శ్రీ శంకరయ్య గురుదేవులకు, శ్రీ నేమాని గురుదేవులకు పాదాభివందనములతో
ఎవ్వరికీ స్పష్టమైన మెజారిటి రాలేదు. అందరూ నాకు వచ్చిందంటే నాకు వచ్చిందంటున్నారు. ======*====== పంచాయతి యెన్నికలకు పంచిరి ధన కనక వస్తు వాహనములలన్ పంచన జేరిన జనులకు పంచిరి బంచాయతీలు వంచన జేయన్
పండిత నేమాని వారూ, ‘హరి’ గారిని ఆశీర్వదిస్తూ వ్రాసిన పద్యం సముచితంగా ఉంది. ధన్యవాదాలు. * రాజేశ్వరి అక్కయ్యా, ఎక్కడో అమెరికాలో ఉండి ఇక్కడి పంచాయతీ ఎన్నికల గురించి మంచి పద్యాలు వ్రాసారు. అభినందనలు. రెండవ పద్యం మూడవ పాదంలో గణదోషం. ‘పంచాయతి యెన్నికలని’ అంటే సరి!
శ్రీ వర ప్రసాద్ గారూ! శుభాశీస్సులు. మీరు కూడా ఎక్కువ పద్యములనే ఎత్తుకొన్నారు. బాగుగనున్నవి. సంతోషము. కొన్ని సూచనలు: 1. 1వ పద్యములో చానళ్ళలోకి బదులుగా చానళ్ళకటా! అనండి 2. 3వ పద్యము -- 2వ పాదములో యతి మైత్రి లేదు. 3వ పాదములో గణభంగము. 3. 5వ పద్యము. యుర్వీ కి బదులుగా యూర్వీ అని పడుట టైపు పొరపాటు. 3వ పాదములో ఏదో అన్వయ లోపము. సరిచేయండి. స్వస్తి.
వరప్రసాద్ గారూ, ఎన్నికల గురించిన మీ పద్యాలు బాగున్నవి. అభినందనలు. మొదటి పూరణలో ‘పోరాటములో నంకుశములు..’ అనండి. ‘చానళ్ళలో’ అనాలి కదా. అక్కడ ‘చానళ్ళ నికన్’ అందాం. రెండవ పద్యం రెండవ పాదంలో గణ, యతి దోషాలు. మూడవ పాదంలో గణదోషం. నాల్గవ పద్యంలో ‘ఉర్వి’ని ‘ఊర్వీ’ అన్నారు. అక్కడ ‘రతనమ్ముల ను/ ర్వీజను...’ అంటే సరి. ‘కొనె రనుత్తేజము’ అన్నది కూడా సముచితంగా లేదు. * బొడ్డు శంకరయ్య గారూ, బాగుంది మీ పద్యం. అభినందనలు. ‘పంచాయతీ’ అని దీర్ఘాంతం టైపాటా? దానివల్ల గణదోషం. ‘పంచాయతి’ అంటే సరి.
కెంబాయి తిమ్మాజీ రావు గారూ, మీ రెండు పద్యాలూ బాగున్నవి. అభినందనలు. మొదటి పద్యం నాల్గవ పాదంలో గణదోషం. ‘ఉన్నను పార్టీకె గాని యుండదు ప్రజకై’ అందాం. రెండవ పద్యం మొదటి పాదంలో గణదోషం. ‘రాజ్యమందు’ అన్నదాన్ని ‘రాజ్యములో’ అనండి.
పంచిరి సంచులు మత్తున
రిప్లయితొలగించండిముంచిరి పౌరులను నీతి బోధలనుచు వ
ల్లించిరి నేతలనేకులు
పంచాయతి యెన్నికల ప్రభావమ్మెసగన్
శ్రీ నేమాని గురుదేవుల పద్యము అద్భుతం, పంచాయతీ యెన్నికలను కళ్ళకు కట్టి నట్టులున్నది.
