వృక్ష మూలము మాత్రము - వెదకి జూడ నేల యందున పెరుగును - నిజము నిజము ! వంశ వృక్షపు పటమునే - పరచి గనిన పాదపపు మూల ముండు పై - భాగ మందు _________________________________
కందుల వరప్రసాద్ గారి పూరణ .... నేటి దొంగలు, నీవు దొంగయన్న వారికి బదులిస్తున్న రీతిని జూడ వారి మునుపటి గుణములు బయటపడును. సుమతీ శతకపు పద్యము "వెనుకటి గుణమేల మాను" తీసుకుంటిని గురువుగారు మన్నించాలి "మూల ముండు" ను "మూలములను " గా మార్చితిని తప్పులను జూప రోషము దన్నుకొచ్చి, పురుషపుంగవ బలుకులే పరుష పదము కుందనపురీతి, నేరుగ గాంచు జనులు పాదపపు మూలములను పై భాగమందు|
********************************************************************** వసంత కిశోర్ గారూ, వంశవృక్షపు పటాన్ని తలక్రిందులుగా ‘పరిచారా’? మంచి పూరణ. అభినందనలు. ********************************************************************** మందాకిని గారూ, పైనున్న పితృదేవతల గురించిన మీ పూరణ బాగుంది. అభినందనలు. ********************************************************************** "అష్టావధాని" రాంభట్ల పార్వతీశ్వర శర్మ గారూ, మంచి విరుపుతో ఉత్తమమైన పూరణ నందించారు. అభినందనలు. ********************************************************************** గోలి హనుమచ్ఛాస్త్రి గారూ, చక్కని పూరణ. అభినందనలు. ********************************************************************** శ్రీపతి శాస్త్రి గారూ, మంచి విషయాన్ని ఎన్నుకున్నారు. కాని అన్వయం కొద్దిగా తికమక పెడుతున్నది. మీ రెండవ పూరణ సర్వోత్తమం. అభినందనలు. ********************************************************************** సంపత్ కుమార్ శాస్త్రి గారూ, మీ వంశవృక్షపు పటాన్ని గోడకు పైభాగాన అమర్చారా? మీ పూరణ చూసి నేను వ్రాయలనుకున్న పూరణను విరమించుకున్నాను. చక్కని పూరణ. అభినందనలు. ********************************************************************** కందుల వరప్రసాద్ గారూ, సమస్య పాదాన్ని మార్చడం సత్సంప్రదాయం కాదు. అయినా మీ పద్యం బాగుంది. అభినందనలు. ********************************************************************** శ్రీఆదిభట్ల కామేశ్వర శర్మ గారూ, పూరణ బాగుంది. అభినందనలు. ‘ఒదిగి + ఉండు’ అన్నప్పుడు సంధి లేదు. ********************************************************************** పండిత నేమాని గారూ, ప్రశస్తమైన పూరణ మీది. అభినందనలు. ********************************************************************** రాజేశ్వరక్కయ్యా, నిర్దోషంగా చక్కని పూరణ చెప్పారు. అభినందనలు. **********************************************************************
********************************************************************** ఊకదంపుడు గారూ, చమత్కార భరితంగా ఉంది మీ పూరణ. అభినందనలు. ********************************************************************** గన్నవరపు నరసింహ మూర్తి గారూ, మీ పూరణ ప్రశస్తంగా ఉంది. అభినందనలు. **********************************************************************
అందరికీ వందనములు !
రిప్లయితొలగించండి01)
_________________________________
వృక్ష మూలము మాత్రము - వెదకి జూడ
నేల యందున పెరుగును - నిజము నిజము !
వంశ వృక్షపు పటమునే - పరచి గనిన
పాదపపు మూల ముండు పై - భాగ మందు
_________________________________
గగనమందున్న వారలె ఘనము గాను
రిప్లయితొలగించండిసృష్టి చేయగ భూతల జీవ రాశి,
మూల పురుషులు పైనున్న మొదటి వారు-
పాదపపు మూలముండు పైభాగమందు.
విత్తిన న్మొలకల రూపు వేగమంది,
రిప్లయితొలగించండిమొక్క, వృక్షంబునౌ; క్రింద పుష్టి మీర
పాదపపు మూలముండు, పైభాగమందు
పత్ర రాజిత పుష్ప సత్ఫలములుండు!!
- "అష్టావధాని" రాంభట్ల పార్వతీశ్వర శర్మ.
వేద వేద్యుడు చెప్పెగా వేద మంత్ర
రిప్లయితొలగించండిమాకులాయెను అశ్వత్థ మందు వెలసి
కోవిదులు గన, క్రిందుండు కొమ్మలన్ని
పాదపపు మూలముండు, పైభాగమందు.
శ్రీగురుభ్యోనమ:
రిప్లయితొలగించండిపాఠ్యభాగపు సందర్భ వాక్యములకు
పద్యపాదము లొసగిరి వ్యాఖ్య జేయ
వ్రాసి రందరు పుటముకు క్రిందివైపు
పాదపపు మూలముండు పైభాగమందు.
పుణ్య చరితులై చెలగుమత్పూర్వ పురుష
రిప్లయితొలగించండిరక్త సంబంధవిధ మనురక్తితోడ
చూచుటకు గీయు పటమును చూడ, వంశ
పాదపపుమూలముండు పైభాగమందు.
శ్రీగురుభ్యోనమ:
రిప్లయితొలగించండిపూర్తి జేయసమస్యకు పూరణములు
పద్యపాదము నొసగిరి ప్రశ్నవోలె
వరుస క్రమమున నుండును వ్యాఖ్యలన్ని
పాదపపు మూలముండు పైభాగమందు
కందుల వరప్రసాద్ గారి పూరణ ....
