కవిమిత్రులారా,
ఈరోజు పూరించవలసిన సమస్య ఇది...
"మగఁడు ప్రసవించి శిశువును మగువ కిచ్చె"
లేదా...
"మగవాఁడే ప్రసవించి యిచ్చె శిశువున్ మర్యాదతో నింతికిన్"
ఈరోజు పూరించవలసిన సమస్య ఇది...
"మగఁడు ప్రసవించి శిశువును మగువ కిచ్చె"
లేదా...
"మగవాఁడే ప్రసవించి యిచ్చె శిశువున్ మర్యాదతో నింతికిన్"
రిప్లయితొలగించండిపురిటి నొప్పులకు సగము పురుషుడున్ను
బాధ్యతగొన వరము బొంది భార్య మేలు
నిదుర బోయి లేవంగను నిమ్మళముగ
మగఁడు ప్రసవించి శిశువును మగువ కిచ్చె !
జిలేబి
జిలేబీ గారూ,
తొలగించండిఆ మధ్య వచ్చిన 'చిత్రం భళారే విచిత్రం' సినిమాను గుర్తు చేశారు.
బాగుంది మీ పూరణ. అభినందనలు.
క్రొవ్విడి వెంకట రాజారావు
రిప్లయితొలగించండిగుర్విణిగ నున్న సాధ్విని కొక్కిరించ
శాప మిడె నామె మగనికి సత్త్వ మమర
విధముగ నవ మాసములకు విడుపు గలిగి
మగడు ప్రసవించి శిశువును మగువ కిచ్చె.
(మగడు = రాజు; గుర్విణి = గర్భవతి; సత్త్వము = గర్భము)
గురువుగారూ! నమస్కారములు. దయతో నిన్నటి (మొన్న) పద్యాన్ని పరిశీలించండి,
కుంభిని వెలిగిన బుధులను
దంభముతో బట్టి యణచు దనుజుల జంపన్
సంభవ మొందిన శివుడా
రంభాపతి రాముడయ్యె రాజసమొప్పన్.
(రంభ= పార్వతి)
క్రొవ్విడి వేంకట రాజారావు గారూ,
తొలగించండిమీ రెండు బాగున్నవి. అభినందనలు.
ఊరువు లనుండి యూర్వశి శౌరి తనయ
రిప్లయితొలగించండిమంత్ర జలమహి మయనమాం ధాత బుట్టె
నాటి నుండియు మగవారు మేటి యనగ
మగఁడు ప్రసవించి శిశువును మగువ కిచ్చె
అక్కయ్యా,
తొలగించండిమీ పూరణ బాగుంది.
కాని రెండవపాదంలో యతి తప్పింది. 'పూత మంత్ర మహిమను మాంధాత పుట్టె' అనండి.
ఊరువు లనుండి యూర్వశి శౌరి తనయ
తొలగించండిపూత మంత్ర మహిమను మాంధాత పుట్టె
నాటి నుండియు మగవారు మేటి యనగ
మగఁడు ప్రసవించి శిశువును మగువ కిచ్చె
కలలు పండగ నామెకు నెలలు నిండ
రిప్లయితొలగించండిఆడపడుచును తోడుండ నామె వెంట
ప్రసవ సమయపుకష్టముల్ పడుచు,నాయ
మ,గడుఁ, ప్రసవించి శిశువును మగువకిచ్చె
అశ్వత్థ నారాయణ మూర్తి గారూ,
తొలగించండిమీ వినూత్న ప్రయోగ ప్రయత్నం ప్రశంసింపదగినదే.
కాని మగఁడు లోని అరసున్నాను చివరికి మార్చారు. ఇలా మార్చడం సంప్రదాయం కాదు.
నీతి చంద్రికలు కురియు రీతి నతడు
రిప్లయితొలగించండికావ్య మొక్కటి వెలయించి కన్న బిడ్డ
యనుచు నిజసతి కందించె నంకితమ్ము!
మగడు ప్రసవించి శిశువును మగువ కిచ్చె!
శ్రీధర రావు గారూ,
తొలగించండిచక్కని పూరణ. అభినందనలు.
