శంకరాభరణం: సమస్యాపూరణం – 1119 (మీసము లందమ్ము సతికి)

21, జులై 2013, ఆదివారం

సమస్యాపూరణం – 1119 (మీసము లందమ్ము సతికి)

కవిమిత్రులారా,
ఈరోజు పూరించవలసిన సమస్య ఇది ...
మీసము లందమ్ము సతికి మెట్టెలకంటెన్.
(మల్లాది లక్ష్మణకుమార్ గారి ‘బంతిపూలు’ బ్లాగునుండి ధన్యవాదాలతో...)

30 కామెంట్‌లు:

వసంత కిశోర్ చెప్పారు...: ఈ కామెంట్‌ను రచయిత తీసివేశారు.; ఆదివారం, జులై 21, 2013 7:13:00 AM
వసంత కిశోర్ చెప్పారు...: అందరికీ వందనములు !
శంకరార్యా !
మీసము లందమ్ము సతికి - మెట్టెల కంటెన్
అనవలెనేమో !; ఆదివారం, జులై 21, 2013 7:13:00 AM
కంది శంకరయ్య చెప్పారు...: వసంత కిశోర్ గారూ,
నిజమే. సవరిస్తున్నాను. ధన్యవాదాలు.; ఆదివారం, జులై 21, 2013 7:25:00 AM
వసంత కిశోర్ చెప్పారు...: ఈ కామెంట్‌ను రచయిత తీసివేశారు.; ఆదివారం, జులై 21, 2013 7:37:00 AM
వసంత కిశోర్ చెప్పారు...: అందరికీ వందనములు !
అందరి పూరణలూ అలరించు చున్నవి !

భుజముల చుట్టూ పవిట కప్పుకున్న సుదతి :

01)
__________________________

మీసరపు మగని కెప్పుడు
మీసము లందమ్ము ! సతికి - మెట్టెల కంటెన్
మాసిక లున్న చనుమఱువు
మూసెడు చేలాంచలమదె - ముచ్చట గొల్పున్ !
__________________________
మీసరము = శ్రేష్ఠము
చనుమఱువు = రవిక; ఆదివారం, జులై 21, 2013 7:40:00 AM
మధురకవి గుండు మధుసూదన్ చెప్పారు...: "మా సము లెవ" రని పతి తన
మీసమ్ములఁ ద్రిప్పి, సతియు మెచ్చ, ముఖమునన్
మీసమును జేర్చి, కనఁ, బతి
మీసము లందమ్ము సతికి మెట్టెలకంటెన్.; ఆదివారం, జులై 21, 2013 7:51:00 AM
గోలి హనుమచ్చాస్త్రి చెప్పారు...: పూసల హారము దెచ్చితి
వేసుకు రమ్మనుచు జెప్పె వేడుకతోడన్
వాసూరావ్ దువ్వుచు తన
మీసము "లందమ్ము సతికి మెట్టెలకంటెన్."; ఆదివారం, జులై 21, 2013 7:54:00 AM
subbarao చెప్పారు...: రోసము గలిగిన మనిషికి
మీసము లందమ్ము, సతికి మెట్టెల కంటెన్
బాసటముగ బతి దేవుని
ఆసలు మఱి దీ ర్చదగును నాప్యాయత తోన్; ఆదివారం, జులై 21, 2013 10:03:00 AM
డా. గన్నవరపు నరసింహమూర్తి చెప్పారు...: రా సుత వాలము ద్రిప్పుచు
వేసముఁ దా మగడు నయ్యి వెస జన, పోరున్
రోసము మెలికెలు దిరిగెడి
మీసము లందమ్ము సతికి మెట్టెలకంటెన్.; ఆదివారం, జులై 21, 2013 10:06:00 AM
Pandita Nemani చెప్పారు...: కాసుల నార్జించుటలో
మా సము లెవరనెడు స్త్రీ సమాజములోనన్
భాసిలు నొక తరుణి పలికె
మీసము లందమ్ము సతికి మెట్టెల కంటెన్; ఆదివారం, జులై 21, 2013 10:33:00 AM
కందుల వర ప్రసాద్ చెప్పారు...: శ్రీ శంకరయ్య గురుదేవులకు,శ్రీ నేమాని గురుదేవులకు పాదాభివందనములతో
గురువు గారికి ధన్యవాదములు
==========*========
భూసురునకు భాసుర మగు
మీసము లందమ్ము, సతికి మెట్టెల కంటెన్
మోసము జేయని భర్తను,
కూసము,కూరిమిని గోరు కువలయ మందున్
(కూసము = రవికె ); ఆదివారం, జులై 21, 2013 10:35:00 AM
Pandita Nemani చెప్పారు...: ఈ కామెంట్‌ను రచయిత తీసివేశారు.; ఆదివారం, జులై 21, 2013 10:39:00 AM
Unknown చెప్పారు...: ఈ కామెంట్‌ను రచయిత తీసివేశారు.; ఆదివారం, జులై 21, 2013 11:06:00 AM
Unknown చెప్పారు...: రోసము గల మగవానికి
మీసము లందమ్ము ; సతికి మెట్టెల కంటెన్
హౌసెద్ది కాలి వేళ్ళకు !?
వేసము ముఖ్యమ్ము గాదు విద్యార్థులకున్ !; ఆదివారం, జులై 21, 2013 11:08:00 AM
కందుల వర ప్రసాద్ చెప్పారు...: శ్రీ శంకరయ్య గురుదేవులకు, శ్రీ నేమాని గురుదేవులకు పాదాభివందనములతో
గురువు గారికి ధన్యవాదములు
==========*========
భూసురునకు భాసురమగు భూతియు,నాభరణమగు
మీసము లందమ్ము, సతికి మెట్టెల కంటెను దనను
మోసము జేయని పతిని, పూసల హారము తోడ
కూసము,కూర్మిని గోరు కుంతాలముల నీడ నందు.
(పూసల=నల్లపూసలు,కుంతాలము= శ్రీ తాళపు జెట్టు); ఆదివారం, జులై 21, 2013 11:23:00 AM
Seena చెప్పారు...: రోసము గలిగిన పురుషుని
వేసము గట్టమని నంత వినయము తో స్త్రీ
వేసము గట్టిన తడవున
మీసము లందమ్ము సతికి మెట్టెలకంటెన్.

