కవిమిత్రులారా,
ఈరోజు పూరించవలసిన సమస్య ఇది...
"తులసీమాతను గొలిచిన దురితము లబ్బున్"
లేదా...
"తులసీమాతను గొల్చినన్ దురితముల్ దోరంబులై యబ్బురా"
ఈ సమస్యను పంపిన పోచిరాజు సుబ్బారావు గారికి ధన్యవాదాలు.
ఈరోజు పూరించవలసిన సమస్య ఇది...
"తులసీమాతను గొలిచిన దురితము లబ్బున్"
లేదా...
"తులసీమాతను గొల్చినన్ దురితముల్ దోరంబులై యబ్బురా"
ఈ సమస్యను పంపిన పోచిరాజు సుబ్బారావు గారికి ధన్యవాదాలు.
క్రొవ్విడి వెంకట రాజారావు:
రిప్లయితొలగించండివలపులు వాంఛలు దీరును
తులసీ మాతను గొలిచిన; దురితము లబ్బున్
మెలనయె గూడక యుండిన
వెలయింతుల వెంట నంటు వెఱ్ఱికి నెపుడున్.
క్రొవ్విడి వెంకట రాజారావు గారూ,
తొలగించండిమీ పూరణ బాగున్నది. అభినందనలు.
కలినతులపుణ్యమబ్బును
రిప్లయితొలగించండితులసీమాతను గొలిచిన, దురితము లబ్బున్
తలబెట్టుచు గంజాయిని
విలువెన్నకనాశ్రయింప పృథ్వీతలమున్ ||
పలురోగంబులఁబారదోలగల దివ్యంబైనదీయౌషధం
బిలవేల్పయ్యెను హైందవంబున కృపన్నీడేర్చు కామంబులన్
తులసీమాతను గొల్చినన్, దురితముల్ దోరంబులై యబ్బురా
యిల గంజాయికిఁ బూజఁజేతుననుచున్ హీనుండవై పల్కినన్ ||
డా. మాడుగుల అనిల్ కుమార్ గారూ,
తొలగించండిమీ రెండు పూరణలు బాగున్నవి. అభినందనలు.
'విలువెన్నక యాశ్రయించి' అనాలి కదా! (అక ప్రత్యయాంతావ్యయము కళ).
ఆర్య! అనేక నమస్కారములు. మీరు తెలియజేసిన తరువాతనే దోషమని తెలిసినది. సవరించినందుకు ధన్యవాదాలు. సవరణ చేసి పంపుచున్నాను.
తొలగించండికలినతులపుణ్యమబ్బును
తులసీమాతను గొలిచిన, దురితము లబ్బున్
తలబెట్టుచు గంజాయిని
విలువెన్నక యాశ్రయించ పృథ్వీతలమున్ ||
రిప్లయితొలగించండిలలనా! శుభములు గలుగును
తులసీమాతను గొలిచిన, దురితము లబ్బున్
చులకన జేయ నితరులను,
పలుకుల నడవడికల పరిపక్వత వలయున్ !
జిలేబి
జిలేబీ గారూ,
తొలగించండిమీ పూరణ బాగున్నది. అభినందనలు.
క్రొవ్విడి వెంకట రాజారావు:
రిప్లయితొలగించండిపొలుపున్ బూనుచు గొప్పగా సతము సంభూషించుటల్ జేయగా
సిలువల్ మాయుచు కోమలాంగులిల సౌశీల్యంబుతో వర్ధిలున్
తులసీ మాతను గొల్చినన్; దురితముల్ దోరంబులై యబ్బురా
వెలిచానల్ మెయి దిర్గగా నడరుచున్ పేట్రేగునౌవ్వారికిన్.
(సిలువ= కష్టము; సంభూషించు= స్తుతించు; వెలిచాన = వేశ్య; మెయి= వెంట;)
రాజారావు గారూ,
తొలగించండిమీ రెండవ పూరణ బాగున్నది. అభినందనలు.
