సిలికానాంధ్ర వారి సుజనరంజని పత్రికలో నా దత్తపది పూరణ.... దత్తపది: పివి(పీవీ), సింధు, సాక్షి, మాలిక్ పదాలను అన్యార్ధములతో వాడుతూ ఒలింపిక్ క్రీడలను వర్ణించాలి.
చూపి వివిధ క్రీడా ప్రతిభా పటిమను ప్రేక్షక జన సింధువు ఘోష పెచ్చరిలగ సకల క్రీడాభిమానమే సాక్షి కాగ విజయమాలికా ధారణ వేడ్క నొసఁగు.
బాగున్నది గురువు గారు. నేను కూడా వ్రాసినాను. నా ప్రియ మిత్రులొకరు ఉపజాతులలో 4 పాదాలుంటేనే పద్ధతి అని చెప్పారు. మార్చి వృత్తము వ్రాస్తామనుకున్నాను కాని సమయము కుదరలేదు. అదే వుండిపోయింది.
కవి మిత్రులకు విన్నపం ! "శంకరాభరణం' హోం పేజీ లోని "వర్గాలు" శీర్షిక క్రింద " నా కవిత" అనే ఉప శీర్షిక క్రింద శ్రీ కంది శంకరయ్య గారు రచించిన పద్య కవితలు చదవమని మనవి. చక్కగా ఆస్వాదించుటకు అనువైనవే గాక పద్య రచన చేయు వారికి బాగా ఉపయుక్తమని నా భావన. --గుఱ్ఱం జనార్దన రావు.
కవిమిత్రులకు మనవి... రేపు రాజమండ్రిలో తాతా సందీప్ శర్మ గారి పుస్తకావిష్కరణకు వెళ్ళాలని మధ్యాహ్నం నుంచే ఏర్పాట్లలో ఉండి సాయంత్రం స్టేషనుకు చేరుకున్నాను. టికెట్టు తీసుకొని రైలు కోసం నిరీక్షించాను. ఒకదాని తర్వాత ఒకటిగా రైళ్ళు విపరీతమైన (పండుగ) రద్దీతో నిండి కాలు పెట్టే అవకాశం లేకుండా ఉన్నాయి. వరంగల్లు నుండి రాజమండ్రిదాకా నిల్చొని ప్రయాణం చేసే ఓపిక లేదు. అందువల్ల టికెట్టు తిరిగి ఇచ్చేసి బస్టాండు చేరుకున్నాను. విజయవాడ బస్సు కిటకిటలాడుతున్నది. ఇక లాభం లేదనుకొని తిరుగుముఖం పట్టి ఇప్పుదే ఇల్లు చేరాను. రాజమండ్రిలో మిస్సన్న గారు కలుస్తారనుకున్నాను. గతమాసం వెళ్ళినప్పుడు 'గౌతమీ గ్రంధాలయం' చూడలేకపోయాను. ఈసారైనా చూడాలి అనుకున్నాను. దురదృష్టవంతుణ్ణి! ఈకారణంగా ఈ మధ్యాహ్నం నుండి మీ పూరణలను సమీక్షించలేకపోయాను. ఇప్పడు కూడా అలసిపోయి ఉన్నాను. రేపు ఉదయం చూసి స్పందిస్తాను. మన్నించండి.
వనమున జంతుజాలముల పాలిటనేలిక వాహనమ్మునై
రిప్లయితొలగించండివనమునఁబుట్టు పుష్పపు నిభమ్ముగనై వదనమ్ము వెల్గ జీ
వనముగఁ బ్రాణికోటికి శుభమ్మగు బోనమునిచ్చుతల్లి పా
వనమగు దుర్గ తొమ్మిది క్షపమ్ముల పూజలనంది బ్రోచెడున్ ||
క్షపా = రాత్రి
డా. మాడుగుల అనిల్ కుమార్ గారూ,
తొలగించండిమీ పూరణ ప్రశస్తంగా, కవిమిత్రులకు మార్గదర్శకంగా ఉంది. అభినందనలు.
