దూరమయ్యె పోవు చోటు దుడ్డులేని దాననున్ దారి కూడ తెలియదయ్య తప్పదింక కష్టమున్ భారమవ్వ కుండ నీకు పట్టుకొందు బండినిన్! జారి పోక పట్టుకొమ్మ జాగ్రతన్న నీదియే!!
బస్తి నేలగలదు బండి నెక్కగలదు అవసరమ్ము నేర్పు నతివ కన్ని చక్రముల శకటము చక్కగా నెక్కుచూ దారి నడువగలదు ధైర్యముగను.
2.కష్టసాధ్యమైన కార్యంబు లెల్లను సులువు గానె చేసి చూపగలదు ఆడదబల కాదు సబలన్న తీరుగా వీధిలోన సాగు వింతగాను/వింత గనుము.
3 .పొట్టకూటి కొరకు పుడమిపై పడుచున్న పడతి పాట్లు చూడ బాధ కలుగు తప్పు లెన్ని వున్న తప్పదు సాపాటు అందు కొరకె పట్టె నతివ రిక్ష. ఆమె కదియె రక్ష యయ్యె గనుము.
4ఆసరాగ పట్టె నలివేణి రిక్షాను సాగుచుండె తాను జాగు లేక చుట్టునున్న ప్రజ చూచేనువింతగా చూడ నేగుదుమట సుదతు లార.
మీ నాల్గు పద్యాలు బాగున్నవి. అభినందనలు. కొన్నిసంధిగత దోషాలు, వ్యావహారికాలు ఉన్నాయి. ‘ఎక్కుచూ (ఎక్కుచున్), వున్న (ఎన్నియున్న), మూడవపాదంలో ఐదవ పాదం అదనంగా ఆటవెలదిలో ఉండదు.
వింతేమున్నది గాంచిన
రిప్లయితొలగించండిసంతసమే మనకు గాద సాహసులగుచున్
పంతము తో పరు గెత్తెడి
యింతుల ఘనకార్య చిత్ర మిదియే సుమ్మీ
2.
ఫ్యాటు దగ్గ దలచి వాకింగు జేయును
ఫ్యామిలీని మేప వంట జేయు
చిలిపి దనము జూప స్కేటింగు జేయుచున్
స్త్రీల ఘనత తెలుపు చిత్రమిదియె
3.
అబల యబల యముచు నవమాన పరచ బో
కాడ దనిన నేమి యాదిశక్తి
సాహసములు సేయు సబలయే పడతిరా
గౌరవించ వలెను నారి నిలను
4.
ప్రగతి పథము వెదక పరుగు దీయుచునున్న
కలికి యామె భావి కాంతి గాద
రయము తోడ తాను రహదారి పైనను
సరళ యంత్రములకు సాటిగాను.
5.
గాలికెగసి హనుమ కడలిదాటినరీతి
వీధు లెన్నొ దాటె విమల మతియె
చక్క నైన యట్టి చక్రాల బల్లపై
తాను జేరి యురికె తన్వి జూడు
మీ అయిదు పద్యాల ఖండకృతి బాగున్నది. అభినందనలు.
తొలగించండిఅవసరార్థం కొన్ని అన్యదేశ్యాలు వాడారు.పరవాలేదు.
రిప్లయితొలగించండిచక్రాలబండిమీదను
వక్రముగాగాకనామెభద్రముగానే
చక్రాలత్రయపుబండిని
సక్రమముగబట్టుకొనుచుసాగుటగనుడీ
మీ పద్యం బాగున్నది.
తొలగించండి‘...గాక యామె’ అనండి. మూడవపాదాన్ని ‘చక్రత్రయ వాహనమును’ అంటే బాగుంటుందేమో?
శంకరయ్యగారికినమస్కారములు.మీసూచన బాగుందండి.బ్లాగులోమారుస్తాను
తొలగించండిఅనవరత వాహ నావృత
రిప్లయితొలగించండిఘన జన సమ్మర్ధ రాజ గమథం బదివో
కన బహు సాహసి గద యా
వనితయు నాట లవి యేల బథ రాజములన్
అనవరత రసావిష్కృత
తొలగించండిఘన జన మోదార్హ మధుర కవనం బిదివో
కన కామేశ్వర రావుదె
వనితాసమ్మితముగా సుభాషిత మాయెన్.
పూజ్యులు శంకరయ్య గారికి వందనములు. మీ కవన ప్రశంసార్హుడ నయినందుల కానంద భరితాత్ముడ నయ్యాను. ధన్యవాదములు.
తొలగించండిఅంబటిభానుప్రకాశ్.
రిప్లయితొలగించండితే**
చేత రొక్కము లేదని, చింత గలిగె,
నబల కాదని యెరిగెను యవని పైన,
నాల సించక గదిలెను నతని వెంటె,
రిక్ష తోడుగ పయనించె రీతి నేర్చి.
మీ పద్యం బాగున్నది.
తొలగించండి‘ఎరిగెను+అవని’ అన్నపుడు యడాగమం రాదు. ‘ఎరిగెఁ దా నవనిపైన’ అనండి. అలాగే ‘...గదలిన దతన వెంట’ అనండి.
