16, మే 2014, శుక్రవారం

సమస్యాపూరణం - 1414 (నీతుల బోధించువారె)

కవిమిత్రులారా,
ఈరోజు పూరించవలసిన సమస్య ఇది...
నీతుల బోధించువారె నీచులు ధాత్రిన్.

21 కామెంట్‌లు:


  1. అమాంబాపతుల నీతులే నేటికి మేటి
    ఆలంతుల మాటల కోతలే భేష్ భేష్
    వదంతుల పాటవమే వహ వహ
    నీతుల బోధించువారె నీచులు ధాత్రిన్ !


    జిలేబి

    రిప్లయితొలగించండి
  2. మాతను ప్రీతిగ జూచుచు
    చేతలతోడను ప్రజలను సేవించు ఘనుల్
    గోతులు త్రవ్వుచును వెనుక
    నీతులు బోధించువారె నీచులు ధాత్రిన్

    రిప్లయితొలగించండి
  3. ఖ్యాతిని గడించ గలరే
    రీతిన నవినీతిపరులు? రేయిన్ బవలున్
    జాతికి కీడొనరించుచు
    నీతుల బోధించువారె నీచులు ధాత్రిన్!!!

    రిప్లయితొలగించండి
  4. ఈ కామెంట్‌ను రచయిత తీసివేశారు.

    రిప్లయితొలగించండి
  5. కోతలు కోయుచు ధరణిని
    ప్రీతిగ బల్కుచు జనులకు పెట్టుచు టోపీ!
    నీతిని విడనాడి కుటిల
    నీతులు భోధించువారె నీచులు ధాత్రిన్

    రిప్లయితొలగించండి
  6. నీ తులు బాటించరు మఱి
    నీతుల బోధించు వారె, నీచులు ధాత్రిన్
    నీతియు నియమము లేకయ
    నేతలు గానుండువారు నిక్కము గాగన్

    రిప్లయితొలగించండి
  7. భూతల ధార్మిక గురువులు
    జాతికి సంస్కారమొసగు సజ్జన బుధులున్
    నీతిలు బోధించక దు
    ర్నీతులు బోధించు వారె నీచులు ధాత్రిన్



    రిప్లయితొలగించండి
  8. నీతిని పాటించకనే
    శ్రోతల కోసము సుదీర్ఘ శుష్కపు నీతుల్
    చేతలు చేయక నిరతము
    నీతులు బోధించువారె నీచులు ధాత్రిన్!

    రిప్లయితొలగించండి
  9. మిత్రులారా! శుభాశీస్సులు.
    ఈ నాటి అందరి పూరణలును అలరించుచున్నవి. అందరికి అభినందనలు.
    స్వస్తి

    రిప్లయితొలగించండి
  10. భూతలమున ప్రతియొక్కరు
    నీతుల బోధించువారె; నీచులు ధాత్రిన్
    నీతియు రీతియు లేక, పు
    నీతులనెడు ముసుగు దా(ల్తు నిక్కము గనగా!

    రిప్లయితొలగించండి
  11. చేతలలో నవి నీతుల
    కోతలనవి, నీతులనుచు గొప్పలబడుచున్
    ప్రీతిగ జనులకు తమ దు
    ర్నీతుల బోధించువారె నీచులు ధాత్రిన్.

    రిప్లయితొలగించండి
  12. మల్లెల సోమనాధ శాస్త్రి గారి పూరణలు

    చేతల యందున చెడుగును
    పూతపు మాటల పలుకుచు పూర్తిగ నీతుల్
    తా, తమె గొప్పని యెంచుచు
    నీతుల బోధించు వారె నీచులు ధాత్రిన్

    చేతల,మాటల,మనమున
    నీతిని,నమ్ముచు పలుకగ నిక్కపు ఘనులై!
    చేతల చెడుగును చేయుచు
    నీతుల బోధించువారె నీచులు ధాత్రిన్

    రిప్లయితొలగించండి
  13. నీతియనన్ స్వార్థచింత
    పాతకములె కర్మదీక్ష పాపాత్ములకున్
    నైతిక విధికి పలాయన
    నీతులు బోధించువారె నీచులు ధాత్రిన్

    రిప్లయితొలగించండి
  14. ఈ కామెంట్‌ను రచయిత తీసివేశారు.

    రిప్లయితొలగించండి
  15. కూతలలో వ్యాసులగుచు
    చేతల దూర్వాసులట్లు చెలగుచు, మాన్యుల్
    శ్రోతలకున్ శ్రీరంగపు
    నీతుల బోధించువారె నీచులు ధాత్రిన్

    రిప్లయితొలగించండి

  16. శ్రీ శంకరయ్య గారికి
    శ్రీ పండిత నేమాని గారికి వందనములు


    ప్రీతిని నటియించి వెనుక
    గోతులు త్రవ్వుచును ప్రజల గోడును సుంతై
    నా తలపని నేతల వలె
    నీతులు బోధించువారె నీచులు ధాత్రిన్

    రిప్లయితొలగించండి
  17. మిత్రులారా! శుభాశీస్సులు.
    ఈ నాటి అందరి పూరణలును అలరించుచున్నవి. అభినందనలు.
    కొన్ని సూచనలు:

    శ్రీ చంద్రమౌళి గారు:
    మీ పద్యము బాగుగ నున్నది.
    మొదటి పాదములో 3వ గణము జగణము ఉండకూడదు - సరిజేయండి.

    శ్రీ భాగవతుల కృష్ణా రావు గారు: నమస్కారములు.
    మీ పద్యము బాగుగ నున్నది.
    కూతలలో వ్యాసులగుచు - అనుట సముచితముగా లేదు.
    స్వస్తి.

    రిప్లయితొలగించండి
  18. నేతలుగా నిల వెలుగుచు
    నీతిని న్యాయమ్మును మననీయక స్వార్థం
    బే తగునను చును నాయవి
    నీతుల బోధించువారె నీచులు ధాత్రిన్.

    రిప్లయితొలగించండి
  19. జాతులు కులములు మతములు
    ప్రేతలు శ్రాద్ధమ్ములనుచు పెద్దరికమునన్
    తాతల కాలపు భీకర
    నీతుల బోధించువారె నీచులు ధాత్రిన్

    రిప్లయితొలగించండి


  20. చేతల కున్ పలుకులకు
    న్నే తెఱగుల పొత్తులేక నీమపు మాటల్
    రోత కలుగు జేయు నరులు,
    నీతుల బోధించువారె, నీచులు ధాత్రిన్!

    జిలేబి

    రిప్లయితొలగించండి
  21. ప్రీతిగ మాటలు పలుకుచు
    గీతను పాడుచు చెవులిక గింగురు మనగా
    గోతులు తీయుచు ప్రజలకు
    నీతుల బోధించువారె నీచులు ధాత్రిన్

    రిప్లయితొలగించండి