వడలగ వదనమ్ము వడకుచు నిలచిన .... పార్థుని గని చక్రపాణి పలికె పూరించి శంఖమ్ము పూనుము యుద్ధాన .... శత్రు చయమ్మును సంహరింప నీవు కర్తవు కాదు నీ దోసమే లేదు ....నేనే హరింతు నీ సేన లెల్ల నీరుగారెద వేల నేనుండ నీచెంత ....నీదు ప్రతిజ్ఞను నిలుపుకొనక
నీవు చంపక యున్నను నిఖిల సైన్య ములను బ్రతికెడు వారలీ యిలను లేరు విను నిమిత్తమాత్రుడ నీవు వీడు భీతి ధనువు చేగొని ముందుకు చనుము విజయ.
శాస్త్రి గారూ, మీ ప్రయత్నం ప్రశంసనీయం. మీరు నిస్సంకోచంగా మీ పద్యాలను పంపిస్తూ ఉండండి. మార్గదర్శనం చేయడానికి నేను, మిత్రులు ఉన్నాము. తో ప్రత్యయాన్ని హ్రస్వంగా ప్రయోగించరాదు. మూడవ పాదంలో గణదోషం.
ప్రయాణంలో ఉన్నాను కాబట్టి ప్రస్తుతం సవరణ సూచించలేను.
రిప్లయితొలగించండిపూరించగ శంఖంబును
సారధి, వడవడ వణికిరి జనులెల్లరునూ,
గారెను రక్తము, యేరుగ
పారెనదో సెగ లొలుకుగ పార్థుని శరముల్ !
జిలేబి
జిలేబీ గారూ,
తొలగించండిమీ పూరణ బాగున్నది. అభినందనలు.
'ఎల్లరునూ' అనడం గ్రామ్యం. 'రక్తము+ఏరుగ' అన్నప్పుడు సంధి నిత్యం, యడాగమం రాదు. "జను లెల్ల రటన్| గారెను రక్త మ్మేరుగ...." అనండి.
వైరివర్గబలము వడవడ వడంకఁ
రిప్లయితొలగించండిబోటు మగలెల్ల నని నోడి పూరిఁ గఱవ
దోర్బలముఁ జూపి భీముండు దుస్ససేను
దోస మెంచి గుండెను జీల్చి తునుమఁ గృష్ణ
కనులనుండి హర్షాశ్రువుల్ గారె నపుడు.
శంకరయ్య గారూ...మీ పూరణం చాలా బాగున్నది. అభినందనలు!
తొలగించండిపూజ్యులు శంకరయ్య గారికి వందనములు. మీ పూరణ మత్యంత సహజ కృత పద్యము గా నున్నది. దత్త పద మన్న ధ్యాసే లేదు.
తొలగించండిశంఖంబు 'పూరింప శాత్రవ సంఘంబు
రిప్లయితొలగించండిభయ'పూరితంబుగఁ బార జొచ్చె
యె'వడ'న్చు చూడక నెదిరించి గూల్చెద
అంగముల్విడి'వడ' నరయ జూసి
'దోస'మం చెరిగియు ద్రోణాది పెద్దల
దో సత్వ మహిమల దునుమ జూతు (దో: బాహు)
నిర్భీతి 'గారె'చ్చి నిటలాక్షుడై జొచ్చి
సములు 'గారె'వరైన సంహరింతు
తేగీ
యనుచు ననితర సాధ్యుడై యర్జునుండు
కృష్ణ సారథ్య మాహాత్య కృపను గూడి
యుద్ధ పాండిత్య శోభల యుక్తు డగుచు
రణ వినోద క్రియా సుసంరంభి యయ్యె
ఇతఃపూర్వమే నేను పూరించినది
అశ్వత్థ నారాయణ మూర్తి గారూ,
తొలగించండిద్విరుక్తాలైన దత్త పదాలతో మీ పూరణ ప్రశస్తంగా ఉంది. అభినందనలు.