క్రొవ్విడి వెంకట రాజారావు:
రిప్లయితొలగించండివనమున గుడిలో నుండి భు
వనము నరయుచు శుభమిడు పాత్రిని సరి జీ
వనమును గోరగ నే పా
వనముగ నవరాత్రులందు వందించితిగా.
(పాత్రి= గౌరీదేవి/పార్వతి)
క్రొవ్విడి వేంకట రాజారావు గారూ,
తొలగించండిమీ పూరణ బాగున్నది. అభినందనలు.
రెండవ పాదంలో గణదోషం. 'వనము నరయుచును శుభమిడు/ వరము నరయుచు శుభమిచ్చు...' అనండి.
గురువుగారూ! నమస్కారములు . పొరబాటయినది . సరిజేసినందులకు కృతజ్ఞతలు.
తొలగించండి
రిప్లయితొలగించండివనముల మూలపుటమ్మ భు
వనముల కాపాడు తల్లి వమ్మ జనుల పా
వనముగ జూడుము నిత్తు హ
వనముగ నిట పాదములను వందన మిడుచూ
జిలేబి
జిలేబీ గారూ,
తొలగించండిమీ పూరణ బాగున్నది. అభినందనలు.
'వందన మిడుచున్' అనండి.
వనములలోని పుష్పములు భక్తిగ దెచ్చుచు గొల్చువారి జీ
రిప్లయితొలగించండివనమున సౌఖ్యసంపదలు వైభవవృద్ధులొనర్చుచుండి పా
వనమగు సద్యశంబులిడి పాలన జేసెడు తల్లి నాదు భా
వనమును శుద్ధి చేయునిది వాస్తవ మీనవరాత్రిదీక్షతోన్.
హ.వేం.స.నా.మూర్తి.
హరి వేంకట సత్యనారాయణ మూర్తి గారూ,
తొలగించండిచక్కని పూరణ చేశారు. అభినందనలు.
వనములు పలుగల భరతభు
రిప్లయితొలగించండివనమునవిహరించుతల్లి పార్వతి జనజీ
వనముల నవరాత్రులు పా
వనమొనరింపంగవచ్చె ప్రణతులనిడరే !!!
మంద పీతాంబర్ గారూ,
తొలగించండిమంచి పూరణ చేశారు. అభినందనలు.
వనమున పూసిన సుమములు
రిప్లయితొలగించండివనమున శోభించు నంట వనదేవతకై
వనమున సంతస మొంధుచు
వనమున తమతల్లి యొడిని పరవశ మొందున్
అక్కయ్యా,
తొలగించండిమీ పూరణ బాగున్నది. అభినందనలు.
వనమున సంపదయై పా
రిప్లయితొలగించండివనమున మా తోడగుచును భాసిలు హేలా
వనమున మేమిట నీ జీ
వనమును సాగింతు మమ్మ పార్వతి! దుర్గా!
శిష్ట్లా శర్మ గారూ,
తొలగించండిమీ పూరణ బాగున్నది. అభినందనలు.
సిలికానాంధ్ర వారి సుజనరంజని పత్రికలో నా దత్తపది పూరణ....
రిప్లయితొలగించండిదత్తపది: పివి(పీవీ), సింధు, సాక్షి, మాలిక్ పదాలను అన్యార్ధములతో వాడుతూ ఒలింపిక్ క్రీడలను వర్ణించాలి.
చూపి వివిధ క్రీడా ప్రతిభా పటిమను
ప్రేక్షక జన సింధువు ఘోష పెచ్చరిలగ
సకల క్రీడాభిమానమే సాక్షి కాగ
విజయమాలికా ధారణ వేడ్క నొసఁగు.
సుజనరంజని పత్రికలో నా దత్తపది పూరణ
మీ దత్తపది పూరణ వేడ్కనొసగినది మాష్టారు....ప్రణామాలు
తొలగించండిబాగున్నది గురువు గారు. నేను కూడా వ్రాసినాను. నా ప్రియ మిత్రులొకరు ఉపజాతులలో 4 పాదాలుంటేనే పద్ధతి అని చెప్పారు. మార్చి వృత్తము వ్రాస్తామనుకున్నాను కాని సమయము కుదరలేదు. అదే వుండిపోయింది.
