గన్నవరపు నరసింహ మూర్తి గారూ, మంచి ప్రయత్నం. కానీ వసంత కిశోర్ గారన్నట్టు భావం బోధపడడం లేదు. సంపత్ కుమార్ శాస్త్రి గారన్నట్టు ‘పరిశ్రమ’లోని ‘రి’ గురువే. రెండవ పాదంలో ‘యే’ను హ్రస్వం చేస్తే సరి.. నా సవరణ.... సరమయు నార్జనమందున పరిశ్రమయె కాపు గాయఁ బ్రభు తస్కరులన్ దరగిన దుఃఖము, గావున దురదృష్టము వలన, సిరులు దొరకు జనులకున్. (పరిశ్రమకు సరమ పర్యాయపదం) * సంపత్ కుమార్ శాస్త్రి గారూ, మీ పూరణ వైవిధ్యంగా, విరుపు ప్రశంసనీయంగా ఉన్నాయి. బాగుంది. అభినందనలు. * సుబ్బారావు గారూ, మీ పూరణ చక్కని విరుపుతో బాగుంది. అభినందనలు. * గండూరి లక్ష్మినారాయణ గారూ, మీ పూరణ బాగుంది. అభినందనలు. ‘వెళ్ళితి’ అనే వ్యావహారికానికి బదులు ‘వెడలితి’ అనండి. * శ్రీనివాస్ గారూ, బాగుంది మీ పూరణ. అభినందనలు. ‘పరముకు’ అనరాదు... అది ‘పరమునకు’. దానిని సవరించండి. * ఆదిత్య గారూ, మీ పూరణ బాగుంది. అభినందనలు. * శైలజ గారూ, సమస్య కందంలో ఉంది. మీరు ఆటవెలదిని ఆశ్రయించారు. కందంలో పూరించే ప్రయత్నం చేయండి. కంద పద్య లక్షణానికి ఇక్కడ చూడండి.... http://te.wikipedia.org/wiki/%E0%B0%95%E0%B0%82%E0%B0%A6%E0%B0%82
ఏల్చూరి మురళీధర రావు గారూ, భగవత్కృప వలన అందరం క్షేమంగానే ఉన్నాం. ధన్యవాదాలు. శబ్దాలతో ఆటలాడుకొనడంలో మీకు మీరే సాటి. అద్భుతమైన పూరణ చెప్పారు. అభినందనలు. * వరప్రసాచ్ గారూ, మీ రెండు పూరణలూ బాగున్నవి. అభినందనలు. * పండిత నేమాని వారూ, ఇప్పుడే మిమ్మల్ని గుర్తు చేసుకొని మరోసారి మీకు ఫోన్ చేయాలనుకుంటున్నాను. ఈలోగా చక్కని పూరణతో దర్శనభాగ్యాన్ని కలిగించారు. ధన్యవాదాలు. ఈ మూడు రోజులూ బ్లాగు పెద్దదిక్కు లేని సంసారమయింది. సంతోషం!
సమాసముల మధ్యలో వచ్చు రేఫయుత సంయుక్తాక్షరములకు ముందున్న అక్షరము గురువా లఘువా అను సందేహము వచ్చునపుడు, ప్ర హ్రాదయః అనే ఒక సూత్రము ప్రకారము పూర్వ అక్షరమును తేలికగా పలికి లఘువుగా వాడుకొనవచ్చును, లేక ఊది పలికి గురువుగా నైనను వాడుకొనవచ్చును. ఇవి సమాసములకే పరిమితములు కాని పదముల మధ్యలోని అక్షరములకు అన్వయించకొనరాదు.
ఉదా: సరస + ప్రక్రియ = సరసప్రక్రియలో ప్ర ముందున్న స గురువుగా నయినను లేక లఘువుగానైనను వాడుకొనవచ్చును.
పరిశ్రమ మొదలైన విడి విడి పదములలో మధ్యనున్న శ్ర కి ముందునున్న రి విధిగా గురువే యగును. స్వస్తి.
పై ఉదాహరణలలో ‘ఉండుట’ అనే అర్థంలో ‘ఉంట’ అనీ, ‘లేకుండుటకు’ అనే అర్థంలో ‘లేకుంటకు’ అనీ, ‘కాకుండుటకు’ అనే అర్థంలో ‘కాకుంటకు’ అనీ ప్రయోగాలు ఉన్నాయి. కావున ‘రాకుండుటకు’ అనే అర్థంలో ‘రాకుంటకు’ అనే తమ ప్రయోగం సాధువే అని మధుసూదన్ గారు తెలియజేస్తున్నారు.
