10, సెప్టెంబర్ 2015, గురువారం

సమస్యాపూరణ - 1784 (రామునకె చెందు నెల్లప్డు రాధ వలపు)

కవిమిత్రులారా,
ఈరోజు పూరించవలసిన సమస్య ఇది....
రామునకె చెందు నెల్లప్డు రాధ వలపు.

27 కామెంట్‌లు:

  1. సాధ్వి సీతయె ప్రియమైన సహన శీలి
    రామునకె చెందు నెల్లప్డు , రాధ వలపు
    పొంద గోరుచు కన్నయ్య పొంచి యుండి
    రాస క్రీడల చెలిచెంత భాసు రమ్ము

    రిప్లయితొలగించండి
  2. రాజేశ్వరి అక్కయ్యా,
    మీ పూరణ బాగుంది. అభినందనలు.
    'భాసురమ్ము'....?

    రిప్లయితొలగించండి
  3. పుడమి పుట్టువు యనురక్తి పూర్తిగాను
    రామునికె చెందు నెల్లప్డు, రాధ వలపు
    శంఖ పాణికి చెందును సంతతమ్ము
    వాణి వలపంత పొందును పద్మయోని

    రిప్లయితొలగించండి
  4. అవని పుత్రిక సీతమ్మ యార్య ! వినుము
    రామున కెచెందు నెల్లప్డు ,రాధ వలపు
    చెందు నాకృ ష్ణ పరమాత్మ డెంద మునకు
    వలపు గలిగించు నాతడె వలచు మఱియు

    రిప్లయితొలగించండి
  5. అర్ధ నారీశ్వరుడన కపర్ది యొకడె
    జనకునాజ్ఞ నౌదల దాల్చె ననెడు కీర్తి
    రామునకె చెందు ;నెల్లప్డు రాధ వలపు
    మాధవునికేను పదివేల మగువలున్న !!!


    రిప్లయితొలగించండి
  6. అంతరాత్మకే యశరీర మబ్బఁజేసి
    చెలగి విద్యుక్త ధర్మముల్ చేసికొనెడి
    నీల మేఘదేహుడు రుక్మిణీమనోభి
    రామునికెచెందు నెల్లప్డు రాధ వలపు

    రిప్లయితొలగించండి
  7. కవిమిత్రులకు నమస్కారములతో
    గురుమూర్తి ఆచారి

    వలపు గాలిని మురళిలో నిలిపివైచి
    ప్రణయ సుస్వర గీతిక పలుకజేసి
    నందమున దేల్చునట్టి-నందవ్రజాభి
    రామునకె చెల్లు నెల్లపుడు రాధ వలపు

    (నందమున = ఆనందమున)

    రిప్లయితొలగించండి
  8. పరమ పావని భూపుత్రి పడతి సీత
    రామునకె చెందు నెల్లప్డు, రాధ వలపు
    దోచి నందగోపాలుడు తుష్టి తోడ
    రాసలీలల దేలెను రమ్యముగను!!!

    రిప్లయితొలగించండి
  9. అచట గోలోక మ౦దున ననవరతము
    అమలినమ్మైన శృంగార మనుభవి౦త్రు
    ఆత్మ రాధగా పరమాత్మ యదు కులాభి
    రామునకె జెందు నెల్లప్డు రాధ వలపు

    రిప్లయితొలగించండి
  10. గోవులన్ గాచుచున్ బ్రోచె గోపికలను
    విశ్వ మోహనా కారుండు వేణు ధరుడు
    గిరిధరుడు వాడు పడతి రుక్మిణి మనోభి
    రామునకె చెందు నెల్లప్డు రాధ వలపు

    రిప్లయితొలగించండి
  11. కంజ దలనేత్రు సుందరా కారుఁ గృష్ణు
    గరుడ గమనుఘో రతరబ కాసు రారుఁ
    గంస సంహారు నాగోపి కామ నోభి
    రామునకె చెందు నెల్లప్డు రాధ వలపు.

    రిప్లయితొలగించండి
  12. రాముడున్ రాధజంటగా రంజుకొనగ
    'రామునకె చెందు నెల్లప్డు రాధ వలపు'
    యనుచు ప్రేక్షక వ్యాఖ్యలు జనులఁజేర
    కొత్త చిత్రముల్ వారితో కుదురు చుండె.

    రిప్లయితొలగించండి
  13. రాధ,రాముని ప్రేమపరాచకాలు
    ఎన్న?నాటంక మందునే మన్నికవగ
    రామునికె చెందు నెల్లప్డు రాధ వలపు
    తాళి గట్ట?వీడెగ నెగతాళినాడె|
    2.పెంచి తలిదండ్రి పోషించ?ప్రేమనేడు
    కంచదాటగ కామాన కంటిచూపు
    అంటి నంటని దయ్యెను వెంటరాక
    రామునికి చెందునెల్లప్డు రాధవలపు

    రిప్లయితొలగించండి
  14. శ్రీ భాగవతుల కృష్ణారావు గారి పూరణ

    దేవుడైనను మానవ జీవితమున
    బ్రతుక పడరాని పాట్లను పడుటదొక్క
    రామునకె చెందు; నెల్లప్డు రాధ వలపు
    ధరను నరుడయ్యు గిరినెత్తు హరికె చెందు

    రిప్లయితొలగించండి

  15. శ్రీగురుభ్యోనమ:

    ధర్మ మార్గము వీడని ధార్మికుండు
    తండ్రి మాటను మీరని తనయు డనుట
    రామునకె చెందు నెల్లప్డు, రాధ వలపు
    లెల్ల భక్తిని బోధించు నెల్లరకును.

