"ఆలము, కాలము, గాలము, మేలము"
పై పదాలను ఉపయోగించి వాతావరణ కాలుష్యంపై
మీకు నచ్చిన ఛందస్సులో పద్యం వ్రాయండి.
ఈ దత్తపదిని పంపిన
డా. యస్వీ. రాఘవేంద్రరావు (సుమశ్రీ) గారికి
ధన్యవాదాలు.
పై పదాలను ఉపయోగించి వాతావరణ కాలుష్యంపై
మీకు నచ్చిన ఛందస్సులో పద్యం వ్రాయండి.
ఈ దత్తపదిని పంపిన
డా. యస్వీ. రాఘవేంద్రరావు (సుమశ్రీ) గారికి
ధన్యవాదాలు.
అందరికీ వందనములు !
రిప్లయితొలగించండివాతావరణ కాలుష్యం నుండి కాపాడ బడాలంటే
అందరూ పూనికగొని చెట్లను పెంచడమే శరణ్యం !
01)
____________________________________________
మేలము గాదు,యీ జనులు - మేదిని మడ్డిని గప్పుచుండ, పో
గాలము దాపురిం , చవని;- కాలము లన్నియు తారుమారయెన్ !
నేలను కావగా మిగుల - నేర్పున జెట్లను బెంచగా వలెన్ !
ఆలము జేయగా వలయు - నందరు పాదప రక్షణార్థమై !
____________________________________________
నేడీ భూమ్మీద నేల కాలుష్యం ! నీరు కాలుష్యం ! గాలి కాలుష్యం !
రిప్లయితొలగించండిఋతువులు వాటి ధర్మాలే మరచి పోయేటంత కాలుష్యం !
రోజు రోజుకీ భూమి వేడెక్కి పోతోంది !
వర్షా కాలం వర్షాలు పడవు !
శీతా కాలం చలంటే తెలియదు !
మూడు కాలాల్లోనూ ప్రచండంగా భాను ప్రతాపమే !
నేలను , నీటిని , గాలిని పరిశుభ్రంగా నుంచ వలసిన ఆవశ్యకత
యెంతేని గలదు !
ముఖ్యంగా ప్రాణాధారమైన గాలిని కాపాడి , భూ తాపాన్ని తగ్గించాలంటే
అందరూ వృక్ష సంతతిని పెంపొందించేందుకు యుద్ధ ప్రాతిపదికన
నడుం కట్టాలి !
అంతే కాదు ప్రస్తుతం ఉన్నవాటిని పరి రక్షించుకోవాలి !
మేలము లాడకుమోయీ!
రిప్లయితొలగించండికాలము మారెననియు, చెడుఁ గాలము వచ్చెన్
ఆలము తగదిక నన-విన
వేల? తరువులెల్ల యెడల విరివిగ నిడుమా!
ఆలము- ఉపేక్ష
వివరంగా మరో పూరణ చేయుటకు ప్రయత్నించెదను.
వినరా ! వినరా ! నరుడా !
రిప్లయితొలగించండితెలుసు కోర - పామరుడా !
భూజాతను - నేనేరా !
నీ కాయువు - నిచ్చెదరా !||వినరా||
వేన వేల చెట్లు గొట్టి - నేలను పడ వేసెదరా ?
కర్రలుగా బొగ్గులుగా - మార్చి మార్చి కాల్చెదరా ?
మీరు నిలుచు కొమ్మను - మీ చేతులతో నరికెదరా ?
