కవిమిత్రులారా,
ఈరోజు పూరించవలసిన సమస్య ఇది...
"కారము గన్నులం బడినఁ గల్గదె మోదము మానవాళికిన్"
(ఆకాశవాణి వారి సమస్య)
లేదా...
"కారము నేత్రములఁ బడినఁ గడు మోద మగున్"
ఈరోజు పూరించవలసిన సమస్య ఇది...
"కారము గన్నులం బడినఁ గల్గదె మోదము మానవాళికిన్"
(ఆకాశవాణి వారి సమస్య)
లేదా...
"కారము నేత్రములఁ బడినఁ గడు మోద మగున్"
కోరిక మీరగన్ గవులు గొప్పగ దేనిచె పూని కావ్యమున్
రిప్లయితొలగించండిశ్రీరమణున్ మదిన్ దలచి చెప్ప జనాళికి వ్రాయ జూతురో
ఆ రమణీయమౌ మిగుల యద్భుత మొప్పెడు గొప్పదైన శ్రీ
కారము గన్నులం బడిన గల్గదె మోదము మానవాళికిన్?
గుఱ్ఱం జనారన రావు గారూ,
తొలగించండిమీ పూరణ బాగున్నది. అభినందనలు.
'దానిచె' అని చే ప్రత్యయాన్ని హ్రస్వంగా ప్రయోగించారు. 'దానిని పూని...' అనవచ్చు కదా!
సూచన బాగున్నది.ధన్య వాదాలు. అలాగే సవరిస్తాను.
తొలగించండిసాధారణంగా కృతులను శ్రీకారం తో మొదలు పెట్టుట ఆనవాయితీ గద !
రిప్లయితొలగించండిపారెడు ప్రేమ త్యాగముల వాహిని రాముని దివ్య సుందరా
రిప్లయితొలగించండికారము; సత్యధర్మములె కానగ వీలుగ పొందినట్టియా
కారము; మోహబంధములఁగాల్చుచు మోక్షమునిచ్చు మోహనా
కారము కన్నులంబడినఁగల్గదె మోదము మానవాళికిన్ ||
గూడ రఘురామ్ గారూ,
తొలగించండిమీ పూరణ బాగున్నది. అభినందనలు.
'ప్రేమ త్యాగముల' అన్నపుడు మ గురువై గణదోషం. 'పారెడు త్యాగ ప్రేమముల..' అందాము. రేఫ సంయుక్తాక్షరం ఉత్తర పదాద్యక్షరం అయితే పూర్వపదాంతాక్షర అవసరాన్ని బట్టి లఘువు కావచ్చు, గురువు కావచ్చు.
రిప్లయితొలగించండికారణమౌను కార్యముఁ బ్రకారము, దుష్టుల తూలనాడ ఛీ
త్కారము, సద్యశమ్ము నిరతమ్మునొసంగెడు కావ్యమున్ చమ
త్కారము, పండితోత్తములఁ ధన్యులఁ జేయ సభాంతరంబు స
త్కారము గన్నులం బడినఁ గల్గదె మోదము మానవాళికిన్ ||
ధారుణిఁ సరసాన్వితడై
పేరెన్నికనొందినట్టి విబుధేశ్వరుడౌ
ధీరునికై చేసిన స
త్కారము నేత్రములఁ బడినఁ గడు మోద మగున్ ||
Print mistake adjustment
తొలగించండిధారుణిఁ సరసాన్వితుడై
పేరెన్నికనొందినట్టి విబుధేశ్వరుడౌ
ధీరునికై చేసిన స
త్కారము నేత్రములఁ బడినఁ గడు మోద మగున్ ||
హారము దేవతాళికి, ప్రహారము నీచునికైన, కన్యకా
తొలగించండికారము,పోరుసల్పనురుకన్నరివర్గబలమ్మునందు న్య
క్కారము, పూర్వపుణ్యమున కావ్యముఁగూర్చుటనేర్చినన్ నమ
స్కారము శ్రీ సరస్వతికి, సంఘమునందు చరింపనెంచ సం
స్కారము, పేదసాదలకు సాయమొనర్చిన వారికిన్ పుర
స్కారము, వేదపాఠమును సస్వరమున్ గొని వల్లెవేయనోం
కారము, దానముల్ సలుపగా మురిపించు పొగడ్తలన్ తిర
స్కారము గన్నులం బడినఁ గల్గదె మోదము మానవాళికిన్ ||
డా. మాడుగుల అనిల్ కుమార్ గారూ,
తొలగించండికారముల ప్రాకారమునే కట్టారు. మీ మూడు పూరణలు అద్భుతంగా ఉన్నవి. అభినందనలు.