కలికాలం బిదియైన గూలునుగదా కారుణ్య సంపూర్ణ నా
రిప్లయితొలగించండియలిమేల్మంగను వేంకటేశమహిషిన్ హర్షప్రదన్ శాశ్వతన్
తులసీ! మాతను గొల్చినన్ దురితముల్, దోరంబులై యబ్బురా
యలఘుప్రాభవముల్ నిరంతర యశం బత్యంత సౌఖ్యంబులున్.
హ.వేం.స.నా.మూర్తి.
హరి వేంకట సత్యనారాయణ మూర్తి గారూ,
తొలగించండిమీ పూరణ బాగున్నది. అభినందనలు.
P.Satyanarayana
రిప్లయితొలగించండిజలకాలుష్యమరణ్య నాశన క్రియల్ చాంచల్య చిత్తంబు లా
వులనున్ జంపుట మాంసభక్షణమునన్ వూపొంద మద్యంపు సే
వలనున్ స్త్రీలకు మానభంగములతో వైవిధ్యపుం బూజలన్
తులసీ మాతను గొల్చినన్ దురతముల్ దోరంబులై యబ్బురా!
P.Satyanarayana
తెలిసీ తెలియని నరునకు
వలసెన్ బూజలను జేయ, వరుసలె దప్పెన్
వెలివేసియు తన మాతను
తులసీ మాతను గొలిచిన దురితములబ్బున్
P.Satyanarayana
పిట్టా సత్యనారాయణ గారూ,
తొలగించండిమీ రెండు పూరణలు బాగున్నవి. అభినందనలు.
'తెలిసీ' అని వ్యావహారికాన్ని ప్రయోగించారు. 'తెలిసియు' అనండి.
ఫలితము దక్కును తప్పక
రిప్లయితొలగించండితులసీ మాతను గొలిచిన, దురితములబ్బున్
కలికాలములోసతతము
బలహీనులభూమిఁ గ్రోల బలవంతముగా
అన్నపరెడ్డి సత్యనారాయణ రెడ్డి గారూ,
తొలగించండిమీ పూరణ బాగున్నది. అభినందనలు.
తలపులుదీరునునవనిని
రిప్లయితొలగించండితులసీమాతనుగొలిచిన, దురితములబ్బున్
మలినము సోకగజేసిన
తెలిసియు దెలియక నరులకు ధీవరవినుమా!
పలురోగంబులు మాయమైచనును నా భాస్వద్యశోమూలమౌ
రిప్లయితొలగించండితులసీమాతనుగొల్చినన్,దురితముల్ దోరంబులైయబ్బురా
కలలోనైనను మైలపర్చి పలు దుష్కార్యంబులంజేయుచున్
బలగర్వంబునదీసివైచినను దుర్భాషల్ ప్రలాపించినన్.
పొన్నెకంటి సూర్యనారాయణ రావు గారూ,
తొలగించండిమీ రెండు పూరణలు బాగున్నవి. అభినందనలు.
కం. వెలసెను గల్ప తరువు గను
రిప్లయితొలగించండివెల కట్టగ వీలులేని విధముగ దోపన్
ఇలలో మనకిక నెవ్విధి
తులసీ మాతను గొలిచిన దురితము లబ్బున్ ?
గుఱ్ఱం జనార్దన రావు గారూ,
తొలగించండిమీ పూరణ బాగున్నది. అభినందనలు.
(1)
రిప్లయితొలగించండితలిరుంబోడులు సుప్రభాతమున నే దేవిన్ సదా కొల్తు? రె
వ్వలనన్ దైవకృపావలోకనము సంప్రాప్తం బగున్ దేహికిన్?
ఖలులౌ వారలతోడి స్నేహ మొనరంగన్ జేయ నేమౌనొకో?
తులసీమాతను; గొల్చినన్; దురితముల్ దోరంబులై యబ్బురా.
(2)
తెలవార స్నానమాడక
తలపులలో భక్తి లేక తద్దయు విసుగున్
గలిగి కృతక పద్ధతులన్
దులసీమాతను గొలిచిన దురితము లబ్బున్.
