మోచెర్ల వెంకన్న కవి సమస్యా పూరణలు - 26
సమస్య - "ఎలుకలు తమ కలుగులోని కేనుఁగు నీడ్చెన్"
కం.ఇలలో నిద్దఱు రాజులు
మలయుచుఁ జదరంగ మాడి మాపటివేళన్
బల మెత్తి కట్ట మఱచిన
నెలుకలు తమ కలుగులోని కేనుఁగు నీడ్చెన్
(శ్రీ దీపాల పిచ్చయ్య శాస్త్రి గారి "చాటుపద్య రత్నాకరము" నుండి)
ఈ సమస్యకు పూరణలు పంపవలసిందిగా కవిమిత్రులను ఆహ్వానిస్తున్నాను.
కలవగ దలిచెను రావణు,
రిప్లయితొలగించండిదలపడి లంకను హనుమయె దనుజుల గూల్చెన్!
కలబడనని నటియింపగ,
ఎలుకలు తమ కలుగులోని కేనుఁగు నీడ్చెన్
సులభుండని భక్తులకున్
రిప్లయితొలగించండికలడెల్లెడలంచు నమ్మఁ, గంబము వీడెన్
వెలివడి లీలలఁ జూపెన్
ఎలుకలు తమ కలుగులోని కేనుఁగు నీడ్చెన్
ఏనుగంతటి దేవుని భక్తి కంబములోనికి రప్పించగలిగిందని భావము.
మరింత స్పష్టతకోసం-
రిప్లయితొలగించండిపిలిచిన బాలుని మెచ్చుచుఁ
వెలువడె కంబముఁ ఘనుండు విష్ణువుఁ దానే
కలడెల్లెడలంచుఁ; గనుము
నెలుకలు తమ కలుగులోని కేనుఁగు నీడ్చెన్
ఏనుగంతటి దేవుని భక్తి కంబములోనికి రప్పించగలిగిందని భావము.
చెలువము మీరగ నాడిరి
రిప్లయితొలగించండివలపన్నియు మునిపనుపున వగలొలుకంగన్,
యిలనేలు హరిశ్చంద్రుని,
యెలుకలు తమ కలుగులోని కేనుఁగు నీడ్చెన్!
విలువలు మరచిరి యందరు
రిప్లయితొలగించండిఅలిగిన హజరే! గెలుచుట అందని పండే!
వెలుగును జూచునె ధర్మము!
ఎలుకలు తమ కలుగులోని కేనుఁగు నీడ్చెన్
గురువు గారూ,
రిప్లయితొలగించండిమీ బాల్యమిత్రుని మరణానికి నా సంతాపములు.
- మంత్రిప్రగడ వేంకట బాలసుబ్రహ్మణ్యం
పలు భర్తృహరి హితోక్తుల
రిప్లయితొలగించండితెలిగించిన లక్ష్మణకవిదిగ్గజు బొమ్మన్
వెలుపల మరచితి నకటా!
ఎలుకలు తమ కలుగులోని కేనుఁగు నీడ్చెన్.
(భర్తృహరి సుభాషితములను తెలుగులోనికి అద్భుతంగా అనువదించిన
' ఏనుగుల లక్ష్మణ కవి' గురించి తెలియని తెలుగు వారుండరు కదా.)
కవిమిత్రులకు,
రిప్లయితొలగించండినమస్కారం. నా బాల్యమిత్రుడు బోయినపల్లి గో్పాల్ రావు గుండెపోటుతో మరణించాడు. మొన్ననే దారిలో కలిసి చాలాసేపు మాట్లాడాడు. వీలు చూసుకొని తొందరలోనే మా యింటికి వస్తానన్నాడు. ఇంతలో ఈ వార్త. వాడి జ్ఞాపకాలతో బాధాతప్తహృదయుణ్ణై ఉన్నాను.
వాడికి ఇద్దరూ కూతుళ్ళే. ఒకరు న్యూయార్క్ లో, ఒకరు కెనడాలో. వాళ్ళు వచ్చాక అంటే ఎల్లుండి అంత్యక్రియలు జరుగవచ్చు. అప్పటిదాకా నేను బ్లాగును తరచు వీక్షించి, అందరి పూరణలకు వెంటవెంటనే స్పందించకపోవచ్చు. దయచేసి మీలో మీరే సాటి కవిమిత్రుల పూరణల గుణదోషాలను పరామర్శించండి. ప్రస్తుతానికి నన్ను మన్నించండి.