భూరివటంబు క్రింద పరిపూజితవృద్ధముముక్షుఛాత్రయై
రిప్లయితొలగించండిసారవిహీనవిశ్వవిలసద్భయమోహవిలోలమాయనే
మారని జ్ఞానబోధనలఁ మౌనపువ్యాఖ్యలఁజేయు యవ్వనా
కారము కన్నులంబడినఁగల్గదె మోదము మానవాళికిన్।।
గూడ రఘురామ్ గారూ,
తొలగించండిప్రశస్తమైన పూరణ చెప్పారు. అభినందనలు.
రిప్లయితొలగించండిభారమగు జీవితము గల
వారలకు దయయును జూప వారికి యీ సం
సారము నీదుట కగు సహ
కారము నేత్రములఁ బడినఁ గడు మోద మగున్ !
జిలేబి
జిలేబీ గారూ,
తొలగించండిమీ పూరణ బాగున్నది. అభినందనలు.
వారము జేసుకు భుజించి
రిప్లయితొలగించండినేరము లెంచక బ్రతుకుచు నీమము తోడన్
భారము నెరిగిన నొకయుప
కారము నేత్రములఁ బడినఁ గడు మోద మగున్
అక్కయ్యా,
తొలగించండిమీ పూరణ బాగున్నది. అభినందనలు.
మొదటి పాదం చివర (బేసిగణంగా) జగణం వచ్చింది. 'వారమ్ములు జేసి తినుచు..' అనండి.
వారమ్ములు జేసి తినుచు
తొలగించండినేరము లెంచక బ్రతుకుచు నీమము తోడన్
భారము నెరిగిన నొకయుప
కారము నేత్రములఁ బడినఁ గడు మోద మగున్
------------------------------------
క్షమించాలి అసలు గమనించలేదు
అక్కయ్యా,
తొలగించండిపొరపాట్లు మానవ సహజం!
శ్రీరఘు రామచంద్రుడు వశీకృత భూమిసుతాంతరంగుడా
రిప్లయితొలగించండివైరిగణాంతకుండును నవాంబుజనేత్రుడు ధర్మవిగ్రహుం
డారణభీముడాశ్రితజనాప్తుడు దాశరథీశుఁ సుందరా
"కారము గన్నులం బడినఁ గల్గదె మోదము మానవాళికిన్"
మూర్తిగారూ, అత్యద్భుతంగా ఉంది. గోపరాజుగారి పద్యం చదువుతున్నట్లు ఉంది.
తొలగించండిఅశ్వత్థ నారాయణ మూర్తి గారూ,
తొలగించండిమనోహరమైన పూరణ చెప్పారు. అభినందనలు.
ఫణికుమార్ తాతా గారు, అభినందనలకు కృతజ్ఞతలు.
తొలగించండిగురువుగారు ధన్యోస్మి, కృతజ్ఞతలు
క్రొవ్విడి వెంకట రాజారావు:
రిప్లయితొలగించండితీరగు సహకారముతో
మూరుచు నొక్కని కొకరుగ మురిపెము తోడన్
కూరిమి నగువారలమమ
కారము నేత్రములఁ బడిన గడు మోదమగున్.
క్రొవ్విడి వేంకట రాజారావు గారూ,
తొలగించండిమీ పూరణ బాగున్నది. అభినందనలు.
చేరెనొకండు చెరఁగొనఁగ
రిప్లయితొలగించండివీరవనితనొంటరిఁగని; బీరములనుచున్।
వారింపకచల్లబడిన
కారము నేత్రములఁబడిన గడుమోదమగున్।
గూడ రఘురామ్ గారూ,
తొలగించండిమీ పూరణ బాగున్నది. అభినందనలు. కొంత అన్వయక్లేశం ఉన్నట్టుంది.
P.Satyanarayana
రిప్లయితొలగించండిధారణ ధ్యాన యోగపు విధాన మెరింగిన రాజ యోగమే
పార నరణ్య వాసమున బారగనేల,విశుద్ధ జీవనా
ధార విచార ధారయె సదాయుపకారియ నాదబ్రహ్మ యా
కారము గన్నులం బడిన గల్గదె మోదము మానవాళికిన్
PSN
ఘోర తపంబులలో నోం
కారము జపియించు వరుస గానని నరుకున్
యూరక హరిహరి యన నా
కారము నేత్రముల బడిన కడు మోదంబౌ
P.Satyanarayana
పిట్టా సత్యనారాయణ గారూ,
తొలగించండిమీ రెండు పూరణలు బాగున్నవి. అభినందనలు.
'నరుకున్+ఊరక' అన్నపుడు యడాగమం రాదు. 'నరుకు। న్నూరక..' అనండి.
తోరం బయినప్రేమ య
రిప్లయితొలగించండిపారంబైనమమతయునుఁ ప్రణవమునకు సా
కారమగుమాతృ శ్రీయా
కారము నేత్రములఁ బడిన గడుమోదంబగున్
అశ్వత్థ నారాయణ మూర్తి గారూ,
తొలగించండిమీ పూరణ బాగున్నది. అభినందనలు.
