మోచెర్ల వెంకన్న కవి సమస్యా పూరణలు - 16
సమస్య -"కామిని కుచమధ్యమందు గరుడుం డాడెన్"
కం.చేమంతి చెట్టు పొంతను
భామామణి నిదురవోవఁ బయ్యెట జాఱన్
రోమావళి పామో యని
కామిని కుచమధ్యమందు గరుడుం డాడెన్.
(శ్రీ దీపాల పిచ్చయ్య శాస్త్రి గారి "చాటుపద్య రత్నాకరము" నుండి)
ఈ సమస్యకు పూరణలు పంపవలసిందిగా కవిమిత్రులను ఆహ్వానిస్తున్నాను.
అయ్యా గురువుగారూ వెంకన్న గారి భావనా పటిమ, పూరణ నిరుపమానాలు.
రిప్లయితొలగించండిఅందరికీ వందనములు !
రిప్లయితొలగించండి01)
___________________________________
ప్రేమగ పతి తెచ్చిచ్చిన !
కామాక్షి ధరించి మెడను - గరుడ పతకమున్
గ్రామంబున నడయాడగ
కామిని కుచ మధ్య మందు - గరుడుం డాడెన్ !
___________________________________
భూమిని నిలుపగ , సినిమా
రిప్లయితొలగించండి'కామిని' చిత్రమ్ము పరచ, కామిని యెదపై
పామట చరచర జేరగ
కామిని కుచ మధ్య మందు, గరుడుం డాడెన్!
వసంత కిశోర్ గారూ,
రిప్లయితొలగించండిఈ మధ్య మీరు చేసిన పూరణలలో దీనిని ఉత్తమమైనదిగా ఎన్నుతున్నాను. చాలా బాగుంది. అభినందనలు.
గోలి హనుమచ్ఛాస్త్రి గారూ,
మీ పూరణ అద్భుతంగా ఉంది. అభినందనలు.
వసంత మహోదయా అభినందనలు.
రిప్లయితొలగించండిశంకరార్యా ! ధన్యవాదములు.
రిప్లయితొలగించండిమామిడి పండ్లను పోలెడి
రిప్లయితొలగించండిభామిని కుచముల నడుమున పక్షుల టాటూ
గోముగ వేయించుకొనిన
కామిని కుచమధ్యమందు గరుడుం డాడెన్!!
శంకరార్యా ! ధన్యవాదములు !
రిప్లయితొలగించండిమిస్సన్న మహాశయా ! ధన్యవాదములు !
జిగురు సత్యనారాయణ గారూ,
రిప్లయితొలగించండిమీ పూరణ ఉత్తమంగా ఉంది. అభినందనలు.
నా పూరణ ...
రిప్లయితొలగించండితామో శ్రీవైష్ణవులట!
ప్రేమను సుతునకు గరుడుని పేరిడెను; సుతుం
డామె యొడిఁ బాలు ద్రాగగ
కామిని కుచమధ్య మందు గరుడుం డాడెన్.
శంకరార్యా!గరుడుని చంటి వాడిని చేసి ఆడించారు. అద్భుతంగా ఉంది
రిప్లయితొలగించండిశంకరార్యా ! సొగసైన పూరణ !
రిప్లయితొలగించండిగరుడుడి నొడిలో కూర్చుండ బెట్టి పాలు కూడా తాగించారు !
గురువుగారూ మాతృత్వము తొణికిస లాడే పూరణ నిచ్చారు.
రిప్లయితొలగించండిఅభినందనలు.