డా.పిట్టా
రిప్లయితొలగించండినెగడునెన్నాళ్ళు విశ్వంపు నీమ మిటుల
మగడు మగువ సమానులౌ మరొక జగము
సృష్టి జేసిరి విజ్ఞాన ద్రష్టలొకట
మగడు ప్రసవించి శిశువును మగువ కిచ్చె
తగునమ్మాయని తానె కర్తనని పో, తా త్సారమున్ జేయగా
మగువల్ సృష్టికి మూలకందములనన్ మానంబు దక్కించ నో
మగవాడై తప మాచరించి మనసా మార్గంబజుండో యనన్
మగవాడే ప్రసవించి యిచ్చె శి శువున్ మర్యాదతో నింతికిన్
పిట్టా సత్యనారాయణ గారూ,
తొలగించండిమీ రెండు పూరణలు బాగున్నవి. అభినందనలు.
క్రింద చెప్పిన సవరణను పరిగణనలోకి తీసుకున్నాను.
సంతు లేనట్టి యొక్కర్తె సద్గతికయి
రిప్లయితొలగించండిపెంచుకొనగోరి యర్థింప విజ్ఞ యపుడు
స్వీయ పుత్రుని దత్తత చేతు మనగ
మగడు, ప్రసవించి శిశువును మగువ కిచ్చె.
హరి వేంకట సత్యనారాయణ మూర్తి గారూ,
తొలగించండిమీ పూరణ బాగున్నది. అభినందనలు.
మనసా మాన్యుండజుండో యనన్ .గా మార్చి చదుప గలరు.డా.పిట్టా
రిప్లయితొలగించండిమహిని వనితకు తోడయి మనునెవండు?
రిప్లయితొలగించండిపడతి సృష్టికి మూలమై వరలు నెటుల?
నవని పురుషుండు ప్రేమము నెవరికిచ్చె?
మగడు, ప్రసవించి శిశువును, మగువకిచ్చె!
శిష్ట్లా శర్మ గారూ,
తొలగించండిమీ క్రమాలంకార పూరణ బాగున్నది. అభినందనలు.
గది బయట నార్తితో నుండ సుదతిముద్దు
రిప్లయితొలగించండిమగఁడు, ప్రసవించి శిశువును మగువకిచ్చె
సుతుని చూపించిరమ్మని పతియెమెచ్చ
పరవశమ్మీయదే తొలి వలపు పంట?
గుండా వేంకట సుబ్బ సహదేవుడు గారూ,
తొలగించండిమీ పూరణ బాగున్నది. అభినందనలు.
మనకుటుంబములన్ యజమానియెవరు?
రిప్లయితొలగించండివనిత యెవ్విధి గృహమున వినుతికెక్కు?
శివుడు తనువున సగభాగ మెవరికిచ్చె?
మగడు, ప్రసవించి శిశువును, మగువ కిచ్చె
అన్నపరెడ్డి సత్యనారాయణ రెడ్డి గారూ,
తొలగించండిక్రమాలంకారంలో మీ పూరణ బాగున్నది. అభినందనలు.
విను 'సరోగసి ' గర్భమ్ము వేడ్కతోడ
రిప్లయితొలగించండితాను ధరియించి పుత్రునే తరుణికీయ
భార్యనొప్పగ జేయగా పట్టుబట్టి
మగడు, ప్రసవించి శిశువును మగువ కిచ్చె.
గోలి హనుమచ్ఛాస్త్రి గారూ,
తొలగించండిఅద్దె గర్భాన్ని గురించిన మీ పూరణ బాగున్నది. అభినందనలు.
ప్రాచ్య దేశమునందున ప్రధమముగను
రిప్లయితొలగించండిజరిగె నిట్టుల నిజముగ ధరణిలోన
లింగమార్పిడి జేయగ లీలగాను
మగడు ప్రసవించి శిశువును మగువకిచ్చె!!!
శైలజ గారూ,
తొలగించండిమీ పూరణ బాగున్నది. అభినందనలు.
పురుషు డధికుడు, స్త్రీ సలుపు పనులన్ని
రిప్లయితొలగించండిచేయగలడను నీకును జెప్పెద నిది
మగడు ప్రసవించి శిశువును మగువ కిచ్చె
నేని యొప్పుకొనెద నాడు నీదు మాట
నితీశ్ చంద్ర గారూ,
తొలగించండిమీ పూరణ బాగున్నది. అభినందనలు.
