18, ఏప్రిల్ 2016, సోమవారం

సమస్య - 2007 (పగ గల్గినవాఁడె...)

కవిమిత్రులారా, 
ఈరోజు పూరించవలసిన సమస్య ఇది.. 
పగ గల్గినవాఁడె సౌఖ్యవంతుఁడు జగతిన్.

54 వ్యాఖ్యలు:

  1. సగమౌ నిల్లాలుండన్
    సుగతులొసఁగు సౌమనస్య సుతులున్, వెతలన్
    బొగలెడు ప్రజపై దయఁ జూ
    పగఁ 'గల్గి'న వాడె సౌఖ్యవంతుడు జగతిన్!

    ప్రత్యుత్తరంతొలగించు

  2. నొగులున్జెందునునిరతము పగగల్గినవాడె,సౌఖ్యవంతుడుజగతి
    న్బగజోలికినేబోవక
    తగురీతిన్మసలుకొనునుదానుగనెపుడున్

    ప్రత్యుత్తరంతొలగించు
  3. పగలును నిశియును మనసున
    పగలేమియులేక శాంత పద్ధతి నొరులన్
    తగు మర్యాదను తా జూ
    పగ గల్గినవాఁడె సౌఖ్యవంతుఁడు జగతిన్.

    ప్రత్యుత్తరంతొలగించు
  4. సుగములు కడగండ్లు సతము
    సగపాలుగ నున్నగాని సతమత పడకున్
    నగవుచు ప్రగతిని సాధిం
    పగ గల్గినవాడె సౌఖ్యవంతుడు జగతిన్!!!

    ప్రత్యుత్తరంతొలగించు
    ప్రత్యుత్తరాలు
    1. ప్రగతి సాధింపగ గల్గిన మీ పూరణ బాగున్నది.
      ‘పడకన్| నగుచును ప్రగతిని...’ అనండి.

      తొలగించు
  5. * గు రు మూ ర్తి ఆ చా రి *
    ,,,,,,,,,,,,,,,,,,,,,,,,,,,,,,,,,,,


    పగ మాని బయట తిరిగెడు --
    పగతుర పై , లో గల. రిపు వర్గము నిక నా
    ప గలిగి , యా ధాటికి సై
    పగ గల్గిన వాడె సౌఖ్యవ౦తుడు జగతిన్

    ప్రత్యుత్తరంతొలగించు
  6. పగ జగతికిన్ననర్థము
    పగయడగించన్ విశేష ఫలదాయకమౌ
    రగిలెడిదౌ యాపగ నా
    పగ గల్గిన వాడె సౌఖ్యవంతుడు జగతిన్.

    ప్రత్యుత్తరంతొలగించు
  7. రగిలెడు నరి షడ్వర్గపు
    సెగలను తట్టుకు నిలబడి స్థిర చిత్తముతో
    తెగువన వాటి నివారిం
    పగ గల్గినవాఁడె సౌఖ్యవంతుఁడు జగతిన్.

    ప్రత్యుత్తరంతొలగించు
    ప్రత్యుత్తరాలు
    1. అరిషడ్వర్గాలను నివారింపగ గల్గిన మీ పూరణ బాగున్నది. అభినందనలు.

      తొలగించు
  8. రగిలెడి కోర్కెలు ద్రుంచెడి
    పగగల్గిన వాడె సౌఖ్య వంతుడు జగతిన్
    సగటున మనిషికి బ్రతుకగ
    అగచాట్లను వీడినపుడె?ఆనందమగున్|

    ప్రత్యుత్తరంతొలగించు
  9. మగువను తక్కువ జేయక
    తగినంతగ ప్రేమ జూపి తనలో సతియే
    సగమను భావన కలిగిం
    పగ గల్గినవాఁడె సౌఖ్యవంతుఁడు జగతిన్.

    ప్రత్యుత్తరంతొలగించు
    ప్రత్యుత్తరాలు
    1. సతి తనలో సగమనే భావన కలిగింపగ గల్గిన మీ పూరణ బాగున్నది. అభినందనలు.

      తొలగించు
  10. భగ భగ లాడెడు గుండెన
    సెగలను తొలగించి ప్రేమ సిరులను పరిపూ
    ర్తిగ నెయ్యమునే తా నిల
    పగ గల్గిన వాడె సౌఖ్య వంతుడు జగతిన్

    ప్రత్యుత్తరంతొలగించు
    ప్రత్యుత్తరాలు
    1. మీ రెండవ పూరణలో నెయ్యమును నిలుపగ గల్గిన సుఖం లభిస్తుందన్నారు. బాగుంది. అభినందనలు.