మొదటి పాదంలో గణదోషం. 'తోరంబు నయిన ప్రేమ య..' అనండి. అలాగే 'సా।కారపు మాతృశ్రీ యా।కారము...' అనండి.
కారము నుప్పుయు పెరుగ వి
రిప్లయితొలగించండికారము కనరాని తీపి కైతల వెదుకన్
కోరిన తేనె తెలుగు నుడి
కారము నేత్రముల బడిన కడు మోదమగున్!
గురువు గారికి వందనములు> మరింతగా అన్వయం కుదరాలంటే రెండవ పాదంలో 'కనరాని ' బదులు 'చేకొనని ' బాగుంటుందేమో! తెలుప గలరు. ధన్యవాదములు.
రిప్లయితొలగించండిశ్రీధర రావు గారూ,
తొలగించండిమీ పూరణ బాగున్నది. అభినందనలు.
ధీరుండార్త జనావన
రిప్లయితొలగించండిశూరుండయి జగమునందు శోభిల్లు శుభా
కారుండగు స్వామి మహా
కారము నేత్రముల బడిన గడు మోదమగున్!
ధారుణి విద్యల నిచ్చుచు
తీరున మానవుల బ్రోచి తిమిరము ద్రోలే
భారతి యా దేవి శుభా
కారము నేత్రముల బడిన గడు మోదమగున్!
శిష్ట్లా శర్మ గారూ,
తొలగించండిమీ రెండు పూరణలు బాగున్నవి. అభినందనలు.
'..ద్రోలే' అని వ్యావహారికాన్ని ప్రయోగించారు. 'తిమిరాంతకియౌ' అనండి.
ధన్యవాదములు గురువుగారూ సవరిస్తాను.
తొలగించండిబారులు దీరి నిల్చి భగవంతుని దర్శన భాగ్యమంద; వే
రిప్లయితొలగించండిసారక రాత్రియంతయును జాగరణంబును జేసి;దాటుచున్
ద్వారము లెన్నియో,చివరి ద్వారము లోపలి దేవదేవు నా
కారము గన్నులంబడగ కల్గదె మోదము మానవాళికిన్.
( ఇది ఆకాశవాణి విజయవాడ కేంద్రం వారు ఇచ్చిన సమస్యకు నేను పంపిన పూరణము.)
పిన్నక నాగేశ్వర రావు గారూ,
తొలగించండిమీ పూరణ బాగున్నది. అభినందనలు.
గు రు మూ ర్తి ఆ చా రి
రిప్లయితొలగించండి,,,,,,,,,,,,,,,,,,,,,,,,,,,,,,
ఆరయ చిత్రకారు డొక డద్భత మైనటు వ౦టి
………… చిత్రమున్
దా రచియి౦చె మెచ్చెడు విధ౦బున ,
………… దానిని గా౦చి న౦తనే |
ే
______________________________________
" సారస పత్ర నేత్ర్ర ! మనజాల నినున్ విడి !
………………… చె౦త జేరుమా !
కోరిక దీర్చుమా ! " యనుచు గోపిక
…………… వేడగ , గౌగిలి౦చు చే
పారిన గుబ్బ బ౦తులను హత్తి , కపోలము
…………… ముద్దు వెట్టి , పు౦
స్కారము తోడ నామె మది c గామము
……………… రేపెడు గోప బాలు నా
కారము కన్నుల౦ బడిన కల్గదె మోదము
……………… మానవాళికిన్
గురుమూర్తి ఆచారి గారూ,
తొలగించండిమనోజ్ఞమైన పూరణ నందించారు. అభినందనలు.
గు రు మూ ర్తి ఆ చా రి
రిప్లయితొలగించండి,,,,,,,,,,,,,,,,,,,,,,,,,,,,,,
గు రు వు గా రి కి మరియు క వి మి త్రు ల కు
పా ద న మ స్కా ర ము లు .
" చ ౦ ద్ర క ళా వృ త్త ము " ను గూ ర్చి
నే ని పు డు తె లి య జే య ద ల చి తి ని .
ఇది సరసముగా చక్కని నడకతో సాగి పోగల
వృత్తము . రగణ , సగణ , భగణముల తో
పాటు , ఒక యగణము ఒక
మగణము ఒక తగణము కూడా పొ౦ది౦చు కొనగల వసతి ఈ వృత్తము లో మనకు లభి౦చ గలదు .
…………………………………
గ ణ ము లు =
ర. స. స. త .జ .జ . గ యతి 11
…………………………………………………………
ధోరణి నిలుచుట కై నేను రె౦డు పాదములను
వ్రాస్తున్నాను .