కలబోయుచు గంజాయిని
రిప్లయితొలగించండితులసీ వనమందు నాటి తులతూగంగన్
కలిమియె ప్రధాన మనుకొని
తులసీ మాతను గొలువఁగ దురితములబ్బున్.
గుండా వేంకట సుబ్బ సహదేవుడు గారూ,
తొలగించండిమీ పూరణ బాగున్నది. అభినందనలు.
తులసీ ఔషధ గుణముల
రిప్లయితొలగించండితెలిపిరి వైద్యులు పలువురు తెలియగ లేవా
తెలుపుము యెట్టుల సాధ్యమొ
తులసీ మాతను గొలిచిన దురితము లబ్బున్ !!!
మంద పీతాంబర్ గారూ,
తొలగించండిమీ పూరణ బాగున్నది. అభినందనలు.
'తులసికి యౌషధ..' అనండి. 'తెలుపుము+ఎట్టుల = తెలుపు మెట్టుల' అవుతుంది. యడాగమం రాదు. 'తెలుపు మదెట్టుల సాధ్యము' అనండి.
వెలలేని సిరుల నొసగును
రిప్లయితొలగించండితులసీమాతను గొలిచిన, దురితములబ్బున్
తలి దండ్రుల దూషించుచు
కలతల పాల్జేయు నట్టి కావరులకిలన్!!!
శైలజ గారూ,
తొలగించండిమీ పూరణ బాగున్నది. అభినందనలు.
కలికుల నొకచో వికటపుఁ
రిప్లయితొలగించండిగులుకుల నునిచి తళుకు బెళుకులు తనరారం
జెలువము లమ్మగ నయ్యిం
తుల సీ మాతను గొలిచిన దురితము లబ్బున్
[సీ = శ్రీ,, సంపద]
విలువల్ నేర్చిన మానవుండని మహా విద్వాంసు డీతండనిం
జెలువం బొప్పగ నీతనిం గొలువు సచ్ఛీలుండవై యంటినే
కలనైనం దలుపంగ రా దతని ప్రాకారమ్ము లీ తాగుఁబో
తుల సీమా? తను గొల్చినన్ దురితముల్ దోరంబులై యబ్బురా
పోచిరాజు కామేశ్వర రావు గారూ,
తొలగించండిఅద్భుతమైన విరుపులతో చక్కని పూరణ లందించారు. అభినందనలు.
పూజ్యులు శంకరయ్య గారికి వందనములు. ధన్యవాదములు.
తొలగించండివిలువల్ నేర్చిన మానవుండని మహా విద్వాంసు డీతండనిం
తొలగించండిజెలువం బొప్పగ నీతనిం గొలువు సచ్ఛీలుండవై యంటినే
కలనైనం దలుపంగ రా దతని ప్రాకారంబటం దాగుఁబో
తుల సీమా? తను గొల్చినన్ దురితముల్ దోరంబులై యబ్బురా
జలజాతాక్షుని మెప్పు చిక్కును గదా సద్భక్తితో నిత్యమున్
రిప్లయితొలగించండితులసీ మాతను గొల్చినన్, దురితముల్ దోరంబులై యబ్బురా
యిలలో దైవము దూరుచున్ సతతమున్ హీనత్వమున్ వర్తిలన్
కలలన్ గంచు సదా శ్రమించ ధృతి సాకల్యమ్మగున్ కార్యముల్
అన్నపరెడ్డి వారూ,
తొలగించండిమీ పూరణ బాగున్నది. అభినందనలు.
లలనా !శుభములు గలుగును
రిప్లయితొలగించండితులసీ మాతను గొలిచిన ,దురితము లబ్బు
న్వెల యాల మోజువడి తన
యాలిని నేగష్ట బెట్టు నాతని కి లలోన్
పోచిరాజు సుబ్బారావు గారూ,
తొలగించండిమీ పూరణ బాగున్నది. అభినందనలు.
