మోచెర్ల వెంకన్న కవి సమస్యా పూరణలు - 23
సమస్య -"ఉత్తరమున భానుబింబ ముదయం బాయెన్"
కం.అత్తుగఁ దూరుపుఁ బడమరఁ
జిత్తరువు లిఖించి నిదురఁ జెందితి నౌరా!
చిత్తరువు వ్రాయఁ బోవలె
నుత్తరమున; భానుబింబ ముదయం బాయెన్.
(శ్రీ దీపాల పిచ్చయ్య శాస్త్రి గారి "చాటుపద్య రత్నాకరము" నుండి)
ఈ సమస్యకు పూరణలు పంపవలసిందిగా కవిమిత్రులను ఆహ్వానిస్తున్నాను.
ఈ కామెంట్‌ను రచయిత తీసివేశారు.
రిప్లయితొలగించండిహత్తుకు పోయిన వలపుల
రిప్లయితొలగించండిచిత్తరువు లిఖించె చెలియ అక్షరములతో
మత్తుగ! మునిగెను చెలువుడు
యుత్తరమున; భానుబింబ ముదయం బాయెన్.
(వెంకన్న గారి బాటలోనే)
ఎత్తగు ఎవరె స్టెక్కడ ?
రిప్లయితొలగించండిహత్తెరి పండేమి దొరకె హనుమకు? ఏలా
ఇత్తరి కోడియె కూసెను?
ఉత్తరమున; భానుబింబ, ముదయం బాయెన్
మిత్రుల పూరణలు బహు సుందరముగా నున్నాయి.
రిప్లయితొలగించండిఉత్తరములనే వ్రాయం
దత్తర పడుచును పరీక్షఁ, దండనఁ బొందన్ -
కొత్తగఁ రాసెను బాలుడు-
"ఉత్తరమున భానుబింబ ముదయం బాయెన్"
చిత్తుగఁ దిక్కులు దెలియక
మత్తుగ దాగిన తదుపరి మాదయ వాగెన్
హత్తెరి! నేడే వింతగ
ఉత్తరమున భానుబింబ ముదయం బాయెన్.
చిత్తరువులఁరమ్యముగఁ,మ
హత్తరముగఁ ననుఁ, రవినని యనకన్ హౌరా!
ఇత్తరి రచియించితివే!!
ఉత్తరమున -భానుబింబ ముదయం బాయెన్.
(రవి అనే అతని చెలి బొమ్మలు బాగా గీయగలదు. రవికి ఉత్తరము వ్రాస్తూ, రవి అని సంబోధించక రవి బొమ్మ గీసిందన్నమాట.)
గురువు గారికి నమస్కారములతో,
రిప్లయితొలగించండిసవరణలకు ధన్యవాదములు
ఉత్తర గోగ్రహణమందు ఉత్తరకుమారుని పలుకులు పార్థుని దయతో నిజమైనవి
క: ఉత్తర కుమారుడు బలికె
నుత్తరియములను బహుమతి నిచ్చెడ నీకున్
నుత్తర ! పార్థుని దయతో
నుత్తరమున భాను బింబ ముదయంబాయెన్
మిస్సన్న గారూ,
రిప్లయితొలగించండిపూరణ బాగుంది. అభినందనలు.
కాని రెండవపాదంలో యతి తప్పింది.
గోలి హనుమచ్ఛాస్త్రి గారూ,
ప్రశ్నోత్తరరూపమైన మీ పూరణ చాలా బాగుంది. అభినందనలు.
మందాకిని గారూ,
మీ మూడు పూరణలూ ప్రశస్తంగా ఉన్నాయి. అభినందలు.
మొదటి పూరణలో ‘కొత్తగ’ కాదు ‘క్రొత్తగ’.
వరప్రసాద్ గారూ,
మీ ప్రయత్నం ప్రశంసింపదగిందే. కాని ‘ఉత్తరీయం‘లో రీ ని హ్రస్వం చేసారు. అన్వయం కూడా కొద్దిగా ఇబ్బంది పెడుతున్నది.
గురువుగారూ, ధన్యవాదాలు.
రిప్లయితొలగించండిమాస్టరుగారూ ! ధన్యవాదములు.
రిప్లయితొలగించండిమందాకిని గారూ !మీ పద్య కవితా ధార మంద గమనంతో మొదలై మందాకినీ ఝరిలా సాగుతోంది.అభినందనలు.
మాస్టరుగారూ ! ధన్యవాదములు.
రిప్లయితొలగించండిమందాకిని గారూ !మీ పద్య కవితా ధార మంద గమనంతో మొదలై మందాకినీ ఝరిలా సాగుతోంది.అభినందనలు.
ఉత్తర దిక్కున గల తెర
రిప్లయితొలగించండినెత్తిరి ; " సూరజ్ ఫిలిం " సనెడు టైటిలుతో
నత్తరి మొదలయె సినిమా ;
ఉత్తరమున భానుబింబ ముదయం బాయెన్ !
