కవిమిత్రులారా,
ఈరోజు పూరించవలసిన సమస్య ఇది...
"అంగముఁ జేతఁ బట్టుకొని యాడిరి పాడిరి పండితోత్తముల్"
(ఎన్నో అవధానాలలో అడిగిన ప్రసిద్ధ సమస్య)
లేదా...
"అంగమ్మునుఁ జేతఁ బట్టి యాడిరి విబుధుల్"
ఈరోజు పూరించవలసిన సమస్య ఇది...
"అంగముఁ జేతఁ బట్టుకొని యాడిరి పాడిరి పండితోత్తముల్"
(ఎన్నో అవధానాలలో అడిగిన ప్రసిద్ధ సమస్య)
లేదా...
"అంగమ్మునుఁ జేతఁ బట్టి యాడిరి విబుధుల్"
క్రొవ్విడి వెంకట రాజారావు:
రిప్లయితొలగించండిగురువుగారూ! నమస్కారములు. నిన్న నేను వేరే ప్రాంతములో ఉండుట వలన సమస్యా పూరణ పద్యం పంపలేక పోయాను. ఇప్పుడు పంపుతున్నాను. దయతో పరిశీలించగలరు.
కుంభిని వెలిగిన బుధులను
దంభముతో బట్టి నణచు దనుజుల జంపన్
సంభవ మొందిన నెఱి నా
రంభాపతి రాముడయ్యె రాజసమొప్పన్.
క్రొవ్విడి వేంకట రాజారావు గారూ,
తొలగించండినేను కూడా ప్రయాణంలొ ఉండి నిన్నటి పూరణలను ఇప్పటిదాకా సమీక్షించలేదు. వీలైతే ఈరోజు చేస్తాను.
మీ పద్యం బాగుంది. కాని 'ఆరంభాపతి'.. అర్థం కాలేదు. '..బట్టి యణచు' అని ఉండాలి.
క్రొవ్విడి వెంకట రాజారావు
తొలగించండికుంభిని వెలిగిన బుధులను
దంభముతో బట్టి యణచు దనుజుల జంపన్
సంభవ మొందిన శివుడా
రంభాపతి రాముడయ్యె రాజసమొప్ప
(రంభాపతి= పార్వతి భర్త)
మంగళ కరమగు పనులకు
రిప్లయితొలగించండిభంగము వాటిల్ల కుండ పండిత వర్యుల్
సంగడి గొనురీతి చలనపు
టంగమ్మునుఁ జేతఁ బట్టి యాడిరి విబుధుల్
అక్కయ్యా,
తొలగించండిమీ పద్యం బాగుంది.
'చలనపు టంగమ్ము'.. అర్థం కాలేదు. మూడవపాదంలో గణదోషం. 'సంగడి గొను విధమునఁ బం।చాంగమ్మును...' అంటే సరిపోతుంది కదా!
మంగళ కరమగు పనులకు
తొలగించండిభంగము వాటిల్ల కుండ పండిత వర్యుల్
సంగడి గొను విధమునఁ బం
చాంగమ్మును జేతఁ బట్టి యాడిరి విబుధుల్
క్రొవ్విడి వెంకట రాజారావు:
రిప్లయితొలగించండిఅంగు నిడెడి నీతుల ను
ప్పొంగుచు ధరణిని వెలిగెడి పొడుగగు శృతిలో
పొంగులు జూపుచు నుండెడి
అంగమ్మును జేతబట్టి యాడిరి విబుధుల్.
(పొడుగగు= గొప్పదగు; శృతి= వేదము; అంగము= భాగము; ఆడు = వచించు )
రాజారావు గారూ,
తొలగించండిమీ పూరణ బాగున్నది. అభినందనలు.
రిప్లయితొలగించండిభంగిమల గనుచు తమతమ
యంగమ్మునుఁ జేతఁ బట్టి యాడిరి విబుధుల్
రంగుల జీవన నాటక
రంగము చెంగట గనపడు రసమయ కేళీ!
