చిత్రములో ఏనుగే కాకుండా ఒక మనిషి సిలిండర్లను తీసుకొని పోతున్నాడు. ఏనుగు తన ఆహారముకై ప్రకృతికి హానిచేయకుండా బ్రతికితే, మానవుడు అత్యాశతో ప్రకృతిని కాల్చేస్తున్నాడు ( సిలిండర్లకొఱకు ). ఆభావనతో.........
శ్రీ సంపత్ కుమార్ శాస్త్రి గారూ! శుభాశీస్సులు. మీ మత్తేభము బాగుగా నున్నది. 2వ పాదము మొదట యడాగమము బాగులేదు. అత్యంత పేరాశ అనే సమాసము బాగులేదు. సరిచేయండి. స్వస్తి.
అయ్యా! శ్రీ హనుమఛ్ఛాస్త్రి గారూ! శుభాశీస్సులు. మీరు కొమ్ములు లేని గజమచట అని చేసిన ప్రారంభము బాగులేదు. వ్యర్థ ప్రయోగము. గజదర్శనము మంచిది అంటారు ఆర్యులు అందుచేత ఎదురుబడితే కుమ్మును అనుట కూడా ప్రశ్నార్థకమే. మరొక ప్రయత్నము చేయండి. స్వస్తి.
పండిత నేమాని వారూ, ఔచిత్యాన్ని పాటించి చిత్రానికి తగిన మత్తేభ వృత్తాన్ని సర్వోత్తమంగా రచించారు. అభినందనలు. * గోలి హనుమచ్ఛాస్త్రి గారూ, మీ రెండు పద్యాలూ సలక్షణంగా ఉన్నాయి. అభినందనలు. నేమాని వ్యాఖ్య ననుసరించి మొదటి పద్యం లోని ఔచిత్యం పరిశీలించి సవరించదగినది. * జిలేబీ గారూ, మీరు మంచి భావాలను వెలుబుచ్చుతున్నారు. కొద్దిగా శ్రమపడి ఛందస్సు నేర్చుకొని పద్యాలను వ్రాస్తే బాగుంటుందని నా సలహా. అన్నట్టు మీ రాంపండు తెలుగు చదువు ఎంతవరకు వచ్చింది? * సంపత్ కుమార్ శాస్త్రి గారూ, మీరు కూడా నేమాని వారి వలె వృత్తౌచిత్యాన్ని పాటించారు. సంతోషం. అభినందనలు. నేమాని వారి అభ్యంతరమే కాక, మరికొన్ని లోపాలు... ‘ఆహారంబుకై → ఆహారంబునకై’, ‘ప్రాంతము కేగి → ప్రాంతమున కేగి’. నా సవరణలతో మీ పద్యం.... అటనాగంబు మదిం దలంచి తనకాహారార్థమై కొమ్మలన్ యటవీప్రాంతమునుండి దెచ్చె, మనుజుండత్యంత పేరాశతో పటుబాహాధరశక్తియుక్తుడయి విధ్వంసం బొనర్చెన్ గదా! ఘటముల్ చేసెడి రక్షణంబు ప్రకృతిన్, కంటే మనుష్యోత్తమా! * సుబ్బారావు గారూ, మీ పద్యం బాగుంది. అభినందనలు. * శైలజ గారూ, మీరు వరంగల్ చైత్యన్య కళాశాలలో పనిచేసిన శైలజ గారు (ఇంద్రగంటి వారి మనుమరాలు) కాదుకదా? మీ పద్యం బాగుంది. అభినందనలు. ‘మత్తగజము + ఐన' అన్నప్పుడు సంధి జరుగుతుంది. యడాగమం రాదు. మూడవ పాదంలో గణదోషం.. నా సవరణలతో మీ పద్యం.... ఎంతవారలైన నెచ్చోట నున్నను మత్తగజమె యైన మనుజులైన కూటికోసమెగద కోటివిద్యలు చూడ పాట్లుతప్పలేద పరమపూజ్య * హరి వేంకట సత్యనారాయణ మూర్తి గారూ, మీ శార్దూలం చాలా బాగుంది. అభినందనలు.