ఒక సినిమా హాలులో ఉత్తరము వైపున సినిమా తెర వుంది. సినిమా ప్రారంభంలో " సూరజ్
ఫిలింస్ " అనే టైటిల్ పడగానే సూర్యోదయాన్ని చూపించారు ...........
ఈ కామెంట్‌ను రచయిత తీసివేశారు.
రిప్లయితొలగించండిహనుమచ్ఛాస్త్రి గారూ,
రిప్లయితొలగించండిమీ పలుకులే శుభాశీస్సులు.
ఇందరి మిత్రుల ఆశీస్సులు లభించిన నాది అదృష్టము.
గురువుగారూ పొరబాటుకు చింతిస్తున్నాను.
రిప్లయితొలగించండిసవరించిన నా పూరణ:
హత్తుకు పోయిన వలపుల
అత్తరు చిలికించె చెలియ అక్షరములతో
మత్తుగ! మునిగెను చెలువుడు
యుత్తరమున; భానుబింబ ముదయం బాయెన్.
ఎత్తగు గోడను కట్టకు
రిప్లయితొలగించండిముత్తరమున; భాను బింబ ముదయం బాయెన్
యిత్తరి నెండలు మండును,
మొత్తము ప్రహరీని కట్ట బోదువె నేడే?
చిత్తరువు గీసి, కోమలి
రిప్లయితొలగించండిచిత్తమ్మును దోచెనేమొ,చిన్నది ప్రేమో
న్మత్తునబడె, నేమున్నదొ
నుత్తరమున, భాను బింబ ముదయంబాయెన్ !
ఇత్తరి కందము సీసము
రిప్లయితొలగించండిమత్తుగ నే చదివి చదివి మానస మందున్ !
చిత్తుగ నే వ్రాయ బోవగ
నుత్తరమున భానుబింబ ముదయంబాయన్ !
నాగరాజు రవీందర్ గారూ,
రిప్లయితొలగించండివహ్వా! పసందైన పూరణ మీది. చాలా బాగుంది. అభినందనలు.
మిస్సన్న గారూ,
సవరించిన మీ పూరణ బాగుంది. అభినందనలు.
‘చెలువుడు + ఉత్తరమున’ అన్నప్పుడు యడాగమం రాదు. ‘చెలువుం డుత్తరమున’ అంటే సరి.
మీ రెండవ పూరణ ప్రశస్తంగా ఉంది. అభినందనలు.
మూడవ పాదం ప్రారంభంలో యడాగమం రాదు. అక్కడ ‘ఇత్తరి’ అని అచ్చుతో మొదలెడితే దోషం కాదు.
మంద పీతాంబర్ గారూ,
మీ పూరణ అన్ని విధాలా బాగుంది. అభినందనలు.
రాజేశ్వరి నేదునూరి గారూ,
మీ పూరణ చక్కగా ఉంది. అభినందనలు.
మూడవ పాదంలో గణదోషం. ‘చిత్తుగ వ్రాయఁ గడంగిన" అంటే సరి.
మీ సహనానికి జోహార్లు గురువు గారూ !
రిప్లయితొలగించండిఅవునూ ! ఇంత పొద్దున్నే అంటే రాత్రి ౨.౩౦ కి మేలుకొని సవరణలు చేస్తున్నారా ? ఆరోగ్యం జాగ్రత్త . ఇప్పుడు మా పద్యాలకు తొందర ఎం వచ్చింది. ? నిద్ర లేకుండా ? ఎందుకు ? దయచేసి అలా చేయకండి. ముందు మీ ఆరోగ్యం . తర్వాతే కదా ఇవన్నీ ? ఈ అక్కమాట కాస్త వినమని ప్రార్ధన
రిప్లయితొలగించండిరాజేశ్వరి అక్కయ్యా,
రిప్లయితొలగించండిధన్యవాదాలు.
ఎందుకో ఆ సమయంలో మెలకువ వచ్చి, ఎంతకూ నిద్ర పట్టలేదు. కాసేపు కంప్యూటర్ చూస్తే కళ్ళు అలసటకు గురై నిద్ర పడుతుందనుకున్నాను. అనుకున్నట్టే నిద్ర ముంచుకొచ్చింది.
గురువు గారూ ! నా పూరణ మీకు అంతగా నచ్చినందులకు నేను ధన్యున్ని .
రిప్లయితొలగించండిగురువుగారూ పునస్సవరణలకు ధన్యవాదాలు.
రిప్లయితొలగించండి'ఉదయం బాయెన్' అన్న తర్వాత ' , ' (విరామ చిహ్నం - కామా) ఉంటుందనుకొని
యిత్తరి అని (యడాగమ సంధి) చేశాను. నా అభిప్రాయం సరైనదేనా?
భవదీయుడు.
క్రొత్తయె లేదిచ్చట నువు
రిప్లయితొలగించండితత్తర పడనేల జూన్లొ తారక రామా!
ఉత్తర దేశములందున
నుత్తరమున భానుబింబ ముదయం బాయెన్