జిలేబి
జిలేబీ గారూ,
తొలగించండిమీ పూరణ బాగున్నది. అభినందనలు.
నింగి కృపాంబుదంబులను నిండుగ రాల్చును పంటలందగన్
రిప్లయితొలగించండిచెంగున గెంతు గోతతుల చెంతను లేగలు, శ్రీలుఁ గల్గుఁ , దా
రంగము లాడుచుంద్రు శిశు రత్నము లిండ్లను నంచు నూత్న పం
చాంగముఁ జేతఁ బట్టుకొని యాడిరి పాడిరి పండితోత్తముల్
చాలా నాండ్ల తరువాత రాస్తున్నానండీ -
తొలగించండిగెంతు అన్నపుడు వచనమూ,
ఇండ్లనున్ + అంచు = ఇండ్లనునంచు సరియేనా లేక ఇండ్లను+ అంచు ఇండ్లను యంచు అనవలెనా అని సందేహిస్తూ రాశాను
ఊకదంపుడు గారూ,
తొలగించండిబహుకాల దర్శనం... సంతోషం!
మీ పూరణ బాగున్నది. అభినందనలు.
మీ రెండు ప్రయోగాలు సాధువులే. అయితే 'కృపాంబుదంబులు = దయామేఘాలు' అన్నచోట 'కృపాంబుధారలను' అంటే బాగుంటుందని నా సూచన.
ఊకదంపుడు గారు "ఇండ్లను యంచు" అసాధువు. యడాగమము రాదు. "ఇండ్లనునంచు", "ఇండ్లనంచు" రెండు సాధువులని గురువు గారి యభిప్రాయము.
తొలగించండిగురువు గారికి, కామేశ్వరరావు గారికి ధన్యవాదములు.
తొలగించండినింగి కృపాంబుధారలను నిండుగ రాల్చును పంటలందగన్
చెంగున గెంతు గోతతుల చెంతను లేగలు, శ్రీలుఁ గల్గుఁ , దా
రంగము లాడుచుంద్రు శిశు రత్నము లిండ్లను నంచు నూత్న పం
చాంగముఁ జేతఁ బట్టుకొని యాడిరి పాడిరి పండితోత్తముల్
ఉంగర ములధరి యించిరి
రిప్లయితొలగించండిఅంగర ఖాలను బిగిచిరి యతిశయ మొప్పన్
ముంగల విషయము లను పం
చాంగమ్మునుఁ జేతఁ బట్టి యాడిరి విబుధుల్
అశ్వత్థ నారాయణ మూర్తి గారూ,
తొలగించండిమీ పూరణ బాగున్నది. అభినందనలు.
రోగపు బాధ సహించక
రిప్లయితొలగించండియాగము తలబూని యోగి ఆరంభించన్;
ఆగమ శాస్త్రజ్ఞులు పం
చాంగమ్మును (జేత (బట్టి యాడిరి, విబుధుల్!
జి.పి. శాస్త్రి గారూ,
తొలగించండిమీ ప్రయత్నం ప్రశంసనీయం.
సమస్యలోని ప్రాసాక్షరం అనుస్వారపూర్వకమైన గ (ంగ) మిగిలిన పాదాలలోనూ అటువంటి పాసాక్షరాన్నే ప్రయోగించాలి. సవరించండి.
గురువర్యా! అర్ధమైనది. లెంపకాయలు వేసుకున్నాను. మీ సహనము అద్వితీయము!
తొలగించండిభంగుర మైన జీవితము వ్యర్థముఁ జేయక దైవచింత వ్యా
రిప్లయితొలగించండిసంగము చేత సత్కవులు జంగమ దేవర నాట్యమందు సా
రంగ కుఠార శూలములు రంగును గూర్చెడి భంగి వ్రాయ కా
వ్యాంగముఁ జేతఁ బట్టుకొని యాడిరి పాడిరి పండితోత్తముల్
భంగుర మైన జీవితము వ్యర్థముఁ జేయక దీక్షనంది వ్యా
తొలగించండిశృంగారము శోభిల, చతు
తొలగించండిరంగ బలముతో ప్రభువు లలర వేదము, వే
దాంగము గని భుక్తికి పం
చాంగమ్మును జేత బట్టి యాడిరి విబుధుల్!
