శర్మ గారు మీ పద్యము చాలా బాగుంది కాని యిచ్చిన సమస్యను వదలి యన్య సమస్య పూరించారు.ఏదైనా సంధి వలన "వ్య" "ద్వ్య" అయిన సమస్యకు భంగము రాదు. ఉ: మహత్ + వ్యర్థ. కనుక మీరు ఈ సమస్యను కూడ పూరిస్తే బాగుంటుందని నా అభిప్రాయము.
పొన్నెకంటి సూర్యనారాయణ గారూ, సవరించిన మీ పూరణ బాగున్నది. అభినందనలు. (మీరు అన్నపరెడ్డి సామ్రాజ్యంలోకి చొచ్చుకొని వెళ్ళారు. వారి పూరణ క్రింద ఉన్న ‘ప్రత్యుత్తరాలు’ నొక్కి అక్కడ వ్రాశారు. మీరు మీ పూరణ క్రింద ఉన్న ప్రత్యుత్తరాలు అన్నచోట పోస్ట్ చేయండి.)
నమస్కారములు
రిప్లయితొలగించండినాలుగు రోజులగా జ్వరంగా ఉన్నందున బ్లాగుకు దూరమయ్యాను .ఇప్పుడు కొంచం నయం గాఉంది.
------------------------------
కూడ బెట్టిన ధనమును కోరి కోరి
దాన మొనరించ లేకను తాను తినక
మరణ మాసన్న మగునంత మదిని రోసి
వ్యర్ధ మొనరింపఁ దగును సంపదల నెల్ల
అక్కయ్య గారు నమస్కారములు.మీయారోగ్యము జాగ్రత్త. స్వస్తి.
తొలగించండిఅక్కయ్య గారూ,
తొలగించండిఇప్పుడు మీ ఆరోగ్యం ఎలా ఉంది? కుదుట పడిందా?
మీ పూరణ బాగున్నది. అభినందనలు.
'వేస్టు' ఖర్చనియంద్రుగా వేడ్కలకును
రిప్లయితొలగించండికానియదిజేరు నిజముగా పేదలకును
పాలు, సరుకులు,పూలకు మేలుగాను
వ్యర్థ మొనరింపఁ దగును సంపదల నెల్ల.
మీరు అట్నుంచి నరుక్కొచ్చారన్న మాట! బాగుంది మీ పూరణ. అభినందనలు.
తొలగించండిభారమునఁ గ్రుంకు పడవఁ గాపాడు వేళఁ
రిప్లయితొలగించండిబ్రాణ రక్షణమె ప్రధాన పథము గాన
అన్న! నా సరుకని వెనుకాడ రాదు
వ్యర్థ మొనరింపఁ దగును సంపదల నెల్ల.
సరుకులు నీటిపాలైనా ప్రాణం దక్కితే చాలు, ప్రాణాలు సంపదలకన్న ముఖ్య మన్న మీ పూరణ బాగున్నది. అభినందనలు.
తొలగించండిసార్థకము జేయవలెను గాని యేల
రిప్లయితొలగించండివ్యర్థమొనరింప దగును? సంపదలెల్ల
మానవ సుఖజీవనంపు మహిత గతులు.
ప్రాణి కోటికి నిత్యంపు పరమ నిధులు.
విరుపుతో మీ పూరణ బాగుంది.
తొలగించండిమొదటి, రెండవ, మూడవ పాదాల్లో గణదోషం.....
సమస్య ‘సంపదలనెల్ల’ అని ఉంటే మీరు ‘సంపదలెల్ల’ అని పూరించారు. సవరించండి.
అంబటి భానుప్రకాశ్.
రిప్లయితొలగించండిగద్వాల.
తే**
తండ్రి కూడబెట్టు ధనము,!తనయు డెపుడు,
వ్యర్ధ మొనరింప దగును సం!పదల నెల్ల, !
తండ్రి పేరది నిలుపగ !తపన గలుగ,
నార్థి జెందిన జనులచె ! కీర్తి నొందు !!
మీ పూరణలో కొంత అన్వయలోపం ఉంది. అర్థి జనులకు ఇవ్వడం వ్యర్థ మెలా అవుతుంది? ‘జనులచె’ అని ప్రత్యయాన్ని హ్రస్వంగా ప్రయోగించారు.
తొలగించండిసర్వ భూతహితార్తియై సాగుచు నప
రిప్లయితొలగించండిరిమితమగు గాక వ్యయ మొనరింపగం, గృ
పా రసము మది ప్రసరింప పాప ఫలము
వ్యర్ధ మొనరింపఁ దగును సంపదల నెల్ల
పాప ఫలాన్ని వ్యర్థం చేయడం అన్న భావంతో మీ పూరణ బాగున్నది. అభినందనలు.
తొలగించండి
రిప్లయితొలగించండిసార్ధకమ్మునుజేయుమసంపదలను ననుచుచెప్పవలెనుగానినార్య!యిటుల వ్యర్ధమొనరింపదగునుసంపదలనెల్ల
ననగనాయమె?మీవంటియార్యులకిల
మీ పూరణ బాగున్నది. అభినందనలు. ‘సంపదల న|టంచు చెప్ప...’ అనండి.
