కవిమిత్రులారా,
ఈరోజు పూరించవలసిన సమస్య ఇది .....
పాడు మనుజుఁ జూడ వేడుక గద!
ఈ సమస్యను సూచించిన గోలి హనుమచ్ఛాస్త్రి గారికి ధన్యవాదాలు.
ఈరోజు పూరించవలసిన సమస్య ఇది .....
పాడు మనుజుఁ జూడ వేడుక గద!
ఈ సమస్యను సూచించిన గోలి హనుమచ్ఛాస్త్రి గారికి ధన్యవాదాలు.
గాన మదియె పన్నగమ్ముల నాడించు;
రిప్లయితొలగించండిగానము విని మనిషి మేను మఱచు!
గాయకాళిలోనఁ గర్ణ పేయముగనుఁ
బాడు మనుజుఁ జూడ వేడుక గద!!
చెడును దరికి నెపుడు చేర నీయకు మంచు
రిప్లయితొలగించండిమంచి వీడబోక మసలు మనుచు
తన మదిని వివేక మను రాతి పైన రా-
పాడు మనుజుఁ జూడ వేడుక గద!
గుండు మధుసూదన్ గారూ,
రిప్లయితొలగించండిచాలా బాగుంది మీ పూరణ. అభినందనలు.
‘మనిషి’ సాధురూపం కాదని కొందరంటారు. బ్రౌణ్యం లోను, రవ్వా శ్రీహరి, శంకరనారాయణ నిఘంటువుల్లోను, జి.ఎన్. రెడ్డి పర్యాయ పద నిఘంటువులోను ఈ శబ్దం స్వీకరింపబడింది.
అలాగే ఉండనిద్దామా? కాదు, కూడదని (ఎవరైనా అంటే).... ‘గానము విని నరుఁడు....’ అందామా?
*
మిస్సన్న గారూ,
మీ పూరణ చాలా బాగుంది. అభినందనలు.
కలిమి లేము లందు ఘన మనః స్థిరతతోఁ
రిప్లయితొలగించండిదా నుదారుఁ డయ్యుఁ దనరుచుండి,
లోక మందు జనుల శొకమ్ముఁ దీర్చి, కా
పాడు మనుజుఁ జూడ వేడుక గద!
కంది శంకరయ్యగారికి నమస్కారములు. మీ రన్నది నిజమే. ధన్యవాదములు. తమను సూచించినట్లుగనే సవరించుచున్నాను.
రిప్లయితొలగించండిగాన మదియె పన్నగమ్ముల నాడించు;
గానము విని నరుఁడు మేను మఱచు!
గాయకాళిలోనఁ గర్ణ పేయముగనుఁ
బాడు మనుజుఁ జూడ వేడుక గద!!
కవిరాజు నిజకృతుల్ బాగుగా పులకించి
రిప్లయితొలగించండి....పాడు మనుజు జూడ వేడుక గద
భక్తితో నిత్యమ్ము భగవాను సన్నిధి
....పాడు మనుజు జూడ వేడుక గద
పాడుతా తీయగా బహు వేదికలనంచు
....పాడు మనుజు జూడ వేడుక గద
పద్య నాటకముల హృద్యమౌ రీతిలో
....పాడు మనుజు జూడ వేడుక గద
ఈడు జోడునగుచు తోడుగా నాడుచు
పాడు మనుజు జూడ వేడుక గద
ఆర్తిలోన నున్న యట్టి వారలను గా
పాడు మనుజు జూడ వేడుక గద
గుండు మధుసూదన్ గారూ,
రిప్లయితొలగించండిమీ రెండవ పూరణ కూడా బాగుంది. అభినందనలు.
*
పండిత నేమాని వారూ,
అయిదు విధాలుగా పాట పాడి, చివరగా కా‘పాడి’న మీ పూరణ ప్రశస్తంగా ఉంది. అభినందనలు.
అన్య చిత్తకాక యన్య దేవుని గాక
రిప్లయితొలగించండిపరమశివుని నొకని మాత్రము మఱి
భక్తి శ్రద్ధ గలిగి పంచా క్షరి నియత
పాడు మనుజు జూడ వేడుక గద !
సుబ్బారావు గారూ,
రిప్లయితొలగించండిమీ పూరణ బాగుంది. అభినందనలు.
రెండవ పాదంలో యతి తప్పింది. ‘పరమశివుని నొకని మరువకుండ’ అందామా?