హంగుల చాటుకొనుచు చతు
రంగ బలముతో ప్రభువు లలర వేదము, వే
దాంగము గని భుక్తికి పం
చాంగమ్మును జేత బట్టి యాడిరి విబుధుల్!
ఫణికుమార్ తాతా గారూ,
తొలగించండిమీ పూరణ బాగున్నది. అభినందనలు.
*****
శ్రీధర రావు గారూ,
మీ పూరణ బాగున్నది. అభినందనలు.
కవి మిత్రులకు నమస్సులు. పంచాగముతో పూరించినచో ఆఖరి పాదంలో యతి భంగమవుతుంది కదా.
రిప్లయితొలగించండిపంచ + అంగము......కాబట్టి యతి భంగము కాదండీ...
తొలగించండికాదండి మరో మారు పరిశీలించండి.
తొలగించండిసహదేవుడు గారు యతి భంగమే రీతినో తెలుప గలరా.
తొలగించండికామేశ్వర రావు గారూ,
తొలగించండిసహదేవుడు గారు "(యతిభంగం) కాదండి. మరో మారు పరిశీలించండి' అని ఫణికుమార్ గారి వ్యాఖ్యకు సమాధానంగా అన్నారు.
పూజ్యులు శంకరయ్య గారికి వందనములు. ధన్యవాదములు. శాస్త్రి గారి వ్యాఖ్య తర్వాత వస్తే పొరబడ్డాను.
తొలగించండిగురువుగారికి, హనుమచ్ఛాస్త్రి గారికి, సహదేవుడు గారికి మరియు కామేశ్వరరావు గారికి అభివాదములు. యతి భంగము కాదు అని తెలియజేసినందులకు ధన్యవాదములు. దయచేసి అందలి సూత్రమును కూడా తెలియజేసిన యెడల నేర్చుకొనగలవాడను. అచ్చు తో పాటుగా హల్లునకు కూడా యతి మైత్రి కావలెననే సూత్రము ననుసరించి నేను యతి భంగమవుతుందని భావించితిని. దయచేసి వివరించ ప్రార్థన.
తొలగించండిఫణి కుమార్ గారు యీ సూత్రములను చూడండి.
తొలగించండి1. స్వరప్రధానయతి:- పదాలమధ్య సంధి జరిగినపుడు రెండవపదం మొదటిఅచ్చుకే యతి చెల్లించాలి.
(ఉభయయతులలో ఈ నియమం చెల్లదు).
ఉదా-
*అతులవిక్రముఁ డతఁడు వి*ద్యాధికుండు (విద్యా +*అధికుండు)
ఉభయ యతులు:
1. అఖండయతి :- యతి చెల్లించాల్సిన చోట అచ్‍సంధి ఉన్నప్పుడు పరపదాది అచ్చుకే కాక, ఆ అచ్చుతో కూడిన హల్లుకు కూడా యతి చెల్లించడం అఖండయతి.
ఉదా-
*భాను సహస్రభాసి వృష*భాధిపుఁ డన్నటు లర్థయుక్తమై. [కవిజనాశ్రయం]
యీ యఖండ యతిని సాధారణముగా వాడరు తప్పని సరి పరిస్థితులలో తప్ప.
బాగా చెప్పారు కామేశ్వర రావుగారూ! నేనును నా పూరణమున నఖండయతినే వాడాను. నే నఖండయతి వ్యతిరేకిని కాను. నే నవసరమైనపుడని కాకుండా, సముచిత మనిపిస్తేనే వాడుతాను.
తొలగించండికవిపుంగవులు మధుసూదన్ గారు ధన్యవాదములు. అఖండ యతి నస్పృశ్యముగా భావించ రాదనే నా మతము.
తొలగించండికామేశ్వరరావు గారూ నమస్సులు. మీ వివరణకి ధన్యవాదములు.
