కవిమిత్రులారా,
ఈరోజు పూరించవలసిన సమస్య ఇది...
"కవి యనఁ జులుకనగ నయ్యె కలికాలమునన్"
ఈరోజు పూరించవలసిన సమస్య ఇది...
"కవి యనఁ జులుకనగ నయ్యె కలికాలమునన్"
లేదా...
"కవి యన్నన్ గలికాలమందుఁ గడు చుల్కం జూతురే యెల్లరున్"
"కవి యన్నన్ గలికాలమందుఁ గడు చుల్కం జూతురే యెల్లరున్"
ఈ సమస్యను పంపిన గుఱ్ఱం జనార్దన రావు గారికి ధన్యవాదాలు.
క్రొవ్విడి వెంకట రాజారావు:
రిప్లయితొలగించండిచవిగొను విధమున పదములు
ఠవణించక కవితలల్లు డాబుల కవులే
భువినంతను నల్లుకొనగ
కవియన జులుకనగ నయ్యె కలికాలమునన్.
(ఠవణించక = కూర్చక )
హవణిక నెంచక నిచ్చలు
పవిదిని వదలిన పదముల పరితాపముతో
నవనిని కవితలు గూర్చెడి
కవియన జులుకనగ నయ్యె కలికాలమునన్.
(పరితాపము = చలనము/కంపము)
క్రొవ్విడి వెంకట రాజారావు గారూ,
తొలగించండిమీ రెండు పూరణలు బాగున్నవి. అభినందనలు.
క్రొవ్విడి వెంకట రాజారావు:
రిప్లయితొలగించండిగురువుగారూ! నమస్కారములు. నిన్నటి పూరణలలో దొర్లిన దోషాలను నా తెలివి మేరకు సంస్కరించినాను. దయతో పరిశీలించ గలరు.
ధీరుడు దాపున నుండుచు
బీరము నొఱపును తెలుపుచు పెంపును జూపన్
మీరిన తేకువ గూడుచు
భీరుడు పోరాడె మిగుల భీభత్సముగన్.
పోరాటమ్మున భీతిజెందు నతనిన్ బూనించంగా దల్చుచున్
ధీరుండొక్కడు జెంతజేరి కదనోత్సేకంబున్ గల్పించునౌ
బీరంగూడెడి బల్కులెంచి నొఱపున్ బేర్కొన్నంతన్ విన్ననా
భీరుండాహవమందు బోరె గదరా భీభత్సమ్ముగొల్పుచున్.
రాజారావు గారూ,
తొలగించండిసంతోషం!
రెండవ పూరణ మూడు పాదాల్లో గణదోషం. '..బూనించగా... కదనోత్సేకంబు గల్పించు... బేర్కొన్ననే...' అనండి.
గురువుగారూ! నమస్కారములు పొరబాటుగా దొర్లిన తప్పులను సరిజేసినందులకు కృతజ్ణతలు
తొలగించండి
రిప్లయితొలగించండిసువిశాల భావముల నె
ల్ల వివిధ ఛందస్సులలర లక్షణము గనన్
కవనపు మధురిమ గాంచెడు
కవి యనఁ జులుకనగ నయ్యె కలికాలమునన్
జిలేబి
జిలేబీ గారూ,
తొలగించండిమీ పూరణ బాగున్నది. అభినందనలు.
కవులు గతమున దేశపు
రిప్లయితొలగించండిభవితను తా తీర్చిదిద్ది బాధ్యత తోడన్
చవిచూచిరి గౌరవమును
కవియన చులకనయ్యె కలికాలమునన్
అన్నపరెడ్డి సత్యనారాయణ రెడ్డి గారూ,
తొలగించండిమీ పూరణ బాగున్నది. అభినందనలు.
మొదటి పాదంలో గణదోషం. 'కవులు గతమ్మున దేశపు' అనండి.