తొలగించండిపారమార్థిక జీవన పయన మందు
రిప్లయితొలగించండిలౌకికమగుసంసారము లాగు చుండ
మాన సిక భౌతి కంబుల మనుజు లెల్ల
ద్వ్యర్థ మొనరింప దగును సంపదల నెల్ల.
వ్యర్థాన్ని ద్వ్యర్థం చేసిన మీ పూరణ బాగుంది. అభినందనలు.
తొలగించండిశర్మ గారు మీ పద్యము చాలా బాగుంది కాని యిచ్చిన సమస్యను వదలి యన్య సమస్య పూరించారు.ఏదైనా సంధి వలన "వ్య" "ద్వ్య" అయిన సమస్యకు భంగము రాదు. ఉ: మహత్ + వ్యర్థ. కనుక మీరు ఈ సమస్యను కూడ పూరిస్తే బాగుంటుందని నా అభిప్రాయము.
తొలగించండిలంచ వంచన పంచన నుంచు సుఖము
రిప్లయితొలగించండిమించు మేఘాల వెలుగని నెంచకున్న?
వ్యర్థ మొనరింప దగును సంపదల నెల్ల
పట్టు బడగానె?ఆస్తులు పట్టుదప్పు| {మేఘాలమెరుపువెలుగుసహాయపడదు.వంచనలంతే}
2.కలిమిబలిమిని నమ్మిన కలతలబ్బు|
అంతకోపాన బుద్దియే సబ్బులాగ
కరిగి పోవగ మనసున్నవిరిగిపోవ?
వ్యర్థ మొనరింప దగును సంపదల నెల్ల|
మీ రెండు పూరణలు బాగున్నవి. అభినందనలు.
తొలగించండితిరిగి రాదు కాలమ్మని యెరిగి నట్టి
రిప్లయితొలగించండిమానవుండిచ్చగింపడు తాను యెపుడు
వ్యర్థమొనరింప, దగును సంపద లెల్ల
ధర్మ కార్యనిర్వహణకై త్యాగ మిడిన
మీ పూరణ బాగున్నది. అభినందనలు.
తొలగించండి‘తానెపుడును’ అనండి.
వ్యర్థ మొనరింపఁ దగును సంపదల నెల్ల
రిప్లయితొలగించండిదీన రక్షణ కిసుమంత పూన కున్న ;
పాతరల నుంచి భూమిని పాతి పెట్టి
కూల కోటీశ్వరుడొక కూళ యగుచు
మీ పూరణ బాగున్నది. అభినందనలు.
తొలగించండి‘కూల కోటీశ్వరుం డొక...’ అనండి. లేకుంటే గణదోషం.
దేశ ప్రగతి నడ్డుకొను నే దేని నిలను
రిప్లయితొలగించండివ్యర్ధ మొనరింప దగును! సంపదలనెల్ల
సక్రమంబుగ వాడుచు, సాదరమున
ప్రజల పాలింప వలయు నే ప్రభుత యేని!
మీ పూరణ బాగున్నది. అభినందనలు.
తొలగించండిమిత్రులందఱకు నమస్సులు!
రిప్లయితొలగించండినడ్డదారులఁ ద్రొక్కియు, నార్జనమును
రెండు చేతులఁ బొందియుఁ, బ్రీతి నిడని,
పేదలకుఁ దిండిఁ బెట్టని విత్త మేల?
వ్యర్థ మొనరింపఁ దగును సంపదల నెల్ల!
మీ పూరణ బాగున్నది. అభినందనలు.
తొలగించండిఅడ్డదారులు... నడ్డదారు లయ్యాయి టైపాటువల్ల.
అవును శంకరయ్యగారూ! టైపాటే అది. ఎలా పడిందో...బహుశః పాదాలను సర్దుబాటు చేస్తున్నప్పుడు ఇలా జరిగి వుంటుంది. నేను చూసుకోకుండానే ప్రచురించాను.
తొలగించండిఅడ్డదారులఁ ద్రొక్కియు, నార్జనమును
రెండు చేతులఁ బొందియుఁ, బ్రీతి నిడని,
పేదలకుఁ దిండిఁ బెట్టని విత్త మేల?
వ్యర్థ మొనరింపఁ దగును సంపదల నెల్ల!
అర్ధములు నిత్యములుగావటంచు దెలిసి
రిప్లయితొలగించండిఅర్ధయుతముగ.ఖర్చు సేయంగవలయు
వ్యర్ధ మొనరింప దగును సంపదలనెల్ల
దేశరక్షణ విధులకై ధీయుతముగ
పద్యం బాగున్నది. కానీ దేశరక్షణకు వినియోగించడం వ్యర్థం చేయడ మెలా అవుతుంది?