తొలగించండిహంగంచు యెన్నికలలో
రిప్లయితొలగించండికంగారెత్తించ పత్రికలు పరిశీలిం
పంగన్ బిరబిర మన రా
జ్యాంగము చేతఁ బట్టి యాడిరి విబుధుల్
గుండా వేంకట సుబ్బ సహదేవుడు గారూ,
తొలగించండిమీ పూరణ బాగున్నది. అభినందనలు.
చివరి పాదంలో 'జ్యాంగమ్మును' అని కదా ఉండాలి. లేకుంటే గణదోషం.
గురుదేవులకు ధన్యవాదములు. సవరించిన పూరణ:
తొలగించండిహంగంచు యెన్నికలలో
కంగారెత్తించ పత్రికలు పరిశీలిం
పంగన్ బిరబిర మన రా
జ్యాంగమ్మును చేతఁ బట్టి యాడిరి విబుధుల్
గంగా యేమని జెప్పుదు
రిప్లయితొలగించండినం గమ్మును జేత బట్టి యాడిరి విబుధుల్
మంగమ చేసిన నాట్యపు
భంగిమనే జూచివారు ప్రమదము తోడన్
పోచిరాజు సుబ్బారావు గారూ,
తొలగించండిమీ పూరణ బాగున్నది. అభినందనలు.
అంగజ తూణ సాయక విహార వికార సుకీర్తనప్రియుల్
రిప్లయితొలగించండిభృంగ సమూహ నిస్వన గభీర పదోచిత వర్ణ నోద్ధతుల్
ప్రాంగణ మందు నర్తన విలాస మతిం జరియించు చున్న బ
ర్హ్యంగముఁ జేతఁ బట్టుకొని యాడిరి పాడిరి పండితోత్తముల్
[బర్హి+అంగము = బర్హ్యంగము; అంగము = సమీపించినది; బర్హి = నెమలి]
అంగ కళింగ ఘనాంగ మ
భంగాంధ్రద్రవిడ పాండ్య పాంచాలములన్
భంగ మెరుంగ మనుచు పం
చాంగమ్మునుఁ జేతఁ బట్టి యాడిరి విబుధుల్
పోచిరాజు కామేశ్వర రావు గారూ,
తొలగించండిమీ రెండు పూరణలు ప్రశస్తంగా ఉన్నవి. అభినందనలు.
పూజ్యులు శంకరయ్య గారికి వందనములు. ధన్యవాదములు.
తొలగించండి"వంగ కళింగ ఘనాంగ మ" గా మొదటి పాదమును చదువ గలరు.
తొలగించండిభంగము కల్గజేసిరని భారత చట్టమ దిచ్చు హక్కులన్
రిప్లయితొలగించండిక్రుంగక యున్నతమ్మునగు కోర్టున కొందరు కేసువేయ,న్యా
యాంగము తీర్పు జెప్పె తమ వాదన నొప్పియు,కేసుగెల్వ;రా
జ్యాంగము చేతబట్టుకొని యాడిరి పాడిరి పండితోత్తముల్.
గుఱ్ఱం జనార్దన రావు గారూ,
తొలగించండిమీ పూరణ బాగున్నది. అభినందనలు.
'తమ్మునగు'...?
యున్నతమ్మును + అగు = యున్నతమ్మునగు
తొలగించండి(సరి కాదంటారా?)
సంగతములౌచు బహువిధ
రిప్లయితొలగించండిమంగళములుగూర్చు నట్టి మహితములగు సత్
సంగతులు తెలుపుటకు పం
చాంగమ్మును చేతబట్టి యాడిరి విబుధుల్.
హరి వేంకట సత్యనారాయణ మూర్తి గారూ,
తొలగించండిమీ పూరణ బాగున్నది. అభినందనలు.