అయ్యా! శ్రీ శంకరయ్య గారూ శుభాశీస్సులు. శ్రీ మధుసూదన్ గారి ప్రయోగము "ఉంట" గురించి మీరు మంచి వివరణను ఇచ్చేరు. శబ్దరత్నాకరములో పూర్వప్రయోగములను ఈయలేదు. శ్రీ మధుసూదన్ గారు చూపిన పూర్వ కవి ప్రయోగములు కూడ నన్నయ్య తిక్కన్న శ్రీనాథుడు వంటి వారివి కావు కదా!". స్వస్తి.
శ్రీ శ్రీనివాస్ గారూ! శుభాశీస్సులు. మీ పద్యమును చూచేను - బాగుగనున్నది. 2వ పాదము చివరిలో "పరమును గనకన్" అనే పదమును వాడేరు. గనక అనే పదము వ్యతిరేకార్థకము - అందుచేత దాని చివర న్ అనే ద్రుతము రాదు. గనకన్ అని అనరాదు. దానికి బదులుగా గనకే అనుట కొంత నయము. స్వస్తి.
ఈ మధ్య కాలంలో బాగా ప్రాచుర్యం పొందిన అప్లికేషన్‘ siri'. ఇది యాపిల్ ఐఫోన్, ఐపాడ్లలో నిక్షిప్తమై ఉంటుంది. దీని సహాయంతో మనము ' siri' ని ఏదైనా అడగొచ్చు లేదా దానితో మాటాడొచ్చు.
ఇక్కడికి వచ్చి కవి పండితుల పద్యాలు చదువుకోవటం కూడ సిరియే కదండీ నాబోంట్లకు.. అరరే! రారిటు తెలుపగ దురదృష్టము వలన, సిరులు దొరకు జనులకున్ దరగనివై నిల్చును, శం కరాభరణ దర్శనమున కమ్రకృతులలోన్!!
గురువర్యులకు ప్రణామములు ... పూరణం చూడగానే పద్యరచనకు పూనుకోవడం తప్ప మరో ధ్యాసలేదు.అందుకే పద్యం వ్రాయాలనే తపన తో తమకు శ్రమ కల్గించినందులకు క్షంతవ్యురాలను... తమరందించిన లింకు(స్ఫూర్తి)తో ఇక కందాన్ని ప్రయత్నిస్తాను.. తప్పులను సరిచేసి పథనిర్ధేశం చేయగలరని ఆశిస్తాను.
మాన్యులు శ్రీ కంది శంకరయ్య గారికి నమస్కారములు శ్రీ కెంబాయి తిమ్మాజీ రావు గారు పూరించిన సమస్యను నేను పోస్ట్ చేశాను. వారికి తెలుగు టైపు పోస్టింగ్ వ్విశాయలు తెలియక నా సహాయము తీసుకోనినారు. వారి ఒక గూగుల్లో ఖాతా తెరిచి మున్ముందు వారి పేరుతోనే పంపగలము.
రిప్లయితొలగించండిసిరులను మూటల నిడి పా
తరలోనే దాచి పెట్టి తరలగ దివికిన్
మరితినరు వారలును తమ
దురదృష్టము వలన, సిరులు దొరకు జనులకున్.
గోలి హనుమచ్ఛాస్త్రి గారూ,
రిప్లయితొలగించండివాహ్! చాలా బాగున్నది మీ పూరణ. అభినందనలు.
మాస్టరు గారూ ! ధన్యవాదములు...
రిప్లయితొలగించండిఅందరికీ వందనములు !
రిప్లయితొలగించండిశాస్త్రీజీ ! శహబాష్ !
జూదగాడి సిరులు జనుల పాలే గదా !
01)
__________________________
దురపిల్ల సుతులు దారయు
దురోదరమునకు వశుడయి - దుర్గతి పాలై
దురితము మరి మరి జేయును
దురదృష్టము వలన; సిరులు - దొరకు జనులకున్ !
__________________________
దురోదరము = జూదము
వసంత కిశోర్ గారూ,
రిప్లయితొలగించండిమీ పూరణ చాలా బాగుంది. అభినందనలు.
కిశొర్జీ ! ధన్యవాదములు.
రిప్లయితొలగించండిమీ పూరణ కూడా అదిరింది.
శాస్త్రి గారూ ! దంచేసారు !!