P.Satyanarayana
రిప్లయితొలగించండిభువినిన్ సంపదలన్న మోజు జుమి సద్భోగాళియే పూజ స
త్కవనంబెచ్చట? సంప్రదాయపు కవుల్ గావించు సాహిత్యపుం
రవముల్ యీ బధిరాళి కెక్కవు చెవిన్ రావింక సద్భావనల్
కవియన్నన్ గలికాలమందు గడు చుల్కం జూతురే యెల్లరున్
P.SatyanarYana
ఛవినెంచని యంధుని వలె
కవనంబులు వచన గేయ కలితంబవగా
ఠవ ఠవ గడగిరి గజిబిజి
కవియన జలుకనగ నయ్యె కలికాలమునన్
P.Satyanarayana
పిట్టా సత్యనారాయణ గారూ,
తొలగించండిమీ రెండు పూరణలు బాగున్నవి. అభినందనలు.
'సాహిత్యపున్ రవముల్..' అనండి. అక్కడ అనుస్వారం రాదు.
ఆర్యా!
రిప్లయితొలగించండినిన్నటి సమస్యకు నా పూరణము
పరిశీలించ ప్రార్ధన.
ధీరుడు కిరీటి యనియున్
భీరువుగా మారిపోవ వెన్నుడు గీతా
సారము బోధించగ గం
భీరుడు పోరాడె మిగుల భీభత్సముగన్.
పిన్నక నాగేశ్వర రావు గారూ,
తొలగించండిమీ పూరణ బాగున్నది. అభినందనలు.
ఛవినొసగు రచన లున్నను
రిప్లయితొలగించండికవనంబనగా నదియొక కాలక్షేపం
బవుగాదె నేటి జగమున
కవి యన జులకనగ నయ్యె కలి కాలమునన్!
శిష్ట్లా శర్మ గారూ,
తొలగించండిమీ పూరణ బాగున్నది. అభినందనలు.
కం.అవగాహన లేకున్నను
రిప్లయితొలగించండికవితల నల్లంగ బూను గడుసు కుకవులే
భువిలో నెక్కుడు కాగా
కవియన జులుకనగ నయ్యె కలికాలమునన్.
గుఱ్ఱం జనార్దన రావు గారూ,
తొలగించండిమీ పూరణ బాగున్నది. అభినందనలు.
ఎవరది చెప్పిన తప్పే
రిప్లయితొలగించండికవియన జులుకనగ నయ్యె కలికాలమునన్
నవ భావనల సమాజము
కవి వ్రాతల మేలుబొంద గౌరవ మొందున్
చేపూరి శ్రీరామారావు గారూ,
తొలగించండిమీ పూరణ బాగున్నది. అభినందనలు.
కవితలు జదువగ మరిమన
రిప్లయితొలగించండికవి యించుక మదినిజేరి యర్థముగావే
కవి 'తల ' నొప్పెందుకనుచు
కవి యనఁ జులుకనగ నయ్యె కలికాలమునన్.
గోలి హనుమచ్ఛాస్త్రి గారూ,
తొలగించండిమీ పూరణ బాగున్నది. అభినందనలు.
నవభావంబులు సుంతలేక గణముల్నానార్థముల్జూడకే
రిప్లయితొలగించండికవనంబంచును జ్ఞాన శూన్యుడయి ధిక్కారంపు తత్త్వంబుతో
రవియన్మిత్రుడు సంచరింపగను విభ్రాంతితోనూగుచున్నా
కవియన్నంగలికాలమందు గడుచుల్కంజూతురే యెల్లరున్.
చవిలేని పదములుంచుచు
నవరస సద్భావశైలి నాణెములేకం
గవనముజేయు విరసుడే
కవియన జులుకనగ నయ్యె కలికాలమునన్..
పొన్నెకంటి సూర్యనారాయణ గారూ,
తొలగించండిమీ రెండు పూరణలు బాగున్నవి. అభినందనలు.
మొదటి పూరణ మూడవ పాదంలో గణదోషం. 'విభ్రాంతిన్ జరింపంగ నా। కవి యన్నం..' అందామా?
నమస్కారములు. మీ సూచనకు ధన్యవాదములు.
తొలగించండినమస్కారములు. మీ సూచనకు ధన్యవాదములు.