………………………………………………………
శ ౦ క రా శి వ శ ౦ క ర దే వా
చ ౦ ద్ర క ళా ధ ర ఈ శ్వ రా
…………………………………………………
స ౦ క ట ౦ బు ల బా పు ము త ౦ డ్రీ
చ ౦ ద్ర క ళా ధ ర బ్రో వు మా
……………………………………………………
న మ స్తే :--
గు రు మూ ర్తి ఆ చా రి గారు నమస్సులు. చ ౦ ద్ర క ళా వృ త్త ము పై చక్కని వివరణ నిచ్చారు. నిన్ననే చూచితిని. చ ౦ ద్ర క ళా ధ ర ఈ శ్వ రా అని విసంధి గా వ్రాసినారు. సంబోధనయైనను "ధరా" యని దీర్ఘమున్న తప్ప సంధి చేయ వలసినదియే గదా. దీర్ఘమున్న యడాగమము.
తొలగించండిగురుమూర్తి గారూ,
తొలగించండిధన్యవాదాలు.
******
కామేశ్వర రావు గారూ,
దీర్ఘము లేకున్నా చంద్రకళాధర! సంబోధన కావచ్చు. తరువాత యడాగమం తప్పని సరి!
పూజ్యులు శంకరయ్య గారికి వందనములు. ధన్యవాదములు
తొలగించండిభార నతోరు శాఖ చయ భాసిత భవ్య ఫలాకరమ్మిలం
రిప్లయితొలగించండిగీర సమూహ మోదితము గ్రీష్మ సుకాల విరాజమానమున్
జారగ వృక్ష శాఖముల స్వర్ణ నికాశ సువర్ణ భాస ప
క్వారము గన్నులం బడినఁ గల్గదె మోదము మానవాళికిన్
[పక్వ+ఆరము=పక్వారము; ఆరము= తియ్యమామిడి]
నేరము పచ్చని చెట్లను
దూరము స్వచ్చపు టనిలము దోరపు నగరిన్
వారపుఁ జివరం జన మన
కారము నేత్రములఁ బడినఁ గడు మోద మగున్
[మనకు+ఆరము=మనకారము; ఆరము= ఉద్యానవనము]
పోచిరాజు కామేశ్వర రావు గారూ,
తొలగించండిఆహ్లాదకమైన సుందర దృశ్యాన్ని కళ్ళముందుంచారు మీ పూరణలతో. అత్యద్భుతం. అభినందనలు.
రసపూర్ణ పద్యరచనా కుశలురైన పోచిరాజు కామేశ్వరరావు గారికి నమశ్శతములు. మీపద్యములు మధురమనోజ్ఞములు. అభినందనలు.
తొలగించండిపూజ్యులు శంకరయ్య గారికి వందనములు. ధన్యవాదములు.
తొలగించండిసూర్యనారాయణ రావు గారు మీ యభిమానమునకు, నభినందనలకు శతాధిక వందనములు. మీ వంటి పెద్దల ప్రోత్సాహము లభిలషణీయములు.
కామేశ్వర రావు గారికి నమస్సులు. మీ పూరణములు అద్ఫుంతంగా వున్నాయి. అయితే ఒక అనుమానం. సమస్యలోని పదం "కారము" గదా...సంధివలన యేర్పడిన "క్వారము" యొప్పునా....
తొలగించండిఅద్భుతంగా....అని చదువగలరు
తొలగించండిసుకవి మిత్రులు పోచిరాజు వారూ...నమస్సులు! మీ రెండు పూరణములును అద్భుతముగ నున్నవి. అభినందనలు!
తొలగించండిమొదటి పూరణమున..శాఖ...దీర్ఘాంతము కావలెననుకొందును. పరిశీలింపుఁడు.
శాఖ...మువర్ణాంతము [శాఖము] కాకపోవచ్చునని సందేహము.
తృతీయ పాదాంత, చతుర్థ పాదాది యందు...పక్వారము....పక్వ...ఆరము...దీనిలో ’కారము’ లేదుగదా! పరిశీలింపఁగలరు.
తమ యందలి గౌరవ భావముచే నిట్లడుగ సాహసించితిని. అన్యధా భావింపవలదని మనవి.
శర్మగారు ధన్యవాదములు. మీ సంశయము ఇదివరలో నొకసారి వచ్చింది. పెద్దల లాచేయడ మామోదము మరియు నొక చమత్కార కళ యని నిర్ధారించారు. కారము లో “కా” పోకుండా యే యక్షరమునైనా సంయుక్తము చేయ వచ్చు. “సత్కారము, తిరస్కారము, పురస్కారము, ధిక్కారము” ఇత్యాదులు. అట్లే పక్వారమును.
తొలగించండికవి పుంగవులు మధుసూదన్ గారు ధన్యవాదములు. శాఖ పొరపాటున “అ” కారాంతముగా తలచి సమాసము చేసితిని. చక్కగా గుర్తు చేసారు. సవరించెదను.
తొలగించండిక్వారము లో “కా” శబ్దానికి లోపములేదు కద. సమస్యకు భంగము లేదని భావిస్తాను.
