త్రింశదర్థ పద్యరత్నము – పోకూరి కాశీపతి
ఆ.వె.
భూరి జఠర గురుఁడు నీరజాంబక భూతి
మహిత కరుఁ డహీన మణి కలాపుఁ
డలఘు సద్గణేశుఁ డగ్రగోపుఁడు మహా
మర్త్యసింహుఁ డేలు మనల నెపుడు.
26వ అర్థము
– మన్మథ స్మరణ
భూరి జఠర గురుఁడు = బ్రహ్మయే అన్నగా గలవాఁడును
(బ్రహ్మ, మన్మథుడు హరి కుమారులు),
నీరజాంబక భూతి = పద్మ బాణముల సత్తా కలవాఁడును
(లేక కమలాక్షునకు బుట్టినవాఁడును),
మహిత కరుఁడు = అతిశయమైన వాఁడును,
అహీన మణి కలాపుఁడు = ఘనమైన మణిభూషలు గలవాఁడును,
అలఘు సద్గణేశుఁడు = గొప్ప సాధువుల సేన కధ్యక్షుఁడైనవాఁడును
(పిక శారికాది సాధు పక్షుల కనుట),
అగ్ర గోపుఁడు = ముఖ్యమైన బాణములకు నాయకుఁడైనవాఁడును
(ఉత్పత్తికి కారణమైన మోహమును గలిగించు బాణముల కనుట),
మహామర్త్యసింహుఁడు = మిక్కిలి దేవతా శ్రేష్ఠుడైనవాఁడును
(అగు మన్మథుఁడు),
మనలన్ = మనలను
ఎపుడున్ = నిరంతరము
ఏలు = రక్షించుగాక!
పూల విల్లును ధరియించు పురుషు డతడు
రిప్లయితొలగించండిరూప మ నునది లేకనే రూప వంతు
డైన మన్మధుడు మనల ననవరతము
గాచు గావుత తరుగనిగరుణ తోడ