మోచెర్ల వెంకన్న కవి సమస్యా పూరణలు - 30
సమస్య -"నిప్పున నొక చేరెఁడంత నెత్తురు గాఱెన్"
కం.కుప్పించి వెలుగు దూఁకిన
గొప్ప ములిదె నాటె నిపుడు; కోమలి త్వరగా
నుప్పుఁ గొనిరమ్ము కాఁతము
నిప్పున; నొక చేరెఁడంత నెత్తురు గాఱెన్.
[వెలుగు = కంచె; ములిదె = ములు (ముల్లు) + ఇదె]
(శ్రీ దీపాల పిచ్చయ్య శాస్త్రి గారి "చాటుపద్య రత్నాకరము" నుండి)
ఈ సమస్యకు పూరణలు పంపవలసిందిగా కవిమిత్రులను ఆహ్వానిస్తున్నాను.
అందరికీ వందనములు !
రిప్లయితొలగించండి01)
_____________________________________
చప్పున పప్పును పెట్టగ
నిప్పున !నొక చేరెడంత - నెత్తురు గాఱెన్ !
గొప్పది యౌ మేకొక్కటి
గుప్పున నా కాలియందు - గుచ్చు కొనంగా !
_____________________________________
నిప్పులు గ్రక్కుచు వెడలగ
రిప్లయితొలగించండినప్పుడు మన రామరాజు, అగ్ని కణంబై !
చప్పున గాల్చగ రూథర్;
నిప్పున నొక చేరెఁడంత నెత్తురు గాఱెన్!!
శాస్త్రిగారూ, మంచి కల్పన, పద్యం బాగుంది.
రిప్లయితొలగించండిచంద్ర శేఖర్ గారూ ! ధన్యవాదములు.
రిప్లయితొలగించండిచప్పున కట్టెల పొయ్యిన
రిప్లయితొలగించండిగుప్పున మంటలెగయంగ, గోముగ లాగన్
ముప్పున కట్టియ గుచ్చుక
నిప్పున నొక చేరెఁడంత నెత్తురు గాఱెన్
వసంత కిశోర్ గారూ,
రిప్లయితొలగించండిమంచి పూరణ. అభినందనలు.
గోలి హనుమచ్ఛాస్త్రి గారూ,
మీ పూరణ అద్భుతంగా ఉంది. అభినందనలు.
చంద్రశేఖర్ గారూ,
బాగుంది మీ పూరణ. అభినందనలు.
గుప్పెడు భస్మముఁ దెమ్మిటు
రిప్లయితొలగించండినిప్పున,నొక చేరెడంత; నెత్తుఱుఁ గాఱెన్
చప్పునఁజల్లుట మేలగుఁ
తప్పును ముప్పును, మరింకఁదామసమేలా!
డాక్టర్లను పక్కన ఉండగా, నెత్తుఱు కు బూడిద పూస్తే ముప్పు తప్పుతుందని చెప్పుట సాహసమే కాదు, దుస్సాహసం. :)
మందాకిని గారూ,
రిప్లయితొలగించండినిస్సందేహంగా మీ పూరణ అత్యుత్తమంగా ఉంది. అభినందనలు.
గప్పున లంకా నగరం
రిప్లయితొలగించండిబప్పట్టున కాలుచుండ నసురుల గృహముల్
టప్పున ప్రేలుచు పైబడి
నిప్పున నొక చేరెఁడంత నెత్తురు గాఱెన్
శంకరార్యా ! ధన్యవాదములు.
రిప్లయితొలగించండిమిత్రుల పూరణలు చక్కగా యున్నాయి.
రిప్లయితొలగించండితప్పుడు పలుకులు భూసుత
దప్పని దాఁ నెన్న కుండ తప్తయు నగుచున్
నిప్పుల నడువగఁ జూడ్కుల
నిప్పుల నొక చేరెడంత నెత్తురు గాఱెన్ !
- గన్నవరపు నరసిం హ మూర్తి
నిప్పులు చెరిగెడి యెండన
రిప్లయితొలగించండిగప్పున బోవంగ నెంచి చెప్పులు లేకన్ !
చప్పున తగిలెను చెకుముకి
నిప్పున నొక చేరెఁడంత నెత్తురు గాఱెన్ !
చప్పున పండును కోసే
రిప్లయితొలగించండిటప్పుడు చూపెట్టు వ్రేలు ఠక్కున దెగె ; ఛీ !
యిప్పుడె విసురుము చాకును
నిప్పున ; నొక చేరెడంత నెత్తురు గాఱెన్ !
శంకరార్యా ! ధన్యవాదములు !
రిప్లయితొలగించండిమిత్రులందరి పూరణలూ ముచ్చటగా నున్నవి !
శ్రీగురుభ్యోనమ:
రిప్లయితొలగించండిచప్పిడి రొట్టెను గాల్చితి
నిప్పున, నొకచారెడంత నెత్తురుగారెన్
గుప్పున కంటకమొక్కటి
నొప్పించుచు గ్రుచ్చుకొనగ నుదుటన నాకున్
మిస్సన్న గారూ,
రిప్లయితొలగించండిమీ పూరణ చక్కగా ఉంది. అభినందనలు.
గన్నవరపు నరసింహ మూర్తి గారూ,
‘చూడ్కుల నిప్పు’ చక్కని ప్రయోగం. బాగుంది. అభినందనలు.
రాజేశ్వరక్కా,
చక్కని ఊహతో పూరణ చెప్పారు. బాగుంది. అభినందనలు.
రెండవపాదంలో యతి తప్పింది. అక్కడ ఏమంటే బాగుంటుంది? ‘చెంగున దూకన్" అందామా?
నాగరాజు రవీందర్ గారూ,
మీ పూరణ చాలా బాగుంది. అభినందనలు.