3, డిసెంబర్ 2014, బుధవారం

పద్యరచన - 754

కవిమిత్రులారా,

పై చిత్రాన్ని పరిశీలించి తగిన పద్యము(ల)ను వ్రాయండి.

23 వ్యాఖ్యలు:

  1. పసుపుయందుగలవు పలుదివ్య గుణములు
    చర్మసుందరతకు సాధనంబు
    వ్యాధిక్రిముల జంప యాంటీ బయొటికిది
    వంట యిల్లు కద్దె పసుపు లేక ?

    ప్రత్యుత్తరంతొలగించు
  2. చంద్రమౌళి సూర్యనారాయణ గారూ,
    మీ పద్యం బాగున్నది. అభినందనలు.
    ‘పసుపునందు’ అనండి.

    ప్రత్యుత్తరంతొలగించు
  3. పసుపు ముద్దను జూడుము భామ ! యచట
    పసుపు ఘాటును దాళ క పారి పోవు
    చుండె బురుగులు ,మఱియును శుభము కొఱకు
    వంట కొఱకును గూడను వాడుదురుగ
    గృహము లందున మనవారు నహరహమ్ము !

    ప్రత్యుత్తరంతొలగించు
  4. పసుపు పారాణి పాదాల పైడి యందె
    ఘల్లు మనినంత యెదపొంగి జల్లు మనగ
    పడతి కుంకుమ మెరయుచు పలుక రించ
    నాకమును మించు గృహమని నలువ జెప్పె

    శంకరాభరణం సోదర సోదరీ మణులకు గురువులు
    శ్రీ శంకరయ్య గారికీ శుభాశ్శీస్సులు
    4 నెలలుగా అందరికీ దూరమయ్యను .ఇప్పుడు అందరి పూరణలు చూడగల అదృష్టం కలిగింది చాలా రోజుల తర్వాత వ్రాయడం వలన గురువులకు శ్రమ కలిగిస్తే మన్నించ మనవి

    ప్రత్యుత్తరంతొలగించు
  5. మీ పునర్దర్శనం - చాలా ఆనందముగా నున్న దక్కయ్యా !

    ప్రత్యుత్తరంతొలగించు
  6. పసిడి పచ్చ పసుపు పండించ ప్రకృతిగ
    పరిమ ళించు నదియె పాక మందు
    పసుపు రంగు కలిపి పాడు జేతురు సుమా
    మంచి యౌను కొమ్ము దంచు కొనగ

    ప్రత్యుత్తరంతొలగించు
  7. పోచిరాజు సుబ్బారావు గారూ,
    మీ పద్యం బాగున్నది. అభినందనలు.
    ****
    అక్కయ్యా,
    చక్కని పద్యంతో మీ పునరాగమనం ఆనందాన్ని కలిగించింది.
    ఇంతకాలం మీ రేమయ్యారు? గురుదేవులు నేమాని వారి నిర్యాణం నుండి మీ పద్యాలు లేవు. వారి మరణంతో విషాదాన్ని పొంది మీరు సాహిత్యవ్యాసంగ సన్యాసం స్వీకరించారేమో అనుకున్నాను. లేదా ఆరోగ్యసమస్య లేవైనా ఇబ్బందిపెట్టాయేమో అనుకున్నాను. మీ గురించి తెలుసుకొని వివరాలు చెప్పవలసిందిగా ‘మనతెలుగు’ చంద్రశేఖర్ గారికి కోరాను కూడా. వారినుండి సమాధానం లేదు.
    ఇంతకాలానికి మీ దర్శనం నాకే కాదు బ్లాగుమిత్రులకు కూడా సంతోషాన్ని కలిగించింది.
    ****
    భళ్ళముడి శ్రీరామ శంకర ప్రసాద్ గారూ,
    మీ పద్యం బాగున్నది. అభినందనలు.

    ప్రత్యుత్తరంతొలగించు
  8. పసుపే క్రిమి సంహారిణి
    పసుపును వాడిన శుభమగు పడతులకెపుడున్
    పసుపున్ పాలకు చేర్చిన
    నసపెట్టెడి జలుబు దగ్గు నయమై పోవున్

    పసగలుగు వంటలందున
    పసుపున్ వాడంగచారు పప్పూ పులుసున్
    పసుపు పరమౌషధముగద
    పసుపును మించినదిలేదు భరతావనిలో

    ప్రత్యుత్తరంతొలగించు
  9. ఈరోజు రాజేశ్వరి అక్కయ్యగారు బ్లాగుకి రావడం వారి పద్యం చూడటం చాలా ఆనందం కలిగింది...

    ప్రత్యుత్తరంతొలగించు
  10. పసుపుకున్న విలువ భారత దేశమే
    తెలిసి కొనియె మొదట తీరుగాను
    దేహ కాంతిఁబెంచు దివ్యమౌ యోషది
    పెంచు జీర్ణ శక్తి మంచి గాను

    ప్రత్యుత్తరంతొలగించు
  11. శైలజ గారూ,
    మీ పద్యాలు బాగున్నవి. అభినందనలు.
    ****
    అన్నపరెడ్డి సత్యనారాయణ రెడ్డి గారూ,
    మీ పద్యం బాగున్నది. అభినందనలు.