నాగరాజు రవీందర్ గారూ, బాగుంది మీ పద్యం. అభినందనలు. ‘కరిరాజు + ఏలనో’ అన్నప్పుడు సంధి జరుగుతుంది. యడాగమం రాదు. అక్కడ ‘కరివిభుం డేలనో’ అనండి. ‘సాంగత్యము +అదర’ అన్నప్పుడూ సంధి ఉంది. అక్కడ ‘నరులతో సాంగత్య మేలనో’ అందాం. * రాజేశ్వరి అక్కయ్యా, మీ రెండు పద్యాలూ బాగున్నవి. అభినందనలు. * కెంబాయి తిమ్మాజీరావు గారూ, మీ మూడు పద్యాలూ బాగున్నవి. అభినందనలు. మొదటి పద్యంలో ‘ఐనను + అరయ’ అన్నప్పుడు సంధి జరుగుతుంది. అక్కడ ‘మానవునకు నైన/ నరయ...’ అనండి. రెండవ పద్యంలో ‘అరదముల్, అశ్వములు’ అని విసంధిగా వ్రాయరాదు. అక్కడ ‘అరదముల్, గుఱ్ఱములు..’ అందాం. * గుండా రఘురామ్ గారూ, మీ సీసపద్యం చాలా బాగుంది. అభినందనలు. * మిస్సన్న గారూ, మీ మత్తేభం బాగుంది. అభినందనలు. మూడవ పాదం ప్రారంభంలో యడాగమం దోషం. అక్కడ ‘మాంధాతయై యోర్పుతో/ నది నేర్వం దగు...’ అందాం.
మదమాతంగము పోవుచుండె పలు కొమ్మల్ మోయుచున్ చూడుమ
రిప్లయితొలగించండియ్యదె, యా కొమ్మలె దాని కోగిరమునౌ, నా ముఖ్య మార్గమ్ములో
మది యుప్పొంగును జూచువారల కహో! మాంగళ్యముల్ చేకురున్
గద! మాతంగవరేణ్య దర్శనము విఘ్నఘ్నంబగున్ సోదరా!
కొమ్ములు లేని గజమచట
రిప్లయితొలగించండికొమ్మలు మోయుచు పురమున కొండగ వెడలెన్
కొమ్మా ! చూడుము మరి పో
కమ్మా దానెదురు కుమ్మ హానియె గలుగున్!
రిప్లయితొలగించండిసైకిల్ పై సిలిండర్ బాబు శరవేగం
అంబారీ పై టికాణీ లేని బికారి బాబు
సిలిండర్ అయ్యింది గగన కుసుమం
అందుకోడానికి న (గ)రం లో సర్కస్ !
జిలేబి
చిత్రములో ఏనుగే కాకుండా ఒక మనిషి సిలిండర్లను తీసుకొని పోతున్నాడు. ఏనుగు తన ఆహారముకై ప్రకృతికి హానిచేయకుండా బ్రతికితే, మానవుడు అత్యాశతో ప్రకృతిని కాల్చేస్తున్నాడు ( సిలిండర్లకొఱకు ). ఆభావనతో.........
రిప్లయితొలగించండిఅటనాగంబు మదిందలంచి తనకాహారంబుకై కొమ్మలన్
యటవీప్రాంతముకేగిదెచ్చె, మనుజుండత్యంత పేరాశతో
పటుబాహాధరశక్తియుక్తమున విద్వంసంబొనర్చెన్ గదా!
ఘటముల్ చేసెడి రక్షణంబు ప్రకృతిన్, కంటే మనుష్యోత్తమా!
అల్లనల్లన మెల్లగ నడుగు వేచి
రిప్లయితొలగించండినడుచు చున్నది చూడుడు నగము నచట
కట్టె మోపులు వీపుపై గట్టి వైచి
నడుపు చుండెను గజమును నాయకుండు
శ్రీ సంపత్ కుమార్ శాస్త్రి గారూ! శుభాశీస్సులు.
