మోచెర్ల వెంకన్న కవి సమస్యా పూరణలు - 32
సమస్య _"గాడిద యేడిచెఁ గదన్న ఘనసంపన్నా!"
కం."ఆడిన మాటకుఁ దప్పెను
గాడిదకొడు" కంచుఁ దిట్టఁగా విని "యయ్యో
వీఁడా నా కొక కొడు" కని
గాడిద యేడిచెఁ గదన్న ఘనసంపన్నా!
(శ్రీ దీపాల పిచ్చయ్య శాస్త్రి గారి "చాటుపద్య రత్నాకరము" నుండి)
ఈ సమస్యకు పూరణలు పంపవలసిందిగా కవిమిత్రులను ఆహ్వానిస్తున్నాను.
గాడినిఁ దప్పెను చూడుము,
రిప్లయితొలగించండివీడిగుణముఁదెలిసెనిప్డు, విశ్వాసమునే
వీడిన శునకమ్మిదియని
గాడిద యేడిచెఁ గదన్న ఘనసంపన్నా!
కుక్క, గాడిదలను పెంచుకున్న ఒక చాకలి నిద్రలో ఉన్నపుడు దొంగలు ఇంటిని దోచుకుపోతుండగా, బద్ధకముతో అరవని కుక్కనుగాడిద కోపపడి, తానే యజమానిని లేపాలని ఓండ్రపెట్టి, యజమాని మెప్పును పొందకపోగా, నిద్రాభంగము చేసినందుకు దెబ్బలు దిని తనకుమాలిన ధర్మము మొదలు చెడ్డ బేరము అని తెలుసుకున్న గాడిద కథ మనందరకూ తెలిసిందే. ఆ గాడిద ఎలా బాధపడిందో ఇక్కడ వివరించాను.
ఈ కామెంట్‌ను రచయిత తీసివేశారు.
రిప్లయితొలగించండి(మోచర్ల వారి బాటలోనే ...)
రిప్లయితొలగించండిఆడిన మాటను దప్పగ,
వేడుకగా దిరిగి చదువు వెనుకన వేయన్!
వాడికి నా పేరా? యని
గాడిద యేడిచెఁ గదన్న ఘనసంపన్నా!!
అందరికీ వందనములు !
రిప్లయితొలగించండిఅందరి పూరణలూ అలరించు చున్నవి !
దేవకికి అష్టమ గర్భ సంజాతు డుదయించగానే
గాడిదరూపంలో కావలియున్న కంస భటుడు
తన యేలికను తలచుకొని దుఃఖ్ఖించిన వైనం :
1)
_______________________________
చూడుము ప్రసవం బాయెను
వీడే కాబోలు నిన్ను - పేరడగించున్ !
తోడే లేదిక నీకని
గాడిద యేడిచెఁ గదన్న - ఘనసంపన్నా!
_______________________________
మిత్రుల పూరణలు బ్రహ్మాండము.
రిప్లయితొలగించండిమిత్రులు చంద్రశేఖరుల వారికి ధన్యవాదములు.
కాడికి యెద్దుల నోపక
గాడిదలను గట్టిరంట కర్షక వరులున్
ఓడిన హలములు దాల్చుచు
గాడిద లేడ్చెఁ గదర ఘన సంపన్నా !
వేడుక యా దినములలో
రిప్లయితొలగించండివాడుకగా దినగ నేర్చి వర సాహితి నీ
నాడును నీనాడుల ! యని
గాడిద యేడ్చెఁ గదర ఘన సంపన్నా !
క్షమించాలి
రిప్లయితొలగించండిసమస్య ఆఖరు పాదములను
గాడిద లేడిచె గదన్న ఘన సంపన్నా
గాదిద యేడిచె గదన్న ఘన సంపన్నా అని సవరించుకొని చదువ ప్రార్ధన.
నాడును, నేడును మరియే
రిప్లయితొలగించండినాడును సోమరులనెల్ల, నలుగురు వినగా
గాడిద లారా యనగా,
గాడిద యేడిచె గదన్నఘన సంపన్నా!!!