సృష్టి లొ స్నేహం కంటె మాధుర్యం మరొకటి లేదు అటువంటి బాల్య మిత్రుని కోల్పోవడం బాధా కరం. మీరు కాస్త తేరు కున్నాకే మన సమస్యా పూరణలు పరిశీలించ వచ్చును. తొందర ఏమి లేదు. ?
రిప్లయితొలగించండిమీ మిత్రుని ఆత్మ ముక్తి కలగాలని ఆశిస్తున్నాము.
రిప్లయితొలగించండిఈ కామెంట్‌ను రచయిత తీసివేశారు.
రిప్లయితొలగించండిఅమ్మో ! ఇందులో ఎన్ని తప్పులున్నాయో ?
రిప్లయితొలగించండిగురువుగారూ బాల్య మిత్రుని కోల్పోవడం చాల బాధాకరం.
రిప్లయితొలగించండిమీ మిత్రునికి పరమేశ్వరుడు సద్గతులిచ్చు గాక.
మాస్టరు గారూ ! మీ బాల్య మిత్రుని మరణానికి చింతిస్తున్నాను.వారి ఆత్మకు శాంతి కలుగు గాక.
రిప్లయితొలగించండికవిమిత్రులారా,
రిప్లయితొలగించండినా బాల్యమిత్రుని మరణంపట్ల తమ విచారాన్ని వెల్లడించినందుకు అందరికీ ధన్యవాదాలు.
గోలి హనుమచ్ఛాస్త్రి గారూ,
రిప్లయితొలగించండిఏనుగులాంటి హనుమంతుణ్ణి ఎలుకలకలుగులాంటి లంకలోకి లాగారు. బాగుంది మీ పూరణ. అభినందనలు.
మందాకిని గారూ,
ఎలుక కలుగులాంటి స్తంభంలోకి విశ్వరూపుడైన భగవంతుణ్ణి ప్రవేశపెట్టారు. బాగుంది. అభినందనలు.
మంద పీతాంబర్ గారూ,
పూరణ బాగుంది. అభినందనలు.
టేకుమళ్ళ వెంకటప్పయ్య గారూ,
రిప్లయితొలగించండిబహుకాల దర్శనం! పూరణ బాగుంది. అభినందనలు.
మిస్సన్న గారూ,
ఉత్తమమైన పూరణ మీది. అభినందనలు.
సుజన మిత్రులు బోయినపల్లి గోపాలరావు గారి అకాల మరణం సహృదయులైన మిమ్మల్ని, మీ మ్త్రులమైన మమ్మల్ని చాలా బాధ పెట్టింది.కాల గమనంలో అనివార్యమైనచరమాంకమిది. ఆ పరమాత్మను చేరుకొన్న గోపాల్రావుగారికి ఆత్మశాంతి చేకూరును గాక అని శ్రద్ధాంజలి ఘటిస్తున్నాను.
రిప్లయితొలగించండిమీకూ, వారి కుటుంబ సభ్యులకు నా ప్రగాఢ సానుభూతి తెలియ జేసున్నాను.
నిలువక యమ దూతలు సద
రిప్లయితొలగించండిమల గోపాల్ రావు గొనియె మడియించి. కటా!
తలచిన బాధగ నున్నది.
"ఎలుకలు తమ కలుగులోని కేనుఁగు నీడ్చెన్"
శంకరార్యా !
రిప్లయితొలగించండిమీ మిత్ర వియోగము మీతో పాటూ మాకు కూడా బాధగా నున్నది !
ఆయన ఆత్మకు శాంతి కలగాలని ప్రార్థిద్దాం !
అందరికీ వందనములు !
రిప్లయితొలగించండిఅందరి పూరణలూ అలరించు చున్నవి !
చినుకులా రాలి
నదులుగా మారి
వరదలై పొంగి---------
చినుకూ చినుకూ కలిస్తే ఉప్పెనే గదా !
01)
__________________________________
చలి చీమల చిక్కిన ఘన
విలోమమును లాగి ,జేర్చె - వివరము నందున్ !
కలిసిన చినుకులె సంద్రము(కలిసిన చినుకుల చందము)
ఎలుకలు తమ కలుగులోని - కేనుఁగు నీడ్చెన్ !
__________________________________
పిలదాని బొమ్మ కొలువున
రిప్లయితొలగించండిపలువురు జేజలను గాంచి పరువుల తోడన్
బిలబిల గణేశు లాగుచు
నెలుకలు తమ కలుగులోని కేనుఁగు నీడ్చెన్