కవిమిత్రులారా,
ఈరోజు పూరించవలసిన సమస్య ఇది...
"మొయిలు రక్తమ్ముఁ గురిపించె భూమిపైన"
లేదా...
"మొయిలు తటాలునన్ గురిసె భూమిపయిన్ రుధిరం బుదగ్రతన్"
ఈరోజు పూరించవలసిన సమస్య ఇది...
"మొయిలు రక్తమ్ముఁ గురిపించె భూమిపైన"
లేదా...
"మొయిలు తటాలునన్ గురిసె భూమిపయిన్ రుధిరం బుదగ్రతన్"
క్రొవ్విడి వెంకట రాజారావు:
రిప్లయితొలగించండిమబ్బులందున దాగుండి మాయ తోడ
తాటకేయ సుబాహులు తపసి లెంచు
క్రతువు లందొంచు రక్తమ్ము గనగ దోచె
మొయిలు రక్తమ్ము గురిపించె భూమి పైన.
మీ పూరణ బాగున్నది. అభినందనలు.
తొలగించండి'దాగి + ఉన్నది' అన్నప్పుడు సంధి లేదు, యడాగమం వస్తుంది. సుబాహువు కూడ తాటకేయుడే కదా... తాటకేయ సుబాహులు అనడం ఒప్పదు. వంచును ఒంచు అన్నారు.
ఇంద్ర ధనువంటి రంగులు మంద్రము గను
రిప్లయితొలగించండిగగన మంతట నిండెను జేగు రించి
గుండె పగిలిన హృదయమ్ము గొల్లు మనిన
మొయిలి రక్తమ్ముఁ గురిపించె భూమి పైన
అక్కయ్యా,
తొలగించండిమీ పూరణ బాగున్నది.
ధనువు వంటి.. అనవలసిన చోట ధనువంటి అన్నారు. రెండవ పాదంలో ప్రాసయతి తప్పింది.
వేల్పు దొరవిల్లు రంగులు మాల్పు నటుల
తొలగించండిజేగు రించిన గగనమ్ము దిగులు చెందె
గుండె పగిలిన హృదయమ్ము గొల్లు మనెను
మొయిలి రక్తమ్ముఁ గురిపించె భూమి పైన
అక్కయ్యా,
తొలగించండిసవరించిన పూరణ బాగున్నది. అభినందనలు.
మొయిలు టైపాటు వల్ల మొయిలి అయింది.
ఋషులు తపమాచరింపంగ శ్రీహరికని
రిప్లయితొలగించండిరక్తఘటములఁ గొనిపోయి రాక్షసులట
పారబోయంగ పైనుండి వారిఁ గలసి
మొయిలు రక్తమ్ముఁ గురిపించె భూమిపైన.
వారి = నీరు
నియతతపోవరిష్ఠులు వనిన్ నిరతమ్ము హరిందలంచుచున్
నయముఁ దపమ్ము జేయగ వినాశమొనర్చ వియత్తలమ్ముపై
రయముగఁ జేరి రాక్షసులు రక్తఘటమ్ములు కూల్చినంతనే
మొయిలు తటాలునన్ గురిసె భూమిపయిన్ రుధిరం బుదగ్రతన్ ||
అతడల విఠలాచార్యుండునద్వితీయ
తొలగించండిదర్శకేంద్రుడతనిదౌ విదగ్ధమందు
వెండి తెరమీద మాయ సంప్రీతిఁగూర్చ
మొయిలు రక్తమ్ముఁ గురిపించె భూమిపైన.
నయనసముచ్చయమ్మునకు నాటకమట్టిది దుష్కరంబునై
ప్రియముగఁ జూడ వెండితెరఁ బ్రీతిని గూర్చగ దర్శకేంద్రుడున్
భయదవియచ్చరుల్ నటులు భండనమాడగనద్భుతమ్ముగా
మొయిలు తటాలునన్ గురిసె భూమిపయిన్ రుధిరంబుదగ్రతన్ ||
డా. మాడుగుల అనిల్ కుమార్ గారూ,
తొలగించండిమీ పూరణ లన్నీ అద్భుతంగా ఉన్నవి. అభినందనలు.
