పండిత నేమాని వారూ, మీ పద్యం బాగుంది. అభినందనలు. * గోలి హనుమచ్ఛాస్త్రి గారూ, బాగుంది మీ పద్యం. అభినందనలు. రెండవ పాదాన్ని ఇలా సవరిద్దాం... 'పరిచితులే చెడ్డ యనుచు భయపడ వలదా.. (వలదు + ఆ)... 'పరిచితులలొ' అని 'లో'' ప్రత్యయాన్ని హ్రస్వంగా వ్రాయరాదు. 'పరిచితుల మంచి చెడులను' అందాం. * గన్నవరపు నరసింహ మూర్తి గారూ, మీ పద్యం బాగుంది. అభినందనలు. ఒదుగురు.... 'అగుదురు' కు టైపాటా?
శైలజ గారూ, మీ ప్రయత్నం ప్రశంసనీయం. మొదటి పాదంలో తప్ప మిగిలిన పాదాల్లో గణదోషం. నా సవరణలతో మీ పద్యం...... మంచి భాన మరసి మైత్రి జేయగ పరి చితు లపరిచితులను చింత యేల? పరిచయమ్ము కాని వారేరి యత్నింప నపరిచితులె యాప్తు లగుదురేమొ!
గురువు గారూ ! నమస్సులు. 'ఒదుగురు ' -లభింతురు అనే అర్ధముతో వాడేనండి.' అవసరానికి వాడు ఒదిగేడురా ' అని విన్నమాట. ఆంధ్రభారతి ( బ్రౌణ్య ) వారి నిఘంటువులో చూస్తే ' దొరకు ' అనే అర్ధము దొరికిందండి.
గన్నవరపు వారూ, మీరు చెప్పిన అర్థంలో 'ఒదుగుదురు' సాధురూపం అవుతుంది. అది 'ఒదుగురు' కాదు కదా. * సంపత్ కుమార్ శాస్త్రి గారూ, ఆపద వేళలో అపరిచితులు సుపరిచితులయ్యే విధానాన్ని సీసపద్యంలో మనోజ్ఞమైన పదబంధాలతో చక్కగా చెప్పారు. అభినందనలు.
అయ్యా! శ్రీ వరప్రసాద్ గారూ! మీ సీస పద్యము బాగుగ నున్నది. అపరిచితులు/సుపరిచితులు అనునవి బహువచనములు కావున చూపును/వేయును/కావించు/చేయు అనే క్రియలను సరిగా వేయుచు దిద్దవలెను. చూపెదరు/వేసెదరు/కావించెదరు/చేసెదరు అను అర్థములలో పదములను వేయవలెను. అటులనే ఆఖరి పాదములో 1 లఘువు తక్కువగా నున్నది. సరిచేయండి. స్వస్తి.
అపరిచితుల వలన నర్థమనర్థము
రిప్లయితొలగించండిలెటుల నుండుననుచు నెరుగ లేము
మంచి మనసు తోడ మర్యాదల నొనర్చి
మేలు చేయ పుణ్యమే లభించు
పరిచితులు మంచివారల
రిప్లయితొలగించండిపరిచితులే చెడ్డనుచును భయపడుటేలా ?
పరిచితులలోనను మరియ
పరిచితులలొ మంచిచెడులు పరికించు సఖా !
ఆపద సమయము లందున
రిప్లయితొలగించండిఆపదలను బాప బనుప నా దేవుండే
ఆపద్బాంధవు లొదుగురు
ఆపదలను బ్రోచు వారు నవనీ సురులే !
నమ్మకుము దుష్ట జనులను
రిప్లయితొలగించండినమ్మకుమా యపరిచితుల నర్మపు మాటల్
నమ్మకుము నీ మనస్సును
నమ్ముము మఱి దేవ దేవు నామము నరుడా !
పండిత నేమాని వారూ,
రిప్లయితొలగించండిమీ పద్యం బాగుంది. అభినందనలు.
*
గోలి హనుమచ్ఛాస్త్రి గారూ,
బాగుంది మీ పద్యం. అభినందనలు.
రెండవ పాదాన్ని ఇలా సవరిద్దాం... 'పరిచితులే చెడ్డ యనుచు భయపడ వలదా.. (వలదు + ఆ)...
'పరిచితులలొ' అని 'లో'' ప్రత్యయాన్ని హ్రస్వంగా వ్రాయరాదు. 'పరిచితుల మంచి చెడులను' అందాం.
*
గన్నవరపు నరసింహ మూర్తి గారూ,
మీ పద్యం బాగుంది. అభినందనలు.
ఒదుగురు.... 'అగుదురు' కు టైపాటా?
సుబ్బారావు గారూ,
రిప్లయితొలగించండిమీ పద్యం బాగుంది. అభినందనలు.
రిప్లయితొలగించండిమంచి భావమరసి మైత్రిని చేయంగ
పరిచితులపరిచితులప్రశ్నలేల
పరిచయమవనిదెవరు ప్రయత్నమున్నన్
అపరిచితులెమారునాప్తులుగన్
శైలజ గారూ,
రిప్లయితొలగించండిమీ ప్రయత్నం ప్రశంసనీయం.
మొదటి పాదంలో తప్ప మిగిలిన పాదాల్లో గణదోషం. నా సవరణలతో మీ పద్యం......
మంచి భాన మరసి మైత్రి జేయగ పరి
చితు లపరిచితులను చింత యేల?