ఈ దత్తపదిని గతంలో మన బ్లాగులో ఇచ్చానా? నాకు గుర్తు లేదు.
క్రొవ్విడి వెంకట రాజారావు:
రిప్లయితొలగించండిపాండవ దమను లర్కుని వలె వెలుగుచు
దోసకారులౌ కౌరవ దుర్మతులను
ఆజిని వడలిడగ జేసి నత్తరమున
పూరిని దరిగిన విధము వారి నునిచి
నంత రక్తము గారెను నదము వలెను.
క్రొవ్విడి వెంకట రాజారావు గారూ,
తొలగించండిమీ పూరణ బాగున్నది. అభినందనలు.
యుద్ధరంగమున శ్రీ కృష్ణుడు...అర్జునునితో....
రిప్లయితొలగించండిపార్ధ! శరము వదలి నీవు వడఁక నేల?
చింత యేలకొ పూరించు చేవ తోడ
దోస మది నీది కాదుబో! వేసరిలకు
విధి వశులు గారె యెవరేని వెఁడగ దేల?!
శిష్ట్లా శర్మ గారూ,
తొలగించండిమీ పూరణ బాగున్నది. అభినందనలు.
దోస మెఱుగని ఙ్ఞాతుల దూషణమ్ము
రిప్లయితొలగించండివిడని నీ యుల్లము, నొడలు వడకు చుండ
కదనమున పూరి గఱతువు కౌరవేంద్ర!
శాంతి నెలకొను నన్న యాశ లడగారె!
(రాయబారం సందర్భంగా చివరిగా శ్రీకృష్ణుడు దుర్యోధనునితో అన్న మాటలు).
శ్రీధర రావు గారూ,
తొలగించండిమీ పూరణ బాగున్నది. అభినందనలు.
డా.పిట్టా
రిప్లయితొలగించండివిన్నను భారతంబె సరి వీక్షణ గారెయె లౌక్యపూరితం
బన్నను యీ కథాశ్రవణ భాగ్యమె దోసములెన్ను వారిచే
కన్నయ చిక్కునన్ వడగ, గట్టగ జూడరె రాయబారపుం
మన్నన లేని కౌరవుల మాయల ద్రోయడె విశ్వరూపుడై?!డా.పిట్టా
పిట్టా సత్యనారాయణ గారూ,
తొలగించండిమీ పూరణ బాగున్నది. అభినందనలు.
వడలగ వదనమ్ము వడకుచు నిలచిన
రిప్లయితొలగించండి.... పార్థుని గని చక్రపాణి పలికె
పూరించి శంఖమ్ము పూనుము యుద్ధాన
.... శత్రు చయమ్మును సంహరింప
నీవు కర్తవు కాదు నీ దోసమే లేదు
....నేనే హరింతు నీ సేన లెల్ల
నీరుగారెద వేల నేనుండ నీచెంత
....నీదు ప్రతిజ్ఞను నిలుపుకొనక
నీవు చంపక యున్నను నిఖిల సైన్య
ములను బ్రతికెడు వారలీ యిలను లేరు
విను నిమిత్తమాత్రుడ నీవు వీడు భీతి
ధనువు చేగొని ముందుకు చనుము విజయ.
మిస్సన్న గారూ,
తొలగించండిమీ పూరణ బాగున్నది. అభినందనలు.
చావడమిద్దె ఖాయముగ శత్రువులెల్లరటంచు దల్చుచా
రిప్లయితొలగించండిరావముజేసెనర్జునుడరాతులుగారె వికంపితుల్ ధనుః
పూరితసాయకుండు శరపుంజము వేయగనొక్కమారుగా
దూరెను గుండెలందు పడదో సరమై శవముల్ దివమ్ముకున్ ||
డా. మాడుగుల అనిల్ కుమార్ గారూ,
తొలగించండిమీ పూరణ ప్రశస్తంగా ఉంది. అభినందనలు.