రిప్లయితొలగించండిపరిశ్రమయు నార్జనమ్మున
పరిశ్రమయే కాపు గాయఁ బ్రభు తస్కరులన్
దరగిన దుఃఖము, గావున
దురదృష్టము వలన, సిరులు దొరకు జనులకున్.
కిశోర్ జీ అద్భుతమైన పూరణ. మీ రాక మాకు ముదావహము. మీ ఆదరానికి ధన్యవాదములు !
రిప్లయితొలగించండిశంకరార్యా ! ధన్యవాదములు !
రిప్లయితొలగించండిశాస్త్రీజీ ! ధన్యవాదములు !
మూర్తీజీ ! ధన్యవాదములు !
మీ నారికేళ పాకం కొరుకుడు పడకండా ఉంది !
కొంచెం వివరిస్తారా !
ధరలో నెవ్వరికైనను
రిప్లయితొలగించండిసిరికొఱకై తాను తపన జేయకయున్నన్
సిరి లభియించినచో యం
దు, రదృష్టము వలన సిరులు దొరకు జనులకున్.
శ్రీ నరసింహ మూర్తి గారికి,
రిప్లయితొలగించండిపరిశ్రమ లో "ర" గురువై గణభంగమవుతుందనుకొంటాను.
వరదల పాలైరి జనులు
రిప్లయితొలగించండిదురదృష్టము వలన , సిరులు దొరకు జనులకున్
విరివిగ శివు బూజించిన
ఇరవుగ మఱి మనసువెట్టి యెప్పుడు నైనన్
పర రాష్ట్రమునకు వెళ్ళితి
రిప్లయితొలగించండినిరతము కష్టించి పనులు నే జేసితినే!
కరువాయె నోగిరము నా
దురదృష్టము వలన , సిరులు దొరకు జనులకున్.
సిరులను పొందెడి యిచ్చను
రిప్లయితొలగించండిపరులను పీడించు వారు పరముకు వెలియై
నరకము లోపడు, నిహమున
దురదృష్టము వలన , సిరులు దొరకు జనులకున్.
తరువుల గూల్చుచు కొండల
రిప్లయితొలగించండికరిగించి ప్రకృతిని మ్రింగ కలికాల మహో!!
ఎర దొరికిన చేపకు వలె
దురదృష్టము వలన సిరులు దొరకు జనులకున్
ఆర్జనంబు యున్న ఆదరణ లేకున్న
రిప్లయితొలగించండిధనము దండి గుండి దాత కాకున్న
కూడ బెట్టిం దెల్ల కుండలో నీరాయె దుర
దృష్టం వలన సిరులు దొరకు జనులకును
గన్నవరపు నరసింహ మూర్తి గారూ,
రిప్లయితొలగించండిమంచి ప్రయత్నం. కానీ వసంత కిశోర్ గారన్నట్టు భావం బోధపడడం లేదు.
సంపత్ కుమార్ శాస్త్రి గారన్నట్టు ‘పరిశ్రమ’లోని ‘రి’ గురువే. రెండవ పాదంలో ‘యే’ను హ్రస్వం చేస్తే సరి.. నా సవరణ....
సరమయు నార్జనమందున
పరిశ్రమయె కాపు గాయఁ బ్రభు తస్కరులన్
దరగిన దుఃఖము, గావున
దురదృష్టము వలన, సిరులు దొరకు జనులకున్.
(పరిశ్రమకు సరమ పర్యాయపదం)
*
సంపత్ కుమార్ శాస్త్రి గారూ,
మీ పూరణ వైవిధ్యంగా, విరుపు ప్రశంసనీయంగా ఉన్నాయి. బాగుంది. అభినందనలు.
*
సుబ్బారావు గారూ,
మీ పూరణ చక్కని విరుపుతో బాగుంది. అభినందనలు.
*
గండూరి లక్ష్మినారాయణ గారూ,
మీ పూరణ బాగుంది. అభినందనలు.
‘వెళ్ళితి’ అనే వ్యావహారికానికి బదులు ‘వెడలితి’ అనండి.
*
శ్రీనివాస్ గారూ,
బాగుంది మీ పూరణ. అభినందనలు.
‘పరముకు’ అనరాదు... అది ‘పరమునకు’. దానిని సవరించండి.
*
ఆదిత్య గారూ,
మీ పూరణ బాగుంది. అభినందనలు.