తొలగించండిసారసాక్షి నియుద్ధపు సమరమందు
చెలగిసింధువై వరుసమ్రోయించెగంచు
బంతియాటలయందు పూబంతి యొకత
వెండివెలుగులు చిందుచు విహృతి సలిపె
భరత కీర్తి నిలిపి విశ్వ పటమునందు
విజయమాలిక లొందిరి వెలదులటుల
ఘనయొలంపిక్ చరిత నయగారమిదియె
సుమలత గారూ,
తొలగించండికేవలం విషమపాదాలున్న (కందం, ఆటవెలది వంటి) పద్యాలకే 4 పాదాల పరిమితి. తేటగీతి, సీసం, సమవృత్తాలకు ఎన్ని పాదాలైనా వ్రాయవచ్చు. మీరు వ్రాసింది తేటగీతిక. దోషం లేదు!
dhanyavaadamulu guruvu gaaru, samdEham tIrinadi.
తొలగించండివనమున విరులనొసంగి భు
రిప్లయితొలగించండివనముల గాచు బహుభుజకు వందనమిడి పా
వనముగ నవరాత్రుల జీ
వనమున సౌఖ్యముల గోరి ప్రార్థింతుమదిన్!!!
శైలజ గారూ,
తొలగించండిమీ పూరణ బాగున్నది. అభినందనలు.
వనముల బుట్టువు సుఖజీ
రిప్లయితొలగించండివనముల మూలము నమేయ వసుతతి కిరవున్
వనములదేలు దొరసతి, భు
వనముల నేలు వరలక్ష్మి పదముల గొలుతున్
అశ్వత్థ నారాయణ మూర్తి గారూ,
తొలగించండిమీ పూరణ బాగున్నది. అభినందనలు.
వనమున జేరి యచ్చటనె వాసము జేయగ నిశ్చయించి జీ
రిప్లయితొలగించండివనమున శాంతి సౌఖ్యములు వచ్చుటకై తప మాచరించి పా
వనముగ మానవాళికిని వాసి తప: ఫల మిచ్చుత !సుసే
వనమును జేయగన్ మనకు వాసవి యీ నవ రాత్రి వేళలన్.
***&&&***
"పాదాదిన" అనే నియమం మరచి పూరణ చేసినది"
***&&&***
శాంతి నిండు గాత ! సకలమౌ భువనము
జీవనమున హాయి చేరు గాత !
గౌరి యిచ్చు గాత ! కమనీయ కవనము
పావనముగ జగతి పరిఢవిల్ల !
వనమున వెలసిన గిరిజా !
రిప్లయితొలగించండివనమున నినుశుద్ది జేసి పలువిధములుగన్
వనమున గలిగెడు పూల భు
వనమునకే తల్లి యైన పావని !గొలుతున్
వనముల నుండి భక్తిమెయి వర్షములెన్నియొ భీకరాన-జీ
రిప్లయితొలగించండివనమునుజేయలేను సురవందితదివ్యకళామతల్లి -పా
వనమునుజేసికొంచు హృది భాసురలీలచెలంగు భావనా
వనమున విచ్చుకొన్నవిరి పాదములన్నవరాత్రులుంచెదన్.
వనములఁ దోగి శుచి యయి భ
రిప్లయితొలగించండివనమున నవరాత్రుల నిల భక్త జన ఘనా
వనమున మురియు భవాని భు
వనముల నేలెడి లలితను భద్రను గొలుతున్
[భవాని, లలిత, భద్ర లమ్మ వారి నామములు. ]
వనమున నిత్యము నీ భా
రిప్లయితొలగించండివనములు మదిలోన మెదల పరమేశ్వరి పా
వనమగు నీ సేవల జీ
వనమును చేయుచు ముదమున వరలుచు నుంటిన్
వనముల నుండి భక్తిమెయి వర్షములెన్నియొ భీకరాన-జీ
రిప్లయితొలగించండివనమునుజేయలేను సురవందితదివ్యకళామతల్లి -పా
వనమునుజేసికొంచు హృది భాసురలీలచెలంగు భావనా
వనమున విచ్చుకొన్నవిరి పాదములన్నవరాత్రులుంచెదన్.
ఈ కామెంట్‌ను రచయిత తీసివేశారు.
