3, జూన్ 2011, శుక్రవారం

సమస్యా పూరణం -352 (కర్ణు ననిలోనఁ జంపె)

కవి మిత్రులారా,
ఈ రోజు పూరించ వలసిన సమస్య ఇది ........
కర్ణు ననిలోనఁ జంపె రాఘవుఁడు చెలఁగి.

9 కామెంట్‌లు:

  1. వేన వేల రక్కసులను, వీర కుంభ
    కర్ణు ననిలోనఁ జంపె రాఘవుఁడు, చెలఁగి
    రావణాసురుఁ జంపెను, రమణిఁగాచె.
    జగము లెల్లను మురిసెను సంతసమున.

    రిప్లయితొలగించండి
  2. రామ రావణ యుద్ధ మారంభ మాయె,
    తనదు మదిలోన రుద్రుని దలచి శూర్ప
    కర్ణు; ననిలోన జంపె రాఘవుఁడు, చెలఁగి
    శత్రు మూకల రావణ సహిత ముగను.

    రిప్లయితొలగించండి
  3. ఎదిరి రాక్షసమూక నంగదుడు జంపె
    మేఘనాథుని జంపె సౌమిత్రి కినిసి
    హనుమ జంపె ధూమ్రాక్షుని యలిగి ; కుంభ
    కర్ణుననిలోన జంపె రాఘవుడు చెలగి

    రిప్లయితొలగించండి
  4. పార్థు డటసారథిని నమ్మి భయము విడచి
    కర్ణుననిలోనఁ జంపె; రాఘవుడు చెలఁగి
    రావణుని,యుద్ధముననాడు రౌద్ర రీతి
    జంపినవిధముఁ దానిట చంపనెంచె.

    రిప్లయితొలగించండి
  5. అందరికీ వందనములు !
    అందరి పూరణలూ అలరించు చున్నవి !

    01)
    ______________________________

    కమల నాభుడు సీతను - గావ నెంచి
    కదలి పోయెను లంకకు - కరుణ జేత
    కదన మందున ప్రతాప - గరిమ చేత
    కర్ణు నని లోన జంపె రా- ఘవుడు చెలగి !
    ______________________________
    కర్ణుడు = కుంభకర్ణుడు

    రిప్లయితొలగించండి
  6. 02)
    ______________________________

    కన్ను మిన్నును గానని - కర్క సుండు
    కదన మందున దినుచుండ - కపుల వరుస
    కపిలు డంతట క్రోధాన - కనలి , కుంభ
    కర్ణు నని లోన జంపె రా- ఘవుడు చెలగి !
    ______________________________

    రిప్లయితొలగించండి
  7. 03)
    ______________________________

    కనలి , కమలాక్షు కరుణచే - కపి రథుండు
    కర్ణు నని లోన జంపె ! రా - ఘవుడు చెలగి
    కదన మందున కడ తేర్చి - కర్కసులగు
    కర్వరుల నెల్ల; బ్రోచెను - కడలి సుతను!
    ______________________________

    రిప్లయితొలగించండి
  8. కవిమిత్రులకు వందనాలు.
    మందాకిని, గోలి హనుమచ్ఛాస్త్రి, నాగరాజు రవీందర్, వసంత కిశోర్ గారల పూరణలు చూసాను. అన్నీ బాగున్నాయి. అందరికీ అభినందనలు. సమయాభావం లల్ల విడివిడిగా వ్యాఖ్యానించలేక పోతున్నాను. సాయంత్రం వరకు వ్యాఖ్యానిస్తాను.

    రిప్లయితొలగించండి