28, ఏప్రిల్ 2016, గురువారం

సమస్య - 2017 (చేతన్ జిప్పను ధరింత్రు...)

కవిమిత్రులారా, 
ఈరోజు పూరించవలసిన సమస్య ఇది.. 
చేతన్ జిప్పను ధరింత్రు శ్రీమంతు లిలన్.

116 కామెంట్‌లు:

  1. రాతలు మారిన తరుణము
    పాతకములు వెంటనంటి భ్రష్టుని జేయన్
    హేతువు లేకనె కర్మకు
    చేతన్ జిప్పను ధరింత్రు శ్రీమంతు లిలన్

    రిప్లయితొలగించు
  2. నీతినివీడిన తనయుని
    నతడే తన వారసుడని యనవరతమ్మున్
    ద్యూతపు ఖర్చుల కిచ్చుట
    చేతన్ జిప్పను ధరింత్రు శ్రీమంతులిలన్

    రిప్లయితొలగించు
    రిప్లయిలు
    1. సత్యనారాయణ రెడ్డి గారూ,
      మీ పూరణ బాగున్నది.
      రెండవపాదం లఘువుతో ప్రారంభమయింది. ‘...నాతఁడె తన...’ అనండి.

      తొలగించు
  3. వల్లూరు మురళి గారి పూరణ...

    పాఁత తరపు టాప్యాయత
    పాఁతరఁ జేయుచు బఫేల పాల్పడుచు సదా
    యాతన పడి యాచకులయి
    చేతన్ జిప్పను ధరింత్రు శ్రీమంతు లిలన్.

    రిప్లయితొలగించు
    రిప్లయిలు
    1. వల్లూరు మురళి గారూ,
      శంకరాభరణం బ్లాగు మీకు స్వాగతం పలుకుతున్నది.
      మీ పూరణ బాగున్నది. అభినందనలు.

      తొలగించు
    2. వీరా గారూ ... నమస్సులు! ఇంకేం మీ పూరణములు పెట్టండి శంకరాభరణంలో నేటి నుండి!

      తొలగించు
    3. వీరా గారూ ... నమస్సులు! ఇంకేం మీ పూరణములు పెట్టండి శంకరాభరణంలో నేటి నుండి!

      తొలగించు
  4. వేతురు పథకము గొప్పగ
    చేతల లోపించు నియమచేతన దోడన్
    ఖ్యాతిం బాయుచు క్రమముగ
    చేతన్ జిప్పను ధరింత్రు శ్రీమంతులిలన్!

    రిప్లయితొలగించు
  5. నిత్యము మద్యము గ్రోలుచు
    పాతకములనాచరించ బట్టున్ పట్టుచున్
    గెంతుతు తిరిగెడి వారలు
    చేతన్ జిప్పను ధరింత్రు శ్రీమంతులిలన్.
    అంతరములనెరుగక న
    త్యంతవిశాలహృదయుమున ధర్మపు బుద్ధితోన్
    యంతయు నాశము కాగా
    చేతన్ జిప్పను ధరింత్రు శ్రీమంతులిలన్.

    రిప్లయితొలగించు
    రిప్లయిలు
    1. మీ రెండు పూరణలలో ప్రాస తప్పింది. నా సవరణ...

      ప్రీతిని మద్యము గ్రోలుచు
      పాతకముల నాచరింప పట్టుదల గొనన్
      గెంతుచు తిరిగెడి వారలు
      చేతన్ జిప్పలు ధరింత్రు శ్రీమంతు లిలన్.

      నీతిగ నంతర మెరుగక
      దాతృత్వము పెచ్చుపెరిగి ధర్మము సేయన్
      శ్రీ తరిగి బీదపడగా
      చేతన్ జిప్పను ధరింత్రు శ్రీమంతు లిలన్.

      తొలగించు
    2. గెంతుచు లో బందుపూర్వక త కార ప్రాసయొప్పునా

      తొలగించు
    3. ఒప్పదు. పొరపాటే... ధన్యవాదాలు.
      ‘పటుతరముగ తా| మాతురత జెందువారలు....’ అందాం.

      తొలగించు
  6. నల్లాన్ చక్రవర్తుల వేంకట నారాయణాచార్యుల పూరణ....

    శ్రీ తోడుగ రాదు చితికి
    మాతో వీడ్కోలు పలుకు మాయమ్మగుచున్
    భౌతిక మనిత్య మనఁగాఁ
    జేతన్ జిప్పను ధరింత్రు శ్రీమంతు లిలన్.