గు రు మూ ర్తి ఆ చా రి
రిప్లయితొలగించండి,,,,,,,,,,,,,,,,,,,,,,,,,,,,,
{ శివరాత్రి పర్వదినమున శ్రీశైలముపై గొప్పనైన వె౦డి శివలి౦గమును ప౦డితు ల౦దరు
కలసి చేతబట్టుకొని ఆడుచు పాడుచు మోసిరి }
భ౦గ మొనర్చు మయ్య , భవపాపము |
…………… మన్మథ గర్వభ౦గ ! బ్రో
వ౦ గదె మమ్ము , శ్రీ గిరి శివా ! యను చా
………… శివరాత్రి పర్వ మ౦
దు౦ గడు భక్తి (న్) మ౦త్రములతో
…………… రజితా౦చిత భూరి శైవ లి౦
గా౦గము జేత బట్టు కొని , యాడిరి పాడిరి
…………… ప౦డి తోత్తముల్ ! !
{ శ్రీగిరిశవా = ఓ శ్రీశైల మల్లిఖార్జు నా ! శైవ లి౦గా౦గము చేతబట్టుకొని = పెద్ద శివ
లి౦గము యొక్క భాగములను ప౦డితు ల౦దరు
కలసి పట్టుకొని ఆడి పాడి మోసిరి !
గురుమూర్తి ఆచారి గారూ,
తొలగించండిమీ పూరణ బాగున్నది. అభినందనలు.
అంగరకాలు లేకనె మహా మహు లెల్లరు వాయువేగులై
రిప్లయితొలగించండిప్రాంగణమందు జేరిరట ప్రాజ్ఞులు మంత్రికుమారుఁ బెండ్లికై
బంగరు కాంతులీనెడొక వస్త్రము నందున దాచుకొన్న పం
చాంగముఁ జేతఁ బట్టుకొని యాడిరి పాడిరి పండితోత్తముల్
దొంగయె గెలిచిన యెన్నిక
భంగమ్మును జేయదలచి ప్రాజ్ఞుల్ యొకచో
సంగతి నెఱంగుటకు రా
జ్యాంగమ్మునుఁ జేతఁ బట్టి యాడిరి విబుధుల్
విరించి గారూ,
తొలగించండిమీ రెండు పూరణలు బాగున్నవి. అభినందనలు.
'కాంతులీను నొక' అనండి. 'ఈనెడు+ఒక=ఈనెడు నొక' అవుతుంది.
'ప్రాజ్ఞుల్+ఒకచో' అన్నపుడు యడాగమం రాదు. 'ప్రాజ్ఞు లొకయెడన్' అనండి.
పూజ్యశ్రీ శంకరయ్య గారూ:
రిప్లయితొలగించండిఒక సారి మిమ్ము కలవాలి. 74 సంవత్సరముల వయోవృధ్దుడను. ప్రయాణం చెయ్య లేను. మీరీసారి హైదరాబాదు వచ్చినపుడు తెలియజేయ కోరిక. నా ఈమైలు క్రింద ఇస్తున్నాను. 40 సంవత్సరాలు ఐ.ఐ.టీ ఖరగ్పూరులో ఫిసుక్సు చెప్పి 12 ఏళ్ళక్రితం రెటైర్ అయ్యాను.
5 నిముషాలు మీతో గడపాలని కోరిక. మీలాటి గురువులను తప్పక చూడాలి...
e-mail: gps1943@yahoo.com
శాస్త్రి గారూ,
తొలగించండిఈసారి హైదరాబాదు వచ్చినప్పుడు తప్పక కలుస్తాను. వచ్చేముందు మీ మెయిలుకు తెలియజేస్తాను. మీ ఫోన్ నెం. ఇవ్వండి.
నాటినుండి నేటికి ఈ కోరిక చాలా సార్లు తీరినది
తొలగించండి__/\__
మంగళ కారకుండయిన మాధవు సత్కృప మానవాళికిన్
రిప్లయితొలగించండిసంగర భీతి లేక సుఖ శాంతి సమున్నతి నిచ్చునట్టి ని
ర్భంగపు భవ్య జీవనపు వత్సర మంచును వ్రాసినట్టి పం
చాంగముఁ జేతఁ బట్టుకొని యాడిరి పాడిరి పండితోత్తముల్
గండూరి లక్ష్మినారాయణ గారూ,
తొలగించండిమీ పూరణ బాగున్నది. అభినందనలు.