తొలగించండిమాడుగులవారి యనిలకు
మారుని పద్యములయందు మధురిమ గనుమా
పాడుట కనుకూలముగా
సారము నొప్పుచు జిలేబి చక్కగ నుండెన్
జిలేబి
మాన్యశ్రీ జిలేబి గారూ! ధన్యవాదాలు.
తొలగించండిహొయలు లొలుకుచు సొగసున పయన మవగ
రిప్లయితొలగించండిసూర్య కిరణారుణ ప్రభా శోభ లందు
రాగ ధారల వర్షించు రాజి నరయ
మొయిలు రక్తమ్ము గురిపించె భూమిపైన!
శిష్ట్లా శర్మ గారూ,
తొలగించండిమీ పూరణ బాగున్నది. అభినందనలు.
హొయలు నిత్యబహువచనం. మళ్ళీ దానికి లు ప్రత్యయం అవసరం లేదు. కనుక 'హొయల నొలుకుచు' అనండి.
జయుడను వానికొక్కనికి స్వప్నమునందగుపించె సూర్యుడే
రిప్లయితొలగించండిరయమున దాకె చంద్రుని దురమ్మున నాకసమందు గావునన్
భయమును గొల్పురీతిని శుభంకర సాధుజలప్రదాత యా
మొయిలు తటాలునన్ గురిసె భూమిపయిన్ రుధిరం బుదగ్రతన్.
హ.వేం.స.నా.మూర్తి
హరి వేంకట సత్యనారాయణ మూర్తి గారూ,
తొలగించండిమీ పూరణ బాగున్నది. అభినందనలు.
రిప్లయితొలగించండివానను కురిపించ గలదు వసుధ నందు
మొయిలని యనుకొంటిని నేను, మోసము గని
మొయిలు రక్తమ్ముఁ గురిపించె భూమిపైన
నిదుర గను సైనికుల చంప నిర్దయగను
జిలేబి
జిలేబీ గారూ,
తొలగించండిమీ పూరణ బాగున్నది. అభినందనలు.
ఆకసమునుండి యా రాక్షసాధములట
రిప్లయితొలగించండిరామ రావణ యుద్ధాన రభస జేయ
రామ భాణమ్ము ఛేదించి రంగరించ
మొయిలు రక్తమ్ముఁ గురిపించు భూమి పైన
సహదేవుడు గారూ,
తొలగించండిమీ పూరణ బాగున్నది. అభినందనలు.
హేమకశ్యప హేమాక్షులిర్వురసురు
రిప్లయితొలగించండిలు దితి కడుపున నూపిరులు గొనుచుండ
మొరిగె భైరవ ఫేరవ ములట భువిని
మొయిలు రక్తమ్ముఁ గురిపించె భూమిపైన"
మూర్తి గారూ,
తొలగించండిమీ పూరణ బాగున్నది. అభినందనలు.
వేయి కాలుష్య నాగులు విషము చిమ్మి
రిప్లయితొలగించండిధరణి దారుణమైనట్టి దాడి జరిగి
ప్రగతి గతితప్పి విషమంత పైకి వెడలి
మొయిలు రక్తమ్ము గురిపించె భూమి పైన
శ్రీరామ్ గారూ,
తొలగించండిమీ పూరణ బాగున్నది. అభినందనలు.
ఈ కామెంట్‌ను రచయిత తీసివేశారు.
రిప్లయితొలగించండివెన్నుపోటును బొడిచిన దన్నులేని
రిప్లయితొలగించండిద్రోహులను గాంచి దురపిల్లి దోష దలచె
మొయిలు రక్తమ్ము గురిపించె భూమిపైన
నమరు లయ్యెను బారత సమర సేన!!!
వారిదమునకు మరియొక బేరు యేమి?
రిప్లయితొలగించండితపసి యజము నాశమొనర్ప తాటకి సుతు
లేమి జేసె ?పరామృతమెచట బడును?
మొయిలు, రక్తము గురిపించె, భూమిపైన!!!
పరావృతము =వర్షము
కుంభవృష్టిగ వర్షమ్ము గురియ జేసె
మొయిలు, రక్తమ్ము గురిపించె భూమిపైన
పోరు నీతిని వీడుచు భీరులల్లె
దారుణమునకు బాల్పడె దాయతతులు!!!