భార నతోరుపల్లవ విభాసిత భవ్య ఫలాకరమ్మిలం
తొలగించండిగీర సమూహ మోదితము గ్రీష్మ సుకాల విరాజమానమున్
జారగ వృక్ష శాఖముల స్వర్ణ నికాశ సువర్ణ భాస ప
క్వారము గన్నులం బడినఁ గల్గదె మోదము మానవాళికిన్
[పల్లవము= చిగిరించిన కొమ్మ]
శాఖము...దీని యర్థము బోధపడకున్నది. శాఖ యనిన కొమ్మ యని తెలియును. శాఖము... అనిన?
తొలగించండిమూడవపాదాన...శాఖ నిల...అన్నచో? శాఖము...బాధ తొలగవచ్చుననుకొందును.
పక్వారము...పక్+వారము...అని యగుచున్నది. ఇందులో కారము ధ్వనించుటలేదు...వారము తప్ప! పవ్ + కారము అని మీరు భావించినటులున్నది. మరోమారు పరిశీలింపుఁడు.
పూరణ సవరించితిని. శాఖ పదమును మార్చితిని.
తొలగించండికాదండి. కా హల్లు కు వ సంయుక్తమయ్యింది. కా అక్షరము లోపించలేదు. కారము అర్థ మవసరము లేదని నా భావన.
“పక్వారము” విషయమున కవి పుంగవులు మధుసూదన్ గారి నసంతృప్తులుగ నుంచ నోపక సవరించిన పూరణ:
తొలగించండిభార నతోరుపల్లవ విభాసిత భవ్య ఫలాకరమ్మిలం
గీర సమూహ మోదితము గ్రీష్మ సుకాల విరాజమానమున్
జారగ వృక్ష మూలమున స్వర్ణ నికాశ సువర్ణ భాసితై
కారము గన్నులం బడినఁ గల్గదె మోదము మానవాళికిన్
[భాసిత+ఏక+ఆరము= భాసితైకారము; ఆరము= తియ్యమామిడి; పల్లవము= చిగిరించిన కొమ్మ]
చాలా బాగున్నదండీ మీ సవరించిన పూరణము! మిమ్మల్ని విసిగించినందులకు మన్నించండి. శిల్పము అందంగా రావాలంటే ఎన్నో ఉలి దెబ్బలు తప్పవు గదా! శుభాభినందనలతో...
తొలగించండిభవదీయుడు
గుండు మధుసూదన్
ఈ కామెంట్‌ను రచయిత తీసివేశారు.
తొలగించండికోరినకోర్కెలంబరమ కూరిమిదీర్చుచు నెల్లవేళలన్
రిప్లయితొలగించండిభూరిమనోజ్ఞ సప్తగిరి పూజిత దివ్యవిభూషణుండునై
నేరములెంచకుండ మహనీయత సర్వుల బ్రోచు శ్యామలా
కారము గన్నులంబడిన గల్గదె మోదము మానవాళికిన్.
దోరవయోభూషణములు
తారక మీరంగ గలుగు తళుకులుబెళుకుల్
సారపుబల్కుల దివ్యా
కారము నేత్రములబడిన గడు మోదమగున్.
పొన్నెకంటి సూర్యనారాయణ గారూ,
తొలగించండిమీ రెండు పూరణలు బాగున్నవి. అభినందనలు.
కారము గన్నులంబడిన గల్గదె మోదము మానవాళికిన్
రిప్లయితొలగించండిబీరును ద్రాగువాని వలె వేరుగ మాటలు బల్కుచుంటి రే
కారము గన్నులంబడిన కన్నులు మంటలు బుట్టునున్గదా
యారయ మోదమె ట్లగును నార్యులు సెప్పిన మానవాళికిన్
పోచిరాజు సుబ్బారావు గారూ,
తొలగించండిమీ పూరణ బాగున్నది. అభినందనలు.
చీరెలు కొన తనపతి సహ
రిప్లయితొలగించండికారము నేత్రములఁ బడినఁ గడు మోద మగున్
దారకు, నిశ్చయముగ శ్రీ
వారికి తగుసమయమందు ఫలితము దక్కున్
సత్యనారాయణ రెడ్డి గారు, సునిశితనిగూఢ శృంగారరసాత్మక భావాన్ని వెలువరించారు. పూరణమనోజ్ఞము.
తొలగించండిఅన్నపరెడ్డి సత్యనారాయణ రెడ్డి గారూ,
తొలగించండిసరసమైన పూరణ మీది. అభినందనలు.
పెద్దలు సూర్యనారాయణ రావు గారికి, గురువర్యులకు ధన్యవాదములు.
తొలగించండిఆర్యా!నిజమా యియ్యది
రిప్లయితొలగించండికారము నేత్రములబడిన గడు మోదమగున్
వారల మాటలు వినకుము
కారము మోదంబు గాదు కనులకు నెపుడున్
సుబ్బారావు గారూ,
తొలగించండిమీ పూరణ బాగున్నది. అభినందనలు.