మందాకిని గారూ,
రిప్లయితొలగించండిమంచి కథను గుర్తుకు తెస్తూ మంచి పూరణ నిచ్చారు. అభినందనలు.
గోలి హనుమచ్ఛాస్త్రి గారూ,
భావం అదే అయినా పద్యం చెప్పిన తీరు అమోఘం. అభినందనలు.
వసంత కిశోర్ గారూ,
పూరణ చాలా బాగుంది. అభినందనలు.
‘నిన్ను పేరడగించున్’ అన్నచోట ‘నీదు పేరడగించున్’ అంటే బాగుంటుంది.
గన్నవరపు నరసింహ మూర్తి గారూ,
రిప్లయితొలగించండిమీ రెండు పూరణలలో మొదటిది ఉత్తమంగా ఉంది. అభినందనలు.
రెండవ పూరణకు చిన్న వివరణ ఇస్తారా?
మంద పీతాంబర్ గారూ,
సోమరుల నుద్దేశించి మీరు చేసిన పూరణ బాగుంది. అభినందనలు.
ఓడిన నోర్వని వాడును!
రిప్లయితొలగించండివాడుకగా జాతి సొత్తు వాడెడి వాడున్!
నేడేలు కొడుకులని యా
గాడిద యేడిచెఁ గదన్న ఘనసంపన్నా
మిస్సన్న గారూ,
రిప్లయితొలగించండిబాగుంది మీ పూరణ. అభినందనలు.
గాడిని దప్పిన కొమరుని
రిప్లయితొలగించండిగాడిద కొడుకంచు తండ్రి ఘనముగ తిట్టన్ !
చూడుము బిడ్డా మనగతి
గాడిద యేడిచె గదన్న ఘన సంపన్నా ?
శ్రీగురుభ్యోనమ:
రిప్లయితొలగించండివాడుకగా రేవుకుజను
వాడా చాకలి దిగులుగ వ్రాలెన్ నేలన్
వేడికి నోపగ చావగ
గాడిద, యేడిచె గదన్న ఘనసంపన్నా
శంకరార్యా ! ధన్యవాదములు !
రిప్లయితొలగించండిచంపు = పేరడగించు
కావున " నిన్ను పేరడగించున్ " అనడం జరిగింది !
మిత్రులందరి పూరణలూ ముచ్చటగా నున్నవి !
రాజేశ్వరక్కా,
రిప్లయితొలగించండిచక్కని పూరణ. అభినందనలు.
చాలా కాలానికి పద్యం నిర్దోషంగా వ్రాసారు. ధన్యోऽస్మి!
శ్రీపతి శాస్త్రి గారూ,
మీ పూరణ వైవిధ్యంగా బాగుంది. అభినందనలు.
వసంత కిశోర్ గారూ,
మీరు ఆ రూట్లో వచ్చారా? బాగు .. బాగు.. నేను అర్థం చేసికొనడంలో పొరబడ్డాను. మన్నించండి.
శ్రీగురుభ్యోనమ:
రిప్లయితొలగించండిపై పద్యపాదాన్ని సమస్యాపూరణగా భావించి అలా అపూరించాను. చమత్కారంగా క్రిందివిధంగా
చూడర సుతుడా మనుజుల
క్రీడలు, మనపై భారములు వైచి గెంటిరి మనకున్
కూడైన నిడరు యనుచున్
గాడిద యేడిచె గదన్న ఘన సంపన్నా
శ్రీపతి శాస్త్రి గారూ,
రిప్లయితొలగించండిమీ పూరణ ఉత్తమంగా ఉంది. అభినందనలు.
రోడున లూనాలనుగని
రిప్లయితొలగించండివేడుకగా చాకలోండ్రు బిరబిర కొనగా
వీడెదరిక నన్ననుచును
గాడిద యేడిచెఁ గదన్న ఘనసంపన్నా!