    రిప్లయితొలగించు
  7. మిత్రులందఱకు నమస్సులు!

    ఏతరులై సతతమ్మునుఁ
    జేతమ్మున జంకులేక ♦ జిత్తులు సూపన్
    జేఁత చెడ దైవహతులై

    చేతన్ జిప్పను ధరింత్రు ♦ శ్రీమంతు లిలన్!

    [ఏతరుఁడు/ఏతరి=1.దుర్నయుఁడు 2.గర్వి 3.నిరంకుశుఁడు 4.లోభి]

    రిప్లయితొలగించు
  8. గోతులు దీయుచు నిరతము
    నీతియు నియమమ్ము లేక నిధులను గూర్చన్
    వాతలు తప్పవు దొరకిన
    చేతన్ జిప్పను ధరింత్రు శ్రీమంతులిలన్!!!

    రిప్లయితొలగించు
  9. నా రెండవ పూరణము:

    యాతాయాత సమర్దము
    జాతకముల మార్చు ననుచు ♦ సరవిని దలపైఁ
    ద్రాతను నిడుఁ డన, హేళగఁ

    జేతన్ జిప్పను ధరింత్రు ♦ శ్రీమంతు లిలన్!

    [చిప్ప = హెల్మెట్ :-)]

    రిప్లయితొలగించు
    రిప్లయిలు
    1. మీ రెండవ పూరణతో హెల్మెట్టుతో వైవిధ్యంగా ఉండి అలరింపజేసింది. అభినందనలు.

      తొలగించు


  10. ధన్యవాదాలన్నయ్యగారూ.

    నీతిగ బతుకుచు కొందరు
    తాతలు సంపాదనమును దానమొనర్చన్
    చేతన్ ధనమును కోల్పడి
    చేతన్ జిప్పను ధరింత్రు శ్రీమంతులిలన్.

    రిప్లయితొలగించు

  11. మాతామహుడిచ్చినమరి యీతాతయునిచ్చుసిరియునీడ్చుకుబోవ
    న్జేతలునేమియులేకిక
    చేతన్జిప్పనుధరింత్రుశ్రీమంతులిలన్

    రిప్లయితొలగించు
    రిప్లయిలు
    1. మీ పూరణ బాగున్నది. అభినందనలు.
      మీరు హైదరాబాదులోనే ఉన్నారా? ఉంటే ఈసారి నేను వచ్చినప్పుడు కలిసి మీరు సెల్‍ఫోన్ ద్వారా పాదక్రమానుసారం పద్యాన్ని పోస్ట్ చేయడమెలాగో వివరిస్తాను.

      తొలగించు
    2. గురువులు శంకరయ్య గారికినమస్కారములు.తప్పకుండా రండి.మీరాకనుముందుగాతెలియజేస్తే నేనే మిమ్ములలను కలిసి మాయింటికి తీసికొనివస్తాను.మే 2వతేదీన హైదరాబాదుకువస్తాను.నెల్లూరులో ఉన్నాను

      తొలగించు
  12. నీతిని మరచుచు ధర్మము
    బాతరవేయుచు చివరకు పాపము పండన్
    రోతగ కారాగృహమున
    చేతన్ జిప్పను ధరింత్రు శ్రీమంతు లిలన్

    రిప్లయితొలగించు
    రిప్లయిలు
    1. నమస్కారం! ఈమధ్య తరచు బ్లాగులో కనిపించడం లేదు. నామీద ఏమైనా కోపం వచ్చిందా?
      మీ పూరణ బాగున్నది. అభినందనలు.

      తొలగించు
    2. ఎంతమాట మాష్టారు.....దైవంమీద కోపమా....మారిన దైనందిన కార్యక్రమాల వలన, మానసిక పరిసధితుల వలన పద్య రచనే కాదు దేనిమీద ధ్యాస ఉండటం లేదు..అర్ధం చేసుకోగలరు...

      తొలగించు
  13. * గు రు మూ ర్తి ఆ చా రి *
    ,,,,,,,,,,,,,,,,,,,,,,,,,,,,,,,,,,,,

    { శ్రీ మ౦తులకు ధనాశ మె౦డు.చూద్దామ౦టే

    ముత్యపు చిప్పలు౦డవు కానీ చేతికి దొరికితే

    వానలో చేత. చిప్పలు పట్టుకొని
    ి
    ఆశగా నిలబడ గలరు }
    …………………………………………

    చూత మన చిప్ప లు౦డవు
    భూతలమ౦దున | దొరికిన. ముత్యపు చిప్పల్
    చేతికి , నాశగ జడిలో
    చేతన్ చిప్పలు ధరి౦త్రు శ్రీమ౦తు లిలన్

    రిప్లయితొలగించు
  14. బండకాడి అంజయ్య గౌడ్ గారి పూరణ....