శంకరవర్యా! నమస్తే! నాకు తెలుగు చాలా ఇష్టము. కానీ రాదు. నేను 40 ఏళ్ళు బెంగాలులో ఫిసిక్సు చెప్పి రెటైరయ్యాను. కనుక నా తప్పులు మన్నించి దిద్దవలె!
రిప్లయితొలగించండి***************************
దడవడ వొణికెడి కాళ్ళతొ
తడబడు చేతులతొ శంకు దడవక బావా!
బడబడ పూరించు దోసము
చిడిచిడి నెంచకకు గుండె శతురుల గారెన్!
శాస్త్రి గారూ,
తొలగించండిమీ ప్రయత్నం ప్రశంసనీయం.
మీరు నిస్సంకోచంగా మీ పద్యాలను పంపిస్తూ ఉండండి. మార్గదర్శనం చేయడానికి నేను, మిత్రులు ఉన్నాము.
తో ప్రత్యయాన్ని హ్రస్వంగా ప్రయోగించరాదు. మూడవ పాదంలో గణదోషం.
ప్రయాణంలో ఉన్నాను కాబట్టి ప్రస్తుతం సవరణ సూచించలేను.
చాలా సంతోషము! దోషములు అర్ధమైనవి.
తొలగించండిశంకరవర్యా! ఐదేళ్ళ క్రితం మీ పరిచయము నాకు అదృశ్యముగా నైనది. నేనా రోజు "లలనా జనాపాంగ" అర్ధం కోసం వెదుకుతుండే వాడను. అద్భుతమైన మీ వ్యాఖ్య మనోహరమైనది!!!
తొలగించండిసవరణకు చిన్న ప్రయత్నము:
తొలగించండి[యుద్ధారంభంలో శ్రీకృష్ణుఁ డర్జునునితోఁ బలికిన సందర్భము]
వడవడ వణకగ నే॑లా?
దడబడెదో? సములు వారె? తఱచియు బావా
బడబడ పూరింపు దరము!
చిడిముడి పడి యేడ్చువారు శత్రులు గారే?
కౌరవ సభలో శ్రీకృష్ణుని మాటలు.....
రిప్లయితొలగించండిఎవఁడని యెంచినాఁడవొ మహేంద్రసుతుం డతఁ డాగ్రహింపఁ దా
నెవనిని గాని పూరిఁ గఱపించెడి వీరుడు గాఁడె నీవు పాం
డవులకు రాజ్య మిచ్చుట కొడంబడకున్నను దోస మౌను బాం
ధవ హిత మెంచువారలె సధర్ములు విజ్ఞులు గారె చూడఁగన్.
మాస్టరు గారూ! కృష్ణుని పలుకులతో కలిపి మధురమైన పలహారం వడ్డించారు ....బాగుంది.
తొలగించండిగురువుగారి పూరణ నిజంగా ఫలహారమే.
తొలగించండిగోలి వారికి, గుండా వారికి ధన్యవాదాలు.
తొలగించండిశంకరయ్య గారూ...మీ పూరణ మద్భుతంగా ఉన్నది! అభినందనలు!
తొలగించండిపూజ్యులు శంకరయ్య గారికి వందనములు. మీ పూరణ మనోహరముగా నున్నది.
తొలగించండిమీ వడ ధర యెక్కువ. మధ్యలో నర్ధానుస్వారముతో చేసారు కదా!
మాస్టరుగారూ! 9-5-15 న ఈ దత్తపది ఇచ్చినారు.....అప్పటి నాపూరణ.
రిప్లయితొలగించండిదేవదత్తమ్ము పూరించి తేజమలర
చనెనిదో సమరమునకు గనుడు నరుడు
కౌరవేయుల కప్పుడే గారె చెమట
వైరి జనులంత వడవడ వణకిరపుడు.
గోలి హనుమచ్ఛాస్త్రి గారూ,
తొలగించండిఈమధ్య మతిమరుపు ఎక్కువయింది.
మీ అప్పటి పూరణ మళ్ళీ చదివే అవకాశం లభించింది. ధన్యవాదాలు.