రిప్లయితొలగించండిమీ మత్తేభము బాగుగా నున్నది. 2వ పాదము మొదట యడాగమము బాగులేదు. అత్యంత పేరాశ అనే సమాసము బాగులేదు. సరిచేయండి. స్వస్తి.
అయ్యా! శ్రీ హనుమఛ్ఛాస్త్రి గారూ! శుభాశీస్సులు.
రిప్లయితొలగించండిమీరు కొమ్ములు లేని గజమచట అని చేసిన ప్రారంభము బాగులేదు. వ్యర్థ ప్రయోగము. గజదర్శనము మంచిది అంటారు ఆర్యులు అందుచేత ఎదురుబడితే కుమ్మును అనుట కూడా ప్రశ్నార్థకమే. మరొక ప్రయత్నము చేయండి. స్వస్తి.
ఈ కామెంట్‌ను రచయిత తీసివేశారు.
రిప్లయితొలగించండిగురువర్యులకు పాదాభివందనములతో.....
రిప్లయితొలగించండిఎంతవారలైన ఎచ్చోటనున్నను
మత్తగజము యైన మనుజులైన
కూటికోసమేగ కోటివిద్యలెల్ల
పాట్లుతప్పలేద పరమపూజ్య
Sree nEmaanigaroo! namaskaaramulu.
రిప్లయితొలగించండిmaroka kONamulO naa prayatnamu.
vaMtacerakunu gaTTuka vaMTipaina
noMti veDalenu rahadaari veMTa gajamu
vaMTa kokkaDu saikilukaMTa gaTTi
gyaasu baMDalu neTTenu gajamu gajamu ,
శ్రీనేమాని గురువర్యులకు నమస్సులు.
రిప్లయితొలగించండిమీ సూచన ప్రకారము ఈ క్రింది విధముగా సవరించుచున్నాను.
అటనాగంబు మదిందలంచి తనకాహారంబుకై కొమ్మలం
ద టవీప్రాంతముకేగిదెచ్చె, మనుజుండర్థంబునందాశచే
పటుబాహాధరశక్తియుక్తమున విద్వంసంబొనర్చెన్ గదా!
ఘటముల్ చేసెడి రక్షణంబు ప్రకృతిన్, కంటే మనుష్యోత్తమా!
కొమ్మలు + అందు + అటవీ = కొమ్మలందటవీ
శ్రీ నేమానిగారూ! నమస్కారములు.
రిప్లయితొలగించండిమరొక కోణములో నా ప్రయత్నము.
వంటచెరకును గట్టుక వంటిపైన
నొంటి వెడలెను రహదారి వెంట గజము
వంట కొక్కడు సైకిలుకంట గట్టి
గ్యాసు బండలు నెట్టెను గజము గజము.
అయ్యా! హనుమఛ్ఛాస్త్రి గారూ! శుభాశీస్సులు.
రిప్లయితొలగించండిమీ పద్యములో "వంటిపైన" అనే ప్రయోగము సాధువు కాదు. ఒడలు అంటే శరీరము. ఒంటిపైన అని సరిజేయాలి. చూడండి. స్వస్తి.
ఈమాతంగము మంగళప్రదముగా నీరాజమార్గంబునన్
రిప్లయితొలగించండిక్షేమం బారయు దేవదూత పగిదిన్ జేజేల కర్హంబుగా
భూమిన్ హర్షము పంచుచున్ వెడలె నోపుణ్యాత్ములారా! పయిన్
శ్రీమంతంబగు వృక్షశాఖములతో, చేయందగున్ సన్నుతుల్.
శ్రీ నేమానిగారూ! ధన్యవాదములు.
రిప్లయితొలగించండిసవరణతో నా పద్యము...
వంటచెరకును గట్టుకు నొంటిపైన
నొంటి వెడలెను రహదారి వెంట గజము
వంట కొక్కడు సైకిలుకంట గట్టి
గ్యాసు బండలు నెట్టెను గజము గజము ,
అయ్యా! శ్రీ హరి వారూ! శుభాశీస్సులు. మీ పద్యము బాగుగనున్నది. అభినందనలు. కాని మత్తేభము పైకి శార్దూలమును పంపుట బాగుంటుందా? స్వస్తి.