శైలజ గారూ,
తొలగించండిమీ మూడు పూరణలు బాగున్నవి. అభినందనలు.
మొదటి పూరణలో 'దోష దలచె'...?
రెండవ పూరణలో 'పేరు+ఏమి' అన్నపుడు సంధి నిత్యం, యడాగమం రాదు. 'పేరదేమి' అనండి. 'సుతులు... ఏమి చేసిరి? జనవాన యెచట బడును' అనండి.
కర్షకున కేది భువిలోన హర్ష మిడును ?
రిప్లయితొలగించండిఉగ్ర భీముడే మొనరించె యుద్ధ మందు?
నృపుని దృష్టియె దేనిపై నిత్య ముండు?
మొయిలు;రక్తమ్ము గురిపించె;భూమిపైన.
****&&&&****
మొయిలు రక్తమ్ము గురిపించె భూమి పైన
ననగ భీముడు చెలరేగె నాల మందు
చేత జిక్కు శత్రువులను,సేన లోని
ఏనుగుల గుఱ్ఱములను పైకెగుర వైచి.
జనార్దన రావు గారూ,
తొలగించండిమీ రెండు పూరణలు బాగున్నవి. అభినందనలు.
అయిదుగురన్నదమ్ములట అంతకుమించినవీరులెందరో
రిప్లయితొలగించండిపయిననువెన్నడుండెనట పావనిపాపనిధాటికందరున్
నయముగనోర్వకుంటిరి వినాశముతాండవమాడెఁజూడగాఁ
మొయిలు తటాలునన్ గురిసె భూమిపయిన్ రుధిరంబుదగ్రతన్||
గూడ రఘురామ్ గారూ,
తొలగించండిమీ పూరణ బాగున్నది. అభినందనలు.
మేఘనాధుడు దాగగా మేఘమందు
రిప్లయితొలగించండిగురినిజూచుచు సౌమిత్రి చురుకుగాను
శిరముద్రుంచగ శరముతో, జివ్వుమనుచు
మొయిలు రక్తమ్ముఁ గురిపించె భూమిపైన.
గోలి హనుమచ్ఛాస్త్రి గారూ,
తొలగించండిమీ పూరణ బాగున్నది. అభినందనలు.
చూప బోవు ఘటనలకు సూచి వోలె
రిప్లయితొలగించండిచాట నెంచిరి నెత్తుటి జల్లు చలన
చిత్ర మందు! కృత్రిమముగ చేసినట్టి
మొయిలు రక్తమ్ము గురిపించె భూమి పైన!
శ్రీధర రావు గారూ,
తొలగించండిమీ పూరణ బాగున్నది. అభినందనలు.
విషరసాయన గాలు లావిరిగ మారి
రిప్లయితొలగించండిచేరుచుండ మేఘములలో ఘోరముగను
ప్రకృతి కలుషితమైనట్టి ఫలితముగను
మొయిలు రక్తమ్ముఁ గురిపించె భూమిపైన
సత్యనారాయణ రెడ్డి గారూ,
తొలగించండిమీ పూరణ బాగున్నది. అభినందనలు.
ఈ కామెంట్‌ను రచయిత తీసివేశారు.
రిప్లయితొలగించండిఛాందస మత భావమ్ములు సంద డింపఁ
తొలగించండిగుందు చుందురు మానవు లెందు నున్న
దిట్ట కవి శేఖరుడు వ్రాసి నట్టి ఫలిత
మొయిలు రక్తమ్ముఁ గురిపించె భూమిపైన
[ఫలితము+ఒయిలు= ఫలితమొయిలు; ఒయిలు = పుస్తకము]
పయనము భావి భూజనుల పద్మదళాక్షు డెఱుంగు నింక నె
మ్మెయిఁ గృషి సల్పనేర మది మేదినిఁ గాదని విత్త బద్ధమౌ
చెయువులు పిక్కటిల్లగ విచిత్ర రసాయన సంచయాత్తమై
మొయిలు తటాలునన్ గురిసె భూమిపయిన్ రుధిరం బుదగ్రతన్
కామేశ్వర రావు గారూ,
తొలగించండిమీ రెండు పూరణలు ఉత్తమంగా ఉన్నవి. అభినందనలు.
