
ప్రభువులను మట్టు బెట్టిన - పరశురాము
ప్రస్తుతించగ రారండి - ఫలము లొసగు !
_______________________________
ఇరువది యొక్కటి మారులు
రిప్లయితొలగించండిధర దిరుగుచు నరపతులను దండించావే
పరశువు చేకొని, వినగను
పరవశ మిడు చరిత యున్న బాపడ జేజే !
రిప్లయితొలగించండిఅవతారము లన్నిట నీ
యవతారమె గొప్ప దనిరి యార్యా ! రామా !
యవని గల దుష్ట రాజుల
పవ రంతయు పీ కి నావు పరశువ తోడన్ .
ధర్మ మతిక్రమించి వసుధంగల క్షత్రియులెల్ల నీచ దు-
రిప్లయితొలగించండిష్కర్మల సల్పు వేళలను సంఘహితమ్మును కోరి వారలన్
ఖర్మము బాపి గొడ్డలిని కాలుడవై పలుమార్లు ద్రుంచవే
ధర్మము నుద్ధరించగను ధాత్రిని భార్గవ నందనా బళీ.
పండిత నేమాని వారూ,
రిప్లయితొలగించండిమీ తరళ వృత్తం ఉత్తమంగా ఉంది. అభినందనలు.
*
లక్ష్మీదేవి గారూ,
మీ రెండు పద్యాలూ బాగున్నవి. అభినందనలు.
‘సాయుధువై యిల’ అనడం సరి!
*
వసంత కిశోర్ గారూ,
మీ పద్యాలు బాగున్నవి. అభినందనలు.
*
గోలి హనుమచ్ఛాస్త్రి గారూ,
మీ పద్యం చాలా బాగున్నది. అభినందనలు.
‘దండించావే’ అనే వ్యావహారికం బదులు ‘దండించితివే’ అంటే సరి!
*
సుబ్బారావు గారూ,
బాగుంది మీ పద్యం. అభినందనలు.
కాకుంటే ‘పవరు’ అనే అన్యభాషా పదాన్ని ప్రయోగించారు.
*
మిస్సన్న గారూ,
ప్రశస్తంగా ఉంది మీ పద్యం. అభినందనలు.
*
గురువు గారు,
రిప్లయితొలగించండిసరేనండి. ధన్యవాదాలు.
పరశు చేత బూని, వెంట పరుగులెత్తి రాజులన్,
రిప్లయితొలగించండిఇరువదొక్క మారులు ధర, తిరుగుతూ వధించుచూ
ధరణి భారమెంతయైన తగ్గునట్లు జేయగా,
పరశురామ జన్మమీవు బడసినావు రాఘవా !
వామన్ కుమార్ గారూ,
రిప్లయితొలగించండిబాగుంది మీ పద్యం. అభినందనలు.
‘పరశువు’ అనాలి కదా. ‘పరశు వొనర బూని’ అందాం. ‘తిరుగుతూ,వధించుచూ’ అనేవి వ్యావహారికాలు కదా. ‘తిరుగుచున్, వధించుచున్’ అంటే సరి!