వేరొక దిక్కు లేదు నిను వేడెద దర్శన మిమ్ము రాఘవా
రిప్లయితొలగించండిచేరగ లేను భద్రగిరి చేదుకొనంగదె యంచు నేగుచో
శ్రీరఘురామ ధామ మది చేరువయయ్యెడి వేళలోన ప్రా
కారము కన్నులం బడిన గల్గదె మోదము మానవాళికి నే.
మిస్సన్న గారూ,
తొలగించండిరామ మందిర ప్రాకార దర్శనం చేయించిన మీ పూరణ ప్రశస్తం. అభినందనలు.
గురువుగారికి ధన్యవాదములు
తొలగించండితోరంబునయినప్రేమ య
రిప్లయితొలగించండిపారంబైనమమతయునుఁ ప్రణవమునకు సా
కారపుమాతృ శ్రీయా
కారము నేత్రములఁ బడిన గడుమోదంబగున్
గురువుగారు మీ చెప్పిన విధంగా దోషం,సవరించినాను. కృతజఞతలు
రిప్లయితొలగించండిసంతోషం!
తొలగించండిమోదం బగున్.. అంటే గణదోషం. మోదమగున్ అని కదా ఉండవలసింది!
తొలగించండితీరును దప్పినట్టి పరదేశపు సైన్యము రెచ్చగొట్ట వి
రిప్లయితొలగించండిస్తార పరాక్రముల్ భరత సైనికు లెల్లరు సేయు నా తిర
స్కారము గన్నులం బడినఁ గల్గదె మోదము మానవాళికిన్
సారపు సంస్కృతిం గఱపు జక్కని భారత పౌరకోటికిన్.
చేరెను రై తంగడికి న
రిప్లయితొలగించండిపారమ్మగు నాశతోడ వడ్లమ్ముటకున్
కోరిన ధరతో నచ్చా
కారము నేత్రములఁ బడిన గడుమోద మగున్.
(అచ్చాకారము = క్రయవిక్రయాల నిశ్చయార్థం ముందుగా ఇచ్చే ధనం)
పూజ్యులు శంకరయ్య గారికి వందనములు. కాలోచిత పరాక్రమోపేత భారత సైనిక బృంద ప్రశంస తో మీ మొదటి పూరణ, ఘాటు కారమును తీపి యచ్చాకారముగా (కొత్త పదము) జేసిన మీ రెండవ పూరణ ప్రశస్తముగా నున్నవి.
తొలగించండికామేశ్వర రావు గారూ,
తొలగించండిధన్యవాదాలు.
నిజానికి 'అచ్చాకారము' నాకూ క్రొత్త పదమే. అందరూ రకరకాల కారాలను ప్రయోగిస్తూ ఉంటే నేను ఏదైనా విలక్షణమైన కారాన్ని ప్రయోగించాలను ప్రయత్నించాను. 'ఆంధ్రభారతి'లో శోధనలో 'కారము' టైప్ చేసి ప్రక్కన ఉన్న suffix ను ఎన్నుకొని వెదికితే కారముతో అంతమయ్యే ఎన్నోపదాలు కనిపిస్తాయి. అలా దొరికిందే ఈ 'అచ్చాకారము'.
సుకవి మిత్రులు శంకరయ్య గారూ...నమస్సులు! మీ పూరణములు రెండును చాలా బాగున్నవి. అభినందనలు!
తొలగించండిముఖ్యముగా...మీ రెండవ పూరణమందలి అచ్చాకారము...బహుత్ అచ్ఛాహై!
దారను కాంచలేక పరి తాపము జెందెడు వేళ భక్తితో
రిప్లయితొలగించండినా రఘు రామ కార్యమున నంబుధి దాటుచు వేగలంకనే
జేరిన వాయుపుత్రుడట సీతకు జూపిన భీమవానరా
కారము గన్నులం బడినఁ గల్గదె మోదము మానవాళికిన్
రారా! భద్రాచలమును
జేరి భజించినను చాలు శ్రీకర మొసగున్
శ్రీరఘు రాముని దివ్యా
కారము నేత్రములఁ బడినఁ గడు మోద మగున్
నిన్నటి నా పూరణలు
చేరును వ్యాధులెన్నియొ నశించు గదా జవ సత్త్వముల్ వయో
భారము చేరినంతనిల వంశపరంపరమైనవై మితిన్
మీరిన పత్యముండునిక మ్రింగక తప్పని యౌషధమ్ములున్
భూరి యజీర్ణమంచు దిన బోయిన వేళన యాంక్షలుండగన్
వైరి స్వదేహ మౌట యనివార్యపు శాపము దీర్ఘజీవికిన్
కనుచూపు మంద గించును
తనువున బిగువులు సడలును దంతము లూడున్
వినికిడి తగ్గును ముదిమిన
తన దేహమె వైరి యగుట తథ్యము ధరణిన్
విరించి గారూ,
తొలగించండిమీ పూరణలన్నీ నేటివి, నిన్నటివి బాగున్నవి. అభినందనలు.