గు రు మూ ర్తి ఆ చా రి
రిప్లయితొలగించండి,,,,,,,,,,,,,,,,,,,,,,,,,,,,,,,
గు రు వ ర్యు ల కు న మ స్సు లు
నిన్నపద్యములో " న " కు
బి౦దుపూర్వక మహయిన " ఘ " కు యతి
వేశాను . దానిని వర్గ యతిగా పరిగణి౦చ
కూడదా ? అనగా
ఙ్ఞ కారానికి న కారానికి యతి సరిపోదా ?
నా స౦దేహము తీర్చ వలసి౦ది .
……………………………………………………
అలాగే బి౦దుపూర్వక చ కారమునకు
వర్గయతి వేయాల౦టే ఏ అక్షరము వేయాలి
నా స౦దేహము తీర్చ వలసి౦దని మనవి
గురుమూర్తి ఆచారి గారూ,
తొలగించండిఒకసారి క్రింది లింకును క్లిక్ చేసి యతిభేదాలను గమనించండి.
యతిభేదాలు-2
గు రు మూ ర్తి ఆ చా రి
రిప్లయితొలగించండి,,,,,,,,,,,,,,,,,,,,,,,,,,,
విలు వొక్కి౦తయు నీవు నీ మగనికిన్ |
………… వేది౦చి , నీ యత్త మా
మల నేడ్పి౦తువు | ప్రక్కవారల పయిన్
……………… మాత్సర్యము౦ జె౦ది వ
ర్తిలి , దూషి౦తువు | " ఛీ గయాళి "
…… యను " కీర్తి౦" బొ౦దుచున్ గుల్కు నో
లలనా ! యేటికి దొ౦గ పూజలను సల్ప౦గ ?
…………… దుశ్శీల వై
తులసీ మాతను గొల్చినన్ దురితముల్
…………………… తోర౦బులై యబ్బు గా !
గురుమూర్తి ఆచారి గారూ,
తొలగించండిమీ పూరణ బాగున్నది. అభినందనలు.
మ.ఇలలో దేవత యుద్భవించె మనకున్నీయంగ వేవేలుగన్
రిప్లయితొలగించండికలలో నైనను గాంచనట్టి వరముల్ కారుణ్యమున్ జల్లుచున్
పులకింపంగను మేను మానసమునన్ బూజింప; నేరీతిన్
తులసీ మాతను గొలిచినన్ దురితముల్ దోరంబులై యబ్బురా?
గుఱ్ఱం జానార్దన రావు గారూ,
తొలగించండిమీ పూరణ బాగున్నది. అభినందనలు.
'...నేరీతినిన్' టైపాటు.
సవరణకు ధన్యవాదాలు.
తొలగించండికలతలు తొలగుట తథ్యము
రిప్లయితొలగించండితులసీ మాతను గొలిచిన! దురితము లబ్బు
న్నిలలో తన నెపమున నే
కలకంఠి కనుగవ నీరు కారుచు జారన్!
శ్రీధర రావు గారూ,
తొలగించండిమీ పూరణ బాగున్నది. అభినందనలు.
తులసిని తులగల దేదియు
రిప్లయితొలగించండినిలలేదని మును ముకుందు డింపుగ జూపెన్
నెలతలటుగాక కుక్కల
తులసీమాతను గొలిచిన దురితము లబ్బున్"
అశ్వత్థ నారాయణ మూర్తి గారూ,
తొలగించండిమీ పూరణ బాగున్నది. అభినందనలు.
“నిలచును సుఖ,సంతోషము
రిప్లయితొలగించండితులసీ మాతనుగొలిచిన”|”దురితములబ్బున్
కలుషిత భావము లందున
తెలియని వ్యసనాలుజేర?తిరుక్షౌరంబే”.|
2.ఫలితంబబ్బును బాధ్యతాయుతపుభావంబందు నెల్లప్పుడున్
తులసీ,మాతనుగొల్చినన్ “దురితముల్ దోరంబులైయబ్బురా
వెలయాలే సుఖమన్నచో?గలుగు నిర్వీర్యంబు నిన్నంటులే|
కలిమిన్,కీర్తినికాలరాయుగద|సంకల్పించ దుర్మార్గమే.