తొలగించండిగురుదేవులసందేహ నివృత్తీ గావించుట దుస్సాధ్యము మరియొక పద్యము
తొలగించండిప్రస్తుతి
అర్ధ రహితమౌ మత దురాహ౦కృతులను
వ్యర్ధ మొనరింప దగును.సంపదలనెల్ల.
నర్ధయుతముగ ఖర్చు చేయంగ వలయు
ప్రజల సంక్షేమ సిధ్ధికై వ్యయ మొనర్చి
రిప్లయితొలగించండితండ్రి తాతలు దాచిన ధనము నేల
వ్యర్థమొనరింపదగును?సంపదల నెల్ల
ధర్మకార్యములకు వాడ ధరణి యందు
పుణ్యమబ్బును గనరండు పూజ్యులార.
2.కూడబెట్టిన యాస్తిని కుళ్ళబొడచి
కన్నవారిని హింసించి కాసులేల
వ్యర్థమొనరింపదగును,సంపదల నెల్ల
సద్వినిమయము చేయంగ శాంతి గలుగు.
మీ రెండు పూరణలు బాగున్నవి. అభినందనలు.
తొలగించండిఅంబటి భానుప్రకాశ్ గారి పూరణ.....
రిప్లయితొలగించండిచెప్పువారలు లేకను చెడిరి జనులు,
చెడ్డదారుల బోయిరి చెడును గనుక,
ధనము నెప్పుడు కూడగ దాచిపెట్టి
వ్యర్థ మొనరింప దగును సంపదల నెల్ల.
మీ యీ తాజా పూరణలో పద్యం వరకు బాగున్నది. కాని భావమే సందిగ్ధంగా ఉంది.
తొలగించండిమారణాయుధములసదా మనుజజాతి
రిప్లయితొలగించండివ్యర్థ మొనరించదగును , సంపదలనెల్ల
ప్రగతికోసము వె చ్చించ జగతిలోన
కరువు కాటకములు వెస తరిగిపోవు.
సార్థకమ్మొనరింపుమ సాయి! యేల
తొలగించండివ్యర్థ మొనరించదగును? సంపదలనెల్ల
బహుళ రీతిని పేదల బాగు కొఱకు
వాడుకొనినను దేశంబు భద్రమగును.
,,,,,,,,,,,
పొరబాటునకు క్షంతవ్యుడను.
అన్నపరెడ్డి సత్యనారాయణ రెడ్డి గారూ,
తొలగించండిమీ పూరణ బాగున్నది. అభినందనలు.
పొన్నెకంటి సూర్యనారాయణ గారూ,
తొలగించండిసవరించిన మీ పూరణ బాగున్నది. అభినందనలు.
(మీరు అన్నపరెడ్డి సామ్రాజ్యంలోకి చొచ్చుకొని వెళ్ళారు. వారి పూరణ క్రింద ఉన్న ‘ప్రత్యుత్తరాలు’ నొక్కి అక్కడ వ్రాశారు. మీరు మీ పూరణ క్రింద ఉన్న ప్రత్యుత్తరాలు అన్నచోట పోస్ట్ చేయండి.)
నల్లాన్ చక్రవర్తుల వేంకట నరసింహాచార్యులు గారి పూరణ...
రిప్లయితొలగించండిఎలుక బొద్దింకయు మిడత లిట్టివన్ని
నష్ట మొనరించుచుండును నరుల కెపుడు
వ్యర్థ మొనరింపఁ దగును సంపదల; నెల్ల
వేళల చెఱుపుఁ జేసెడి వేవియైన.
మీ పూరణ బాగున్నది. అభినందనలు.
తొలగించండిపన్ను రూపాన రాబట్టి ప్రజల ధనము
రిప్లయితొలగించండివారి సౌకర్యముల జూడ వాడవలయు.
తిరిగి రాబడి లేనట్టి తీరు నేల
వ్యర్థ మెునరింప దగును సంపదల నెల్ల?
బాగున్నది మీ పూరణ. అభినందనలు.
తొలగించండిఅక్రమార్జన చేసిన అర్థములను
రిప్లయితొలగించండినిండు పేదలక డుపులు నిమ్పుకొరకు
పనికి రానట్టి పాపపు ధనము లన్ని
వ్యర్థ మొనరింప దగును సంపదలనెల్ల.
విద్వాన్, డాక్టర్, మూలె రామమునిరెడ్డి, ప్రొద్దుటూరు కడప జిల్లా 7396564549.
తోపెల్ల బాలసుబ్రహ్మణ్య శర్మ గారి పూరణ....
రిప్లయితొలగించండిశివము నొంద వాసనలను చేయ వలెను
నిరతమంతర్మథనమెప్డు నియతి తోడ
పరహితార్థమై వెచ్చింప దొరకు పదము
వ్యర్థ మొనరింపదగును సంపదల నెల్ల.
కొంత బీడి నస్యములకు నింత దాచి
రిప్లయితొలగించండికొంత పేకలు సినిమాల కింత దోచి
యిల్లరికపు టత్తయ్యవి నింపు గాను
వ్యర్థ మొనరింపఁ దగును సంపదల నెల్ల :)