అణగారె నేల ధైర్యము
రిప్లయితొలగించండిరణమున్ జేయంగ దోస రహితము సుమ్మీ
విను, శంఖము పూరించుచు
దునుమాడ వడకరె రిపులు తోడగు జయమే
గుండా వేంకట సుబ్బ సహదేవుడు గారూ,
తొలగించండిమీ పూరణ బాగున్నది. అభినందనలు.
దోషరహితం... సాధువు. దోసరహితం అనరాదు.
గురుదేవులకు ధన్యవాదములు. సవరించిన పూరణ:
తొలగించండిఅణగారె నేల ధైర్యము
రణమది దోసమ్ము కాదు రాజ్యమొసంగున్
విను, శంఖము పూరించుచు
దునుమాడ వడకరె రిపులు తోడగు జయమే
ఊరకే వడకుదు వేమి యుత్తరా కటా మహా
రిప్లయితొలగించండివీరుడ నని పల్కి యిట్లు వెన్ను జూప దోసమౌ
నీరు గారె దేల చెంత నేను విజయు నుండ లే
పూరి గఱతు రరులు చేయ పోరు తేరు నడపుమా.
మిస్సన్న గారూ,
తొలగించండిమీ పూరణ బాగున్నది. అభినందనలు.
మిత్రులందఱకు నమస్సులు!
రిప్లయితొలగించండి[అంతఃపుర కాంతల కుత్తరుఁడు, తన యుద్ధప్రావీణ్యమునుం గాంచి, వైరివీరు లేమందురో తెలుపు సందర్భము]
"సృణియోధోద్భవభీతరావసరణిన్ శ్వేతమ్ముఁ బూరింపఁగన్
గుణవిచ్ఛేదిత కార్ముకార్తులయి, తాఁకుల్ వడంగాను, దా
రుణ యుద్ధమ్మును మాని, ’దోసమయె! మొఱ్ఱో! మమ్ము రక్షింపు మీ
రణమున్ వీడెద’ మండ్రు గారె యరిభిత్ప్రావీణ్యమున్ మెచ్చుచున్?"
గుండు మధుసూదన్ గారూ,
తొలగించండిఅద్భుతమైన పూరణ చెప్పారు. కాని పానకంలో పుడకలా 'తాఁకుల్ వడంగాను' అన్నచోట గణదోషం. సవరించండి.
టైపాటు దొరలినది. మన్నింపుఁడు. సరిచేసితిని.
తొలగించండి"సృణియోధోద్భవభీతరావసరణిన్ శ్వేతమ్ముఁ బూరింపఁగన్
గుణవిచ్ఛేదిత కార్ముకార్తులయి, తాఁకుల్ మై వడంగాను, దా
రుణ యుద్ధమ్మును మాని, ’దోసమయె! మొఱ్ఱో! మమ్ము రక్షింపు మీ
రణమున్ వీడెద’ మండ్రు గారె యరిభిత్ప్రావీణ్యమున్ మెచ్చుచున్?"
వడకించెన్ కురు సైన్య వాహినిని యా వీరాభి మన్యండహో !
రిప్లయితొలగించండిపడ దోసెనరి వీరు లెందరినొ యా బాలుండె పూరీతినిన్
దడ పుట్టించెను పోరు వారి కనిలో దార్ఢ్యమ్మునే జూపుచున్
కడు విభ్రాంతులు గారె చూపరులె యా కార్యార్థినే జూచినన్.
గుఱ్ఱం జనార్దన రావు గారూ,
తొలగించండిమీ పూరణ బాగున్నది. అభినందనలు.
'వాహినిని+ఆ' అన్నప్పుడు యడాగమం రాదు. 'వాహినినె యా...' అనండి. అలాగే 'పడదోసె న్నరి..' అనండి.
మొదటి పాదంలో యతిభంగమయింది జనార్దన రావు గారూ!