మీ యింటిని మీరందరు - తగల బెట్టు కొందురా ? ||వినరా||
మా యంతట మేము పెరిగి - పెద్ద చెట్ల మౌదు మోయ్
మీకెన్నో ఫలములనే - భక్షింపగ నిత్తు మోయ్
మీ రొదిలిన గాలి పీల్చి - ప్రాణ వాయు విడుదు మోయ్
మందులుగా మారి మీకు - ప్రాణంబుల నిడుదు మోయ్ ||వినరా||
మా పళ్ళే తిని మమ్ముల - నరుకుట యేం న్యాయ మోయ్
ఉపకారికి నపకారము - జేయుట యేం ధర్మ మోయ్
కాలుష్యము పెరిగి పెరిగి - మిమ్మే కబళించు నోయ్
మేమే లే కుండి నంత - మీరెట్లా యుందురోయ్ ||వినరా||
వినరా ! వినరా ! నరుడా !
రిప్లయితొలగించండితెలుసు కోర - పామరుడా !
భూజాతను - నేనేరా !
నీ కాయువు - నిచ్చెదరా !||వినరా||
1-1)
_______________________________________________
వాలము నాంజనేయు వలె - పంకము భూమిని హెచ్చు చున్నదోయ్ !
జాలము సేయకోయి నర - జన్మము సార్థక మొందు రీతిగా
సాలము బెంచవోయి పలు - జాతుల, రీతుల పెంపు సేయు మోయ్ !
గాలులు వీచునోయి , చెడ - గాల్చును జిడ్డును క్షోణి యందునన్ !
_______________________________________________
పంకము = బురద, పాపము (కాలుష్యము)
ఆలముఁ జేసి మానవులయాచితరణ్యములన్ని నేరకన్
రిప్లయితొలగించండికాలముఁ గాలమాగనిటు గాయము పాలగునట్లుఁ జేసి పో
గాలము దాపురించెనిక. కర్మము లిట్లు ఫలించె నేటికిన్.
మేలములాడఁ బాడియె? నమేయము లైనవి పాపకర్మముల్!
పై రెండు భాగాలూ
రిప్లయితొలగించండి" వృక్ష సందేశం "
గా గమనించ ప్రార్థన !
కరుణశ్రీ గారి "పుష్ప విలాపం" నుండి :
రిప్లయితొలగించండిబుద్ద దేవుని భూమిలో - పుట్టి నావు !
సహజ మగు ప్రేమ నీలోన - చచ్చె నేమి?
అందమును హత్య జేసెడి - హంతకుండ
మైల వడి పోయె నోయి నీ - మనుజ జన్మ !
దీనిని గూడా "వృక్ష సందేశం" లో ముగింపుగా తీసుకోవచ్చు !
కిషోర్ జీ ! 'వృక్ష విలాపం' తో మంచి సందేశ మిచ్చారు.బాగుంది.
రిప్లయితొలగించండిమందాకిని గారూ ! చక్కని పూరణ.
మేలము లాడకు నరుడా
కాలముతో; ప్రకృతి వికృత కాలుష్య మవన్!
ఆలములో గెలువవు లే
గాలమునకు చిక్కి కాలు కాయము మసియై!!
చిన్న సవరణ తో ....
రిప్లయితొలగించండిమేలము లాడకు నరుడా
కాలముతో; ప్రకృతి వికృత కాలుష్య మవన్!
ఆలములో గెలువవు లే
గాలమునకు చిక్కి చేరు కాయము కాలున్!!
ఆలము సేయరే జనులు హాయిని గూర్చెడి వృక్ష జాలముల్
రిప్లయితొలగించండికూలుచు నుండగా? ప్రకృతి కూరిమి జూపును మానవాళిపై!
చాలును మేలమాడుటయె, క్షామము గల్గును హద్దు దాట పో
గాలము వచ్చు, వర్షము సకాలమునన్ కురవంగబోదికన్!!
ఈ కామెంట్‌ను రచయిత తీసివేశారు.
రిప్లయితొలగించండిఆలము దప్పు నాయుధము లంతములై ధర కంచు నెంచు ని
రిప్లయితొలగించండిక్కాలము,భూ నభోంతరము కల్మషమున్ బొనరించి మృత్యువన్
గాలము నందు జిక్కి లయకాల మహోద్ధుర దండధారితో
మేలము లాడు మానవుడు మిక్కిలి వీరిడి గాడె చూడగన్ .