*
శైలజ గారూ,
సమస్య కందంలో ఉంది. మీరు ఆటవెలదిని ఆశ్రయించారు. కందంలో పూరించే ప్రయత్నం చేయండి.
కంద పద్య లక్షణానికి ఇక్కడ చూడండి.... http://te.wikipedia.org/wiki/%E0%B0%95%E0%B0%82%E0%B0%A6%E0%B0%82
ఈ కామెంట్‌ను రచయిత తీసివేశారు.
రిప్లయితొలగించండిఈ కామెంట్‌ను రచయిత తీసివేశారు.
రిప్లయితొలగించండిమాన్యుల్యు శ్రీ శంకరయ్య గారికి, విద్వన్మిత్రులకు
రిప్లయితొలగించండినమస్కృతులతో,
బహుకాలదర్శనం. మీరంతా క్షేమస్థేమాలతో ఉన్నారు కదా!
పరహితనిత్యోత్సవులై
నిరతిశయానందు లగు ఘనీయశ్శ్రేయో
నిరతులకుం బుణ్యప్రా
దురదృష్టము వలన సిరులు దొరకు జనులకున్.
పుణ్య = పుణ్యఫలముగా, ప్రాదుః = ప్రకాశమానమగు, అదృష్టము = భాగ్యవిశేషము.
సప్రశ్రయంగా,
ఏల్చూరి మురళీధరరావు
శ్రీ శంకరయ్య గురుదేవులకు,శ్రీ నేమాని గురుదేవులకు పాదాభివందనములతో
రిప్లయితొలగించండిగురువు గారికి ధన్యవాదములు
=======*=======
( నష్ట పరిహారమును దిను వారిపై )
గిరిధరుని జూడ భక్తులు
గిరుల నడుమ జిక్క, వారి గీతలు మారెన్
పరిహార మార గించెను
దురదృష్టము వలన, సిరులు దొరకు జనులకున్
శ్రీ సుబ్బారావు గారు మీ పద్యములో నా భావము
రిప్లయితొలగించండివరదల పాలైరి జనులు
దురదృష్టము వలన,సిరులు దొరకు జనులకున్
విరివిగ పరిహారము దిను
గురి వెందకు ధరణి పైన కుసుమములవలెన్
మధ్యాక్కర:
రిప్లయితొలగించండిసిరులు వచ్చునెడల వచ్చు చేరి కొబ్బెర నీటి వోలె
సిరులు పోయిన పోవు దంతి చెలగి తిను వెలగ రీతి
సరియగు యోగమ్ము లిడును సకల ఫలితములు విగత
దురదృష్టము వలన సిరులు దొరకు జనులకున్ ధరిత్రి
ఏల్చూరి మురళీధర రావు గారూ,
రిప్లయితొలగించండిభగవత్కృప వలన అందరం క్షేమంగానే ఉన్నాం. ధన్యవాదాలు.
శబ్దాలతో ఆటలాడుకొనడంలో మీకు మీరే సాటి. అద్భుతమైన పూరణ చెప్పారు. అభినందనలు.
*
వరప్రసాచ్ గారూ,
మీ రెండు పూరణలూ బాగున్నవి. అభినందనలు.
*
పండిత నేమాని వారూ,
ఇప్పుడే మిమ్మల్ని గుర్తు చేసుకొని మరోసారి మీకు ఫోన్ చేయాలనుకుంటున్నాను. ఈలోగా చక్కని పూరణతో దర్శనభాగ్యాన్ని కలిగించారు. ధన్యవాదాలు. ఈ మూడు రోజులూ బ్లాగు పెద్దదిక్కు లేని సంసారమయింది. సంతోషం!
గుండు మధుసూదన్ గారి పూరణ....
రిప్లయితొలగించండిదురదృష్టము రాకుంటకు
వరమందిరి పురజనములు వరలక్ష్మి కడన్!
వరము కతన, కలుగని యా
దురదృష్టము వలన, సిరులు దొరకు జనులకున్!!
గుండు మధుసూదన్ గారూ,
రిప్లయితొలగించండిచక్కని పూరణ నిచ్చారు. అభినందనలు.
అయ్యా! శ్రీ శంకరయ్య గారూ!
రిప్లయితొలగించండిశుభాశీస్సులు.
శ్రీ గుండు మధుసూదన్ గారి ప్రయోగము "రాకుంట" సాధు ప్రయోగమేనా???
స్వస్తి
మిత్రులారా! శుభాభినందనలు.