అన్నమయ్యగారి నచ్చతెల్గుపదాలు
రిప్లయితొలగించండిత్యాగరాజురాగతత్వకృతులు
భక్త రామదాసు భవ్యమౌకీర్తనల్
పాడుమనుజు జూడవేడుకగద!!!
మంద పీతాంబర్ గారూ,
రిప్లయితొలగించండిబాగుంది మీ పూరణ. అభినందనలు.
‘గారి యచ్చతెల్గు..’ అని యడాగమం వస్తుంది.
శ్రీ నేమాని గురుదేవులకు ధన్యవాదములు, మీ పద్యము అన్ని విధముల పాడు మనుజుఁలను జూపినది
రిప్లయితొలగించండిగోండ్లు చేతు రౌర ! గుస్సాడి నృత్యము
రిప్లయితొలగించండిఅందమైన నాట్య మదియె జూడ
ఒప్పిదమగు రీతి డప్పును వాయించి
పాడు మనుజు జూడ వేడుక గద !
వరప్రసాద్ గారూ,
రిప్లయితొలగించండిమీ పూరణ బాగుంది. అభినందనలు.
‘రక్షించి మునిజన..’ అన్నదాన్ని ‘రక్షించి మునులను’ అంటే అన్వయం కుదురుతున్నది.
*
నాగరాజు రవీందర్ గారూ,
మీ గుస్సాడి ఆటపాటల పూరణ బాగుంది. అభినందనలు.
అయ్యా! శ్రీ వరప్రసాద్ గారూ! శుభాశీస్సులు.
రిప్లయితొలగించండిమీ పద్యము బాగుగ నున్నది. అభినందనలు.
"తాటకి తనయులను మట్టుబెట్టి" అనుచోట యతి గానీ ప్రాసయతి గానీ కుదరలేదు. స్వస్తి.
వరప్రసాద్ గారూ,
రిప్లయితొలగించండినేమాని వారి వ్యాఖ్యను గమనించారు కదా. ఆ యతిదోషం నా దృష్టికి రాలేదు. ఆ పాదాన్ని ‘తాటకీ తనయుల గీటడించి’ అందాం.
హరి హరీ శ్రీరంగ హరి యంచు కీర్తనల్
రిప్లయితొలగించండి....పాడు జియ్యరు జూడ వేడుక గద
తందాన తాన తందాన బుర్రకథల
....పాడు బృందము జూడ వేడుక గద
గంగెద్దును గొని బాకానూదుచుం జని
....పాడు జంగము జూడ వేడుక గద
చందమామా యంచు జానపదాలను
....పాడు గాయకు జూడ వేడుకగద
పాడు జగతి వద్దు వద్దంచు గురుగీత
పాడు గురుని జూడ వేడుక గద
శీఘ్ర లాభమంచు చీటీలు వేలముల్
పాడు మనుజు జూడ వేడుకగద
అట సుయోధనుండు పటువీరధాటిచే
రిప్లయితొలగించండిగోగణంబునెల్లఁ సాగనంప
విరటు గౌరవములఁవిక్రమోద్ధతన కా
పాడు మనుజుఁ జూడ వేడుక గద
మనుజుఁడు = నరుఁడు, (అర్జునుఁడు అనే అర్థములో )
గురువుగారూ,
రిప్లయితొలగించండిశ్రీనేమాని గురువర్యుల మొదటి సీసపద్యములో మొదటి పాదము
"కవిరాజు నిజకృతుల్ కమనీయమై పొల్చఁ" అంటె యతి మైత్రి కుదురుతుందనుకుంటాను.
పండిత నేమాని వారూ,
రిప్లయితొలగించండిఅన్నీ పాడించి, చివరకు కొసమెరుపులా చీటీలు పాడించిన మీ రెండవ పూరణ బాగున్నది. అభినందనలు.
మొదటి పూరణ మొదటి పాదంలో యతిదోషాన్ని గురించిన సంపత్ కుమార్ శాస్త్రి గారి వ్యాఖ్యను గమనించారా?
*
సంపత్ కుమార్ శాస్త్రి గారూ,
మీ పూరణ బాగుంది. అభినందనలు.
రెండు అరసున్నాలను నిరర్థకంగా ప్రయోగించారు.
ఈ కామెంట్‌ను రచయిత తీసివేశారు.