రిప్లయితొలగించండిశ్రీ శంకరయ్య గురుదేవులకు, శ్రీ నేమాని గురుదేవులకు పాదాభివందనములతో
రిప్లయితొలగించండిఎవ్వరికీ స్పష్టమైన మెజారిటి రాలేదు. అందరూ నాకు వచ్చిందంటే నాకు వచ్చిందంటున్నారు.
======*======
పంచాయతి యెన్నికలకు
పంచిరి ధన కనక వస్తు వాహనములలన్
పంచన జేరిన జనులకు
పంచిరి బంచాయతీలు వంచన జేయన్
ధనము పంచిన వారు ఓటమి పాలైరి
రిప్లయితొలగించండి======*======
పంచాయతి యెన్నికలకు
ముంచిరి మత్తున జనులను,మునిగిన జనులే
పంచిగ "నోటును" నేతలు
గాంచిరి జుక్కల నధికము కైకాసమునన్
("నోటును"= ఓటును,కైకాసము= బాధ,వేదన)
ఎన్నికలు జరుగు చున్నవి
రిప్లయితొలగించండిఎన్నిక పంచాయ తీ ల యీ శుల కొఱకున్
అన్నలు దమ్ముల మధ్యన
మున్నెన్నడు గానరాని మోదము తోడన్
పంచాయతి యెన్నికలం
రిప్లయితొలగించండిబంచిరి బహుమానములను, వంచన తోడన్
సంచితముఁ జేయ ధనముల,
మించిన కుట్రలను బన్ని మీరఁగ వసుధన్.
ఈ కామెంట్‌ను రచయిత తీసివేశారు.
రిప్లయితొలగించండిసంచుల కొలదిగ సొమ్ములు
రిప్లయితొలగించండిపంచుటకై ప్రజల కొఱకు పంచెలు, చీరల్
ముంచగ మద్యపుటేరులు
పంచాయతి యెన్నికలన పండుగ కాదే!
ఎన్నికలే పండుగ? మి
రిప్లయితొలగించండిస్సన్నా! నీ కవిత పండుగకు మాకు భళా!
శ్రీ వరప్రసాద్ గారూ! శుభాశీస్సులు.
రిప్లయితొలగించండిమీ పద్యములు బాగుగ నున్నవి - ప్రశంసలు కూడా బాగుగ నున్నవి. సంతోషము. స్వస్తి.
రిప్లయితొలగించండినేమాని పండితార్యా!
ధన్యవాదములయ్యా!
మొన్న ఎన్నికల విధులకు నిన్న రాత్రి వచ్చాను.
రిప్లయితొలగించండిముంచుదురు జనుల నిప్పుడు
పంచాయతి యెన్నికలను వారుణి లోనన్
ముంచుదురు జనుల తదుపరి
సంచులుగా సొమ్ము తిరిగి సంపాదించన్.
పంచాయతి ఎన్నికలన
రిప్లయితొలగించండిలంచాలకు మారుపేరు, రైతన్నకు తా
నెంచిన ఫలములు దక్కవు
వంచన మార్గమ్ము ప్రభుత వదలదు చూడన్
పంచాయతీ ఎన్నికల గురించి స్పందించి చక్కని పద్యాలను రచించిన కవిమిత్రులు......
రిప్లయితొలగించండిపండిత నేమాని వారికి,
వరప్రసాద్ గారికి,
సుబ్బారావు గారికి,
గుండు మధుసూదన్ గారికి,
మిస్సన్న గారికి,
గోలి హనుమచ్ఛాస్త్రి గారికి,
సంపత్ కుమార్ శాస్త్రి గారికి,
........... అభినందనలు.
*
వరప్రసాద్ గారూ,
‘వాహనములలన్’ అన్నదాన్ని ‘వాహనములనే’ అనండి.
ఎన్నికల సమయమియ్యది
రిప్లయితొలగించండివన్నెలు చిన్నెలును జూపి వంచన తోడన్
మున్నెన్నడు వినియుండని
వెన్నెన్నియొ వరము లొసగి యీమారైనన్.