రిప్లయితొలగించండిగత నాలుగు దినములలో మాకు అంతర్జాలము కరవయినది. అందుచేత ఈనాడే మరల మీతో ముచ్చటించే భాగ్యము లభించినది. స్వస్తి.
శ్రీ శంకరయ్య గురుదేవులకు,శ్రీ నేమాని గురుదేవులకు పాదాభివందనములతో
రిప్లయితొలగించండి========*=========
వరదల పాలైరి జనులు పర రాష్ట్ర మందున నాడు
దురదృష్టము వలన,సిరులు దొరకు జనులకున్ విరివిగ
పరిహారము దినెడి వారి పరివారములకెల్ల నేడు,
గురి వెందకు ధరణి పైన కుసుమములవలెను జూడ ।
మిత్రులారా!
రిప్లయితొలగించండిసమాసముల మధ్యలో వచ్చు రేఫయుత సంయుక్తాక్షరములకు ముందున్న అక్షరము గురువా లఘువా అను సందేహము వచ్చునపుడు, ప్ర హ్రాదయః అనే ఒక సూత్రము ప్రకారము పూర్వ అక్షరమును తేలికగా పలికి లఘువుగా వాడుకొనవచ్చును, లేక ఊది పలికి గురువుగా నైనను వాడుకొనవచ్చును. ఇవి సమాసములకే పరిమితములు కాని పదముల మధ్యలోని అక్షరములకు అన్వయించకొనరాదు.
ఉదా: సరస + ప్రక్రియ = సరసప్రక్రియలో ప్ర ముందున్న స గురువుగా నయినను లేక లఘువుగానైనను వాడుకొనవచ్చును.
పరిశ్రమ మొదలైన విడి విడి పదములలో మధ్యనున్న శ్ర కి ముందునున్న రి విధిగా గురువే యగును. స్వస్తి.
పండిత నేమాని వారూ,
రిప్లయితొలగించండిగుండు మధుసూదన్ గారు ఫోన్ ద్వారా తెలియజేసిన విషయం... (వారి నెట్ పనిచేయడం లేదట)
శబ్దరత్నాకరం ‘ఉంట’ శబ్దానికి ‘ఉండుట’ అని అర్థాన్నిచ్చింది. క్రింది ఉదాహరణలను పరిశీలించండి.
శివుడద్రిని శయనించుట
రవిచంద్రులు మింటనుంట రాజీవాక్షుం
డవిరళముగ శేషునిపై
బవళించుట నల్లి బాధ పడలేక సుమీ! (చాటువు)
నోటిపుప్పి కెల్ల నొప్పి లేకుంటకు
నాకుపోకసున్న మౌషధముగఁ
బెట్టకుండెనేని బెనురోఁత వేయురా,
విశ్వదాభిరామ వినుర వేమ!
కాకుంటకు కుందవరపు కవిచౌడప్పా!
పై ఉదాహరణలలో ‘ఉండుట’ అనే అర్థంలో ‘ఉంట’ అనీ, ‘లేకుండుటకు’ అనే అర్థంలో ‘లేకుంటకు’ అనీ, ‘కాకుండుటకు’ అనే అర్థంలో ‘కాకుంటకు’ అనీ ప్రయోగాలు ఉన్నాయి. కావున ‘రాకుండుటకు’ అనే అర్థంలో ‘రాకుంటకు’ అనే తమ ప్రయోగం సాధువే అని మధుసూదన్ గారు తెలియజేస్తున్నారు.
వరప్రసాద్ గారూ,
రిప్లయితొలగించండికందానికి మీ మధ్యాక్కర రూపాంతరం చాలా బాగుంది. అభినందనలు.
సిరిగలిగిన భోగమునన్
రిప్లయితొలగించండిమరులుగొని యిహంబు పైన మమకారమునన్
పరమున్ మయచెద రకటా!
దురదృష్టము వలన సిరులు దొరకు జనులకున్!
సహదేవుడు గారూ,
రిప్లయితొలగించండిబాగుంది మీ పూరణ. అభినందనలు.
మూడవ పాదంలో ‘మరచెదరు’కు బదులు ‘మయచెదరు’ అని టైపయింది.
thank you very much sir
రిప్లయితొలగించండిఅయ్యా! శ్రీ శంకరయ్య గారూ శుభాశీస్సులు.