సారెకు సారెకున్ మిగుల సన్మతి తోడను నిత్యమున్ని రా
రిప్లయితొలగించండికారుని పూజ జేయు ప్రజ గాంచిగ నద్భుత విశ్వ మోహనా
కారము గన్నులం బడినఁ గల్గదె మోదము మానవాళికిన్
మారక పోవునా దురిత మార్గము నుండియు శాశ్వతంబుగా
గండూరి లక్ష్మినారాయణ గారూ,
తొలగించండిమీ పూరణ బాగున్నది. అభినందనలు.
ఈ కామెంట్‌ను రచయిత తీసివేశారు.
రిప్లయితొలగించండిఈశ్వరప్ప గారూ,
తొలగించండిమీ రెండు పూరణలు బాగున్నవి. అభినందనలు.
'మగని+ఆకారము = మగని యాకారము' అవుతుంది కదా! 'ప్రేరణ గొలుప మగని యా।కారము...' అనవచ్చు కదా!
[10/3, 5:42 PM] sreeramaraochepuri: కారుణ్యమ్మును చూపగ
రిప్లయితొలగించండిచేరినఒడిలోననాధశిశువును చూడన్
పారిన మాతృత్వపు మమ
కారము నేత్రముల బడిన కడు మోదమగున్
[10/3, 5:46 PM] sreeramaraochepuri: ఓరీ చిన్నా కన్నా
రారాఈ బువ్వ తినగ రమ్మని పిలువన్
నేరానను బాలుని యధి
కారము నేత్రములబడిన గడు మోదమగున్
చేపూరి శ్రీరామారావు గారూ,
తొలగించండిమీ రెండు పూరణలు బాగున్నవి. అభినందనలు.
శ్రీరమణుని దర్శించగ
రిప్లయితొలగించండినారితితో నడచి, వరుస నా తిరుమలలోన్
మూరితి ఘన విభవాలం
కారము నేత్రములఁ బడగఁ గడు మోదమగున్
గుండా వేంకట సుబ్బ సహదేవుడు గారూ,
తొలగించండిమీ పూరణ బాగున్నది. అభినందనలు.
'ఆరీతితో' అంటే గణదోషం. 'ఆరీతితొ' అని ప్రత్యయాన్ని హ్రస్వంగా ప్రయోగించరాదు. 'ఆ రీతిని నడచి...' అనండి.
గురుదేవులకు ధన్యవాదములు. ఆర్తి, ఆరితి అనే భావముతో వ్రాశాను. పరిశీలించ ప్రార్థన.
తొలగించండినిజమే! నాకు 'ఆరితి'... 'ఆరీతి' అని కనిపించి పొరబడ్డాను. మన్నించండి.
తొలగించండిమీ పూరణ అన్ని విధాల బాగున్నది. అభినందనలు.
పేరోలగమున కృష్ణుని
రిప్లయితొలగించండిధీరోదాత్తవిమలయశ తేజో పారా
వార విజయ గంభీరా
కారమునేత్రముల బడిన గడు మోదమగున్
శ్రీరామ్ గారూ,
తొలగించండిమీ మూడవ పూరణ బాగున్నది. అభినందనలు.
3,10.16శ్రీగురువుగారైన కందిశంకరయ్యగారికివందనాలతోసవరించినపద్యముదయతోచూడగలరనిమనవి
రిప్లయితొలగించండి.కోరికలన్నిదీర్చ?ననుకొన్నవిధంబునచూడ నెంచి యే
మారని భక్తి భావమున మానవు లెందరొ కొండలంచులన్
జేరియు వేంకటేశు గని చేతులురెండును యెత్తి దైవమా
కారము గన్నులంబడిన?గల్గదె మోదము మానవాళికిన్.
2.హారమువేయుచు వధువే
జేరగ ?తలదించసిగ్గు |చింతను బెంచన్
ప్రేరణ గొలుపమగనియా
కారము నేత్రముల బడిన? గడుమోదమగున్
సవరించినందుకు సంతోషం... స్వస్తి!
తొలగించండిఊరక ప్రవచనములిడక
రిప్లయితొలగించండినోరిమి ప్రేముడిని జూపి యుపకారగుణం
బే రమణీయమనెడి మమ
కారము నేత్రములఁ బడినఁ గడు మోద మగున్
భాగవతుల కృష్ణారావు గారూ,
తొలగించండిమీ పూరణ బాగున్నది. అభినందనలు.
దూరము నుంచి వచ్చియు నితోధిక కానుక లందజేయుచున్
రిప్లయితొలగించండికోరిన కోర్కులన్ని సమకూర్చుమటంచును మ్రొక్కుచున్ నిరా
ధారులు కోరుకొన్నవి ప్రదానము జేసెడు వేంకటేశు నా
కారము గన్నులంబడిన గల్గదె మోదము మానవాళికిన్!