    నీతిని విడనాడియు నవి
    నీతికిఁ బాల్పడెడు పెద్ద నేతలు చెఱలో
    భూతమును నిలుపుకొనుటకు
    చేతన్ జిప్పను ధరింత్రు శ్రీమంతు లిలన్.

    రిప్లయితొలగించు
    రిప్లయిలు
    1. బండకాడి అంజయ్య గౌడ్ గారి పూరణము (సవరించినది):

      నీతి విడి ధనాహపు టవి
      నీతికి బాల్పడిరి పెద్ద నేతలు! చెఱలోన్
      చేతనము కలిగి నందున
      జేతన్ జిప్పను ధరింత్రు శ్రీమంతు లిలన్!

      తొలగించు
  15. గుమ్మా నాగమంజరి గారి పూరణ...

    వాతలు పెట్టిన నక్కలు
    ఈతాడున పులులనౌర యింగిత మెరుగన్
    ఈ తీరున భోజనముల
    చేతన్ జిప్పలు దరింత్రు శ్రీమంతు లిలన్.

    రిప్లయితొలగించు
    రిప్లయిలు
    1. గుమ్మా నాగమంజరి గారూ,
      శంకరాభరణం బ్లాగు మీకు స్వాగతం పలుకుతున్నది.
      ‘బఫె’ పద్ధతిపై మీ పూరణ బాగున్నది.
      ‘నక్కలు+ఈ’ అని విసంధిగా వ్రాయరాదు. మీ పద్యానికి నా సవరణ...

      వాతలు పెట్టగ నక్కలు
      నేతావున పులులు గావు యింగిత మెరుగ
      న్నీతీరున భోజనముల
      చేతన్ జిప్పలు ధరింత్రు శ్రీమంతు లిలన్.

      తొలగించు
  16. సార్ స్వల్ప మార్పులు చేసి పక్రటిస్తున్నాను.
    ధన్యవాదాలు.

    అంబటి భానుప్రకాశ్.
    దుప్పల్లి.

    కం**
    నేతలు చేరిన చోటను,
    వేత్తల గూడియు భుజించు వరసన్ మరచీ!
    చేతలు మరచియు నిలబడి
    చేతన్ జిప్పలు ధరింతు శ్రీ మంతులిలన్! !

    కం**
    జాతికి నీతులు జెప్పెరు,
    ఖ్యాతిగ జరిగెడి వివాహ కార్యము లందున్!
    ఛాతిని విరుచుక తినగను,
    చేతన్ జిప్పను ధరింత్రు శ్రీమంతు లిలన్ !!

    రిప్లయితొలగించు
    రిప్లయిలు
    1. మీ రెండు పూరణలు బాగున్నవి.
      మొదటి పూరణ రెండవపాదంలో ప్రాస సవరించవలసి ఉన్నది.

      తొలగించు
  17. జి. మధుసూదన్ గారి పూరణ... (గుండు మధుసూదన్ గారు కాదు!)...
    ఘాతకు లప్పులఁ జేసియు
    నూతంబుగ ‘ఐ.పి’ పెట్టి యురిపడ చట్టాల్
    నీతులు మరచుచు నీచులు
    చేతన్ జిప్పలు ధరింత్రు శ్రీమంతు లిలన్.

    రిప్లయితొలగించు
    రిప్లయిలు
    1. శంకరయ్యగారూ...ఇది సందిత బెంగుళురు గారి పూరణ. G. Madhusudhan Raju గారి చరవాణినుండి పంపడం వల్ల సందిగ్ధంలో పడుతున్నాం.

      తొలగించు
    2. ‘సందిత’ గారూ,
      మీ పూరణ బాగున్నది. అభినందనలు.

      తొలగించు
    3. శంకరయ్య గారూ ...