రిప్లయితొలగించండిశ్రీ మధుసూదన్ గారి ప్రయోగము "ఉంట" గురించి మీరు మంచి వివరణను ఇచ్చేరు. శబ్దరత్నాకరములో పూర్వప్రయోగములను ఈయలేదు. శ్రీ మధుసూదన్ గారు చూపిన పూర్వ కవి ప్రయోగములు కూడ నన్నయ్య తిక్కన్న శ్రీనాథుడు వంటి వారివి కావు కదా!". స్వస్తి.
మాన్యులు శ్రీ శంకరయ్య గారికి, శ్రీ గురువులకు నమస్కృతులతో,
రిప్లయితొలగించండిభావార్థకమైన "ట" వర్ణకం పరంగా "డు" వర్ణం లోపించినపుడు లుప్తశేషమైన "ఉం" అన్నదానితో టవర్ణకం కూడి "ఉంట" ఏర్పడింది. బిందు - డు లోపాలు వైకల్పికాలు కనుక లోపం కలుగని పక్షాన "ఉండుట" ఏర్పడుతున్నది. అందుకే,
"తి - దు - ట లు పరంబగునపు డన్వాదుల ను స్థానంబున నున్నయు నుండు డులోపంబును విభాష నగు" అని బాలవ్యాకరణం: క్రియా-58.
"మధుకైటభారాతి మఱఁది రమ్మని పిల్చి పనిగొంట" అని శ్రీనాథుడు. మహాకవులందరి ప్రయోగాలూ ఉన్నాయి.
సప్రశ్రయంగా,
ఏల్చూరి మురళీధరరావు
సిరి సంపద లనునవి
రిప్లయితొలగించండివరముగ లభియించు ననగ ప్రాకృత కర్మల్ !
సరియగు నీమము వీడిన
దురదృష్టము వలన సిరులు దొరకు జనులకున్ !
గురువుగారికి ధన్యవాదములు.
రిప్లయితొలగించండిటై పాటు సవరణ తో :
సిరిగలిగిన భోగమునన్
మరులు గొని యిహంబు పైన మమకారమునన్
బరమున్ మరచెదరకటా!
దురదృష్టము వలన సిరులు దొరకు జనులకున్!
తరుగును సంపద లన్నియు
రిప్లయితొలగించండిదురదృష్టము వలన ; సిరులు దొరకు జనులకున్
బరగెడు భాగ్యము కతమున
స్థిరముగ నుండదు గద ! రమ చిరకాలముగన్
నిరుపేదలు కష్ట పడుచు
రిప్లయితొలగించండిసిరిసంపద లెల్ల బొంది శ్రీమంతులవన్
మరి ధన ముండెడి వా రం
దు రదృష్టమువలన సిరులు దొరుకు జనులకున్
శంకరయ్య గారికి కృతజ్ఞతా పూర్వక నమస్కారములు . నిన్నటి పూరణకు మీ అభినందనా పాత్రుడి నైనందుకు బహుధా కృతఙ్ఞతలు . మీరు సూచించినట్టు సవరణ చేసి ఈవిధము గా పూరణను పంపించు చున్నాను.
రిప్లయితొలగించండిసిరులను పొందెడి యిచ్చను
పరులను పీడించు వారు పరమును గనకన్
నరకము లోపడ వారల
దురదృష్టము వలన , సిరులు దొరకు జనులకున్.
పురజనులను దోచుకొనుచు
రిప్లయితొలగించండిధరణీశులు కోటలందు దాచిన సొమ్ముల్
వరదలతో దరి జేరెను
దురదృష్టము వలన; సిరులు దొరుకు జనులకున్
శ్రీ శ్రీనివాస్ గారూ! శుభాశీస్సులు.
రిప్లయితొలగించండిమీ పద్యమును చూచేను - బాగుగనున్నది. 2వ పాదము చివరిలో "పరమును గనకన్" అనే పదమును వాడేరు. గనక అనే పదము వ్యతిరేకార్థకము - అందుచేత దాని చివర న్ అనే ద్రుతము రాదు. గనకన్ అని అనరాదు. దానికి బదులుగా గనకే అనుట కొంత నయము. స్వస్తి.
రిప్లయితొలగించండిసిరి రా మోకాలొడ్డుట
దురదృష్టము వలన ; సిరులు దొరకు జనులకున్
సిరి దా వచ్చిన వచ్చును
సిరి దా బోయినను బోవు చిత్రము సుమ్మీ !