ధనమును మద్యము పంచుచు
ననుపమ మధురోక్తులాడి, యటుగాకున్నన్
ఘనతం జాటుచు నైనను
కొనవలె యధికారమనెడు కోరికతోడన్.
ఓటరు నాసర్వస్వం
బోటరు భగవంతు డిప్పు డుర్వీతలమం
దోటరె జననియు జనకుం
డోటరునే కొల్తుమంచు నుత్సాహమునన్.
సంచులలో నగణితధన
సంచయమును నింపుకొనుచు సంతోషమునన్
పంచిరి యత్యాదరమున
పంచాయతులందు జూడ ప్రజలందరికిన్.
పంచాయతి ఎన్నికలం
దెంచగ నాయకుల జిత్తు లేమందు నికన్
వంచనలో నొకరొకరిని
మించిరి పదవులనుగోరి మేధావులనన్.
హ.వేం.స.నా.మూర్తి.
హరి వేంకట సత్యనారాయణ మూర్తి గారూ,
రిప్లయితొలగించండిబహుకాల దర్శనం. సంతోషం.
మీ ఖండకృతి ఉత్తమంగా ఉంది. అభినందనలు.
హరి వారి కావ్య ఖండిక
రిప్లయితొలగించండిహరి హరి యొక యద్భుతముగ నలరారె బళా!
పరితోష మలర మధురా
క్షరమయముగ గూర్తు నాశిషశ్రీ ప్రతతిన్
ఆర్యా!
రిప్లయితొలగించండిధన్యవాదములు.
నేతల వింతలు దెలిసిన
రిప్లయితొలగించండిఖాతరు జేయకను ప్రజలు కాంక్షిత మైకం
బాతురబడి పాత మరచి
వేతురు తమవోటు మరల వేగిర పడుచున్ !
___________________________________
వంచన జేయుచు ప్రజలను
పంచుట యలవాటు గాన బహు రూపంబుల్ !
పంచాయితి యెన్నికల పేర
ముంచగ మైకపు వరముల మోహము లందున్ !
పండిత నేమాని వారూ,
రిప్లయితొలగించండి‘హరి’ గారిని ఆశీర్వదిస్తూ వ్రాసిన పద్యం సముచితంగా ఉంది. ధన్యవాదాలు.
*
రాజేశ్వరి అక్కయ్యా,
ఎక్కడో అమెరికాలో ఉండి ఇక్కడి పంచాయతీ ఎన్నికల గురించి మంచి పద్యాలు వ్రాసారు. అభినందనలు.
రెండవ పద్యం మూడవ పాదంలో గణదోషం. ‘పంచాయతి యెన్నికలని’ అంటే సరి!
శ్రీ శంకరయ్య గురుదేవులకు,శ్రీ నేమాని గురుదేవులకు ధన్యవాదములు
రిప్లయితొలగించండిపంచాయతీ యెన్నికల పద్యరచన యెన్నికలవలె పసందుగానున్నది.
పంచాయతీ యెన్నికల ఫలితములతో ప్రజలను తప్పు త్రోవలు పట్టించు వారధికమయ్యె
అంకెల గారడి విద్యను
పొంకముగను నేర్చి,జిక్కె పోరాటమునన్
నంకుశములు జనులారా !
శంకలు వీడి గనరండి చానళ్ళలలో.
( అంకుశములు= అధికారములు )
బొంకుట నేర్చిన వంకర
కింకర మూకలు జనులకు గెలిచితి మనుచున్
అంకెలు నిత్యము జూపును
జంకక మా ప్రగతి యనుచు జగతి జగడమున్!
వరదల లోన వరద ల
య్యె రవముల రణితము జూడ రయ్య వరదతో
ధరను గరగి పోవు నేతల
కరముల రవములు,వరములు కలియుగ మందున్
దొంగ ఓట్లతో గెలుపొంది అది ప్రజల గెలుపను వారు గలరు .
రాజుని మించిన రాజులు,
రాజులము తరాజు లోని రతనాలను యూ
ర్వీ జనులెన్ను కొనె రను
త్తేజమున బలుకుచు నుండ దిగులేలనురా!