రిప్లయితొలగించండిఈ కామెంట్‌ను రచయిత తీసివేశారు.
తొలగించండివనమున బూయు పూలను సువాసిను లెల్లరు కూర్పుజేసి పా
తొలగించండివనమగు గౌరిరూపమున వాసిగగ పేర్చుచు నృత్య సేవతో
వనముగ కొల్చుచుందురిల పాటలబాడుచు నాడి వేడ్కతో
వనమున కంపుచుందురట భక్తిఁ శరన్నవరాత్రులందునన్
వనము=తోట
వనముగ=సమూహముగా
వనమున=జలమున
వనముగ సువాసినులిట భు
వనమ్ము లేలెడు జననిని బతుకమ్మను పా
వనమగు రూపము నందు కవనముల బాడుచు కొలుతురు భక్తిగ గనరే
వనము =సమూహము
వనమున నిష్ట తోడుతను పావనమైన తదీయనామ ని
రిప్లయితొలగించండిస్వనమును వల్లెవేసినను స్వాంతమునన్ నవరాత్రులందు జీ
వనమున మంచి యౌనుకద! భార్గవి మన్నన తోడ కాచ, సాం
త్వనము లభించు భక్తులకు ధారుణిలోనను నిశ్చయమ్ముగా
వనములు విరబూయును జీ
రిప్లయితొలగించండివనములు పులకించు దుర్గ పదములు సోకన్
వనములు పావనమౌ భా
వనములు విలసిల్లు దివ్య భార్గవి కృపతో.
ఈ కామెంట్‌ను రచయిత తీసివేశారు.
రిప్లయితొలగించండికవి మిత్రులకు విన్నపం ! "శంకరాభరణం' హోం పేజీ లోని "వర్గాలు" శీర్షిక క్రింద " నా కవిత" అనే ఉప శీర్షిక క్రింద శ్రీ కంది శంకరయ్య గారు రచించిన పద్య కవితలు చదవమని మనవి. చక్కగా ఆస్వాదించుటకు అనువైనవే గాక పద్య రచన చేయు వారికి బాగా ఉపయుక్తమని నా భావన.
రిప్లయితొలగించండి--గుఱ్ఱం జనార్దన రావు.
వనము వసంత లక్ష్మి|పరివారముగాచు ననంతశక్తి|భా
రిప్లయితొలగించండివనమును బంచుభారతి|సవాలుగ దుష్టుల జంపుకాళి|దీ
వనముగ తోడుగా విజయవాడన దుర్గనుపూజజేయ?జీ
వనమున సౌఖ్యమౌ దసర|భాగ్యమగున్ నవరాత్రు లంతటన్|
వనమందొంటరియై చరించుపసిపాపాయేడ్చునేరీతిఁ జీ
రిప్లయితొలగించండివనమంతామహిషాసురాజ్ఞ వశమై పాపాత్ముగానైతి సాం
త్వనమే బొందకనేడ్చుచుంటి జననీ! పాషండుఁమర్దించి ని
స్వనమై నామనమందునీవుఁగొలువై పాలింపవేయీశ్వరీ !
వనము, వహ్ని, వాయు వవనియు నీవె, జీ
రిప్లయితొలగించండివనము పొంగు నీ భువనము నీవ!
వనము నందు జిక్కు జనులను బ్రోచి పా
వనము చేయు దుర్గ! వందనమిదె!
P.Satyanarayana
రిప్లయితొలగించండివనమున దుర్గవై గృహపు వాకిట గౌరివి మట్టిబుట్టి పా
వనముగ వాడలో శివుని పత్నివి బంగరు పూల రాణి! జీ
వనమున నాటపాటల సభాస్థలి నీశ్వరి!తెల్గు బిడ్డ!యౌ
వనమును బాల్య వృద్ధ జతివై నవరాత్రుల వెల్గు శాంభవీ!!
P.Satyanarayan
వనములఁగాల్చివేయుదురు! వహ్నులఁదాచిరిపెట్టెలందు! పా
రిప్లయితొలగించండివనమునుపాఱవోయుదురు! వాయువులే విషతుల్యమైనవే! జీ
వనమికయెట్లు సాగవలెఁ? స్వార్థముఁబాపి మనుష్యజాతి సాం
త్వనమిడఁగొల్వుడీప్రకృతిఁ పాతకనాశిని వీక్ష్యరూపమున్!