శ్రీ శంకరయ్య గురుదేవులకు, శ్రీ నేమాని గురుదేవులకు పాదాభివందనములతో
రిప్లయితొలగించండిగురువు గారికి ధన్యవాదములు
=======*=======
నిరయమధికము గల పరుల
దురదృష్టము వలన, సిరులు దొరుకు జనులకున్
కరతల మందున మరకల
పరకలు మెలికలు దిరుగగ పాపపు జగతిన్ ।
( నిరయము = దుర్గతి, పరకలు= రైతులు పొలమున మిగిల్చిన గడ్డి )
పండిత నేమాని వారూ,
రిప్లయితొలగించండిసూర్యరాయాంధ్ర నిఘంటువు ‘ఉంట’ శబ్దానికి ‘ఉండుట’ అని అర్థాన్నిచ్చి క్రింది పూర్వకవి ప్రయోగాలను చూపించింది.
1)
బంటుతనంబు మాటలకుఁ బాఱకు పాండునృపాలు పాలు గై
కొంటయ చాలు నన్న నృపకుంజరు పల్కుల కడ్డమాట రా
కుంట యెఱుంగవే మును... (భార. ఉద్యో. 3-59)
2)
దుగ్ధాబ్ధికన్యక తోడికోడలు గాఁగ
నొరిమ మై నుంట నీ కొప్పుఁగాదె (నైష. 3-126)
*
రాజేశ్వరి అక్కయ్యా,
మీ పూరణ చాలా బాగుంది. అభినందనలు.
మొదటి పాదంలో గణదోషం. ‘సిరి సంపద లనునవి యొక/ వరముగ....’ అందాం.
*
నాగరాజు రవీందర్ గారూ,
మీ రెండు పూరణలు బాగున్నవి. అభినందనలు.
*
బొడ్డు శంకరయ్య గారూ,
మీ రెండు పూరణలు చాలా బాగున్నవి. అభినందనలు.
*
వరప్రసాద్ గారూ,
మీ తాజా పూరణ వృత్యనుప్రాసాలంకారంతో చాలా బాగుంది. అభినందనలు.
ఈ కామెంట్‌ను రచయిత తీసివేశారు.
రిప్లయితొలగించండిఏదో సరదాకి ఈ పద్యం :
రిప్లయితొలగించండి‘ సిరి ' సౌలభ్యము గలుగదు
దురదృష్టము వలన ; ‘ సిరులు ' దొరకు జనులకున్
‘ సిరి ' గల ఐఫోన్లు కొనిన ;
‘ సిరి ' యనునది సాఫ్టువేరు సిరిసిరి మువ్వా !!
ఈ మధ్య కాలంలో బాగా ప్రాచుర్యం పొందిన అప్లికేషన్‘ siri'. ఇది యాపిల్ ఐఫోన్, ఐపాడ్లలో నిక్షిప్తమై ఉంటుంది. దీని సహాయంతో మనము ' siri' ని ఏదైనా అడగొచ్చు లేదా దానితో మాటాడొచ్చు.
ఇక్కడికి వచ్చి కవి పండితుల పద్యాలు చదువుకోవటం కూడ సిరియే కదండీ నాబోంట్లకు..
రిప్లయితొలగించండిఅరరే! రారిటు తెలుపగ
దురదృష్టము వలన, సిరులు దొరకు జనులకున్
దరగనివై నిల్చును, శం
కరాభరణ దర్శనమున కమ్రకృతులలోన్!!
శ్రీ శంకరయ్య గురుదేవులకు,శ్రీ నేమాని గురుదేవులకు పాదాభివందనములతో
రిప్లయితొలగించండిగురువు గారికి ధన్యవాదములు
=======*=======
( పేదల కష్టమును దోచుకొనే వారిపై )
మాయ దెలియని మనుజుల మగతనమ్ము,
పేద వారి స్వేదన మెల్ల పేరిమి యగు
వైరి తతి దురదృష్టము వలన, సిరులు
దొరుకు జనులకున్ నిత్యము ధరణి నందు ।
దొర ధర్మాత్ముం డైనను
రిప్లయితొలగించండిసిరి యుండును వాని రాజ్య సీమల ననియం
దు, రదృష్టము వలన సిరులు
దొరకు జనులకునని యనుట దోసమ్మేమో.
పరమేష్ఠి లేఖ్యములు ఎ
రిప్లయితొలగించండివ్వరికి తెలియంగరాదు వరమేయగు దు
ర్భర దారిద్ర్యము సైతము
దురదృష్టము వలన, సిరులు దొరకు జనులకున్
kembai Timmaji Rao
డాక్టర్ ఏల్చూరి వారూ! శుభాశీస్సులు.