      తొలగించు
    2. ఔనండీ.....ఇది బాగుందీ గురువు గారికి ధన్యవాదములు

      తొలగించు
  11. కవిమిత్రులారా,
    నిన్న ఒక మిత్రుడు ఒక మాట అన్నాడు... “గతంలో అందరి పూరణల క్రింద ఒక్కచోటనే సమీక్షలు చేసినప్పుడు వారి వారి సంబోధనలు అవసరం. ఎలాగూ ఇప్పుడు ఒక్కొక్కరి పూరణ క్రింద ఉన్న ‘ప్రత్యుత్తరం’ లోనే టైపు చేస్తున్నావు కదా! ఇక సంబోధనలు ఎందుకు? ఆ ప్రత్యుత్తరం వారికి సంబంధించిందే కదా!”
    నిజమే అనిపించింది. సరే! ప్రయోగించి చూద్దాం అనుకున్నాను. మీ స్పందన ఎలా ఉంటుందో?

    ప్రత్యుత్తరంతొలగించు

  12. పగతో నిండినమదిలో
    రగులుచునుండును సతతము రణగొణ ధ్వనితో
    సెగలను గ్రక్కెడి పగనా
    పగ గల్గినవాడె సౌఖ్యవంతుడు జగతిన్.


    పొగతో కన్నులు మండగ
    సగటుగృహిణినిగనిమగడు సరసము లాడన్
    సొగసుగ సతికోపమునా
    పగ గల్గిన వాడె సౌఖ్యవంతుడు జగతిన్.

    ప్రత్యుత్తరంతొలగించు

  13. పగతో నిండినమదిలో
    రగులుచునుండును సతతము రణగొణ ధ్వనితో
    సెగలను గ్రక్కెడి పగనా
    పగ గల్గినవాడె సౌఖ్యవంతుడు జగతిన్.


    పొగతో కన్నులు మండగ
    సగటుగృహిణినిగనిమగడు సరసము లాడన్
    సొగసుగ సతికోపమునా
    పగ గల్గిన వాడె సౌఖ్యవంతుడు జగతిన్

    ప్రత్యుత్తరంతొలగించు
  14. శ్రీరాం కవి గారి పూరణ....

    జగతిని సౌఖ్యములు గలుగు
    నగణిత సంపదలఁ గోరి యార్జించినచో
    వగచుట యేలనొ మఱి తలఁ
    పగ గల్గినవాఁడె సౌఖ్యవంతుడు జగతిన్.
    (కల్గినవాఁడు = సంపన్నుఁడు)

    ప్రత్యుత్తరంతొలగించు
  15. పగ కాల్చును హృదయమ్మును
    తగదది జనుల కనిశమ్ము దగ నించుక శాం
    తగుణము, కోపము మదినా
    పగ, గల్గిన వాడె సౌఖ్యవంతుడు జగతిన్

    ప్రత్యుత్తరంతొలగించు
    ప్రత్యుత్తరాలు
    1. మీ పూరణ బాగున్నది. అభినందనలు.

      తొలగించు
    2. పగ మూడు భవములందున
      తగు భక్తి నయిదిట ముక్తిఁ దరియింతు రనన్
      పగ నెంచిరి జయవిజయలు
      పగ గల్గిన వాడె సౌఖ్యవంతుడు జగతిన్

      తొలగించు
    3. చక్కని భావంతో అద్భుతమైన పూరణ చెప్పారు. అభినందనలు.

      తొలగించు
    4. పూజ్యులు శంకరయ్య గారికి వందనములు. ధన్యవాదములు

      తొలగించు
    5. పూజ్యులు శంకరయ్య గారికి వందనములు. భావ వృత్తము మా తమ్ముడు సోమశంకరానిది.

      తొలగించు
  16. మిగులక, బడుగుల గతిగని
    తగు రీతిని తృణమునైన దాన మొసగుచున్
    నగుమోమును నిరతము జూ
    పగ గల్గినవాఁడె సౌఖ్యవంతుఁడు జగతిన్.

    ప్రత్యుత్తరంతొలగించు
  17. జగమున కోపోద్రితునకు
    పగవారలు పెరుగు చుంద్రు ప్రమదము తొలుగున్
    తగు శమమున కోపము నా
    పగ గల్గినవాఁడె సౌఖ్యవంతుఁడు జగతిన్.

    ప్రత్యుత్తరంతొలగించు
    ప్రత్యుత్తరాలు
    1. కోపము నాపగ గల్గినవానిని గురించిన మీ పూరణ బాగున్నది.
      ‘ఉద్రితము/ఉద్రితుడు’ అన్న పదాలు నిఘంటు శోధనలో కనిపించలేదు.

      తొలగించు
  18. కం**
    రగులుచు నుండెను భానుడు,
    సగమై పోయెను జలములు సమరం బాయెన్ !
    తగవుల మరచియు నిలతా,
    పగ గల్గిన వాడే సౌఖ్యవంతుడు జగతిన్ !!