నా చిన్నతనాన పుస్తకాన్ని గ్రామీణులు వ(ఒ)య్యిలు, వ(ఒ)యిలు అనడం గుర్తున్నది.
పూజ్యులు శంకరయ్య గారికి వందనములు. ధన్యవాదములు.
తొలగించండిమునులయా గమునకు భగ్న మొనర జేయు
రిప్లయితొలగించండికొఱకు రక్త వర్షమ్ము నట గురి పించ
రక్కసులగు మారీచు డ రయ సు బాహు
లిరువురు మనకు దోచెను నిట్లు గాను
మొయిలు రక్తమ్ము గురిపించె భూమి పైన
సుబ్బారావు గారూ,
తొలగించండిమీ పూరణ బాగున్నది. అభినందనలు.
రెండవ పాదంలో యతి తప్పింది.
వర్షమును గోరు రైతుకు హర్ష మేది?
రిప్లయితొలగించండిరక్త స్రావమౌ రోగికి రక్ష యేది?
నల్ల మబ్బులు నీటిని జల్లబరచి...
మొయిలు, రక్తమ్ము, గురిపించె భూమిపైన.
నాగేశ్వర రావు గారూ,
తొలగించండిమీ పూరణ బాగున్నది. అభినందనలు.
వాయుకాలుష్య మందున వసుధనిలువ?
రిప్లయితొలగించండివేడివాడిగ మారుచుదాడిజేయ?
నీరు నిర్మలతత్వంబు నిలుపు కోక
మేఘమాలిక లన్నియు మెఱుపు మాన?
మొయిలురక్తమ్ము గురిపించె భూమిపైన|
2.జయమునుగోరు మాంత్రికులు జాతి విరోధులరీతి వంచనా
మయమగు మాయలందె యనుమానము లేకను తంత్ర విద్యచే
భయమగు సన్నివేశముల భావనలుంచెడి మార్పు చేర్పునన్
మొయిలు తటాలునన్ గురిసె| భూమిపయిన్ రుధిరం బుదగ్రతన్.
ఈశ్వరప్ప గారూ,
తొలగించండిమీ రెండు పూరణలు బాగున్నవి. అభినందనలు.
గు రు మూ ర్తి ఆ చా రి
రిప్లయితొలగించండి,,,,,,,,,,,,,,,,,,,,,,,,,,,,,
సకల జ౦తు జాలమును పోషణ మొనర్ప
కరుణ తోడుత జలమును కురియ జేసి ,
మొయిలు రక్తమ్ము గురిపి౦చె భూమి పైన |
రక్త మనగ నర్థ౦ బనురాగము గద !
ి
గురుమూర్తి గారూ,
తొలగించండిమీ పూరణ వైవిధ్యంగా ఉంది. అభినందనలు.
మిత్రులందఱకు నమస్సులు!
రిప్లయితొలగించండి[దేవదానవ యుద్ధమున రక్తము లేఱులై పాఱఁగా నాకసము కంపింౘుౘు వర్షించిన సందర్భము]
రయమున దేవదానవులు గ్రక్కున నంబర వీథిఁ జేరియున్
భయమును లేక యుద్ధమునుఁ బన్నుగఁ జేయఁగ నభ్రమే యసృ
ఙ్మయమయి రక్త వర్ణయుత కాంతి సెలంగుౘు భీతిఁ గొల్పఁగన్
మొయిలు తటాలునం గురిసె భూమిపయిన్ రుధిరం బుదగ్రతన్!
స్వస్తి
మధుసూదన్ గారూ,
తొలగించండిమీ పూరణ ఉత్తమంగా ఉంది. అభినందనలు.
వన వినాశము నాపగన్ వారి విషము
రిప్లయితొలగించండిదేశ దేశాంతరాత్పరిదేవనమున
వెలయు యంత్రాల పొగ సెగన్ విలువ గట్టి
మొయిలు రక్తమ్ము గురిపించె భూమి పైన
P.Satyanarayana
హొయల నణూద్వహంబుగన హోరుగ పోరులు సాగె నింగిలో
భయమదె యుద్ధ కారణము బాంబుల మ్రోతలు పెక్కటిల్ల న
వ్యయమగు స్ఫోటముల్ యిల నవారితమౌ ప్రళయంబు నా కలన్
మొయిలు తటాలునన్ గురిసె భూమి పయిన్ రుధిరంబుదగ్రతన్
P.Satyanarayana
పిట్టా సత్యనారాయణ గారూ,
తొలగించండిమీ రెండు పూరణలు బాగున్నవి. అభినందనలు.