      సందిత గారు G.Madhusudhan Raju గారి అమ్మాయి. వారి మాటల లోనే వారి వివరం ...
      "గాదిరాజు మధుసూదన రాజు సుక్షత్రియుడను వశిష్టగోత్రం వృత్తి రీత్యా ప్రభుత్వ నేత్రవైద్యాధికారిని మానసికంగా మీ అభిమానిని🙏🙏🙏🙏🙏సందిత🙏🙏"

      తొలగించు
    4. ఈ పద్యాలు రాసిన కవిగారు శ్రీ గాదిరాజు మధుసూదన రాజు గారు, ప్రభుత్వ నేత్ర వైద్యాధికారి, బెంగుళూరు

      తొలగించు
  18. అంతటి దానవకులవరు
    నంతము జేయంగ దలచి హరి యాచకుడై
    వింత సలిపె,లీల కొరకు
    చేతన్ జిప్పను ధరింత్రు శ్రీమంతులిలన్

    రిప్లయితొలగించు
    రిప్లయిలు
    1. హనుమంత రావు గారూ,
      మీ పూరణ చాలా బాగున్నది. అభినందనలు.

      తొలగించు
    2. నిజమే... నేను గమనించలేదు. ధన్యవాదాలు.

      తొలగించు
    3. ఆవేశంలో గమనించలేదు.తప్పు తెలుసుకున్నానూ.మరొక ప్రయత్నం.

      కాతును సురరాజుననుచు
      చేతిని జాపి బలిఁజేరె శ్రీపతి లీలన్
      ప్రీతిని మంచిని గావగ
      చేతన్ జిప్పను ధరింత్రు శ్రీమంతులిలన్

      తొలగించు
    4. హనుమంతరావుగారూ వామనమూర్తిని ఆవిష్కరించిన మీ పూరణ ప్రశస్తంగా ఉంది.

      తొలగించు
    5. గురువుగారూ ధన్యవాదములు.ఇందాకాత
      తప్పు దొరలింది.మన్నించండి

      తొలగించు
    6. సవరించిన మీ పూరణ బాగున్నది. అభినందనలు.

      తొలగించు
  19. వ్రాతలు మార్చగ దరమా
    చేతలబట్టియె ఫలములు చేరగ వచ్చున్
    నేతగ నొకపరి వెలిగియు
    జేతన్జిప్పలు ధరింత్రు శ్రీమంతులిలన్

    రిప్లయితొలగించు
  20. రోతని మనమున నెంచక
    జేతన్ చిప్పను ధరింత్రు శ్రీమంతులిలన్
    భూతిం గూర్చెడు నెన్నిక
    లేతావున జరుగుచున్న లీలన్ హేలన్.

    రిప్లయితొలగించు
  21. రిప్లయిలు
    1. ప్రీతిగ పంచ సమములకు
      నేతలె యెన్నికల వేళ నిఖిలాన్వయ సం
      జాతుల మతార్థముం దమ
      చేతం జిప్పను ధరింత్రు శ్రీమంతు లిలన్.

      తొలగించు
  22. అమరవాది రాజశేఖర శర్మ గారి పూరణ....

    కోతలు కోయుచు తిరిగుచు
    తాతలనాటి సిరులన్నితరిగిన పిదప
    న్నే తలరాత యెటునను
    చేతన్ జిప్పను ధరింత్రు శ్రీమంతు లిలన్.

    రిప్లయితొలగించు
    రిప్లయిలు
    1. అమరవాది రాజశేఖర శర్మ గారూ,
      శంకరాభరణం బ్లాగు మీకు స్వాగతం పలుకుతున్నది.
      మీ పూరణ బాగున్నది. అభినందనలు.

      తొలగించు
  23. మద్దా సత్యనారాయణ గారి పూరణ....

    మూతికి ముంతను గట్టిన
    ‘మా తల రాతయె’ యనుకొని మసలిన జన సం
    జాతుల శాపములె తగిలి
    చేతన్ జిప్పలు ధరింత్రు శ్రీమంతు లిలన్.

    రిప్లయితొలగించు
    రిప్లయిలు
    1. మద్దా సత్యనారాయణ గారూ,
      శంకరాభరణం బ్లాగు మీకు స్వాగతం పలుకుతున్నది.
      మీ పూరణ బాగున్నది. అభినందనలు.

      తొలగించు
  24. చేతనమొప్పక పోయిన
    ప్రీతిని యెన్నికల వేళ రీతిని వీడి
    నేతల డుగంగ నోట్లను
    చేతన్ చిప్ప ధరింత్రు శ్రీమంతు లిలన్

    రిప్లయితొలగించు
    రిప్లయిలు
    1. మీ పూరణ బాగున్నది. అభినందనలు.
      రెండవపాదంలో గణదోషం. ‘ప్రీతిని నెన్నికల వేళ రీతిని విడి యా...’ అందామా?