రిప్లయితొలగించండిపండిత నేమాని వారూ,
రిప్లయితొలగించండిఔచిత్యాన్ని పాటించి చిత్రానికి తగిన మత్తేభ వృత్తాన్ని సర్వోత్తమంగా రచించారు. అభినందనలు.
*
గోలి హనుమచ్ఛాస్త్రి గారూ,
మీ రెండు పద్యాలూ సలక్షణంగా ఉన్నాయి. అభినందనలు.
నేమాని వ్యాఖ్య ననుసరించి మొదటి పద్యం లోని ఔచిత్యం పరిశీలించి సవరించదగినది.
*
జిలేబీ గారూ,
మీరు మంచి భావాలను వెలుబుచ్చుతున్నారు. కొద్దిగా శ్రమపడి ఛందస్సు నేర్చుకొని పద్యాలను వ్రాస్తే బాగుంటుందని నా సలహా.
అన్నట్టు మీ రాంపండు తెలుగు చదువు ఎంతవరకు వచ్చింది?
*
సంపత్ కుమార్ శాస్త్రి గారూ,
మీరు కూడా నేమాని వారి వలె వృత్తౌచిత్యాన్ని పాటించారు. సంతోషం. అభినందనలు.
నేమాని వారి అభ్యంతరమే కాక, మరికొన్ని లోపాలు... ‘ఆహారంబుకై → ఆహారంబునకై’, ‘ప్రాంతము కేగి → ప్రాంతమున కేగి’. నా సవరణలతో మీ పద్యం....
అటనాగంబు మదిం దలంచి తనకాహారార్థమై కొమ్మలన్
యటవీప్రాంతమునుండి దెచ్చె, మనుజుండత్యంత పేరాశతో
పటుబాహాధరశక్తియుక్తుడయి విధ్వంసం బొనర్చెన్ గదా!
ఘటముల్ చేసెడి రక్షణంబు ప్రకృతిన్, కంటే మనుష్యోత్తమా!
*
సుబ్బారావు గారూ,
మీ పద్యం బాగుంది. అభినందనలు.
*
శైలజ గారూ,
మీరు వరంగల్ చైత్యన్య కళాశాలలో పనిచేసిన శైలజ గారు (ఇంద్రగంటి వారి మనుమరాలు) కాదుకదా?
మీ పద్యం బాగుంది. అభినందనలు.
‘మత్తగజము + ఐన' అన్నప్పుడు సంధి జరుగుతుంది. యడాగమం రాదు. మూడవ పాదంలో గణదోషం.. నా సవరణలతో మీ పద్యం....
ఎంతవారలైన నెచ్చోట నున్నను
మత్తగజమె యైన మనుజులైన
కూటికోసమెగద కోటివిద్యలు చూడ
పాట్లుతప్పలేద పరమపూజ్య
*
హరి వేంకట సత్యనారాయణ మూర్తి గారూ,
మీ శార్దూలం చాలా బాగుంది. అభినందనలు.
కానలోన దిరుగు కరిరాజు యేలనో
రిప్లయితొలగించండినగర వీథులందు నడచు చుండె
నచ్చెనేమొ చాల నరుల సాంగత్యము
అదర దేమి! సుంత బెదర దేమి !
రాజులు కవులే యైనను
రిప్లయితొలగించండిమోజుగ నీగజము పైన మురియుచు దిరుగన్ !
ఈ జన్మకు మావటిగను
రాజును కాకున్న నేమి రాజస మొప్పన్ !
---------------------------------
తరువుల బరువులు మోయుచు
కరిపైనను దిరుగు చుంటి గాసిల కుండన్ !
వరమొందితి మావటిగను
పరమాత్ముని కృపను గంటి పరమ ప్రీతిన్ !