ఈశ్వరప్ప గారూ,
తొలగించండిమీ రెండు పూరణలు బాగున్నవి. అభినందనలు.
లలనా! సర్వశుభమ్ములొసుగు, నేలంజేరె దివ్యౌషధ
రిప్లయితొలగించండిమ్మిలన కృష్ణుని ప్రేయసై నిలిచెనా యింపైన యా మొక్కయౌ
తులసీమాతను గొల్చినన్ , దురితముల్ దోరంబులై యబ్బురా
కలికాలమ్మున వాడినన్నరులకే గంజాయనే మొక్కయే
నిలుచును గదయా రోగ్యము
తులసీమాతను గొలిచిన, దురితము లబ్బు
న్నిలలో గంజాయనె
ఖలు మొక్కల వలన సుమ్మ గనుమిది లలనా!
** నిన్నటి నా పూరణలు **
భువిలో మేటి కవీంద్రులమ్మనుచునే పుంఖానుపుంఖాలుగా
కవనమ్ముల్ రచియించినన్ గనగ సత్కావ్యమ్ములే శూన్యమై
జవసత్త్వమ్ములు లేని కావ్యములతో జాగర్యమొందింపనీ
కవి యన్నన్ గలికాలమందుఁ గడు చుల్కం జూతురే యెల్లరున్
నవతర మంచును జాతిని
యవమానించెడు కవితల నల్లెడు వారి
న్నవని జనులు మన్నింపరు
కవి యనఁ జులుకనగ నయ్యె కలికాలమునన్
విరించి గారూ,
తొలగించండిమీ రెండు పూరణలు బాగున్నవి. అభినందనలు.
మొదటి పూరణ మొదటి, రెండవ పాదాలలో గణదోషం. 'సర్వశుభమ్ము లిచ్చుగద నేలం...', 'దివ్యౌషధ। మ్మిలలో...' అనండి.
*****
నిన్నటి పూరణల క్రింద నా వ్యాఖ్యను గమనించండి.
ఈ కామెంట్‌ను రచయిత తీసివేశారు.
రిప్లయితొలగించండిపూజ్యులు శంకరయ్య గారికి వందనములు. సవరించిన నిన్నటి పూరణ తిలకించ గోర్తాను.
తొలగించండిఇఁకాదులకుఁ దప్ప ద్రుతప్రకృతికములకు సంధి లేదు. అవియున్ ద్రుతప్రకృతికమగుటచే సంధిరాక “అవియు నన్నన్” సాధువని సవరించితిని.
అవినీతీతర కార్య నిర్వహణ సాహాయ్యేద్ధ వృత్తమ్మునున్
దివిజారాధన ధర్మవర్తనము సందేహమ్ము వర్జింపు మె
ట్టి విపత్కాలము నందు నైన నవి పాటింపంగ మేలౌను నీ
కవి యన్నం గలికాలమందుఁ గడుఁ జుల్కం జూతురే యెల్లరున్
కామేశ్వర రావు గారూ,
తొలగించండినా సూచనను మన్నించి సవరించినందుకు సంతోషం. ధన్యవాదాలు!
పూజ్యులు శంకరయ్య గారికి వందనములు. ధన్యవాదములు.
తొలగించండికలుగును శుభములు నిత్యము
రిప్లయితొలగించండితులసీ మాతను గొలిచిన; దురితము లబ్బున్
తలిదండ్రుల శరణాలయ
ములకున్ పంపించివేయు మూర్ఖులకెల్లన్.
పిన్నక నాగేశ్వర రావు గారూ,
తొలగించండిమీ పూరణ బాగున్నది. అభినందనలు.
కలబోయుచు గంజాయిని
రిప్లయితొలగించండితులసీ వనమందు నాటి తులతూగంగన్
కలిమియె ప్రధాన మనుకొని
తులసీ మాతను గొలువఁగ దురితములబ్బున్.
అలివేణీ సిరులబ్బును
రిప్లయితొలగించండితులసీమాతను గొలువగ;దురితము లబ్బున్
తులసిని ద్రొక్కుచు తిరిగిన,
యిలలో బాధలధికంబయి యేడ్తురు గనుమా!