    రిప్లయితొలగించండి
  16. మిత్రులందఱకు నమస్సులు!

    ప్రణయి రాధకుం గృష్ణుండు వశ్యుఁడయ్యె!
    భక్తి నమలిన శృంగార సక్తత మదిఁ
    దనరుచుండెడు సద్భక్తజన మనోఽభి
    రామునకె చెందు నెల్లప్డు రాధ వలపు!!

    రిప్లయితొలగించండి
  17. కవిమిత్రులకు నమస్కృతులు.
    నిన్న వేములవాడకు వెళ్ళి రాజరాజేశ్వరసామిని, భీమేశ్వరస్వామిని, నగరేశ్వరస్వామిని, బద్ది పోచమ్మను దర్శనం చేసుకున్నాను. రాత్రి అక్కడే. ఉదయమే బయలుదేరి మొదట కొండగట్టు ఆంజనేయస్వామిని దర్శించుకున్నాను. అక్కడినుండి ధర్మపురి వెళ్ళి గోదావరిలో స్నానం చేసి, లక్ష్మీనరసింహస్వామిని దర్శించుకొని, ఉపదేవాలయాల దేవుళ్ళను దర్శించి బయలుదేరి ఇంతకుముందే ఇల్లు చేరాను. ఎక్కడా ఏ ఇబ్బంది లేకుండా ప్రయాణం సాఫీగా సాగింది. దేవాలయాలలో కూడా దర్శనానికి ఇబ్బంది కలుగలేదు.
    కాని ప్రయాణంలో ఉండి బ్లాగును ఎప్పటికప్పుడు చూడలేకపోయాను. నిన్న రాత్రి నా ఫోన్ ద్వారా సమస్యలను సమీక్షించాను కాని ఆ వ్యాఖ్యలను టైపు చెయ్యడానికి దాదాపు రెండు గంటలు పట్టింది. అందువల్ల నిన్నటి పద్యరచన శీర్షికను సమీక్షించలేకపోయాను. మన్నించండి.
    *****
    అన్నపరెడ్డి సత్యనారాయణ రెడ్డి గారూ,
    మీ పూరణ బాగున్నది. అభినందనలు.
    *****
    పోచిరాజు సుబ్బారావు గారూ,
    మీ పూరణ బాగున్నది. అభినందనలు.
    *****
    మంద పీతాంబర్ గారూ,
    మీ పూరణ బాగున్నది. అభినందనలు.
    *****
    భూసారపు నర్సయ్య గారూ,
    మీ పూరణ బాగున్నది. అభినందనలు.
    *****
    గురుమూర్తి ఆచారి గారూ,
    మీ పూరణ బాగుంది. అభినందనలు.
    *****
    శైలజ గారూ,
    మీ పూరణ బాగున్నది. అభినందనలు.
    *****
    కెంబాయి తిమ్మాజీ రావు గారూ,
    మీ పూరణ బాగున్నది. అభినందనలు.
    *****
    వి.యస్. ఆంజనేయులు శర్మ గారూ,
    మీ పూరణ బాగున్నది. అభినందనలు.
    సమాసంలో ‘రుక్మిణీ మనోభిరాముడు’ అనవలసి ఉంటుంది.
    *****
    పోచిరాజు కామేశ్వర రావు గారూ,
    మీ పూరణ బాగున్నది. అభినందనలు.
    *****
    గుండా వేంకట సుబ్బ సహదేవుడు గారూ,
    మీ పూరణ వైవిధ్యంగా ఉంది. అభినందనలు.
    ‘వలపు+అనుచు’ అన్నప్పుడు యడాగమం రాదు. ‘వలప|టంచు’ అనండి.
    *****
    కె. ఈశ్వరప్ప గారూ,
    మీ రెండు పూరణలు బాగున్నవి. అభినందనలు.
    కాకుంటే కొన్ని టైపాట్లు, అన్వయదోషం కనిపిస్తున్నవి.
    *****
    భాగవతుల కృష్ణారావు గారూ,
    మీ పూరణ బాగున్నది. అభినందనలు.
    *****
    శ్రీపతి శాస్త్రి గారూ,
    మీ పూరణ బాగున్నది. అభినందనలు.

    రిప్లయితొలగించండి
  18. గుండు మధుసూదన్ గారూ,
    మీ పూరణ బాగున్నది. అభినందనలు.

    రిప్లయితొలగించండి
  19. పడతి సీతమ్మ మదిలోని ప్రణయమెపుడు
    రామునకె చెందు నెల్లప్డు ;రాధ వలపు
    పిలుపు నందు కొనుచు శౌరి పిల్ల గాలి
    వోలె మెలమెల్లగా వచ్చి పొందు గోరె.

    రిప్లయితొలగించండి
  20. గురుదేవులకు ధన్యవాదములు.
    రాముడున్ రాధ జంటగా రంజుకొనగ
    ' రామునకె చెందు నెల్లప్డు రాధ వలప'
    టంచు ప్రేక్షక వ్యాఖ్యలు మించి నంత
    కొత్త చిత్రముల్ వారితో కుదురు చుండె.

    రిప్లయితొలగించండి
  21. డా. బల్లూరి ఉమాదేవి గారూ,
    మీ పూరణ బాగున్నది. అభినందనలు.

    రిప్లయితొలగించండి