'చేయగలడని...' అనండి.
మగువ సేవకు నొప్పులు మరచి పోవ
రిప్లయితొలగించండితలుపు మూసిన ఘడియకీ తలపు రాగ
"నోట తడియారి వేచియున్నాడు నాదు
మగడు"; ప్రసవించి శిశువును మగువ కిచ్చె
జి.పి. శాస్త్రి గారూ (మీ పూర్తి పేరు?),
తొలగించండిమీ పూరణ బాగున్నది. అభినందనలు.
ధన్యుడను! ఈరోజు మొట్టికాయలు తప్పినవి. నా పూర్తి పేరు "గుర్రం ప్రభాకర శాస్త్రి" (బండి ర నాఫోనులో లేదు). పాఠశాల నెల్లూరు జిల్లా ముత్తుకూరు. కళాశాల ఆంధ్ర విశ్వవిద్యాలయం,
తొలగించండివాల్తేరు. ఊద్యోగం బెంగాలు. విశ్రామం హైదరాబాదు. మాతృభాష మళ్ళీ నేర్చుకోవాలని తాపత్రయం...
తొలగించండిగుఱ్ఱం ప్రభాకర శాస్త్రిగారు
ఉపయోగ మేమో చూడండి :) టిల్డే కీ (నిదురబోయేటట్లు కనబడు S లాంటి కీ :)
నిదురన గల టిల్డే కీ
కుదురుగ నొక్కి ర అ నొక్క కులుకుచు తా కం
డ్లెదురుగ వచ్చు ఱ యక్షర
మది కష్టపడితి నుపాయ మదియని తెలియన్ :)
Tlde+r+a
జిలేబి
జిలేబి గారు:
తొలగించండిమీకు నా కృతజ్ఞతలు. కానీ నా పాత సేంసుంగు ఫోనులో ఎంత వెదికినా టిల్డే కనిపించ లేదు. నా ఆరెళ్ళ మనవరాలు నాకన్న స్మార్టు. అడిగి చూస్తాను. అయినా నాకు తెలుగు గుణింతం రాదు. నా పుత్రుని పెళ్ళి పత్రికలో నా గుర్రం ఇంటిపేరు ఎలా వ్రాయలో తెలియక మా కాబోయీ వియ్యంకునికి ఫోన్ చేసినపుడు ఆయన బండి ర అని చెప్పారు ;) వారు తెలుగు పండితులు! చాలా కష్టపడి "లేఖిని" నేర్చుకొని తంటాలు పడుతున్నాను. టైం పాస్!
మీ కంద పద్యం మనోహరంగా ఉంది.చాలా సంతోషం!
శాస్త్రి గారూ,
తొలగించండిలేఖినిలో ఱ టైప్ చేయడానికి అవకాశం ఉంది. చూడండి.....
~ra (ఱ)
gu~r~raM (గుఱ్ఱం)
జిలేబి గారు:
తొలగించండిదొరికింది దొరికింది టిల్డె! మాకోడలు ధర్మం!
నమోనమ:
గుఱ్ఱం ప్రభాకర శాస్త్రి
శంకరయ్య గారూ:
కృతజ్ఞతలు!
సంతు లేని యొకతె సఖి సాయ మడిగె
రిప్లయితొలగించండిఅందు కంగీక రించియు నామె పూని
ఆధునిక వైద్య రీతిని; యాన తీయ
మగడు, ప్రసవించి శిశువును మగువ కిచ్చె.
గుఱ్ఱం జనార్దన రావు గారూ,
తొలగించండిమీ పూరణ బాగున్నది. అభినందనలు.
బండికాడి అంజయ్య గౌడ్ గారి (వాట్సప్) పూరణ....
రిప్లయితొలగించండియజ్ఞ జలము వలన యవనాశ్వునికిని
గర్భము కలిగి జన్మించె నర్భకుండు
ఘనుడు మాంధాత యనువాడు క్ష్మాతలమున
మగడు ప్రసవించి శిశువును మగువ కిచ్చె
అంజయ్య గారూ,
తొలగించండిమీ పూరణ బాగున్నది. అభినందనలు.