యస్వీ రాఘవేంద్ర రావు (సుమశ్రి),రాజమహేంద్రవరము.
( కంది శంకరయ్య గారికి నమస్తే నాన్నగారు ఢిల్లీ టూర్ లో ఉన్నారు.వారి అబ్బాయిని టైపు చేసి పంపిస్తున్నాను)
ఆలము కాలమున తగదు,
రిప్లయితొలగించండిమేలము లాడగనురాదు మేదినితో,పో
గాలము చేరువగును యిల
గాలియు నేలయు జలములు గలుషితమవగా!!!
ఈ కామెంట్‌ను రచయిత తీసివేశారు.
రిప్లయితొలగించండి************************************************
రిప్లయితొలగించండివసంత కిశోర్ గారూ,
మీ ‘వృక్షసందేశం’ బాగుంది. గోవుల గోపన్న చిత్రంలోని పాటకు మీ పేరడీ కూడా బాగుంది. అభినందనలు.
************************************************
మందాకిని గారూ,
మీ చిన్న పద్యం, దాని ననుసరించిన పెద్ద పద్యం రెండూ బాగున్నాయి. అభినందనలు.
************************************************
గోలి హనుమచ్ఛాస్త్రి గారూ,
బాగుంది మీ పూరణ. అభినందనలు.
************************************************
జిగురు సత్యనారాయణ గారూ,
మీ పూరణ అద్భుతంగా ఉంది. అభినందనలు.
************************************************
డా .యస్వీ రాఘవేంద్ర రావు (సుమశ్రీ) గారూ,
మీ దృష్టిలో నా బ్లాగు పడడం నా అదృష్టంగా భావిస్తున్నాను. ధన్యవాదాలు.
మీ పూరణ ఉత్తమంగా ఉంది. అభినందనలు.
************************************************
మిత్రులందరి పూరణలూ ముచ్చటగా నున్నవి !
రిప్లయితొలగించండిశాస్త్రీజీ ! ధన్యవాదములు !
శంకరార్యా ! ధన్యవాదములు !
ఆలము సేయట మేలా?
రిప్లయితొలగించండికాలము తీరుటకుమున్నె కాపాడెదమో
గాలము లేసి ప్రకృతినిక
మేలములాడినను పృథ్వి మ్రింగును మనలన్!
మనవి: గాలములేసి=ఎత్తులువేసి
గన్నవరపు నరసింహ మూర్తి గారి పూరణ ......
రిప్లయితొలగించండిగాలము లేలను మీనుల
ఆలములును మనుజవరుల నాయువు దీర్చన్
కాలము తీరదె త్వరితము
మేలములను నాడుచుండ మేదిని కలకున్ !
‘మనతెలుగు’ చంద్రశేఖర్ గారూ,
రిప్లయితొలగించండిమీ పూరణ బాగుంది. అభినందనలు.
************************************************ ****************
గన్నవరపు నరసింహ మూర్తి గారూ,
పద్యం సలక్షణంగా ఉంది. ఒకటికి రెండుసార్లు చదివాక పూరణలోని మీ భావం అవగతమయింది. బాగుంది. అభినందనలు.
*****************************************************************
(ఆలము) సేయబోకుమయ యార్యుల మాటలు పైడిమూటలౌ
రిప్లయితొలగించండి(కాలము) ముందునున్నదదె కాగల కార్యములన్నొ చేయగన్
(గాలము) వేయవయ్య వరకట్నము గోరక కన్యనొక్కతిన్
(మేలము) గూడుమోయి ఘన మేళము మ్రోగగ పెండ్లి వేదికన్ !!
(కాలము) చేసిన మార్పుగ
రిప్లయితొలగించండి(గాలము) వేసెను ప్రగతికి కావున జగతిన్
(నాలము) జేయక జాగృతి
(మేలము) నాపి నిశితముగ మేలును గూఁర్పన్!!