పరిచయమ్ము కాని వారేరి యత్నింప
నపరిచితులె యాప్తు లగుదురేమొ!
ఎంద అందముగా ,ఇంపుగా నా భావాన్ని పదములలో పొదిగారు గురువుగారూ...మీకు పాదాభివందనములు..
రిప్లయితొలగించండిగురువు గారూ ! నమస్సులు.
రిప్లయితొలగించండి'ఒదుగురు ' -లభింతురు అనే అర్ధముతో వాడేనండి.' అవసరానికి వాడు ఒదిగేడురా ' అని విన్నమాట. ఆంధ్రభారతి ( బ్రౌణ్య ) వారి నిఘంటువులో చూస్తే ' దొరకు ' అనే అర్ధము దొరికిందండి.
అల్లకల్లోలమై కల్లోలినీగంగ
రిప్లయితొలగించండివిలయతాండవమాడి చెలఁగుచుండ ( ఉత్తరాఖండ్ )
గురుబోధలనుగోరి గూడికూర్చున్న వి
జ్ఞానతత్వాసక్త సంచయమున
ధృత్యున్నతోత్సాహ తీర్థయాత్రాసక్త
సంఘంబుగూడి సంచారమందు ( కైలాస మానససరోవర యాత్ర )
సరియైన నిర్ణీత సమయంబునకురాని
వాహనంబునకు తాఁ వగచునపుడు
బాధలందున నిత్యసద్బోధలందు
సంతసంబున విసిగివేసారునపుడు
మనుజులాత్మీయ చిత్తులై మసలుకొనెద
రపరిచితులైన నప్పుడు సుపరిచితులె
గన్నవరపు వారూ,
రిప్లయితొలగించండిమీరు చెప్పిన అర్థంలో 'ఒదుగుదురు' సాధురూపం అవుతుంది. అది 'ఒదుగురు' కాదు కదా.
*
సంపత్ కుమార్ శాస్త్రి గారూ,
ఆపద వేళలో అపరిచితులు సుపరిచితులయ్యే విధానాన్ని సీసపద్యంలో మనోజ్ఞమైన పదబంధాలతో చక్కగా చెప్పారు. అభినందనలు.
శ్రీ శంకరయ్య గురుదేవులకు, శ్రీ నేమాని గురుదేవులకు పాదాభివందనములతో
రిప్లయితొలగించండిశ్రీ శంకరయ్య గురుదేవులకు ధన్యవాదములు.
సీస పద్యము వ్రాసి చాలా దినములైనది గురుదేవులు క్షమించగలరు.
=====*=====
ఆపదలందున దీపము జూపును
| తపములు జేసెడి యపరిచితులు
కైపదముల కెల్ల దూపము వేయును
| చపలము జూపని యపరిచితులు
దూర భారమునను దూరము జేయుచు
| సఫలము గావించు నపరిచితులు
కార్య భారమునను కాగితమును జేయు
| కపటము లేనట్టి యపరిచితులు
అపరి చితులు నెయ్యమ్మున సుపరి చితులు
సుపరి చితులు కష్టములందు నపరి చితులు
సుపరి చితుల మధ్యన గల రపరి చితులు
యపరి చితులందు గలరు సుపరి చితులు.
అయ్యా! శ్రీ వరప్రసాద్ గారూ!
రిప్లయితొలగించండిమీ సీస పద్యము బాగుగ నున్నది. అపరిచితులు/సుపరిచితులు అనునవి బహువచనములు కావున చూపును/వేయును/కావించు/చేయు అనే క్రియలను సరిగా వేయుచు దిద్దవలెను. చూపెదరు/వేసెదరు/కావించెదరు/చేసెదరు అను అర్థములలో పదములను వేయవలెను. అటులనే ఆఖరి పాదములో 1 లఘువు తక్కువగా నున్నది. సరిచేయండి. స్వస్తి.
అపరి చితులైన కొందరు
రిప్లయితొలగించండివిపరీతపు విలువ నిచ్చు వేడుక కొఱకై
సుపరి చితుడైన బంధువు
చపలత్వము గలిగి యుండి సంకట పడగన్ !
అపరిచితులకెపుడు నాశ్రయమీయగ
రిప్లయితొలగించండికాకమూషికములు కాదనంగ
వినక లేడి, నీడ వృకమునకీయగ
వలను జిక్కి లేడి వ్యథను బొందె
ధన్యోస్మి గురువు గారూ.
రిప్లయితొలగించండిగురువు గారూ నమస్సులు, ధన్యవాదములు. నా పద్యాన్ని సవరిస్తున్నాను.
రిప్లయితొలగించండిఆపద సమయము లందున
నాపదలను బాప బనుప నా దేవుండే
ఆపద్బాంధవు లొదుగుదు
రాపదలను బ్రోచు వారు నవనీ సురులే !
వరప్రసాద్ గారూ,
రిప్లయితొలగించండి“సుపరి చితులు కష్టములందు నపరిచితులు” అనడం బాగుంది. మంచి పద్యం. అభినందనలు.
నేమాని వారి సూచనను గమనించారు కదా!
*
కెంబాయి తిమ్మాజీ రావు గారూ,
మిత్రలాభం కథాప్రస్తావనతో మీ పద్యం బాగుంది. అభినందనలు.
*
గన్నవరపు వారూ,
సంతోషం.