మగడు ప్రసవించి శిశువును మగువ కిచ్చె
రిప్లయితొలగించండినేమి చిత్రము నిట్లుగా నీజగమున
సాధ్య మగునే దె లుపుడయ్య!సామి మాకు
నట్లు జరుగదు ముమ్మాటి కదియ మరిని
మూల కారణంబ యగును ముదిత యెపుడు
పోచిరాజు సుబ్బారావు గారూ,
తొలగించండిమీ పూరణ బాగున్నది. అభినందనలు.
తల్లి సేదదీఱగఁ దన తనువు నిమురఁ
రిప్లయితొలగించండిబ్రసవ వేదన భరియించి పడతి యపుడు
చంద్రు డనుచుఁ బొగడ నత్త సంత సింప
మగఁడు, ప్రసవించి శిశువును మగువ కిచ్చె
జగతిం జూడగ నిట్టి వింతలు మహాశ్చర్యంబులై తోచవే
మగువల్ మెచ్చరె యిట్టి భర్తలను సన్మానమ్ములుం జేయరే
తగదీ దుర్భర బాధ నీకనుచు భర్తై యుండి స్వ్పప్నంబునన్
మగవాఁడే ప్రసవించి యిచ్చె శిశువున్ మర్యాదతో నింతికిన్
పోచిరాజు కామేశ్వర రావు గారూ,
తొలగించండిమీ రెండు పూరణలు బాగున్నవి. అభినందనలు.
గు రు మూ ర్తి ఆ చా రి
రిప్లయితొలగించండి,,,,,,,,,,,,,,,,,,,,,,,,,,,,,
మగడు ప్రసవి౦చి శిశువును మగువ కిచ్చె
శిశువు మారె ముసలకమై చిత్రముగను
యదుకుల౦ బెల్ల చిటికెలో న౦త మయ్యె
ముగిసె ద్వాపర యుగ మి౦క | ముర రిపు౦డు
పాల కడలిని విష్ణువై పవ్వళి౦చె !
ె
గురుమూర్తి ఆచారి గారూ,
తొలగించండిమీ పూరణ బాగున్నది. అభినందనలు.
రిప్లయితొలగించండిపెంపకంబుకు శిశువునువెదకుచుండి
పేదగర్భిణి చెంతకు వెడలియడిగె
మగఁడు, ప్రసవించి శిశువును మగువ కిచ్చె
నతని యిల్లాలికాయింతి యపుడు.
తగునంచున్నొక గర్భిణిన్ మిగులపేదన్ జేరి యాచించెనా
మగవాఁడే, ప్రసవించి యిచ్చె శిశువున్ మర్యాదతో నింతికిన్
భగవత్ప్రేరణచేత నీ మగడు నన్ ప్రార్థించె నిస్సంతువై
యగచాటేల శుభమ్ము నీకనుచునత్యంతానురాగమ్మునన్ ||
డా. మాడుగుల అనిల్ కుమార్ గారూ,
తొలగించండిమీ రెండు పూరణలు బాగున్నవి. అభినందనలు.
'పెంపకంబుకు' అన్నదానిని 'పెంపకమునకు' అంటే బాగుంటుందేమో?
తొలగించండిఆర్య! అనేక నమస్కారములు. మంచి సవరణ సూచించారు. ధన్యవాదములు. సవరించిన పద్యాన్ని పంపుతున్నాను.
పెంపకమునకుశిశువునువెదకుచుండి
పేదగర్భిణి చెంతకు వెడలియడిగె
మగఁడు, ప్రసవించి శిశువును మగువ కిచ్చె
నతని యిల్లాలికాయింతి యపుడు.