తొలగించండిమ.అవలోకింపగ నెన్నడైన గవులే యజ్ఞాత మైయుండి యీ
రిప్లయితొలగించండిభువిలో జక్కని శాసనమ్ములను బల్పుట్టించగా నేర్పరుల్
అవివేకుల్ చెలరేగి పోయి కవితల్లల్లంగ బూనంగనే
"కవి యన్నన్ గలికాలమందుఁ గడు చుల్కం జూతురే యెల్లరున్"
"Poets are unofficial legislators"-Philosophrs"
(కవులనధికార శాసన కర్తలు" {తత్వవేత్తలు}
అన్న నానుడి ఆధారంగా.)
గుఱ్ఱం జనార్దన రావు గారూ,
తొలగించండిమీ పూరణ బాగున్నది. అభినందనలు.
'కవితల్+అల్లంగ=కవిత లల్లంగ' అనే అవుతుంది. అక్కడ 'కవనం బల్లంగ...' అనండి.
ధన్యవాదాలు! సవరించుకుంటాను.
తొలగించండిభువిఁ దనశిష్యునిఁ బ్రోచెడు
రిప్లయితొలగించండియవసరమున కన్నుబోయెనాచార్యునకు
న్నవహేళనఁ గావింతురు
కవి యనఁ జులుకనగ నయ్యె కలికాలమునన్ ||
స్తవనీయుండగు వామనుండు బలితో దానమ్ము యాచింపగం
బ్రవహింపంగ కమండలోదకము దానంబిచ్చె దైత్యేంద్రుడు
న్నవరోధించగఁ గన్నుపోవు తడవన్నాచార్యుడేకాక్షియౌ
కవి యన్నన్ గలికాలమందుఁ గడు చుల్కం జూతురే యెల్లరున్ ||
కవి = శుక్రాచార్యుడు.
డా. మాడుగుల అనిల్ కుమార్ గారూ,
తొలగించండిశుక్రాచార్యుని వృత్తాంతంతో మీ రెండు పూరణలు చక్కగా ఉన్నాయి. అభినందనలు.
గు రు మూ ర్తి ఆ చా రి
రిప్లయితొలగించండి,,,,,,,,,,,,,,,,,,,,,,,,,,,,,,,
నవసెన్ సాహితి | శూన్యమయ్యె జన
…………… స౦ఘ౦ బ౦దునన్ బద్య స
త్కవనాసక్తియె | లేదు పాఠ్యముల
……………… నా౦ధ్ర౦బే - కళాశాలలన్ |
అవురా ! యా౦ధ్ర మదెల్ల గ్రా మ్య ప ద
……… ధూ ళ్యా చ్ఛా ది త౦ బయ్యె పో !
చవుకన్ బారె పురాణ గ్ర౦ధ పఠనోత్సాహ౦బు |
……………………… హా ! దుర్విధీ !
కవి యన్నన్ గలికాల మ౦దు గడు చుల్క౦
………… జూతురే యెల్లరున్ ! !
{ చవుక = అగ్గువ , అనాదర భావము ;
చవుక పడు = చవుక బారు = సన్నగిల్లు ; }
గురుమూర్తి ఆచారి గారూ,
తొలగించండిమీ పూరణ బాగున్నది. అభినందనలు.
మొదటి పాదంలో (న-ంఘ) యతి తప్పింది. 'జనబృందం బందునన్...' అనండి.
కవనంబెప్పుడు సాంఘికంపు ఘనసంస్కారంబు గోరన్వలెం
రిప్లయితొలగించండిగవనంబెప్పుడు ఖడ్గమైమెరసి దుఃఖార్తున్ మనోధైర్యమున్
భువనంబందున నిల్పగాదగును సమ్మోదంబది యీని యా
కవియన్నంగలికాలమందు గడుజుల్కంజూతురే యెల్లరున్.
పొన్నెకంటి వారూ,
తొలగించండిమీ పూరణ బాగున్నది. అభినందనలు.
మూడవ పాదంలో గణదోషం. 'సమ్మోదంబు గానట్టి యా' అందామా?
నమస్కారములు. మీ సూచనకు ధన్యవాదములు.
తొలగించండిసూర్యనారాయణ గారూ,
రిప్లయితొలగించండిధన్యవాదాలు. ఆ పూరణను తొలగించాను.