రిప్లయితొలగించండిఅంధుడైననేమి హార్మోనియము పైన
రిప్లయితొలగించండిబిడ్డ పాటపాడ దొడ్డ రీతి
వీధివీధి తిరిగి భిక్షకై వాయించి
పాడు మనుజు జూడ వేడుక గద
ఈ కామెంట్‌ను రచయిత తీసివేశారు.
రిప్లయితొలగించండిఘంట సాల వంటి గాన మాధుర్యంబు
రిప్లయితొలగించండివినగ వినగ మదిని తేనె లొలుకు
బాలు పాడి నంత పరవ శమ్మునదేల
పాడు మనుజుఁ జూడ వేడుక గద !
కెంబాయి తిమ్మాజీ రావు గారూ,
రిప్లయితొలగించండిమీ పూరణ బాగుంది. అభినందనలు.
*
రాజేశ్వరి అక్కయ్యా,
బాగుంది మీ పూరణ. అభినందనలు.
శ్రీ శంకరయ్య గురుదేవులకు,శ్రీ నేమాని గురుదేవులకు ధన్యవాదములు
రిప్లయితొలగించండిసవరణలతో
====*======
రాక్షస తతినణచి రక్షించి మునులను
తాటకి దనయులను గీటడించి
రోగ ముక్త జేయు యోగి వలెను గా
పాడు మనుజుఁ జూడ వేడుక గద!
తాడు సర్ప మనుచు తలిచెడి వారల
రిప్లయితొలగించండిభయము తొలగ జేసి బతుకు మాయ
విప్పి జెప్పి తత్వ విషయము దెలుపుచు
పాడు మనుజుఁ జూడ వేడుక గద!
సుఖము నందు మనకు సఖులెంద రుండిన
రిప్లయితొలగించండినాపద పడునప్పు డాప్తుని వలె
చెంత నిలచి యన్ని చింతల దీర్చి కా
పాడు మనుజుఁ జూడ వేడుక గద!
శ్రీ శంకరయ్య గురుదేవులకు,శ్రీ నేమాని గురుదేవులకు ధన్యవాదములు
రిప్లయితొలగించండిమరియొక వీనుల విందు జేయు పాట
======*======
రాజకీయ మనుచు రాక్షస తతులెల్ల
మిద్దె పైన నిల్చి మేలు గొలుప
లాలి పాట గనవరతము రాజీ నామ
పాడు మనుజుఁ జూడ వేడుక గద!
ధన్యవాదములు గురువుగారూ,
రిప్లయితొలగించండిఈ అరసున్నాల గురించి కొంచెము అజ్ఞానము, అపోహలు ఉన్నాయి. తెలుసుకొనటానికి ప్రయత్నిస్తానండీ.
ధన్యోస్మి.
శ్రీ సంపత్ కుమార్ శాస్త్రి గారికి శ్రీ కంది శంకరయ్య గారికి శుభాశీస్సులు. నా మొదటి సీసములోని యతి దోషమును సవరించుతూ ఈ క్రింది విధముగా మొదటి పాదమును మార్పుచేయు చున్నాను:
రిప్లయితొలగించండి"కవిరాజు నిజ కృతుల్ కరము మోదము గూర్ప
....పాడు మనుజు జూడ వేడుక గద" స్వస్తి.
‘శీనా’ శ్రీనివాస్ గారూ,
రిప్లయితొలగించండిమీ పూరణ బాగుంది. అభినందనలు.
‘తలిచెడి, బతుకు’ శబ్దాల సాధురూపాలు.. ‘తలచెడి, బ్రతుకు’
*
బొడ్డు శంకరయ్య గారూ,
బాగుంది మీ పూరణ. అభినందనలు.
*
వరప్రసాద్ గారూ,
ప్రస్తుత రాజకీయ పరిస్థితులకు అద్దం పడుతున్నది మీ పూరణ. చాలా బాగున్నది. అభినందనలు.
‘పాటగ + అనవరతము’ అన్నప్పుడు సంధి లేదు. ‘ర-ల’లకు యతి చాలా మంది అంగీకరించరు.
*
సంపత్ కుమార్ శాస్త్రి గారూ,
అర్థానుస్వారాల గురించి ఒక పాఠం పెట్టాలని చాలా కాలంగా అనుకుంటున్నాను. కానీ వీలు చిక్కడం లేదు. త్వరలోనే ఆ ప్రయత్నం చేస్తాను.
*
నేమాని వారూ,
ధన్యవాదాలు.