తొలగించండి[2]
రిప్లయితొలగించండి"పూరిఁ గఱపించెదను నేను కౌరవులకు!
వడవడ వడఁకఁ జేసెద బవరమందు!
దోసమును సైఁచుమన్నచోఁ దొఱఁగి, సనెద!
పిఱికివారలు గారె యా విమతులంత?"
గుండు మధుసూదన్ గారూ,
తొలగించండిమీ రెండవ పూరణ బాగున్నది. అభినందనలు.
శంఖ మయ్యది పూరించ చక్రి యపుడు
రిప్లయితొలగించండివణకి పోయిరి శత్రు వు ల్వ డ వడిగను
దోస కారులు మరణించ దురము నందు
గా రె రక్తము సెలయేరు వోలె యచట
పోచిరాజు సుబ్బారావు గారూ,
తొలగించండిమీ పూరణ బాగున్నది. అభినందనలు.
'... వోలె నచట' అనండి.
పూరించ దేవదత్తము
రిప్లయితొలగించండిపోరున విజయుడు, వడకెను మూక భయముతోఁ
గారెను నెత్తురు వరదలు
కౌరవ దోసములు పండి కదనమునందున్
కౌరవ దోసములు పండి - దుష్ట సమాసము అని పిస్తుంది - వైరుల దోసములు పండి బవరము నందున్ - అంటే సరిపోతుంది.
తొలగించండిఈ కామెంట్‌ను రచయిత తీసివేశారు.
రిప్లయితొలగించండి
రిప్లయితొలగించండిపెద్దల సూచనలమేరకు సవరించిన పూరణ:
కంది శకరయ్య్ గారూ! & గుండు మధు సూదన్ గారూ ! ధన్యవాదాలు !
***xxxxx***
"వడ"కించెన్ కురు సైన్య వాహినినె యా పార్థుంసుతుండాజిలో !
పడ "దోసె"న్నరి వీరు లెందరినొ యా బాలుండె "పూరీ"తినిన్*
దడ పుట్టించెను పోరు వారి కనిలో దార్ఢ్యమ్మునే జూపుచున్
కడు విభ్రాంతులు "గారె" చూపరులె యా కార్యార్థినే జూచినన్.
*పూరీతినిన్= పూవుల రీతిగా; పూవుల వలెనే
=========
దోసెన్నరి అన్నప్పుడు ద్విత్వమే టైప్ చేశాను. టైప్ కాలేదు. మరొక్క మారు కృతజ్ఞతలు.
****)()()(****
భంగ్యంతర పూరణ (స్వల్ప మార్పులతో)
"వడ"కించెన్ కురు సైన్య వాహినినె యా పార్థుండె యుద్ధావనిన్ !
పడ "దోసె"న్నరి వీరు లెందరినొ యా శూరుండె "పూరీ"తినిన్*
దడ పుట్టించెను పోరు వారి కనిలో దార్ఢ్యమ్మునే జూపుచున్
కడు విభ్రాంతులు "గారె" చూపరులె యా కార్యార్థినే జూచినన్.
ఈ కామెంట్‌ను రచయిత తీసివేశారు.
రిప్లయితొలగించండిపవడపుఁ దళుకులన్మించు పావడలను
రిప్లయితొలగించండికనకరజపూరీకృత కంచుకముల
దోసములు లేని ముత్యముల్ దోసిలినిడి
ఉత్తర వెలుగారె నచట నుచ్ఛ రీతి
సమర మందున చంపుటల్ చావడములు
రిప్లయితొలగించండిసహజ మేగద... పూరించు శంఖమిపుడు
అర్జునా యెట్టి దోసమ్ము నంటబోదు
కౌరవుల్ గారె కారకుల్ కదనమునకు !!!