భంగములేకనుండగనుభావితరాలకునెల్లవేళలన్
రిప్లయితొలగించండిరంగదభంగకాంతులవిరమ్యముగామరివిందుగొల్పగా
చెంగునగంతులేయుచునుసేదలుదీరగలోపునేభళా
యoగముజేతబట్టుకొనియాడిరిపాడిరిపండితోత్తముల్
సుబ్బారావు గారూ,
తొలగించండిమీ పూరణ బాగున్నది. అభినందనలు.
పొంగిన నుత్సాహంబున
రిప్లయితొలగించండిహంగులతో వీరభద్ర నారాధ్యులు సత్
సంగమ్మున ఖడ్గమ్మను
అంగమ్మును జేతబట్టి యాడిరివిబుధుల్.
2.క్రంగున మేఘమాలికలు గాలికిదేలుచు మెర్పుతీగ తే
లంగను,నూయలూగుచు ఫలాశయ మెంచకనీట నోట ను
ప్పొంగగ జల్లు గ్రక్కగనె ?పూ వడగళ్ళను మేఘమాలికా
అంగము జేతబట్టుకొని యాడిరి పాడిరి పండితోత్తముల్ .{వేడిదాడికిబాధాకరమున వానజల్లున వడగళ్ళు బడగసంతసాన}
ఈశ్వరప్ప గారూ,
తొలగించండిమీ రెండు పూరణలు బాగున్నా రెండవ పూరణలో కొంత అన్వయలోపం ఉన్నట్టుంది.
రంగారు భావమలరగ
రిప్లయితొలగించండిపొంగారెడు గావ్యపటిమ పుంభావమునం
దంగాంగంబుల నా వ్యా
సాంగమ్మును చేతబట్టి యాడిరి విబుధుల్!
శిష్ట్లా శర్మ గారూ,
తొలగించండిమీ పూరణ బాగున్నది. అభినందనలు.
రిప్లయితొలగించండిమంగళకార్యముల్ త్వరితమై జరిపింపగనూత్నవర్షమున్
సంగతులయ్యవారికడ చయ్యని చెప్పగ నేగిచూడ స
త్సంగములందుగాదిఫలితంబులగాంచి ప్రమోదమొంది పం
చాంగముఁ జేతఁ బట్టుకొని యాడిరి పాడిరి పండితోత్తముల్ ||
ప్రాంగణమున్ సమ్మిళితు ల
భంగముహూర్తములగాంచి బహుసంతుష్టుల్
సంగతిఁ నుడువగఁ జని పం
చాంగమ్మునుఁ జేతఁ బట్టి యాడిరి విబుధుల్ ||
డా. మాడుగుల అనిల్ కుమార్ గారూ,
తొలగించండిమీ రెండు పూరణలు బాగున్నవి. అభినందనలు.
(నిన్నటి అష్టావధానానికి రావాలని ఎంతగానో అనుకున్నా.. కాని అప్పటికే రెండు రోజుల ప్రయాణం అస్వస్థతకు కారణం కాగా రాలేకపోయాను. మన్నించండి!)
ఆర్య! అనేక నమస్కారములు. మీ రాకకై వేచి చూశాను. శ్రీ రాంభట్ల పార్వతీశ్వర శర్మ గారు మీ అనారోగ్య విషయం తెలియజేశారు. మరొకమారు అవకాశం చేసుకొని కలువగలము. ధన్యవాదములు.
తొలగించండిసంగమము జరుగు తావుల
రిప్లయితొలగించండిమంగళకార్యములు జరుప మహనీయముగన్
హంగుగ నుండుననుచు పం
చాంగమ్మును జేత బట్టి యాడిరి విబుధుల్!!!
శైలజ గారూ,
తొలగించండిమీ పూరణ బాగున్నది. అభినందనలు.