బొడ్డు శంకరయ్య గారూ,
తొలగించండిమీ పూరణ బాగున్నది. అభినందనలు.
'దూరము నుండి...' అనండి.
దారుణముగ మండునుగద
రిప్లయితొలగించండికారము నేత్రములబడిన, గడుమోదమగున్
దీరుగ కలలన్నియు సా
కారపు రూపమును దాల్చి గన్పించంగా!!!
నారాయణుదరిసించగ
సారంబగు గిరులు దాటి సన్నుతులిడుచున్
చేరగ దేవాలయ ప్రా
కారము నేత్రముల బడిన గడు మోదమగున్!!!
శైలజ గారూ,
తొలగించండిమీ రెండు పూరణలు బాగున్నవి. అభినందనలు.
'స+ఆకారము' అని మళ్ళీ రూపము అనడం పునరుక్తి కదా!
శ్రీ రమణీలలామ సరసీరుహ నేత్ర సముద్ర పుత్రికన్
రిప్లయితొలగించండితీరున బెండ్లియాడియు హృదిన్నివసింపగ స్థానమిచ్చిన
వ్వారిజ నేత్రితోడ ఘన పాలసముద్రము నుండు మోహనా
కారము గన్నులం బడినఁ గల్గదె మోదము మానవాళికిన్
మిత్రులందఱకు నమస్సులు!
రిప్లయితొలగించండిచేరియుఁ గాళియ హ్రదముఁ జివ్వునఁ గాళియుతోడ యుద్ధమున్
గోరియు వాని గర్వమును గొబ్బున ఖర్వ మొనర్చి భోగమం
దా రమణీయ భంగిమముఁ దాల్చియు నర్తిలు చిన్ని కృష్ణు మోహనా
కారము గన్నులంబడినఁ గల్గదె మోదము మానవాళికిన్?
మధుసూదన్ గారికి అభివాదములు.
తొలగించండిదా రమణీయ భంగిమముఁ దాల్చియు నర్తిలు కృష్ణు మోహనా
అని మీరు వ్రాయనెంచి యుండవచ్చునని అనుకుంటున్నాను. పరిశీలించ మనవి .
అవునండీ ఫణికుమార్ తాతా గారూ! ధన్యవాదములు!ఇందులో నేరుగా టైపు చేయుటచేతను, వెనుదిరిగి చూచుకొనకపోవుటచేతను "చిన్ని" అదనముగ వచ్చినది. దానిని తొలగించుచున్నాను.
తొలగించండిచేరియుఁ గాళియ హ్రదముఁ జివ్వునఁ గాళియుతోడ యుద్ధమున్
గోరియు వాని గర్వమును గొబ్బున ఖర్వ మొనర్చి భోగమం
దా రమణీయ భంగిమముఁ దాల్చియు నర్తిలు కృష్ణు మోహనా
కారము గన్నులంబడినఁ గల్గదె మోదము మానవాళికిన్?
భారమటంచు తల్చకను భక్తిగ నెక్కితి మేడుకొండలన్
రిప్లయితొలగించండితీరునటంచుకోర్కులట తిన్నగ దేవుని దర్శనమ్ముతో
దారముఖమ్మురంజిలెను, తద్దయు దీప్తిని వేంకటేశు నా
కారము గన్నులం బడినఁ గల్గదె మోదము మానవాళికిన్
ఈ కామెంట్‌ను రచయిత తీసివేశారు.
రిప్లయితొలగించండిక్షమించండి.
రిప్లయితొలగించండిబీరము జూపగ మనపై
పోరు సలుపెడు రిపులెల్ల భోరున నేడ్వన్
భారతసేనఁ ఘన ప్రతీ
కారము నేత్రములఁ బడినఁ గడు మోద మగున్
క్షమించండి.
రిప్లయితొలగించండిబీరము జూపగ మనపై
పోరు సలుపెడు రిపులెల్ల భోరున నేడ్వన్
భారతసేనఁ ఘన ప్రతీ
కారము నేత్రములఁ బడినఁ గడు మోద మగున్
క్షమించండి.
రిప్లయితొలగించండిబీరము జూపగ మనపై
పోరు సలుపెడు రిపులెల్ల భోరున నేడ్వన్
భారతసేనఁ ఘన ప్రతీ
కారము నేత్రములఁ బడినఁ గడు మోద మగున్
కోరిక మీరగా సతులు కొట్టిన మామిడి ముక్కలందునన్
రిప్లయితొలగించండితీరుగ నావపిండి నిడి దీటుగ ఘాటుగ నూనెపోయెగా
పైరుల నుండి తెచ్చినది పచ్చిది యెర్రది ముద్దుముచ్చటౌ
కారము గన్నులం బడినఁ గల్గదె మోదము మానవాళికిన్