నాలుగో సారి గర్భమ్ము నాతి దాల్చ
రిప్లయితొలగించండిఅధిక సంతాన మైనట్టి యట్టి శిశువు
తనదు చెల్లికిమ్మనుచును దార నడిగె
మగఁడు, ప్రసవించి శిశువును మగువ కిచ్చె
నగరమ్మందున గొడ్డురాలయిన యో నారీ శిరోభూషణ
మ్మగు స్త్రీ గోరెను దత్తపుత్రుడనె యమ్మైతాను లాలింప నెం
చగ, తాగర్భము దాల్చి సంతునిక నిస్సంకోచియైనివ్వగన్
నగలన్ గోరుచు నొప్పెనో పడతియానందమ్ముగా, పుట్టెనే
మగవాఁడే, ప్రసవించి యిచ్చె శిశువున్ మర్యాదతో నింతికిన్
విరించి గారూ,
తొలగించండిమీ రెండు పూరణలు బాగున్నవి. అభినందనలు.
పగవాడీవని దూరముంచిరిగదా పత్నీకుటుంబీకులున్
రిప్లయితొలగించండిమొగమోటంబది లేక దూరముగ పోపొండండ్రు నాత్మీయులున్
దగవేలాయని గర్భిణీ సతికి మంతర్సానిగాజేసెగా
మగవాఁడే, ప్రసవించి యిచ్చె శిశువున్ మర్యాదతో నింతికిన్"
తీవ్రంగా ప్రయత్నించాను. కృతార్థుడను కాలేదేమోనని అనుమానము.మీపరీక్షకై నిరీక్షణ
తొలగించండిఅశ్వత్థ నారాయణ మూర్తి గారూ,
తొలగించండిమీ ప్రయత్నం చాలావరకు సఫలమయింది. పూరణ బాగుంది. అభినందనలు.
'మంతరసాని' శబ్దం ఉంది కాని 'మంతర్సాని' అనడం ఆలోచింపదగింది.
అవును గురువు గారు, భావౌచిత్య, గణ యత్యాదులన్నంటికీ సమతుల్యము చేయగల మరోపదము స్ఫురించలేదు.ప్రాజ్ఞులు సెలవిస్తే కృతజ్ఞుణ్ణి
తొలగించండిఈ కామెంట్‌ను రచయిత తీసివేశారు.
తొలగించండిఈ కామెంట్‌ను రచయిత తీసివేశారు.
తొలగించండిఅశ్వత్థ నారాయణ మూర్తి గారూ నమస్సులు. నాకు తోచిన సవరణలను చేసితిని. పరికించండి.
తొలగించండిపగవాడీవని దూరముంచిరిగదాభార్యాగ్ర జన్మాదులే
మొగమోటంబది లేక దూరముగ పోపోరాయనన్ బంధువుల్
దగవేలాయని గర్భిణీ సతికి వైద్యంబందజేయంగనా
మగవాఁడే, ప్రసవించి యిచ్చె శిశువున్, మర్యాదతో నింతికిన్
కుటుంబికుడు సాధువు. పోపొండండ్రు - అండ్రు (అందురు) క్రియ దృతాంతము కాదు.
తొలగించండిద్రుతాంతము
తొలగించండికామేశ్వరరావుగారూ శతాధిక కృతజ్ఞతలు.చాలాబాగుందండీ
తొలగించండిముగుదన్ గాంచి మనమ్మునన్ మమత పెంపొందన్ ప్రమోదమ్ముతో
రిప్లయితొలగించండితగఁ బెండ్లాడి భవంతి కేగి పలు సత్కార్యమ్ములన్ చేయుచున్
సగభాగమ్మగు పత్నిచాలమి ధృతిన్ సాధించి గర్భమ్ము తా
మగవాఁడే ప్రసవించి యిచ్చె శిశువున్ మర్యాదతో నింతికిన్
అన్నపరెడ్డి సత్యనారాయణ రెడ్డి గారూ,
తొలగించండిమీ పూరణ బాగున్నది. అభినందనలు.
గు రు మూ ర్తి ఆ చా రి
రిప్లయితొలగించండి,,,,,,,,,,,,,,,,,,,,,,,,,,,,,
హరియె మోహిని యై యపు డవతరి౦చె
మోహిని౦ గా౦చిన భవు౦డు ముగ్ధు డగుచు
స౦గమి౦పగ నయ్యప్ప జనన మ౦దె |
మగడు ప్రసవి౦చి శిశువును మగువ కిచ్చె !