రిప్లయితొలగించండినేటి దొంగలు, నీవు దొంగయన్న వారికి బదులిస్తున్న రీతిని జూడ వారి మునుపటి గుణములు బయటపడును. సుమతీ శతకపు పద్యము "వెనుకటి గుణమేల మాను" తీసుకుంటిని
గురువుగారు మన్నించాలి "మూల ముండు" ను "మూలములను " గా మార్చితిని
తప్పులను జూప రోషము దన్నుకొచ్చి,
పురుషపుంగవ బలుకులే పరుష పదము
కుందనపురీతి, నేరుగ గాంచు జనులు
పాదపపు మూలములను పై భాగమందు|
శ్రీఆదిభట్ల కామేశ్వర శర్మ గారి పూరణ ....
రిప్లయితొలగించండిపుడమి పుట్టువై మొలకెత్తబోవు విత్తు
పదిలముగ తానెయొదిగుండు ఫలమునందు
జీడి మామిడి పండును జూడ తెలియు
పాదపపు మూలముండు పై భాగమందు.
పండిత నేమాని రామజోగి సన్యాసి రావు గారి పూరణ ....
రిప్లయితొలగించండిమానవుని దేహమే మహా క్ష్మాజమనగ
మూర్ధమే దాని నాడుల మూలమగుచు
నవయవములెల్ల క్రిందికి నమరు నట్టి
పాదపపు మూలముండు పై భాగమందు
నేదునూరి రాజేశ్వరి గారి పూరణ ....
రిప్లయితొలగించండితండ్రి ఘన కీర్తి తెలుపును తనయు డనగ
గగన మందుండు జలదము కడలి నుండి
విద్య నేర్చిన వానికి వినయ మబ్బు
పాదపపు మూలముండు పై భాగ మందు
**********************************************************************
రిప్లయితొలగించండివసంత కిశోర్ గారూ,
వంశవృక్షపు పటాన్ని తలక్రిందులుగా ‘పరిచారా’? మంచి పూరణ. అభినందనలు.
**********************************************************************
మందాకిని గారూ,
పైనున్న పితృదేవతల గురించిన మీ పూరణ బాగుంది. అభినందనలు.
**********************************************************************
"అష్టావధాని" రాంభట్ల పార్వతీశ్వర శర్మ గారూ,
మంచి విరుపుతో ఉత్తమమైన పూరణ నందించారు. అభినందనలు.
**********************************************************************
గోలి హనుమచ్ఛాస్త్రి గారూ,
చక్కని పూరణ. అభినందనలు.
**********************************************************************
శ్రీపతి శాస్త్రి గారూ,
మంచి విషయాన్ని ఎన్నుకున్నారు. కాని అన్వయం కొద్దిగా తికమక పెడుతున్నది.
మీ రెండవ పూరణ సర్వోత్తమం. అభినందనలు.
**********************************************************************
సంపత్ కుమార్ శాస్త్రి గారూ,
మీ వంశవృక్షపు పటాన్ని గోడకు పైభాగాన అమర్చారా? మీ పూరణ చూసి నేను వ్రాయలనుకున్న పూరణను విరమించుకున్నాను. చక్కని పూరణ. అభినందనలు.
**********************************************************************
కందుల వరప్రసాద్ గారూ,
సమస్య పాదాన్ని మార్చడం సత్సంప్రదాయం కాదు. అయినా మీ పద్యం బాగుంది. అభినందనలు.
**********************************************************************
శ్రీఆదిభట్ల కామేశ్వర శర్మ గారూ,
పూరణ బాగుంది. అభినందనలు.
‘ఒదిగి + ఉండు’ అన్నప్పుడు సంధి లేదు.
**********************************************************************
పండిత నేమాని గారూ,
ప్రశస్తమైన పూరణ మీది. అభినందనలు.
**********************************************************************
రాజేశ్వరక్కయ్యా,
నిర్దోషంగా చక్కని పూరణ చెప్పారు. అభినందనలు.
**********************************************************************
గుండెకాయకు మేల్ పచ్చి కూరలనుచు
రిప్లయితొలగించండికందమూలములను మూట కట్ట సతియె
భోజనవేళలోకనుగొన- బువ్వ బదులు-
పాదపపు మూలముండు పై భాగ మందు.
గన్నవరపు నరసింహ మూర్తి గారి పూరణ .....
రిప్లయితొలగించండిగురువర్యులు మిత్రులు చక్కని పూరణలు చేసారు. మాకు శీర్షాసనము మిగిల్చారు.
కాని ముళ్ళపూడి వారి హాస్యోక్తి గుర్తు వచ్చింది.
గోళ మటుపక్క యిప్పుడు కాళ రాత్రి
నిదుర నుందురు జను లెల్ల కుదురు గాను
క్రిందు మీదయి వరల ప్రకృతియు నంత
పాదపపు మూలముండు పైభాగ మందు
గన్నవరపు నరసింహ మూర్తి గారి వ్యాఖ్య ....
రిప్లయితొలగించండిఊకదంపుడు గారి పూరణ చాలా బాగుంది. మీకు కంద సాయించక పోతే క్రింద ( బచ్చలి ) ఆకులు ఉంటాయండీ , అవి కూడా గుండెకు మంచివే !
**********************************************************************
రిప్లయితొలగించండిఊకదంపుడు గారూ,
చమత్కార భరితంగా ఉంది మీ పూరణ. అభినందనలు.
**********************************************************************
గన్నవరపు నరసింహ మూర్తి గారూ,
మీ పూరణ ప్రశస్తంగా ఉంది. అభినందనలు.
**********************************************************************