మీసము తో నాగమ్మగ
వేసము గట్ట నట రత్న విడ్డూ రము గా
నా సభి కులెల్ల వల్కిరి
మీసము లందమ్ము సతికి మెట్టెల కంటెన్; ఆదివారం, జులై 21, 2013 12:57:00 PM
బొడ్డు శంకర్ చెప్పారు...: మోసము దెలియక చేసిన
బాసలు నెరవేర్చువాడు భర్తగ నున్నన్
నాసిక దిగువ గల మగని
మీసము లందమ్ము సతికి, మెట్టెలకంటెన్!; ఆదివారం, జులై 21, 2013 2:57:00 PM
ఊకదంపుడు చెప్పారు...: ఈ విరుపులో ఎన్ని వ్యాకరణ దోషాలున్నాయో తెలియదండీ.
పెళ్ళినాటి ఫోటోలలో మెట్టెలు తొడుగుతున్న ఫొటో చూపిస్తూ, భార్యతో భర్త:

ఓసాయంత్రపుసమయము
నూసులనాడుచును కనుచు నుద్వాహమునన్
దీసిన చిత్రాల్, పతి యనె:
మీసము లందమ్ము సతికి - మెట్టెల కంటెన్

మీసముల - అందము - సతికి, మెట్టెలకు, అంటెన్; ఆదివారం, జులై 21, 2013 6:00:00 PM
రాజేశ్వరి నేదునూరి చెప్పారు...: గ్రాసము లేకను పూర్వము
రోసమ్మును కుదువ బెట్ట రొక్కము కొఱకై
దోసము నెంచని ప్రియ సఖి
మీసము లందమ్ము సతికి మెట్టెల కంటెన్ !; ఆదివారం, జులై 21, 2013 6:46:00 PM
కంది శంకరయ్య చెప్పారు...: వసంత కిశోర్ గారూ,
బాగుంది మీ పూరణ. అభినందనలు.
*
గుండు మధుసూదన్ గారూ,
మీ పూరణ బాగుంది. అభినందనలు.
*
గోలి హనుమచ్ఛాస్త్రి గారూ,
బాగుంది మీ పూరణ. అభినందనలు.
*
సుబ్బారావు గారూ,
మీ పూరణ బాగుంది. అభినందనలు.
ప్రారంభంలో రోసము అనవచ్చు. ప్రాసకు ఇబ్బంది ఉండదు.
*
గన్నవరపు నరసింహ మూర్తి గారూ,
మీ పూరణ బాగుంది. అభినందనలు.
*
పండిత నేమాని వారూ,
మీ పూరణ బాగుంది. అభినందనలు.
*
వరప్రసాద్ గారూ,
తిరుపతి వేంకట కవుల ‘దోశ మటం చెఱింగియును...’ పద్యం గుర్తుకు వచ్చిందా? మీ పూరణ బాగుంది. అభినందనలు.
*
నాగరాజు రవీందర్ గారూ,
బాగుంది మీ పూరణ. అభినందనలు.
*
‘శీనా’ శ్రీనివాస్ గారూ,
మీ రెండు పూరణలు బాగున్నవి. అభినందనలు.
*
బొడ్డు శంకరయ్య గారూ,
బాగుంది మీ పూరణ. అభినందనలు.
*
రామకృష్ణ గారూ,
మీ పూరణ బాగుంది. అభినందనలు.
సతికిలోని ‘కి’ ప్రత్యయానికి అన్వయం?
*
రాజేశ్వరి అక్కయ్యా,
బాగుంది మీ పూరణ. అభినందనలు.
*
ఈరోజు ఎవ్వరూ సవరణకు అవకాశం ఇవ్వలేదు. సంతోషం.; ఆదివారం, జులై 21, 2013 6:56:00 PM
Unknown చెప్పారు...: నా సముడు అర్జునుడొక్కడు
నీ సరిజోడే సుభద్ర నీ కిష్టమనన్
మీసము పెంచెను. పతికిన్
మీసము లందమ్ము- సతికి మెట్టలకంటెన్; ఆదివారం, జులై 21, 2013 8:46:00 PM
Unknown చెప్పారు...: ఈ కామెంట్‌ను రచయిత తీసివేశారు.; ఆదివారం, జులై 21, 2013 8:53:00 PM
కందుల వర ప్రసాద్ చెప్పారు...: గురువు గారికి ధన్యవాదములు, గురువుగారు తిరుపతి వేంకట కవుల పద్యము మీరు బ్లాగులో పెట్టిన తరువాత జూచితిని అది మరొక్కసారి వీక్షకులకు