తులలేని సంపదబ్బును
తులసీ మాతను గొలిచిన;దురితములబ్బున్
విలువెరుగక సతతము యా
తులసిని త్రెంచిన నిముసమె తొలగును సిరులున్.
డా. బల్లూరి ఉమాదేవి గారూ,
తొలగించండిమీ రెండు పూరణలు బాగున్నవి. అభినందనలు.
ఫలితము లభించు నిత్యము
రిప్లయితొలగించండితులసీ మాతను గొలిచిన; దురితము లబ్బున్
తెలిసియు మద్యము, గంజా
యిల గొన నలవాటు పడిన నెవ్వరి కైనన్.
పిన్నక నాగేశ్వర రావు గారూ,
తొలగించండిమీ పూరణ బాగున్నది. అభినందనలు.
తొలగున్ పాపము, దూరమౌ నిడుములున్ దుఃఖంబులున్ దప్పకన్
రిప్లయితొలగించండితులసీమాతను గొల్చినన్, దురితముల్ దోరంబులై యబ్బురా
గొలువన్ జాలని స్త్రీల కిద్ధరణిలో, గుర్తించి సచ్చీలురై
కలకాలంబిల పూజజేయ వలయున్ కాంతా మణుల్ నిత్యమున్
లక్ష్మి నారాయణ్ గారూ !నిఘంటువులలో అక్షర క్రమము (spelling) ' ఇడుమ ' 'ఇడుమలు ' అని ఉన్నది.
తొలగించండిఈ కామెంట్‌ను రచయిత తీసివేశారు.
రిప్లయితొలగించండితులసీ పత్రములందు నుండినవి యస్తోకమ్ముగా నోషధీ
రిప్లయితొలగించండివిలువల్ రోగ నివారణమ్మగునుగా విశ్వమ్ము నందెవ్వరున్
తులసీమాతను గొల్చినన్, దురితముల్ దోరంబులై యబ్బురా
మలినాత్ముండగు వాని గొల్చినను సన్మానంబు నందించుచున్!
కలుగు నకుఠిత పుణ్యము
రిప్లయితొలగించండితులసీమాతను గొలిచిన; దురితము లబ్బున్
వెలయాలి పొందు కొఱకై
కులసతి పుస్తెలను త్రెంచి కులికెడు పతికిన్
కులమత భేదము జూపుచు
కలుషిత కార్యములు సలిపి ఘనులమటంచున్
పలువురికి జూప భక్తిని
తులసీమాతను గొలిచిన దురితము లబ్బున్
కలుగు నకుంఠిత పుణ్యము .... అని కదా !
తొలగించండికలుషిత గంజా వనమిది
రిప్లయితొలగించండిఖలులుండెడి జగములోన కనిపింతురు పూ
జలుసెయు విటులు. వారికి
తులసీ మాతను గొలిచిన దురితము లబ్బున్
ఈ కామెంట్‌ను రచయిత తీసివేశారు.
తొలగించండిసవరణకు ధన్యవాదాలు.
రిప్లయితొలగించండిమ.ఇలలో దేవత యుద్భవించె మనకున్నీయంగ వేవేలుగన్
కలలో నైనను గాంచనట్టి వరముల్ కారుణ్యమున్ జల్లుచున్
పులకింపంగను మేను మానసమునన్ బూజింప; నేరీతినిన్
తులసీ మాతను గొలిచినన్ దురితముల్ దోరంబులై యబ్బురా?
నిలుపం జాలక ధూమపానమును హానిన్ గాంచకే పీల్చుచున్
రిప్లయితొలగించండికలలో గూడను వీడలే కెపుడు తా కల్లున్ భళాత్రాగుచున్
నెలలో ముప్పది పిజ్జలున్ తినెడి నా నేస్తుండు స్వాస్థ్యమ్ముకై
తులసీమాతను గొల్చినన్ దురితముల్ దోరంబులై యబ్బురా!