    అంబటి భానుప్రకాశ్.
    గద్వాల.

    ప్రత్యుత్తరంతొలగించు
    ప్రత్యుత్తరాలు
    1. అంబటి భానుప్రకాశ్ గారూ,
      శంకరాభరణం బ్లాగు మీకు స్వాగతం పలుకుతున్నది.
      అయితే ‘ఇలతా పగ..’ అర్థం కాలేదు.

      తొలగించు
  19. పగలంత శ్రమించుచు స్థిర
    మగు తన యభిమతముగాంచి మన్నించి సదా
    మగనాలి యాగడము లో
    పగ గల్గిన వాడె సౌఖ్య వంతుడు జగతిన్

    ప్రత్యుత్తరంతొలగించు
  20. తగు రీతిగ పూరణ లిడు
    యగణిత పండిత మాన్యుల యాలోచనకున్
    బ్లాగును సృజియించి జూ
    పగ గల్గిన వాడె సౌఖ్య వంతుడు జగతిన్


    ప్రత్యుత్తరంతొలగించు
  21. తగు రీతిగ పూరణ లిడు
    యగణిత పండిత మాన్యుల యాలోచనకున్
    బ్లాగును సృజియించి జూ
    పగ గల్గిన వాడె సౌఖ్య వంతుడు జగతిన్


    ప్రత్యుత్తరంతొలగించు
    ప్రత్యుత్తరాలు
    1. మురళి గారూ,
      పద్యం బాగుంది. కొన్ని లోపాలు. రెండవపాదం మూడవ గణం నలం కాని జగణం కాని ఉండాలి. మీరు భగణం వేశారు. మూడవ పాదంలో గణదోషం. మీ పద్యానికి నా సవరణ....
      తగురీతిగ పూరణ లిడు
      నగణిత పండిత వరుల సదాలోచనకున్
      బ్లాగును సృజియించియు జూ
      పగ గల్గినవాడె సౌఖ్యవంతుడు జగతిన్.

      తొలగించు
  22. శ్రీ శంకరయ్య గురువుగారికి నమస్కారములు మీ సూచనకు ధన్యగాదములు
    ఇది సవరించిన సవరించిన పద్యము
    జగమున కోపోద్రిక్తము
    పగవారల బెంచు చుండు ప్రమదము తొలుగున్
    తగు శమమున కోపము నా
    పగ గల్గినవాఁడె సౌఖ్యవంతుఁడు జగతిన్.

    ప్రత్యుత్తరంతొలగించు
  23. సవరించినందులకు గురువుగారికి ధన్యవాదాలు

    ప్రత్యుత్తరంతొలగించు
  24. సగమగు కాయమనెడి యెరు
    కగలిగి చిత్తము శివపదకమలములను చే
    ర్చగ భక్తి నెరపి జీవిం
    పగ గల్గిన వాడె సౌఖ్యవంతుడు జగతిన్

    ప్రత్యుత్తరంతొలగించు
    ప్రత్యుత్తరాలు
    1. ఆర్యా ! గతంలో మీరు ఇచ్చిన సమస్యకు ఈ విధంగా పూరణ వ్రాసాను.. మీరువ్యాఖ్యానించలేదు... ప్రత్యుత్తరం తొలగించ బడిందంటోంది కంప్యూటర్. దయచేసి సవరణలేమైన ఉంటే సూచించండి. మీ అమూల్యమైన అభిప్రాయమునకు, సూచనలకు ఎదురుచూస్తున్నాను.

      తొలగించు
    2. హనుమంతరావు గారూ,
      శంకరాభరణం బ్లాగు మీకు స్వాగతం పలుకుతున్నది.
      మీ పూరణ బాగున్నది. అభినందనలు. మూడు రోజులుగా ప్రయాణంలోఉండి వెంటనే స్పందించలేకపోయాను.మన్నించండి.

      తొలగించు
    3. వెంటనే స్పందించిన మీ సంస్కారమునకు, మీ సహృదయతకు జోతలు. పద్య రచనలో తప్పటడుగులు వేస్తున్న నాకు మీ ఆసరా అవసరమని మిమ్ము తొందరపెట్టానేమో అన్యథా తలపవలదు.. నా పద్యం బాగుందన్నారు.. చాలా ఆనందమైంది. మరొక్కసారి ధన్యవాదములు తెలుపుకుంటూ....

      తొలగించు
  25. పొగచుట్టను మానుమనుచు
    జగడము చేసెడి రమణికి జంకక నెపుడున్
    నగవుచు పుట్టింటికి పం
    పగ గల్గినవాఁడె సౌఖ్యవంతుఁడు జగతిన్ :)

    ప్రత్యుత్తరంతొలగించు