దూరమయ్యె పోవు చోటు దుడ్డులేని దాననున్
రిప్లయితొలగించండిదారి కూడ తెలియదయ్య తప్పదింక కష్టమున్
భారమవ్వ కుండ నీకు పట్టుకొందు బండినిన్!
జారి పోక పట్టుకొమ్మ జాగ్రతన్న నీదియే!!
మీ పద్యం బాగుంది. అభినందనలు.
తొలగించండిచివర ‘నీదెపో’ అంటే బాగుంటుందేమో?
గురుదేవులకు ధన్యవాదములు. సవరించిన పూరణ:
తొలగించండిదూరమయ్యె పోవు చోటు దుడ్డులేని దాననున్
దారి కూడ తెలియదయ్య తప్పదింక కష్టమున్
భారమవ్వ కుండ నీకు పట్టుకొందు బండినిన్!
జారి పోక పట్టుకొమ్మ జాగ్రతన్న నీదెపో!!
అంబటిభానుప్రకాశ్.
రిప్లయితొలగించండితే**
చేత రొక్కము లేదని, !చింత గలిగె,!
నబల కాదని యెరిగెదా !నవని పైన,!
నాల సించక గదలిన ! దతని వెంట,
రిక్ష తోడుగ పయనించె! రీతి నేర్చి.!!
ధన్యవాదాలు.సర్
* గు రు మూ ర్తి ఆ చా రి *
రిప్లయితొలగించండి,,,,,,,,,,,,,,,,,,,,,,,,,,,,,,,,,,,,,
{ రి క్షా లో పో వు వా డు వి క లా ౦ గు రా లి
కొ డు కు . త ల్లి ని సా క లే ని వె ధ వ. }
………………………………………………………
అరయన్ దా వికలా౦గ యై కనె ని నత్య౦త
స్ఫురద్రూపిగా |
కరుణ మ్మి౦చుక లేదె తల్లి పయి ?
సాకన్ జాల కీ రీతిగా :-
అరెరే నీచుడ ! ప్రత్యహ౦ బుదయమే యాచి౦పగా బ౦పి ని
క్కరణిన్ స౦ధ్య పడ౦గ దోడ్కొని చన౦గా
సిగ్గు లేదొక్కొ ! ఛీ !
పద్యం అద్భుతంగా ఉంది. కాని చిత్రంలో ఆమె యాచకురాలిగా లేదు.
తొలగించండి‘...బంపి యి|క్కరణిన్...’ అనండి.
కనికర మందు కార్మికుని కౌతుక మేగద?రిక్ష లాగుచున్
రిప్లయితొలగించండితనకిది కష్ట మైన నొక తన్వికి సాయము జేయు దృష్టితో
మనుగడ యందు మానవత మాయక జేసెడి మంచి కూర్పునన్
గనబడ గర్వమే గద?సకాలము నందున సాయమెంచగా|
మీ పద్యం బాగున్నది. అభినందనలు.
తొలగించండి1
రిప్లయితొలగించండిబస్తి నేలగలదు బండి నెక్కగలదు
అవసరమ్ము నేర్పు నతివ కన్ని
చక్రముల శకటము చక్కగా నెక్కుచూ
దారి నడువగలదు ధైర్యముగను.
2.కష్టసాధ్యమైన కార్యంబు లెల్లను
సులువు గానె చేసి చూపగలదు
ఆడదబల కాదు సబలన్న తీరుగా
వీధిలోన సాగు వింతగాను/వింత గనుము.
3 .పొట్టకూటి కొరకు పుడమిపై పడుచున్న
పడతి పాట్లు చూడ బాధ కలుగు
తప్పు లెన్ని వున్న తప్పదు సాపాటు
అందు కొరకె పట్టె నతివ రిక్ష.
ఆమె కదియె రక్ష యయ్యె గనుము.
4ఆసరాగ పట్టె నలివేణి రిక్షాను
సాగుచుండె తాను జాగు లేక
చుట్టునున్న ప్రజ చూచేనువింతగా
చూడ నేగుదుమట సుదతు లార.
మీ నాల్గు పద్యాలు బాగున్నవి. అభినందనలు.
తొలగించండికొన్నిసంధిగత దోషాలు, వ్యావహారికాలు ఉన్నాయి.
‘ఎక్కుచూ (ఎక్కుచున్), వున్న (ఎన్నియున్న), మూడవపాదంలో ఐదవ పాదం అదనంగా ఆటవెలదిలో ఉండదు.
ఈ కామెంట్‌ను రచయిత తీసివేశారు.
రిప్లయితొలగించండిసరదా సరదాగా:👇
రిప్లయితొలగించండిచూచితిని పేర గ్లైడరు
చూచితిగద పేర షూటు షోకుగ వ్రాలన్
చూచితిని పేర సైలుర...
చూచితినిట పేర సైటు సుఖమును నేడే!
(paraglider, parachute, parasailor, parasite)
రిప్లయితొలగించండినెక్కితి బోర్డును పట్టితి
చక్కగ బండిని భళారె సాహసమిదియే!
చుక్కమ్మ! జిలేబమ్మా
పక్కాగా రోడ్డు గతికి పద్ధతి యిదియే :)
జిలేబి
👏
తొలగించండి