హంగుగ నుగాది కిన్ను
రిప్లయితొలగించండిప్పొంగగ పంచాంగ శ్రవణముత్సాహంబున్
ప్రాంగణమున్ జేరగ పం
చాంగమ్మును జేత బట్టి యాడిరి విబుధుల్.
పిన్నక నాగేశ్వర రావు గారూ,
తొలగించండిమీ పూరణ బాగున్నది. అభినందనలు.
ఈ కామెంట్‌ను రచయిత తీసివేశారు.
రిప్లయితొలగించండిమిత్రులందఱకు నమస్సులు!
రిప్లయితొలగించండి[హంసవలె స్వచ్ఛమైనది, యష్టాదశ వర్ణనలచే నలరునది యగు సత్కావ్యమునుం బఠించుటకుఁ బండితులు, షడంగములలో నొకటైన వ్యాకరణమును చేఁతఁబట్టుకొని (=గ్రహించి) చదువుచు నాడిపాడిరి (= గ్రంథములోని లక్షణము సరియైనదా లేదా యనే తర్కవితర్కాలతో నాడుకున్నారు) అని యాశయము]
గాంగతరంగరంగదభిగాహితనిర్మలరాజహంసికిన్
సంగత గౌణ వర్ణ ఘన సన్నిభ, వర్ణ్య నవద్వయాఖ్య నూ
నంగ వెలుంగు కావ్యమును నంది పఠింపఁగ షడ్విధోక్త వే
దాంగముఁ జేఁతఁ బట్టుకొని యాడిరి పాడిరి పండితోత్తముల్!
స్వస్తి
తృతీయ పాదమున నఖండయతి రావలదనుకొన్నచో...
తొలగించండిగాంగతరంగరంగదభిగాహితనిర్మలరాజహంసికిన్
సంగతగౌణవర్ణఘనసన్నిభ, వర్ణ్యనవద్వయాఖ్యతో
నింగిని వెల్గు కావ్యమున నేర్పుఁ బఠింపఁగ షడ్విధోక్త వే
దాంగముఁ జేఁతఁ బట్టుకొని యాడిరి పాడిరి పండితోత్తముల్!
>>...నేర్పు గ్రహింపఁగ...అని పఠించగలరు.
తొలగించండిగుండు మధుసూదన్ గారూ,
తొలగించండిమీ పూరణ అద్భుతంగా ఉంది. అభినందనలు.
కవిపుంగవులు మధుసూదన్ గారు మీ మొదటి పాఠశైలియే సుందరముగా నున్నది.పండితోత్తముల యంతరగానికి తగిన పూరణ నిచ్చారు. ...రాజహంసస/త్సంగత... అనిన నెట్లుండును?
తొలగించండిగౌణ మనగ నప్రధానమని కదా. ఇక్కడ అన్వయము వివరించ గోర్తాను.
సుకవి మిత్రులు చక్కగా సెలవిచ్చారు. మీరన్నట్లుగా గౌణ మనగ నముఖ్యమని యర్థమున్నను...(లేక) గుణసంబంధమైనది అనే అర్థమున్నను...
తొలగించండి"గుణేభ్యో భవః గౌణః" గుణములు అనగా అవయవముల వలన - వ్యుత్పత్తిద్వారా సంభవించిన అర్థము గౌణార్థము.
లోకవ్యవహారసిద్ధమై రూఢమై యున్న అర్థము ముఖ్యార్థము. పంకజమునకు పద్మము అను నర్థమువలె.
ఇవి కావ్యమున కోకొల్లలుగా కనిపిస్తాయి. అలాంటి కావ్యాన్ని లక్షణబద్ధంగా విశ్లేషించడానికి పండితులు పూనుకున్నారు...అంటూ...నేను నా పూరణను కొనసాగించాను.
సూక్ష్మంగా పరిశీలించి, ఒక మంచి చర్చకు తావిచ్చినందులకు కృతజ్ఞుడను. నేనేమైన పొరపడి వుంటే మన్నించి తెలుపగలరు. సరిదిద్దుకొనగలను.