ఒక మిత్రుడు “మీ బ్లాగులో వ్యాఖ్యల అక్షరాలు చాలా చిన్నగా కనిపిస్తున్నవి. పెద్ద అక్షరాలైతే చదవడానికి అనుకూలంగా ఉంటుంది కదా” అన్నారు.
రిప్లయితొలగించండిప్రతి పోస్ట్‌లోను పైన “సమస్యాపూరణం – 1124 (పాడు మనుజుఁ జూడ)” అన్న విధంగా శీర్షిక ఉంటుంది. దానిని క్లిక్ చేస్తే వ్యాఖ్యలు పెద్ద అక్షరాలతో స్పష్టంగా కనిపిస్తాయి.
పోస్ట్ క్రింద “33 వ్యాఖ్యలు:” అన్నదానిని క్లిక్ చేస్తే వ్యాఖ్యలు పోస్ట్ చేయడానికి బాక్స్ కనిపిస్తుంది.
ఈ విషయం మిత్రులకు తెలియదని కాదు గాని, ఎవరికైనా సందేహం ఉంటే తీరుతుందని వ్రాస్తున్నాను.
రిప్లయితొలగించండినేమాని పండితార్యా! ఎంతమంది పాడు వారిని చూపించారండీ!!
అయ్యా మిస్సన్న గారూ! శుభాశీస్సులు.
రిప్లయితొలగించండికనుపట్టిన పాడు వారినందరినీ సీసాలలో బంధించేను కదా. స్వస్తి.
ఓ భర్త భార్యతో:
రిప్లయితొలగించండిఇన్ని నాండ్లునీ సంసార మీదినైన
పుష్కరమ్ము దాటినఁ జూసి పుట్టినూరు
నిజము చెప్పు మనోహరీ!నీకు "పెద్ద
పాడు" మనుజు జూడ వేడుక గద?!
రామకృష్ణ గారూ,
రిప్లయితొలగించండిమంచి పూరణ. ‘పాడు’తో అంతమయ్యే ఊళ్ళు చాలా ఉన్నాయి. వైవిధ్యంగా చేసిన మీ పూరణ బాగుంది. అభినందనలు.
‘ఈదియైన’ అని ఉండవలసింది.
ఈ కామెంట్‌ను రచయిత తీసివేశారు.
రిప్లయితొలగించండిఅందరికీ వందనములు !
రిప్లయితొలగించండిఅందరి పూరణలూ అలరించు చున్నవి !
కమ్మగా పాడే పాటగాణ్ణి చూస్తే :
01)
_________________________
పలుకు పలుకు నందు - పారవశ్యము నొంది
పాట మీద మంచి - పట్టు గలిగి
ప్రజల మనము లెల్ల - సజలములౌ రీతి
పాడు మనుజుఁ జూడ - వేడుక గద !
_________________________
వరద బాధితుల కాదుకొనే వాడగపడితే :
రిప్లయితొలగించండి02)
_________________________
ప్రబలమైన వరద - పాలైన జనులదె
పల్లె వీడి , సొంత - యిళ్లు వీడ
పాజ,పవన ములను- వసనముల నిడి,కా
పాడు మనుజుఁ జూడ - వేడుక గద !
_________________________
పాజము = భోజనము
పవనము = నీళ్ళు
వసనములు = బట్టలు
నేలబడిన పక్షి పిల్లకు కాపాడే వాడు కనపడితే :
రిప్లయితొలగించండి03)
_________________________
పక్షి పిల్ల యొకటి - దక్షపై బడ ,జూచి
పక్షము లవె లేక - పాకు చుండ
పక్షిగృహము బెట్టి - రక్షణ నిచ్చి,కా
పాడు మనుజుఁ జూడ - వేడుక గద !
_________________________
దక్ష = నేల(భూమి)
పక్షిగృహము = గూడు
రక్షణ = కాపు
పాకే వారికి చక్రపాదాలిస్తే :
రిప్లయితొలగించండి04)
_________________________
పక్షవాతమునను - పాదము పడిపోవ
పాకు చున్న చిన్న - వార్కి ,చక్ర
పాదము లవి యిచ్చి- బాధల దీర్చి,కా
పాడు మనుజుఁ జూడ - వేడుక గద !
_________________________
చక్రపాదము = రథము(tricycle)
పాతలిడిన పావనుని పొడగాంచిన ద్రౌపదికి :
రిప్లయితొలగించండి05)
_________________________
పాపచింత లేని - పాపాత్ము డొక్కండు
పావనైన యామె - పైట లాగ
పాణి జేర్చి ,కొలువ - పాతల నొసగి,కా
పాడు మనుజుఁ జూడ - వేడుక గద !