హరి - ప్రసవమ౦ది యొసగె నయ్యప్ప సుతుని
మోహినీ రూపిణి కత్య౦త ముదము తోడ |
{ మగడుప్రసవి౦చి = విష్ణువు ప్రసవి౦చి ;
శిశువును మగువ కిచ్చె = శిశువును
మోహిని కిడెను ; }
గురుమూర్తి ఆచారి గారూ,
తొలగించండిమీ పూరణ బాగున్నది. అభినందనలు.
చివరి పాదంలో గణదోషం. 'మోహినీ రూపిణికిఁ గడు ముదముతోడ' అనండి.
సమస్యాపూరణం
రిప్లయితొలగించండిఆడపిల్లను ప్రసవించ నాగ్రహించి
కనులెరుపుజేసి కోపాన కక్ష్య పెంచ
మగడు, ప్రసవించి శిశువును మగువ కిచ్చె
తల్లి,తండ్రికగుపడక దాయుమనుచు
చేపూరి శ్రీరామారావు గారూ,
తొలగించండిమీ పూరణ బాగున్నది. అభినందనలు.
(అయినా ఎంతకాలం దాస్తుంది?)
నగుబాటోర్వను దత్తపుత్రు నెవరైనన్ దెమ్మటంచున్ సదా
రిప్లయితొలగించండితగవాడన్ తన భర్తతోడ సతి సంతానంబు లేదంచు తా
తగుమార్గంబని బంధువైన నెలతన్ దైన్యంబుతో నడ్గ నా
మగవాఁడే, ప్రసవించి యిచ్చె శిశువున్ మర్యాదతో నింతికిన్"
గండూరి లక్ష్మినారాయణ గారూ,
తొలగించండిమీ పూరణ బాగున్నది. అభినందనలు.
నెలలు నిండిన భార్యకు నెప్పులు మొద
రిప్లయితొలగించండిలవ్వ, చెల్లితో నేగి యయ్యాసుపత్రి
యందు వలసిన యేర్పాట్ల నన్ని జేయ
మగడు; ప్రసవించి శిశువును మగువకిచ్చె.
పిన్నక నాగేశ్వర రావు గారూ,
తొలగించండిమీ పూరణ బాగున్నది. అభినందనలు.
దండ కారణ్యమున తనకండ లేక
రిప్లయితొలగించండిభార్య ప్రసవించు సమయాన భయము జెంద
కోయ ముదుసలి మగువను గూర్చినంత
మగఁడు, ప్రసవించి శిశువును మగువ కిచ్చె
మంత్రపూతమైన జలము మహిని త్రాగి
రిప్లయితొలగించండిమగడు ప్రసవించి శిశువును మగువ కిచ్చె
పెరిగినట్టి శిశువు తాను పెద్ద యగుచు
చక్రవర్తి మాంధాతయ్యె జగతి యందు.
సరస సల్లాప మాడుచు సాకనట్టి
రిప్లయితొలగించండిసంతుకంతును పొడిగించ?వింత గరిచె
ప్రసవ వేదన దెలియని భర్తరాగ
ఊహలందున నిదురలో నులికిబడగ
కలగ కళలాగ కవితలా పలికిరచట
మగడు ప్రసవించి శిశువును మగువకిచ్చె|
రాక్షస గురువైన శుక్రాచార్యునిశిష్యుడైన కచుని చంపదలచి రాక్షసులుకచునిజంపిబూదిజేసికల్లున గలిపిగురువుకు త్రాగించ?ఆతనిని బ్రతికించుటకుసంజీవిని విద్య నేర్పి శిష్యునిప్రసవించికూతురికొసగుట
రిప్లయితొలగించండితగవుల్ లేకను నాకచున్ దునిమిదగ్దమ్జేసియా కల్లునన్
రగిలేకక్షగ పూర్తిగా గలిపి సంరక్షింప సంజీవినీ
తగదౌ రీతిగ రాక్షసుల్ గురువుకున్ త్రాగించ? జీవించెగా
మగవాడే ప్రసవించి యిచ్చె శిశువున్ మర్యాదతో నాతికిన్
ఈ కామెంట్‌ను రచయిత తీసివేశారు.