ధృతరాష్ట్రుడిచ్చిన చిన్న యుపనగరము నింద్రప్రస్త పురముగా తీర్చి దిద్దిన పాండవులను చూపిస్తూ కృష్ణుడు ప్రశంసించు సందర్భము:
రిప్లయితొలగించండిప్రాభవ డంబర పూరిత
వైభవ హస్తిపుర నాథవర హస్తక శుం
డాభప్రదోసపురమా
శోభేంద్రప్రస్త వాస సుమతులు గారే
[ప్రద+ఉసపురము = ప్రదోసపురము; ఉసపురము =పేట, శాఖానగరము]
ప్రాభవ డంబర పూరిత
తొలగించండివైభవ హస్తిపుర నాథవర హస్తక శుం
డాభప్రదోసపుర నా
కాభేంద్రప్రస్త వాసు లమలురు గారే
ఇంద్రప్రస్థపురమందు వడ - పూరి - దోస - గారె లనిమిడ్చిన మీ ప్రజ్ఞావిశేష మసాధారణము! అభినందనలు!
తొలగించండికవి పుంగవులు మధుసూదన్ గారు మీయభిమాన ప్రశంసకు నమఃపూర్వక ధన్యవాదములు.
తొలగించండిఅణగారెను తిమిరమ్ము ల
రిప్లయితొలగించండిరుణోదయ మదో!సవితుని రూపూరించం
గను కుంతి మంత్రము జపిం
చెను,రవి దిగి వచ్చి తనను జేరగ వడకెన్
కృష్ణుడు రాయబారంలో శాంతిని కోరుతూ హితవాక్కులుగా నూహించి
రిప్లయితొలగించండిసమర శంఖమ్ము పూరింప శాంతి తొలగి
శరముల వడగళ్ళుగురియు మరువ బోకు
పాండవుల్ గారె శత్రువుల్ వారి నింక
నాదరింప దోసమవబోదవని మెచ్చు
శ్రీ భాగవతుల కృష్ణారావు గారి పూరణ
రిప్లయితొలగించండిదోస మెరుగని పడతిని దూరి , కొట్టి
పావడ ను బట్టి బలిమిని బయటి కీడ్చి
విటుడు విషపూరి తమ్మగు వేశ్యపొందు
గోరి యడగారే రోగియై "కుష్టు" కతన
శ్రీకృష్ణరాయభారాన కౌరవులతోదెలిపినమాటలు
రిప్లయితొలగించండిఒక్కటి గారె సోదరులు నోర్పున పాండవ కౌరవుల్ సదా
నిక్కము ధర్మపూరితులు| నేర్పగు మార్పన యెల్లవారికిన్
మక్కువ నౌను|దోసమన?మాన్యులుమెచ్చరు రాజరాజగా
చక్కటిరాయభారమిది|సంస్కృతినే వడగట్టి దేల్పుమా
పావడ గట్ట?పూలజడ,పార్థుని గాంచి సుభద్ర నవ్వగా?
రిప్లయితొలగించండిదైవము సంతసించెనట|దంపతు లవ్వగ దోస మెంచకే
జీవన పూరితంబునకు చిత్రవిచిత్రము మార్పులెన్నియో
గావగ ?భాగ్యమై వరలుగారె|వివాహపుముచ్చటందునన్.
ఈ కామెంట్‌ను రచయిత తీసివేశారు.
రిప్లయితొలగించండిభ్రుకుటుల్ముడివడ రోషాగ్ని వెలువడ
రిప్లయితొలగించండిమనవడ! రమ్మంచు మాటలనుచు
పూరిత ప్రజ్ఞుండు పూరీకృత వచుండు
హస్తిపురీవృద్ధు డరి హరుండు
దో సమృధ్దిన్ జూపి దోసమయుడు గెల్వ
పగతుర పడదోసి పటిమజూపి
ఒడలన్గారెడు నుష్ణ రుధిరమున్
జూడంగారేగుచున్ శూలి పగిది
తే.కార్ముక వినిర్ముక్త ఘనమార్గణ గణముల
హరినరులకును నరహరి యనగ నొప్పి
ఆహవంబున నర్జును డదిరి చెదర
భీష్ముడు గ్రీష్మ బాస్కర వేషుడయ్యె
దయచేసి తేటగీత లో వినిర్ముక్త బదులుగా వినిర్గత గాచదవ ప్రార్థన
తొలగించండిఈ కామెంట్‌ను రచయిత తీసివేశారు.