కవులకు మీసాలెందుకని ఎవరో అధిక్షేపించినపుడు, సంస్కృతంలోనూ, తెలుగులోనూ తమను మించిన కవులు లేరని సవాలు చేస్తూ, వీరు చెప్పిన పద్యం. దమ్మున్న కవులు ఎవరైనా మమ్ములను గెలిస్తే మీసాలు తీసి మొక్కుతామని:

దోసమటంచెరింగియు దుందుడు కొప్పగ పెంచినారమీ
మీసము రెండు బాసలకు మేమె కవీంద్రులమంచు దెల్పగా
రోసము కలిగినన్ కవివరుల్ మము గెల్వుడు గెల్చిరేని యీ
మీసము తీసి మీ పద సమీపములం దలలుంచి మ్రొక్కమే.; ఆదివారం, జులై 21, 2013 8:58:00 PM
కంది శంకరయ్య చెప్పారు...: కెంబాయి తిమ్మాజీరావు గారూ,
మీ పూరణ బాగుంది. అభినందనలు.
‘సముడు అర్జునుడు’ అని విసంధిగా ఎందుకు వ్రాసారు? ‘నా సము డర్జును డొక్కడు’ అంటే గణదోషం ఉండదు కదా!
*
వరప్రసాద్ గారూ,
సంతోషం!
కానీ ఒక్క విషయం ఆ జంట కవుల్లో చెళ్లపిళ్ల వేంకట శాస్త్రికి మాత్రమే మీసాలున్నాయి. దివకర్ల తిరుపతి శాస్త్రికి లేవు. గమనించండి!; ఆదివారం, జులై 21, 2013 10:25:00 PM
గుండా వేంకట సుబ్బ సహదేవుడు చెప్పారు...: యే సిరి మూతికి గలిగిన
రోసము భూషణము పతికి? లోపము లేకన్
బాసిల్లు బొట్టు నుదుటన
మీసము!, లందమ్ము సతికి మెట్టెల కంటెన్!; ఆదివారం, జులై 21, 2013 10:53:00 PM
ఊకదంపుడు చెప్పారు...: సతికి కూడా ఆ మీసాల మెరుపు అబ్బింది ( ఫోటో లో) అని అన్వయమండి..

లేదూ - కాస్త క్లిష్టమే కానీయండి పతి యనె - సతికి.. అని అన్వయం చెప్పుకోవచ్చు..
భవదీయుడు; ఆదివారం, జులై 21, 2013 11:02:00 PM
బొడ్డు శంకర్ చెప్పారు...: చిన్న సవరణతో.............

మీసము ద్రిప్పుచు చేసిన
బాసలు నెరవేర్చువాడు భర్తగ నున్నన్
నాసిక దిగువ గల మగని
మీసము లందమ్ము సతికి, మెట్టెలకంటెన్!; సోమవారం, జులై 22, 2013 3:15:00 PM
G P Sastry (gps1943@yahoo.com) చెప్పారు...: ఆ సతు లిందిర సోనియ
మీసపు మగవారి కంటె మేలనిపించన్
దాసోహమ్మని వంగిరి...
మీసము లందమ్ము సతికి మెట్టెలకంటెన్; బుధవారం, ఆగస్టు 30, 2017 7:11:00 PM
Zilebi చెప్పారు...: ఓ!సరసి! పెనిమిటికి గద
మీసము లందమ్ము! సతికి మెట్టెలకంటె
న్నాసంగంబేది గలదు
కూసము లాగి మగ వాడి కూర్చము లాగన్!

జిలేబి; గురువారం, ఆగస్టు 31, 2017 12:06:00 AM
G P Sastry (gps1943@yahoo.com) చెప్పారు...: "చూసిర నిందిర గాంధిని?
మీ సములము మేము కూడ మ్రింగుట లోనన్
వాసిగ పాకుల తూర్పును...
మీసము లందమ్ము సతికి మెట్టెలకంటెన్! "; శనివారం, సెప్టెంబర్ 07, 2019 11:16:00 AM

కామెంట్‌ను పోస్ట్ చేయండి