వనమున పూచిన పూలు భు
రిప్లయితొలగించండివనమున వెలుగుచునె వాణి పదములబడి పా
వనమును పొందునటులె జీ
వనమున నవరాత్రి నంబ ప్రార్ధింత్రు జనుల్
వనమున్ శిరమున, గిరినే
రిప్లయితొలగించండివనముగ గలవాని మేనిఁ బఱగుచు విష సే
వనముఁ గొనినఁ బతి, జన జీ
వనమునకది మేలను సతిఁ బ్రణతుల గొలతున్
వనమున విచ్చి నట్టి 'గిరిబాలవు,శారద 'శుక్ల పాద్యమిన్,
రిప్లయితొలగించండివనముల సి0హ వాహనము పై మహిషాసురు గూల్తు వష్టమిన్
వనములదేవి దుర్గవయి, వాసిగ పూజలనంది మాదు జీ
వనముల బ్రోతు వమ్మ నవ వాసురలన్ నిను గొల్వ నివ్విధిన్
వనముగ మారె నా మనము వన్య మృగమ్ములు జేరె నారు యౌ
రిప్లయితొలగించండివనమను క్రొవ్వు పేరి యవి వాంఛల కొమ్ముల క్రుమ్ముచుండె జీ
వనమున శాంతి మృగ్యమయె భవ్య శరన్నవ రాత్రులన్ శ్రితా
వనమున మేటి తల్లి నిను ప్రార్థన జేతును రక్ష సేయవే.
వనముల సుమములు గొని పా
రిప్లయితొలగించండివనమగు పదములను గొల్చి భక్తుడు తమ జీ
వనమున సుఖముల గోరి భు
వనముల గాచు వరలక్ష్మి ప్రార్ధింత్రు మదిన్.
రెండవ పాదంలో..భక్తులు..అని చదువ ప్రార్ధన.
రిప్లయితొలగించండికవిమిత్రులకు మనవి...
రిప్లయితొలగించండిరేపు రాజమండ్రిలో తాతా సందీప్ శర్మ గారి పుస్తకావిష్కరణకు వెళ్ళాలని మధ్యాహ్నం నుంచే ఏర్పాట్లలో ఉండి సాయంత్రం స్టేషనుకు చేరుకున్నాను. టికెట్టు తీసుకొని రైలు కోసం నిరీక్షించాను. ఒకదాని తర్వాత ఒకటిగా రైళ్ళు విపరీతమైన (పండుగ) రద్దీతో నిండి కాలు పెట్టే అవకాశం లేకుండా ఉన్నాయి. వరంగల్లు నుండి రాజమండ్రిదాకా నిల్చొని ప్రయాణం చేసే ఓపిక లేదు. అందువల్ల టికెట్టు తిరిగి ఇచ్చేసి బస్టాండు చేరుకున్నాను. విజయవాడ బస్సు కిటకిటలాడుతున్నది. ఇక లాభం లేదనుకొని తిరుగుముఖం పట్టి ఇప్పుదే ఇల్లు చేరాను.
రాజమండ్రిలో మిస్సన్న గారు కలుస్తారనుకున్నాను. గతమాసం వెళ్ళినప్పుడు 'గౌతమీ గ్రంధాలయం' చూడలేకపోయాను. ఈసారైనా చూడాలి అనుకున్నాను. దురదృష్టవంతుణ్ణి!
ఈకారణంగా ఈ మధ్యాహ్నం నుండి మీ పూరణలను సమీక్షించలేకపోయాను. ఇప్పడు కూడా అలసిపోయి ఉన్నాను. రేపు ఉదయం చూసి స్పందిస్తాను.
మన్నించండి.
ఎలాగూ రాజమండ్రి తప్పిపోయింది కనుక రేపు సాయంత్రం విజయవాడ, సత్యనారాయణ పురంలో రాంభట్ల పార్వతీశ్వర శర్మ గారి అష్టావధానానికి వెళ్తున్నాను.
రిప్లయితొలగించండి