కవితా మాధురినారగించ ప్రభువుల్ కావ్యమ్ము లబ్బెన్ భువిన్
రిప్లయితొలగించండిభవితన్ తీర్చిరి పండితోత్తములు సత్భావమ్ముతో పూర్వమున్
నవనేతల్ కడ దాశ్యమున్ సలుపుచున్ నాణ్యమ్ము లోపించుటన్
కవియన్నన్ గలికాలమందుఁ గడు చుల్కం జూతురే యెల్లరున్
అన్నపరెడ్డి సత్యనారాయణ రెడ్డి గారూ,
తొలగించండిమీ పూరణ బాగున్నది. అభినందనలు.
'సద్భావంబు, దాస్యమున్..' టైపాట్లు..
మీకు సూచించినందుకు క్షమార్హుడను.
రిప్లయితొలగించండిసంతోషకరమైన పని చేశారు. దానివల్లనే కదా నా తప్పు తెలుసుకున్నాను. క్షమించమని అడగవలసిన పనే లేదు. ఎవరికైనా పొరపాట్లు సహజం!
తొలగించండిచవులూరని పదములతో
రిప్లయితొలగించండిసవురగు భావమ్ములేక స్పష్టత గరువై
కవనపు నియమము దెలియని
కవియన జులుకనగ నయ్యె కలికాలమునన్!!!
శైలజ గారూ,
తొలగించండిమీ పూరణ బాగున్నది. అభినందనలు.
ఈ కామెంట్‌ను రచయిత తీసివేశారు.
రిప్లయితొలగించండిభువి నుతి కెక్కిన కవి పుం
తొలగించండిగవు లెల్లరు మెచ్చి నట్టి ఘనపుఁ దెనుగు తే
ట పలుకు తేనియలు జనుల
కవి యనఁ జులుకనగ నయ్యె కలికాలమునన్
[జనులకు+అవి = జనులకవి]
అవినీతీతర కార్య నిర్వహణ సాహాయ్యేద్ధ వృత్తమ్మునున్
దివిజారాధన ధర్మవర్తనము సందేహమ్ము వర్జింపు మె
ట్టి విపత్కాలము నందు నైన నవి పాటింపంగ రాకున్న వీ
కవియన్నం గలికాలమందుఁ గడుఁ జుల్కం జూతురే యెల్లరున్
[వీకు+అవియు+అన్నన్ = వీకవియన్నన్; వీకు = ఉన్నతి; అవియు = చెడు, నశించు]
పోచిరాజు కామేశ్వర రావు గారూ,
తొలగించండివైవిధ్యమైన మీ రెండు పూరణలు ప్రశస్తంగా ఉన్నవి. అభినందనలు.
'అవియు+అన్నన్= అవియు నన్నన్' అవుతుందేమో అని సందేహం.
పూజ్యులు శంకరయ్య గారికి వందనములు. ధన్యవాదములు.
తొలగించండి“అవియును” లో దృతము లోపింపగా నుత్వ సంధిగా తలచితిని. చాలా సేపాలోచించాను వ్రాసే ముందు. కానీ పలుకుట యిబ్బందిగానే యున్నది.
అవియు తద్ధర్మార్థమే కానీ ఇక్కడ విశేషణము కాదు కదా. అన్నన్ "అనిన" యర్థములో క్రియాపదమునకు కూడా విశేషణము గాదు కద ను గాగమమగుటకు.
“నెట్టిన చక్రము కదులనిన”, “నెట్టిన చక్రము కదులుననిన”, వీటిని యుదాహరణముగా తీసుకొన వీలగునేమో పరిశీలించగోర్తాను.
శ్రీ కామేశ్వర రావు గారి కంద పద్యము మూడవ పాదంలో ప్రాస సరి జూస్తారా?
తొలగించండిజనార్దన రావు గారు ధన్యవాదములు. రెండవ సారి ప్రచురించినపుడు పొరపాటు జరిగింది.
తొలగించండిభువి నుతి కెక్కిన కవి పుం
గవు లెల్లరు మెచ్చి నట్టి ఘనపుఁ దెనుగు తే
ట వలుకు తేనియలు జనుల
కవి యనఁ జులుకనగ నయ్యె కలికాలమునన్
పూజ్యులు శంకరయ్య గారికి వందనములు. సవరించిన పూరణ తిలకించ గోర్తాను.