_________________________
భార్యనూ, రాజ్యాన్నీ,ప్రాణాల్నీ కాచిన రాముణ్ణి తిలకించిన సుగ్రీవునకు :
రిప్లయితొలగించండి06)
_________________________
పాడు వాలి వలన - భార్యయు, రాజ్యంబు
ప్రాణములును పోవు - భావమందు
ప్రాణ భిక్ష బెట్టి - ప్రాణేశ,భూమి,గా
పాడు మనుజుఁ జూడ - వేడుక గద !
_________________________
భావము = కాలము
ప్రాణేశ = భార్య
భూమి = రాజ్యము
కాళీయ మర్దనము జేసిన కృష్ణుని గనిన గోకులవాసులకు :
రిప్లయితొలగించండి07)
_________________________
పాడు విసపు పాము - పాలబడ్డ మడుగు
పాటు జెంద లోన - బడిన వారు
పాము పడగ త్రొక్కి - బాలార్జునిలను,గా
పాడు మనుజుఁ జూడ - వేడుక గద !
_________________________
బాల =గోపబాలకులు
అర్జుని = ఆవు
పాదుకలను ప్రసాదించిన రాముణ్ణి గనిన భరతునికి :
రిప్లయితొలగించండి08)
_________________________
పాడు రాజ్య మొద్దు ! - పాలకుండవు నీవె !
పాపి గావు మనుచు - భ్రాత యనగ;
పావకోళ్ళ నిచ్చి - భరతుని ,కరుణ,గా
పాడు మనుజుఁ జూడ - వేడుక గద !
_________________________
పావకోళ్ళు = పాదుకలు
కీర్తనలు విన్నా రామదాసును గనినా :
రిప్లయితొలగించండి09)
_________________________
పంచదార కన్న - పనస తొనలకన్న
పలుక రామ నామ - మొలుకు సుధలు
పాహి రామ యనుచు - పాటలెన్నియొ గట్టి
పాడు మనుజుఁ జూడ - వేడుక గద !
_________________________
కీర్తనలనూ, అన్నమయ్యనూ గాంచిన :
రిప్లయితొలగించండి10)
_________________________
బ్రహ్మ మొక్కటె ,పర - బ్రహ్మ మొక్కటె యంచు
భక్తి వేంకటేశు - భజన మునిగి
భజన కెక్కు తెఱగు - భజనల వేలు,రా
పాడు మనుజుఁ జూడ - వేడుక గద !
_________________________
రాపాడు = రాయు = వ్రాయు
శంకరార్యా !
రిప్లయితొలగించండివరప్రసాద్ గారి పూరణ గాని తొలగించిన ఆనవాలు గాని
లేవెక్కడా !
కాని ఆ పూరణపై మీవి నేమాని వారివి వ్యాఖ్యలు కనబడు తున్నవి !
ఇదెలా సాధ్యం ?????????????
వసంత కిశోర్ గారూ,
రిప్లయితొలగించండిఇంతకు ముందొకసారి అన్నాను. మీ పద్ధతి ‘అయితే అతివృష్టి, లేకుంటే అనావృష్టి’ అని!
మీ పది పూరణలూ బాగున్నవి. అభినందనలు.
4వ పూరణలో ‘వార్కి’ అనడం సాధువు కాదు. అక్కడ ‘చిన్నవారిఁ జక్ర..’ అంటే సరిపోతుంది.
5వ పూరణలో ‘పావని యగు నామె’ అనండి.
7వ పూరణలో ‘బాలార్జునులను’ అనండి.
8వ పూరణలో ‘వద్దు’ను ‘ఒద్దు’ అన్నారు. అక్కడ ‘పాడు రాజ్యమేల’ అనండి.
*
వరప్రసాద్ గారి పూరణ గురించి.....
ముందుగా వరప్రసాద్ దానిని తొలగించారు. అప్పుడు ‘వ్యాఖ్య తొలగించబడింది. ఈ వ్యాఖ్యను రచయిత తీసివేశారు.’ అన్న వ్యాఖ్య కనిపిస్తుంది. దానిని నేను తొలగించాను. అప్పుడు ఇంకేమీ కనిపించదు.
శంకరార్యా !
రిప్లయితొలగించండిసవరణలూ సలహాలకు ధన్యవాదములు !