21, డిసెంబర్ 2014, ఆదివారం

పద్యరచన - 772

కవిమిత్రులారా,

పై చిత్రాన్ని పరిశీలించి తగిన పద్యము(ల)ను వ్రాయండి.

21 వ్యాఖ్యలు:

  1. దంచ బడుచుండె నచ్చట దండి గాను
    రోటి యందున దెల్లగ రోకలినన
    దంచ బడుచుండు నది యేమి టంచు మఱి ని
    బోధ రాకుండె నిపుడు నా బుధ్ధి కకట !

    ప్రత్యుత్తరంతొలగించు
  2. రోలే మన సాధనముగ
    చాలా కాలంబు వరకు చక్కగ నిలచెన్
    కాలమహిమనిది జేరెను
    మూలకు గ్రైండర్లు మనకు ముద్దై పోయెన్

    ప్రత్యుత్తరంతొలగించు
  3. దంచగ పెండిలి పసుపుల
    నెంచిరి యలనాడు మమ్ము నెంతటి ఘనమౌ
    వంచన జేయుచు నేడిల
    పంచన బడవేసె నంట భారీ గ్రైండెర్

    ప్రత్యుత్తరంతొలగించు
  4. పోచిరాజు సుబ్బారావు గారూ,
    మీ పద్యం బాగున్నది. అభినందనలు.
    ****
    చంద్రమౌళి సూర్యనారాయణ గారూ,
    మీ పద్యం బాగున్నది. అభినందనలు.
    ****
    రాజేశ్వ్రరి అక్కయ్యా,
    మీ పద్యం బాగున్నది. అభినందనలు.

    ప్రత్యుత్తరంతొలగించు
  5. పప్పు,కూర,రసము,పరమాన్నములులేక
    పెరుగు నీళ్ల యినను దొరక కున్న
    నుప్పు,కారములను యుల్లితో దంచిన
    రోటి పచ్చడొకటె మేటి కాదె!

    ప్రత్యుత్తరంతొలగించు
  6. గుండా వేంకట సుబ్బ సహదేవుడు గారూ,
    మీ పద్యం బాగున్నది. అభినందనలు.

    ప్రత్యుత్తరంతొలగించు
  7. రోట దంచువిధము రోసిరక్కట! చూడ
    నేటికి యరుదయ్యె, నిక్కముగను!
    జానపదులు పాడ జంకిరక్కట! నేడు
    వాటికెచట నింక చోటు లేదు!

    ప్రత్యుత్తరంతొలగించు
  8. లక్ష్మీదేవి గారూ,
    మీ పద్యం బాగుంది. అభినందనలు.

    ప్రత్యుత్తరంతొలగించు
  9. దంపెదరు జనులాహారధాన్యములను
    తలచినంత నల్లము దంపదగును, కాని
    మేటి వ్యాపకమొకటియు మీకు లేదె?
    చేరి యూకదంపనగును చెలగి ధరను

    ప్రత్యుత్తరంతొలగించు
  10. ఊఁకదంపుడు (రామకృష్ణ) గారూ,
    ముద్రాలంకారంతో మీ పూరణ బాగుంది. అభినందనలు.

    ప్రత్యుత్తరంతొలగించు
  11. పూజ్యులయినకందిశంకరయ్యగారికివందనాలతో
    రోలెశరీరమైన;పలురోకటిపోటులయీతిబాధలున్
    జాలియులేకదంచినటుధర్మపథంబులు-మానవాళికిన్
    పాలనయందుబంచ?పరిపాటిగభక్తియు,శక్తిజేరు,నీ
    జాలమెరోలు,రోకటగుజాగృతిచిత్రమునూహకుంచెగా;
    2రోలు,రోకటినొకనాడుమేలుగూర్చు
    దంపుదొడ్లచెబియ్యమున్దరికిజేర్చి
    ఆయురారోగ్యమొసగగ/మాయలాగ
    యంత్రతంత్రానరోగాలతంత్రమిపుడు


    ప్రత్యుత్తరంతొలగించు
  12. పచ్చడి,వడ్లుయున్పసుపుపండుగలందునపూర్ణమున్సదా
    నచ్చినరీతిరుబ్బుటకునాణ్యతచేనిడురోలు,రోకలే
    వచ్చియుతిండికండకునువంటకువార్పుకుసాయమయ్యె,మీ
    రిచ్చినచిత్రదర్శనపురీతులుమారెనుచేతగాదనిన్

    ప్రత్యుత్తరంతొలగించు
  13. కె. ఈశ్వరప్ప గారూ,
    మీ పద్యాలు బాగున్నవి. అభినందనలు.

    ప్రత్యుత్తరంతొలగించు
  14. రోటి లోన నూరు ఘాటు పచ్చడి తిన్న
    నమర లోకమె దిగి యవని జేరు
    లేదు దీనికి సరి లేదు విశ్వమందు
    నాంధ్ర గృహముల నిడు యమృతమిదియె

    ప్రత్యుత్తరంతొలగించు
  15. వినరో ! కలికాలమ్మిది
    నను రోకలినే, మరిచిరి నాతోబాటున్
    ఘన రోలును, మా గుండెలు
    గన గ్రైండరు రుబ్బినట్లు గాయములాయెన్.

    ప్రత్యుత్తరంతొలగించు
  16. అన్నపరెడ్డి సత్యనారాయణ రెడ్డి గారూ,
    మీ పద్యం బాగున్నది. అభినందనలు.
    ****
    గోలి హనుమచ్ఛాస్త్రి గారూ,
    మీ పద్యం బాగున్నది. అభినందనలు.

    ప్రత్యుత్తరంతొలగించు
  17. కె.యెస్.గురుమూర్తి ఆచార్ప్ గారి పూరణ
    దినము త్రాగుచు౦దువు నీవుతిక్కపుట్టి
    కాఫి,టీ,పాడలవాటుల మాపివైచి
    శొoఠి మిరియాలు నూరిన చూర్ణమి౦క
    పాలలో కలిపి త్రాగుము బాగుపడగ

    ప్రత్యుత్తరంతొలగించు
  18. కె.యస్. గురుమూర్తి ఆచారి గారూ,
    మీ పద్యం బాగున్నది. అభినందనలు.
    ‘టీ పాడలవాటుల’ అన్నచోట గణదోషం. ఆ పాదాన్ని ‘కాపి టీల పాడలవాటు మాపివైచి’ అందామా?

    ప్రత్యుత్తరంతొలగించు

  19. పూజ్యులుగురుదేవులుశ౦కరయ్యగారికివ౦దనములు
    ఎంచగ పప్పు ధాన్యములు ఏలకులన్ మిరియాలు కొబ్బరిన్
    మించిన మిక్సి వైచి నొక మీటను నొక్కిన మెత్తగా నగున్
    దంచుచు నుంద్రు మానవులు దక్కిన చొల్లు కబుర్లు సోదియున్
    కంచుగ మ్రోగు రీతి తన గారవమున్ పరనింద సేయుచున్

    ప్రత్యుత్తరంతొలగించు
  20. కెంబాయి తిమ్మాజీ రావు గారూ,
    మీ పద్యం బాగున్నది. అభినందనలు.

    ప్రత్యుత్తరంతొలగించు