వసతి, గాలి, వెలుగు, వాహనమ్ములు, తిండి
రిప్లయితొలగించండివలయు నగరమైన, పల్లెయైన
మత్త గజము కైన మనుజుని కైనను
అరయ నిక్కమిదియె ఆర్యులార
బరువు మోయంగను తొలుత కరులు వెలసె
అరదముల్, అశ్వములు నొoటెలమరి యుండె
నేడు టాక్సీలు, లారీలు బాడుగకును
మూడు చక్రముల ఆటోలు మూరి బోయె
నాగరికతాభివృద్ధితో నరుడు రైలు,
ఓడలందున, గాలిలో, వ్యోమవీధి
యానమొనరించి విశ్వ రహస్యములను
తెలియ గోరుచు నున్నాడు తెలివి మీఱ
భవునితాదాల్చె గర్భమునందు పిదప గ
రిప్లయితొలగించండిణేశుగా నుతినొందె ఏనుగొకటి
కోమలముగనుండు కుంభస్థలముమీద
కువలయమునుదాల్చె కుంజరములు
యుద్ధంబులోతామేయుత్క్రుష్ట సైన్యంబు
నిర్ణాయకములౌనునిభబలములు
చక్రవర్తివినీవె జంతుశ్రేణులలోన
మాన్యుడవీవెగా మందగమన
రాజ్యములుబోయె పోయె నీ రాజటీవి
పూర్వ ప్రాభవంబుతరిగి పోయెనెపుడొ
కడుపునింపుకొనుటకయ్యొకడకుమోసె
గడ్డి గజరాజ నీకెంత కష్టమొచ్చె
ముదమారం గను మేగుచుండె కరి మోపుల్ మోయుచున్ కూటికై,
రిప్లయితొలగించండిమది నింతేనియు చింత లేక వడిగా మాంధాత యై యోర్పునన్,
యది నేర్వందగు మానవుల్ బ్రదుకునన్ హాయిన్ సుఖింపన్ సదా,
మది, సంపాదన గోరి చేయు పనికిన్ మాన్యత్వమున్ బెంచుచున్.
నాగరాజు రవీందర్ గారూ,
రిప్లయితొలగించండిబాగుంది మీ పద్యం. అభినందనలు.
‘కరిరాజు + ఏలనో’ అన్నప్పుడు సంధి జరుగుతుంది. యడాగమం రాదు. అక్కడ ‘కరివిభుం డేలనో’ అనండి. ‘సాంగత్యము +అదర’ అన్నప్పుడూ సంధి ఉంది. అక్కడ ‘నరులతో సాంగత్య మేలనో’ అందాం.
*
రాజేశ్వరి అక్కయ్యా,
మీ రెండు పద్యాలూ బాగున్నవి. అభినందనలు.
*
కెంబాయి తిమ్మాజీరావు గారూ,
మీ మూడు పద్యాలూ బాగున్నవి. అభినందనలు.
మొదటి పద్యంలో ‘ఐనను + అరయ’ అన్నప్పుడు సంధి జరుగుతుంది. అక్కడ ‘మానవునకు నైన/ నరయ...’ అనండి.
రెండవ పద్యంలో ‘అరదముల్, అశ్వములు’ అని విసంధిగా వ్రాయరాదు. అక్కడ ‘అరదముల్, గుఱ్ఱములు..’ అందాం.
*
గుండా రఘురామ్ గారూ,
మీ సీసపద్యం చాలా బాగుంది. అభినందనలు.
*
మిస్సన్న గారూ,
మీ మత్తేభం బాగుంది. అభినందనలు.
మూడవ పాదం ప్రారంభంలో యడాగమం దోషం. అక్కడ ‘మాంధాతయై యోర్పుతో/ నది నేర్వం దగు...’ అందాం.
గురువు గారూ ! సూచనకు ధన్యవాదములు.
రిప్లయితొలగించండికానలోన దిరుగు కరివిభుం డేలనో
నగర వీథులందు నడచు చుండె
నచ్చెనేమొ చాల నరులతో సంగతి ?
అదర దేమి ! సుంత బెదర దేమి !
రిప్లయితొలగించండిగురువుగారూ సవరణకు ధన్యవాదములు.