వినమ్రాంజలులతో...
భవదీయుడు
గుండు మధుసూదన్
ధన్యవాదాలండీ శంకరయ్య గారూ!
తొలగించండిఅర్థవిశేషమును తెలుసుకోవాలన్న కుతూహలముతోనే యడిగితిని. మీ చక్కటి వివరణకు ధన్యవాదములండి.
తొలగించండిధన్యవాదాలండీ కామేశ్వర రావు గారూ!
తొలగించండిడా.పిట్టా
రిప్లయితొలగించండి"రంగము మీది పద్యములు వ్రాయుడి గూర్చి విమర్శనావళిన్
భంగము జేయకుండగను బ్రాకుడి యచ్చు ప్రభుత్వ పూచి వే
ఖంగు తినంగ చంధమును గావగనౌ"నను భారతీయ రా
జ్యాంగము జేత బట్టుకొని యాడిరి పాడిరి పండితోత్తముల్!!
భంగమయెన్ వేదార్థము
లంగమ్ములు దాన మోది యారడి గని వే
మంగళములనరయగపం
చాంగమ్మునుచేత బట్టి యాడిరి విబుధుల్!!
డా.పిట్టా
పిట్టా సత్యనారాయణ గారూ,
తొలగించండిమీ రెండు పూరణలు బాగున్నవి. అభినందనలు.
దొంగతనమ్ము దాచుకొన దోపిడి కెద్ది ముహూర్త మంచనన్
రిప్లయితొలగించండిసంగరమందు గెల్వదగు చక్కనిదౌ క్షణ కాలమే దనన్
గంగను చెత్త నూడ్చుటకు కాలమ దేది శుభమ్మనంగ పం
చాంగముఁ జేతఁ బట్టుకొని యాడిరి పాడిరి పండితోత్తముల్
భాగవతుల కృష్ణారావు గారూ,
తొలగించండిమీ పూరణ బాగున్నది. అభినందనలు.
పొంగగ భావఝరి ప్ర
రిప్లయితొలగించండిత్యంగమ్మును జేతబట్టి యాడిరి విబుధుల్
సంగమశృతిలో హృదయము
శృంగాకృతిసంతసాల శ్రీలను కలపన్
చేపూరి శ్రీరామ్ గారూ,
తొలగించండిమీ పూరణ బాగున్నది. అభినందనలు.
మొదటి పాదంలో గణదోషం. 'పొంగగ భావఝరులు ప్ర...' అనండి.
రంగముపై శివరాత్రిని
రిప్లయితొలగించండిజంగమదేవరలవోలె శంకర యనుచున్
లింగని రూపము స్పటిక శు
భాంగమ్మునుఁ జేతఁ బట్టి యాడిరి విబుధుల్.
గోలి హనుమచ్ఛాస్త్రి గారూ,
తొలగించండిమీ పూరణ బాగున్నది. అభినందనలు.
ఆర్యా
రిప్లయితొలగించండి"చంధస్సు"లోని స.కారం తప్పింది.ఛం దముగా నైతే,అభిప్రాయము,అనే అర్థం పొసగును.
తి.తి.దే.వా,రిచ్చిన మ.మహోపాధ్యాయ సముద్రాల లక్ష్మణయ్య గారి "మళయాళ స్వామి వారి చరిత్ర"కు ఆంగ్లానువాదం పూర్తి జేసి పంపినాను డా.పిట్టా
హంగులు లేక చందురుడు హాయిగ నెన్నికలుగ్గడించగా
రిప్లయితొలగించండికంగరు తోడ కాంగ్రెసులు గమ్మున పిల్వగ పండితుండ్లనున్
బంగరు టుంగరమ్ములను వందలు కోరుచు వారివారి పం
చాంగముఁ జేతఁ బట్టుకొని యాడిరి పాడిరి పండితోత్తముల్
ఈ కామెంట్‌ను రచయిత తీసివేశారు.
రిప్లయితొలగించండి