      తొలగించు
  25. జాతకులని తనసంతుకు
    భూతల-స్వర్గమ్మునుంచి బుద్దిని ద్రుంచే
    ఖాతా దెరచియు నివ్వగ?
    చేతన్ జిప్పను ధరింత్రు శ్రీమంత్రులిలన్

    రిప్లయితొలగించు
    రిప్లయిలు
    1. మీ పూరణ బాగున్నది. అభినందనలు.
      ‘...ద్రుంచే’ అని వ్యావహారికాన్ని ప్రయోగించారు.

      తొలగించు
  26. చేతపు భక్తిని చేగొని
    ప్రీతిగ మంగళము నీడె శ్రీకంఠుం డే
    రీతిని బీదయగు నయా?
    చేతన్ చిప్పను ధరింత్రు శీమంతు లిలన్.

    రిప్లయితొలగించు
  27. క్రొత్తగా చాలామంది ఔత్సాహిక కవిమిత్రులు శంకరాభరణంచే ఆకర్షింపబడటం ముదావహం.

    రిప్లయితొలగించు
    రిప్లయిలు
    1. నిజమే! కాని ఈ క్రొత్తవాళ్ళంతా వాట్సప్ మెసేజులు పెడుతున్నారు. వాటిని నేనిక్కడ టైప్ చేయడం కొంత అదనపు శ్రమ!

      తొలగించు
    2. అయినా క్రొత్త కవిమిత్రులు నేరుగా బ్లాగులోనే మీ పూరణలనుంచి గురువుగారికి సహకరించ మనవి.

      తొలగించు
    3. అయినా క్రొత్త కవిమిత్రులు నేరుగా బ్లాగులోనే మీ పూరణలనుంచి గురువుగారికి సహకరించ మనవి.

      తొలగించు
  28. వ్రాతలు మార్చగ దరమా
    చేతలబట్టియె ఫలములు చేరగ వచ్చున్
    నేతగ నొకపరి వెలిగియు
    జేతన్జిప్పలు ధరింత్రు శ్రీమంతులిలన్

    రిప్లయితొలగించు
  29. జాతి విపత్తుకు సొమ్ములు
    వేతన జీవులొసగుదురు వితరణ తోడన్!
    ప్రీతిగ చందా కోరుచు
    చేతన్ జిప్పను ధరింత్రు శ్రీమంతు లిలన్!

    చిన్న మార్పుతో మరొక పద్యం,

    జాతి విపత్తుకు వగచిన
    వేతన జీవులు విరివిగ వితరణ జూపన్!
    ప్రీతిగ చందా కోరుచు
    చేతన్ జిప్పను ధరింత్రు శ్రీమంతు లిలన్!

    రిప్లయితొలగించు
    రిప్లయిలు
    1. గురువు గారికి నమస్కారములు. మూడవ పాదంలొ కోరుచు బదులుగా ' లడుగుచు ' అంటే మరింతగా బాగుంటుందేమొ!
      సూచించ గోరుతాను. ధన్యవాదములు.

      తొలగించు
    2. మీ రెండు పూరణలు బాగున్నవి. అభినందనలు.
      మీ సవరణ బాగుంటుంది.

      తొలగించు
  30. దూతను సాయికటంచున్
    మోతగ దక్షిణలఁ గొనుచు మోద(స)ము తోడన్
    రాతను మార్చు పలుకులన్
    జేతన్ జిప్పను ధరింత్రు శ్రీమంతులిలన్

    రిప్లయితొలగించు
  31. నీతికి తిలోదకమిడి బ
    రాతము గొనుచుందు రొక కరమ్మున, నైనన్
    జీతములిడ పనివారికి
    చేతన్ జిప్పను ధరింత్రు శ్రీమంతు లిలన్!

    రిప్లయితొలగించు
  32. ‘సందిత’ గారి పూరణ....

    కైతల కందా లివ్వఁగఁ
    మ్రోతగఁ కవిపంక్తి పంచెఁ మొత్తము చిప్పల్
    వ్రాతల నిండను చిప్పలె,
    చేతన్ జిప్పను ధరింత్రు శ్రీమంతు లిలన్.

    రిప్లయితొలగించు
  33. బీటుకూరు శేషుకుమార్ గారి పూరణ...