తొలగించండిఇఁకాదులకుఁ దప్ప ద్రుతప్రకృతికములకు సంధి లేదు. అవియున్ ద్రుతప్రకృతికమగుటచే సంధిరాక “అవియు నన్నన్” సాధువని సవరించితిని.
అవినీతీతర కార్య నిర్వహణ సాహాయ్యేద్ధ వృత్తమ్మునున్
దివిజారాధన ధర్మవర్తనము సందేహమ్ము వర్జింపు మె
ట్టి విపత్కాలము నందు నైన నవి పాటింపంగ మేలౌను నీ
కవియన్నం గలికాలమందుఁ గడుఁ జుల్కం జూతురే యెల్లరున్
నవరస భరితపు కావ్యము
రిప్లయితొలగించండిలవలీలగ వ్రాయు చుండ నార్యులు మెచ్చ
న్నవ మానించుట కొందఱు
కవియన జులకన గనయ్యె కలికాలమునన్
సుబ్బారావు గారూ,
తొలగించండిమీ పూరణ బాగున్నది. అభినందనలు.
కలికాలమునన్
రిప్లయితొలగించండిపూరణ:కవులకు,యవధానులకు వి
భవ మొప్పగ సభలలోన బసదనము లిడన్
ప్రవచించుట పాడి గాదు
కవి యన జులుకనగ నయ్యె కలికాలమునన్
కెంబాయి తిమ్మాజీ రావు గారూ,
తొలగించండిమీ పూరణ బాగున్నది. అభినందనలు.
'కవులకు నవధానులకు' అనండి. మూడవ పాదం మూడవ గణం జగణ మయింది. 'పాడి యగునె' అనండి.
కువలయమందున కొందరు
రిప్లయితొలగించండికవియనజులక నయ్యె కలికాలమున
న్నెవరికి నర్థము కావీ
వివరములనుచుంద్రు గాదె విజ్ఞత లేకన్.
భువనమునందున కుకవులు
కవితలు చదవంగనేర కన్యాయముగా
సవరణల దెల్పుచు నందురు
కవియన జులకనగ నయ్యె కలికాలమునన్.
నవరసభరితము కావ్యము
భువనము నందున యనుచును బుధులును మెత్తుర్
కవనమెరుగక యందురు
కవి యనజులకనగ నయ్యె కలికాలమునన్
డా. బల్లూరి ఉమాదేవి గారూ,
తొలగించండిమీ మూడు పూరణలు బాగున్నవి.
మొదటి పూరణములో 'కువలయమున కొందరకును..' అంటే అన్వయం కుదురుతుంది.
రెండవ పూరణ మూడవ పాదంలో గణదోషం. 'సవరణల దెల్పుచుందురు' అనండి. (ఈ పద్యం నన్ను గురించి కాదు కదా!)
మూడవ పూరణలో 'భువనమునందున ననుచును' అనండి.
సవతుల పోరుగ సెల్ ఫోన్,
రిప్లయితొలగించండిఅవసరమగు టీవి మధ్య అలోచనలో
వివరణలే విసుగించగ?
కవియనగ జులకనగనయ్యె కలికాలమునన్.
2. నవనీతంబునవాసనల్ నిలువ నాజూకందు రానట్లుగా
కవితా శిల్పుల కల్పనా గతులసంకల్పంబులూహింతురా?
భవితవ్యంబుకు గానుపించదది|లోపంబేది లేకున్న?యా
కవియన్నన్ గలికాలమందు గడు చుల్కంజూతురే యెల్లరున్.
ఈశ్వరప్ప గారూ,
తొలగించండిమీ రెండు పూరణలు బాగున్నవి. అభినందనలు.
మిత్రులందఱకు నమస్సులు!
రిప్లయితొలగించండిచవి లేని వాక్యములచే
భవితను భ్రష్టమ్ము సేయు వచన కవులకున్
జవు లిడు పద్యము వ్రాసెడి
కవి యనఁ జులకనగ నయ్యెఁ గలికాలమునన్!