రిప్లయితొలగించండిసంతు లేదను 'యవనాశ్వు 'చింత దీర్చ
రిప్లయితొలగించండిఋషులు జన్నము గావించి యిచ్చినట్టి
మంత్ర జలమును త్రాగ తన్మహిమ చెత
మగదు ప్రసవించి శిశువును మగువ కిచ్చె.
మిత్రులందఱకు నమస్సులు!
రిప్లయితొలగించండిచాలా ఆలస్యంగా నా పూరణ పెట్టుచున్నాను. మన్నింపుడు.
[కళాపూర్ణోదయ గత సుగాత్రీశాలీనుల (సుముఖాసత్తి, మణిస్తంభుల) కథనిట ననుసంధానించుకొనవలసినది]
సగమై దేహమునందు నున్న సతికిన్ సంతోష మొప్పారఁగన్
మగఁడే పెండ్లము, పెండ్లమే మగఁ డయెన్; గామంపు సత్క్రీడలో
దగఁ గ్రీడించియు శారదాంబ దయ నంతస్సత్త్వుఁడై యొప్పి, యా
మగవాఁడే ప్రసవించి, యిచ్చె శిశువున్, మర్యాదతో నింతికిన్!
మధుసూదన్ గారూ, నాకు జ్ణాపకం ఉన్నమటుకు సుముఖాసత్తి ప్రసవించి శిశువుని ఇవ్వలేదని అనుకొంటున్నాను. వివరించగలరు.
రిప్లయితొలగించండిమాన్యులు చంద్రశేఖర్ గారూ...నమస్సులు!
రిప్లయితొలగించండిపింగళి సూరన గారు... ఈ ఘట్టమును రచించకున్నను...
సత్యవాక్పాలకులు[రాలు] అయిన కృత్రిమ సుముఖాసత్తిచేఁ దన నిష్టపడుచున్న సత్వదాత్మునకు సమాధానముగా నీ మాటలనుౕం బలికించినాౕఁడు.
ఆ.
ఆ లతాంగియుఁ దన కప్పటి కొక్కింత
గర్భజనన శంక గల దటంచుఁ
జెప్పి "సిద్ధుసుతుని సిద్ధున కీక యేఁ
గలయ నన్యు" ననుచుఁ గడపి పుచ్చె. [కళా.5-196]
కావునఁ గృత్రిమ సుముఖాసత్తి {మణిస్తంభుఁడు] తాను శిశువునుం బ్రసవింపఁగనే యా శిశువునుఁ గృత్రిమ మణిస్తంభునికి [సుముఖాసత్తికి] యిచ్చియే యుండును. నిజరూపధారులైన పిదప తన పతి తనకిచ్చిన సుతుఁడు సద్యోయౌవనుఁ డగుట వలన నతనిం బెంచు భారమునుండి విముక్తురాలై, యతని నక్కడనే విడచి ముని వృత్తిని జీవించుటకై పతితోఁ బాటుగఁ గాసారపురమునఁ గాఁపుర ముండి యుండవచ్చును.
ఇది యూహ మాత్రమే. నిజము ఆ సూరనకే తెలియును.{ఈ విషయం ఆయన రాయలేదు కనుక}
అయితే... యిది సమస్యాపూరణము కాఁబట్టి, దీనిలో భర్త భార్యగను, భార్య భర్తగను మారియుండుటను మాత్రమే గ్రహింపవలెను. మగవాఁడు ప్రసవించుటయే యిచ్చట మనకు కావలసిన యంశము కాఁబట్టి, మరింత వితర్క మవసరము లేదు కాఁబట్టి యింతటితో విరమించుచున్నాను.
వినమ్ర వందనములతో...
భవదీయుఁడు
గుండు మధుసూదన్
అగచాటుల్ పడుచుండగా నచటనా హాస్పత్రి వైటింగులో
రిప్లయితొలగించండిమగవాఁడే;...ప్రసవించి యిచ్చె శిశువున్ మర్యాదతో నింతికిన్
మగువే "చూపుము భర్తకంచు వడిగా మాచిన్ని పాపాయినిన్"...
నగవుల్ చిందెడి చిట్టిపాప నతడు న్నాత్రంబుగా ముద్దిడన్