    వ్రాతను సంపద మార్చును
    తాతల కాలంబునుండి ధారుణి ననుచున్
    పాతగ మనమున దప్పక
    చేతన్ జిప్పలు ధరింత్రు శ్రీమంతు లిలన్.

    రిప్లయితొలగించు
  34. గు రు మూ ర్తి ఆ చా రి
    ,,,,,,,,,,,,,,,,,,,,,,,,,,,,

    గు రు వు గా రి కి న మ స్సు లు.
    ధ న్య వా ద ము లు. మీ ప్రో త్సా హ ము
    వ ల న నే మే ము ఈ మా త్ర ము వ్రా య
    గలుగు చున్నాము .

    రిప్లయితొలగించు
  35. గుళ్ళపల్లి తిరుమల కాంతికృష్ణ:

    01.
    బ్రోతల్ పనులను గొందఱు
    రాతల్ మారి ధనికులయి రంజిల, జట్టం
    బాతరి చెఱలో బెట్టగ
    జేతన్ జిప్పను ధరింత్రు శ్రీమంతు లిలన్!

    02.
    ప్రీతిన్ బెంపుడు కుక్కలఁ
    జేతన్ నిమురుచు ననేక సేవల నిడుచున్
    భాతిగ గూడును బెట్టగ
    జేతన్ జిప్పను ధరింత్రు శ్రీమంతు లిలన్!

    రిప్లయితొలగించు
  36. * గు రు మూ ర్తి ఆ చా రి *
    ,,,,,,,,,,,,,,,,,,,,,,,,,,,,,,,,,,,,

    { శ్రీ మ౦తులకు ధనాశ మె౦డు.చూద్దామ౦టే

    ముత్యపు చిప్పలు౦డవు కానీ చేతికి దొరికితే

    వానలో చేత. చిప్పలు పట్టుకొని
    ి
    ఆశగా నిలబడ గలరు }
    …………………………………………

    చూత మన చిప్ప లు౦డవు
    భూతలమ౦దున | దొరికిన. ముత్యపు చిప్పల్
    చేతికి , నాశగ జడిలో
    చేతన్ చిప్పలు ధరి౦త్రు శ్రీమ౦తు లిలన్

    రిప్లయితొలగించు
  37. పాతర లందున దాచిన
    తాతలసంపదలు తరుగ త్రాగుచు తిరుగన్
    వ్రాతలు మారగ నటుపై
    చేతన్ జిప్పను ధరింత్రు శ్రీమంతు లిలన్.

    నిన్నటి సమస్యకు పూరణ

    ముక్తి నొందగ మార్గము భక్తి యనుచు
    నైహికమ్ముల విడనాడి యచ్యుతు గన
    పరమపద మొంద సంసార బంధనముల
    త్రాడు ద్రెంచిన పురుషుండు దైవసముఁడు.

    రిప్లయితొలగించు
    రిప్లయిలు
    1. మీ రెండు పూరణలు (నేటిది, నిన్నటిది) బాగున్నవి. అభినందనలు.

      తొలగించు
  38. మరొకటి ప్రయత్నించాను.పరిశీలింప గోర్తాను.

    నేతలు జోలెను పట్టిరి
    ధాతను తలపించు కరవు ధాత్రిని కలుగన్
    జాతికి నిధులను కూర్పగ
    చేతన్ జిప్పను ధరింత్రు శ్రీమంతులిలన్

    ఒక ధాతనామ సంవత్సరంలో గొప్ప కరవు వచ్చిందని చెప్తారు.

    రిప్లయితొలగించు
  39. మరొకటి

    మాతను డగ్గరి నభవుడు
    చేతిని సాచెను విరక్తిఁ జిప్పను వేయన్
    జాతికి రాగము వలదని
    చేతన్ జిప్పను ధరింత్రు శ్రీమంతులిలన్

    రిప్లయితొలగించు
  40. ప్రీతిగ సాధువులిలలో
    చేతికి జిప్పలు ధరించి చిన్మయులవగా...
    రీతిగ వోటులు కోరుచు
    చేతన్ జిప్పను ధరింత్రు శ్రీమంతు లిలన్

    రిప్లయితొలగించు
  41. గోతుల నల్లని ధనమును
    కోతలు కోయుచు విరివిగ కూడన్ బెట్టన్
    పాతవి శిస్తులు కక్కగ
    చేతన్ జిప్పను ధరింత్రు శ్రీమంతు లిలన్

    రిప్లయితొలగించు