    ప్రత్యుత్తరంతొలగించు
  12. అక్కయ్యగారు, అందమైన దృశ్యాన్ని ఆవిష్కరించే పద్యము చెప్పినారు. అభినందనలు. ఇన్ని రోజులనుంచీ మీరు రానేలేదు.
    పసుపునుఁ బెంచిన తోటలు
    మిసమిస కుంకుమల చేలు మిక్కుటములుగా
    దెసదెస పండెడు దేశము
    వసియించుట నాకుఁ బెద్ద భాగ్యము సుమ్మా!

    ప్రత్యుత్తరంతొలగించు
  13. లక్ష్మీదేవి గారూ,
    మీ పద్యం చాలా బాగుంది. అభినందనలు.

    ప్రత్యుత్తరంతొలగించు
  14. ఇంటిగడపఁ దీర్చుచుఁ దా
    వంటలన్ గాచు చుండి వనితల
    మోమున్
    కంటికి నింపొన గూర్చుచు
    కంఠపు మాంగల్యమౌచు గౌరవమందున్!

    ప్రత్యుత్తరంతొలగించు
  15. గుండా వేంకట సుబ్బ సహదేవుడు గారూ,
    మీ పద్యం బాగుంది. అభినందనలు.
    రెండవ పాదంలో గణదోషం. ‘వంటలనే’ అనండి.

    ప్రత్యుత్తరంతొలగించు
  16. గురుదేవులకు ధన్యవాదాలు. సవరించిన పద్యం :
    ఇంటిగడపఁ దీర్చుచుఁ దా
    వంటలనే గాచు చుండి వనితల
    మోమున్
    కంటికి నింపొన గూర్చుచు
    కంఠపు మాంగల్యమౌచు గౌరవమందున్

    ప్రత్యుత్తరంతొలగించు
  17. పసుపును భారతావనికి భాగ్యముగా వచియింతు రెందరో
    పసుపును, కుంకుమల్ పడతి ప్రాణము భారత ధాత్రి నెన్నగా
    పసుపును తెన్గు నేల పయి వంటల వాడుచు స్త్రీలు తీవ్రమై
    యుసురుల దీయు రాచకురుపున్ దరిజేరగ నీరు వింటిరా?

    రాచకురుపు=cancer

    ప్రత్యుత్తరంతొలగించు
  18. నమస్కారములు
    బ్లాగ్ సోదర సోదరీమణుల ఆదరాభి మానములకు కృతజ్ఞతలు . ఆరోగ్యం బాగానే ఉంది . చూపు మందగించడం వలన వ్రాయ లేకపోయాను ఇప్పుడు ఒకకన్ను కేట్రాక్టు మొన్న నవెంబెర్ 25 న చేసారు రెండవ కన్ను జనవరి ఫిబ్రవరిలో చేస్తారు ఇంకా పూర్తిగా తగ్గలేదు .కొంచం నొప్పిగా ఉంది .ఎక్కువగా చూడలేక పోతున్నాను .మరొక వారం రోజులు పట్ట వచ్చును .ప్రస్తుతం అసలే ఏకాక్షిని అదన్నమాట అసల్ సంగతి అందరికీ శుభాకాంక్షలతో

    ప్రత్యుత్తరంతొలగించు
  19. ఇంటికి గడపల మీదను
    వంటికి కళనీయ గోరు వనితలకైనన్
    వంటకు, నౌషధములలో
    కంటిరె మన పసుపుముద్దె గణపతికైనన్.


    ప్రత్యుత్తరంతొలగించు
  20. మిస్సన్న గారూ,
    మీ పద్యం చాలా బాగుంది. అభినందనలు.
    ****
    అక్కయ్యా,
    మీ గురించిన వివరాలు తెలియజేసినందుకు ధన్యవాదాలు.
    మొన్న కళ్ళపరీక్ష చేయించుకుంటే నాకు కాటరాక్ట్ ప్రాథమిక స్థాయిలో ఉంది. కొంతకాలం తర్వాత ఆపరేషన్ చేయవలసి ఉంటుందన్నారు.
    ****
    గోలి హనుమచ్ఛాస్త్రి గారూ,
    మీ పద్యం బాగుంది. అభినందనలు.

    ప్రత్యుత్తరంతొలగించు
  21. అక్కయ్య రాజేశ్వరి గారు బ్లాగు కు రావడం సంతోషంగాయున్నది .

    ప్రత్యుత్తరంతొలగించు
  22. నమస్కారములు
    ఈ కేట్రాక్టు చాలా సామాన్య మైనదే .ముదిరితే గానీ చేయరు అస్సలు నొప్పిగానీ బాధ గానీ ఏమీ ఉండదు మొదట చేసిన వెంటనే బాండేజ వేసి పంపించేస్తారు మర్నాడు బాండేజ్ తీసేస్తారు కొన్ని డ్రాప్సు వాడ మంటారు .అంతే లోకల్ ఎనస్తీషియా ఇస్తారు ఒక20 నిముషాలు పడుతుంది మనకస్సలు ఏమీ తెలియదు భయం అస్సలు ఉండదు తగ్గడానికి మన ఆరోగ్యాన్ని బట్టి వారం పది రోజులు పడుతుంది బాండేజ్ తీయగానే అన్నీ చక్కగా కనబడతాయి అంతే భయం ఏమి ఉండదు ఆశీర్వదించి అక్క
    amdari aadaraabhi maanamulaku kRtajnatalu

    ప్రత్యుత్తరంతొలగించు