తొలగించండిఈ కామెంట్‌ను రచయిత తీసివేశారు.
రిప్లయితొలగించండిఉత్తరునితో బృహన్నల...
రిప్లయితొలగించండివడవడ వడకుట తగునా
గడగడ లాడించు దోసకారుల రాజా!
అడగారెనా ప్రతాపము
దడియక పూరించి దరము ధనువును గొనుమా!!!
పూరి గుడిశెను నివశించు మునులు గారె
రిప్లయితొలగించండిపాండు సుతులంత వడగాడ్పు పాల బడగ
కాన లందున దిరిగెడి ఖర్మ బట్టె
దుష్ట విధిగాక జేసిన దోస మేమి ?
బంధువుల్, హితుల్,గురువుల బవరమందు
రిప్లయితొలగించండిసంహరించుట దోసమౌ చంప లేన
నంగ నర్జునుడు, హరియు నతని కెపుడు
గీత సారము బోధించినంత నపుడు
సమర శంఖము పూరించి శత్రుసేన
వడక నతి భీకరంబగు పద్ధతిన్ త
లలు నరక నేరులై గారె రక్తమచట.
సవరణలు :-
రిప్లయితొలగించండిమూడవ పాదంలో....
హరియు నతని కపుడు.. అని చదువ గలరు.
నాలుగవ పాదంలో....
బోధించినంత నరుడు...అని చదువ గలరు.
సవరణలు :-
రిప్లయితొలగించండిమూడవ పాదంలో....
హరియు నతని కపుడు.. అని చదువ గలరు.
నాలుగవ పాదంలో....
బోధించినంత నరుడు...అని చదువ గలరు.
ఈ కామెంట్‌ను రచయిత తీసివేశారు.
రిప్లయితొలగించండిభారత రణమందు పార్థుడు పూరించ
రిప్లయితొలగించండిముందు చెప్పె దోసములను శౌరి
నిదియు పోరు భూమి నెవరడ్డెదరనంగ
గారెవరిట నేనె కర్త ననియె.
వడవడ వణుకుచు ద్రౌపది
తడబడు తా దోసమెల్ల తనవిధి యనగన్
వడిగా గారెను స్వేదము
ముడివిడ పూరించె కనులు ముకుళిత వదనై.
సీ.అర్జునుండేతెంచి యాహవరంగాన
పూరించె శంఖమున్ పుడమి యందు
కకుభమ్ములట వడకంగ భీతిల్లి
వారువంబులు వారె వడిగ తాము
దోసము చేసిన దుర్మార్గు నిలలోన
వదలి పెట్టననుచు ప్రతిన చేయ
సైంధవున కచట చమటలు గారె,కౌ
రవులెల్ల జూడంగ రహము తోడ
ఆ.వె:సుతుని జంపినతని సూర్యాస్తమయములో
చంపె క్రీడి తాను సంజ లోపు
ప్రతిన దీర్చి నట్టి పార్థుని కనుగొని
దేవతలిల మెచ్చి దీవె నిడిరి.
సీ.నాతికురులు పట్టినందుకని యతని
దోసములను చూపి దురమునందు
భీమసేనుండట భీకరముగ పోర
కంపమందె వడలు కౌరవునకు
తనువు తూట్లు పడగ తత్తర పాటున
రణభూమిలో గారె రక్త ధార
దుస్ససేనుని జంపి ద్రుపదజ కోరికన్
పూరించి సతికట ముదము కూర్చి
ఆ.వె:మానధనుడు నచట మడుగులో దాగంగ
తొడలు జీల్చి వాని దురము నందు
కూల్చినట్టి పాండు కొమరుడెవరటన్న
వీరవిక్రము డగు విజయు భ్రాత.