రిప్లయితొలగించండిమీరు ఉదహరించిన వ్యాకరణ సూత్రము మా సందేహమును దీర్చినది. శుభాభినందనలు. స్వస్తి.
అయ్యా! శ్రీ శంకరయ్య గారూ!
రిప్లయితొలగించండిశుభాశీస్సులు.
మీరు సందేహ నివృత్తి చేసినందులకు మా అభినందనలు. స్వస్తి.
గురువర్యులకు ప్రణామములు ...
రిప్లయితొలగించండిపూరణం చూడగానే పద్యరచనకు పూనుకోవడం తప్ప మరో ధ్యాసలేదు.అందుకే పద్యం వ్రాయాలనే తపన తో తమకు శ్రమ కల్గించినందులకు క్షంతవ్యురాలను... తమరందించిన లింకు(స్ఫూర్తి)తో ఇక కందాన్ని ప్రయత్నిస్తాను.. తప్పులను సరిచేసి పథనిర్ధేశం చేయగలరని ఆశిస్తాను.
నాగరాజు రవీందర్ గారూ,
రిప్లయితొలగించండి‘సరదా’కి ‘సిరి’పై వ్రాసిన మీ పూరణ బాగుంది. అభినందనలు.
*
రామకృష్ణ గారూ,
పద్య సిరులను గూర్చిన మీ పూరణ బాగుంది. అభినందనలు.
*
వరప్రసాద్ గారూ,
తేటగీతిలో మీ పూరణ చాలా బాగుంది. అభినందనలు.
*
మిస్సన్న గారూ,
సమస్యను స్థానభ్రంశం చేసి అద్భుతమైన పూరణ చెప్పారు. అభినందనలు.
*
రమణ గారూ,
స్వాగతం!
మీ పూరణ బాగుంది. అభినందనలు.
‘లేఖ్యములు + ఎవ్వరికి’ అన్నప్పుడు సంధి నిత్యం. ‘లేఖ్యములె యెవ్వరికి...’ అందాం.
*
ఏల్చూరి మురళీధర రావు గారూ,
ధన్యవాదాలు.
*
శైలజ గారూ,
నేనిచ్చిన లింకులో కందపద్య లక్షణంలో ఏమైనా సందేహాలుంటే అడగండి. ఎల్లప్పుడూ మీకు సహాయపడటానికి సిద్ధం.
గురువు గారి సవరణకు ధన్యవాదములు. రేఫము విషయములో సందేహ నివృత్తి నొనరించిన అన్నగారికి అభివాదనములు.
రిప్లయితొలగించండివివిధములైన పూరణలు, పండితచర్చలు జరుగుచున్న ఈ శంకరాభరణ దర్శనం నిజంగా నిధియే, రామకృష్ణగారూ!
రిప్లయితొలగించండివిరళములై విలసిల్లుచు
నురముల నుప్పొంగఁజేయు నుక్తుల రచనల్
విరివిగఁ గనిపింపగ నం
దుర,దృష్టము వలన సిరులు దొరకు జనులకున్
మాన్యులు శ్రీ కంది శంకరయ్య గారికి
రిప్లయితొలగించండినమస్కారములు
శ్రీ కెంబాయి తిమ్మాజీ రావు గారు పూరించిన సమస్యను నేను పోస్ట్ చేశాను. వారికి తెలుగు టైపు పోస్టింగ్ వ్విశాయలు తెలియక నా సహాయము తీసుకోనినారు. వారి ఒక గూగుల్లో ఖాతా తెరిచి మున్ముందు వారి పేరుతోనే పంపగలము.
బిరబిర భవనము కట్టుట
రిప్లయితొలగించండినిరతము లెక్కించుకొనుట నిదురల లోనన్
భరణమ్ము లిచ్చుకొనుటయె...
దురదృష్టము వలన సిరులు దొరకు జనులకున్
రిప్లయితొలగించండిపరువుల్ బోవు జిలేబీ
దురదృష్టము వలన, సిరులు దొరకు జనులకున్,
వరమివ్వ లచ్చు మమ్మ, స
వరమ్ములకొలది, శుభాంగి వందన మిడుమా !
జిలేబి
తరలుచు గ్రామము గ్రామము
రిప్లయితొలగించండివరలుచు వడ్డీలకిచ్చి వారల్ కొంపల్
బిరబిర కూల్చగ రైతుల
దురదృష్టము వలన సిరులు దొరకు జనులకున్