( తరాజు= విపణి, రతనాలు = మంచివారు )
పంచాయతీ యెన్నికలకు
రిప్లయితొలగించండిపంచిరి సొమ్ములను శక్తి వంచన లేకన్
ముంచిరి ప్రజలను మత్తున
వంచించిరి ఓటరులను వాగ్దానముతో..
శ్రీ వర ప్రసాద్ గారూ! శుభాశీస్సులు.
రిప్లయితొలగించండిమీరు కూడా ఎక్కువ పద్యములనే ఎత్తుకొన్నారు. బాగుగనున్నవి. సంతోషము.
కొన్ని సూచనలు:
1. 1వ పద్యములో చానళ్ళలోకి బదులుగా చానళ్ళకటా! అనండి
2. 3వ పద్యము --
2వ పాదములో యతి మైత్రి లేదు.
3వ పాదములో గణభంగము.
3. 5వ పద్యము.
యుర్వీ కి బదులుగా యూర్వీ అని పడుట టైపు పొరపాటు.
3వ పాదములో ఏదో అన్వయ లోపము. సరిచేయండి.
స్వస్తి.
వరప్రసాద్ గారూ,
రిప్లయితొలగించండిఎన్నికల గురించిన మీ పద్యాలు బాగున్నవి. అభినందనలు.
మొదటి పూరణలో ‘పోరాటములో నంకుశములు..’ అనండి. ‘చానళ్ళలో’ అనాలి కదా. అక్కడ ‘చానళ్ళ నికన్’ అందాం.
రెండవ పద్యం రెండవ పాదంలో గణ, యతి దోషాలు. మూడవ పాదంలో గణదోషం.
నాల్గవ పద్యంలో ‘ఉర్వి’ని ‘ఊర్వీ’ అన్నారు. అక్కడ ‘రతనమ్ముల ను/ ర్వీజను...’ అంటే సరి. ‘కొనె రనుత్తేజము’ అన్నది కూడా సముచితంగా లేదు.
*
బొడ్డు శంకరయ్య గారూ,
బాగుంది మీ పద్యం. అభినందనలు.
‘పంచాయతీ’ అని దీర్ఘాంతం టైపాటా? దానివల్ల గణదోషం. ‘పంచాయతి’ అంటే సరి.
పండిత నేమాని వారూ,
రిప్లయితొలగించండినేను వరప్రసాద్ గారి పద్యాలను సమీక్షిస్తూ టైపు చేస్తున్నప్పుడు మీ వ్యాఖ్య వచ్చింది. నేను చూడలేదు. మీ సవరణలు బాగునవి. ధన్యవాదాలు.
ఈ కామెంట్‌ను రచయిత తీసివేశారు.
రిప్లయితొలగించండిఎన్నిక పురాణమందున
రిప్లయితొలగించండిఎన్నికచే ప్రజల బాగ దెంతో, సరిగా
నున్నదొ లేదో? ఒకచో
నున్నను పార్టీకె. ఉండదు ప్రజకై
పంచాయితి రాజ్యమందు
రిప్లయితొలగించండిపంచ పరమ దైవతములు పాలించవలెన్
వంచనచేయక ప్రజలను
అంచెలు అంచెలుగ ప్రగతి నoదిoచంగన్
కెంబాయి తిమ్మాజీ రావు గారూ,
రిప్లయితొలగించండిమీ రెండు పద్యాలూ బాగున్నవి. అభినందనలు.
మొదటి పద్యం నాల్గవ పాదంలో గణదోషం. ‘ఉన్నను పార్టీకె గాని యుండదు ప్రజకై’ అందాం.
రెండవ పద్యం మొదటి పాదంలో గణదోషం. ‘రాజ్యమందు’ అన్నదాన్ని ‘రాజ్యములో’ అనండి.
సవరణతో...............
రిప్లయితొలగించండిపంచాయతి యెన్నికలకు
పంచిరి సొమ్ములను శక్తి వంచన లేకన్
ముంచిరి ప్రజలను మత్తున
వంచించిరి ఓటరులను వాగ్దానముతో..