(2)
రిప్లయితొలగించండిభవితన్ దిద్దెడి నీతిపద్యములచే భద్రమ్ముగా బాలలన్;
సువిశాలమ్మగు భారతోర్వరను సంశోభాంచితోత్కీర్ణనున్;
జవులొల్కన్ దనియించు పద్య మెసఁగన్ సంధించి మెప్పించు స
త్కవి యన్నన్ గలికాలమందుఁ గడుఁ జుల్కం జూతురే యెల్లరున్?
గుండు మధుసూదన్ గారూ,
తొలగించండిమీ రెండు పూరణలు ప్రశస్తంగా ఉన్నవి. అభినందనలు.
ఈ కామెంట్‌ను రచయిత తీసివేశారు.
రిప్లయితొలగించండికవివరులు తెనుగు పద్దెము
రిప్లయితొలగించండిల వఱద పారించి రిచట, లయ సాధనతో!
కవనపు రుచి నెఱుగని మీ
కవి యన జులకనగ నయ్యె కలికాలమునన్!
(లయ సాధనతో అంటే ఛందో బద్ధంగా అని భావించాను)
(మీకు +అవి = మీకవి)
శ్రీధర రావు గారూ,
తొలగించండిమీ పూరణ బాగున్నది. అభినందనలు.
చవిగొన జాలక కవనము
రిప్లయితొలగించండికవులెల్లరు పనియె లేని గజ సోమరుల
న్నవివేకపు తలపులతో
కవి యనఁ జులుకనగ నయ్యె కలికాలమునన్
గుండా వేంకట సుబ్బ సహదేవుడు గారూ,
తొలగించండిమీ పూరణ బాగున్నది. అభినందనలు.
సువిశాలంబగు దేశమందు నభమున్ చుంభించు లంచంబులన్,
రిప్లయితొలగించండిభువిలో నిత్యము జర్గుచున్నఘనమౌ భూకుంభ కోణంబులన్,
పవలే చేసెడి క్రూర హింస గవి తా పర్కించియున్ వ్రాయు నా
కవి యన్నన్ గలికాలమందుఁ గడు చుల్కం జూతురే యెల్లరున్
గండూరి లక్ష్మినారాయణ గారూ,
తొలగించండిమీ పూరణ బాగున్నది. అభినందనలు.
'పర్కించి'..?
నవ చైతన్యముతో వై
రిప్లయితొలగించండిభవమొన గూర్చు కవితలను ప్రజకందీయ
న్నవగతము గాక నగుదురు
కవి యనఁ జులుకనగ నయ్యె కలికాలమునన్
భాగవతుల కృష్ణారావు గారూ,
తొలగించండిమీ పూరణ బాగున్నది. అభినందనలు.
భువిలో మేటి కవీంద్రులమ్మనుచునే పుంఖానుపుంఖాలుగా
రిప్లయితొలగించండికవనమ్ముల్ రచియించినన్ గనగ సత్కావ్యమ్ములే శూన్యమై
జవసత్త్వమ్ములు లేని కావ్యములతో జాగర్యమొందింపనీ
కవి యన్నన్ గలికాలమందుఁ గడు చుల్కం జూతురే యెల్లరున్
నవతర మంచును జాతిని
యవమానించెడు కవితల నల్లెడు వారి
న్నవని జనులు మన్నింపరు
కవి యనఁ జులుకనగ నయ్యె కలికాలమునన్
విరించి గారూ,
తొలగించండిమీ రెండు పూరణలు బాగున్నవి. అభినందనలు.
'జాతిని। నవమానించెడు...' అనండి.
ఎంత మాట అన్నయ్యగారూ.
రిప్లయితొలగించండిఈ కామెంట్‌ను రచయిత తీసివేశారు.
రిప్లయితొలగించండికవితల్ దెచ్చునె మైక్రొసాఫ్టునను బంగారంటి యుద్యోగమున్?
రిప్లయితొలగించండికవితల్ దెచ్చునె రాజకీయమున కూకట్ పల్లి టిక్కెట్టునున్?
చవటల్ వ్రాయరె కావ్యముల్ విరివి వాచాలత్వ మొప్పారగా!
కవి యన్నన్ గలికాలమందుఁ గడు చుల్కం జూతురే యెల్లరున్.