యతులు హోమములను జేయ నసురగణము
రిప్లయితొలగించండిభంగమును జేయగా పలు భంగు లంత
రిక్షమున కేగి యజ్ఞముల్ రిత్త వోవ
మొయిలు రక్తమ్ముఁ గురిపించె భూమిపైన
కృష్ణారావు గారూ,
తొలగించండిమీ పూరణ బాగున్నది. అభినందనలు.
భయమునశించి మానవులు భావ్యముగాని వికార చేతలన్
రిప్లయితొలగించండిరయముగజేసి యంత్రముల రాశులు నభ్యుదయంబు పేరుతో
ప్రియమునుపొంద,భూతలము వేడిని పెంచగ నామ్ల వర్షముల్
మొయిలు తటాలునం గురిసె భూమి పయిన్రుధిరంబుదగ్రతన్
శ్రీరామ్ గారూ,
తొలగించండిమీ పూరణ బాగున్నది. అభినందనలు.
పూజ్యులు శంకరయ్య గారికి వందనములు. “మిత్త్ర” పదము సాధువని భారత భాగవత ప్రయోగముల నుండి తెలియుచున్నది.
రిప్లయితొలగించండికామేశ్వర రావు గారూ,
తొలగించండిఈ ప్రస్తావన ఇప్పుడెందుకు వచ్చింది?
పూజ్యులు శంకరయ్య గారికి వందనములు.ఇదివరలో మీరు పుత్త్ర, పుత్ర, మిత్త్ర, మిత్ర పదాలు సాధువులని మరలా మిత్త్ర పదము లేదనుకున్నారు కదా. భారతములో ఈ పదమును చూచి ప్రస్తావించితినిప్పుడు.
తొలగించండిగగనమందున యగుపించు కప్పు యేది
రిప్లయితొలగించండిరణము నందున భీముడు రౌద్రమునను
పడ వైచెనేమి యెచట తాను పగతురనట
మొయిలు,రక్తము కురిపించె,భూమి పైన.
ఉమాదేవి గారూ,
తొలగించండిమీ పూరణ బాగున్నది. అభినందనలు.
'గగనమందున నగుపించు కప్పదేది' అనండి.
నియమముల న్ త్యజియించుచు నీతిని వీడి రసాయనమ్ములన్
రిప్లయితొలగించండిబయటి స్థలములన్ విడి చి స్వార్థపరు ల్ చరియించు చుండగా
రయమున నాశమయ్యెను సరమ్ము జలమ్ములు నాకత న్ దివిన్
మొయిలు తటాలు నన్ గురిసె భూమిపయిన్ రుధిరంబు ద గ్రత న్
రెడ్డి గారూ,
తొలగించండిమీ పూరణ బాగున్నది. అభినందనలు.
సుయుధులు నుగ్గు జేసి రట చోద్యము భారత శౌర్య మెంచగా
రిప్లయితొలగించండిమొయిళులె కాని నీరమును మోసుకు రాగల శక్తి లేనివై
పయిన చరించు శ్వేతజలవాహము లంచు దలంచ వైరు లా
మొయిలు తటాలునన్ గురిసె భూమిపయిన్ రుధిరం బుదగ్రతన్.
మిస్సన్న గారూ,
తొలగించండిమీ పూరణ బాగున్నది. అభినందనలు.
కవి మిత్రులకు విన్నపం ! "శంకరాభరణం' హోం పేజీ లోని "వర్గాలు" శీర్షిక క్రింద " నా కవిత" అనే ఉప శీర్షిక క్రింద శ్రీ కంది శంకరయ్య గారు రచించిన పద్య కవితలు చదవమని మనవి. చక్కగా ఆస్వాదించుటకు అనువైనవే గాక పద్య రచన చేయు వారికి బాగా ఉపయుక్తమని నా భావన.
రిప్లయితొలగించండి--గుఱ్ఱం జనార్దన రావు.
ధన్యవాదాలు.
తొలగించండి