జిలేబీ గారూ, మీ భావానికి నా పద్యరూపం.... ఉల్లి లేని కూర రుచుల కూనము గద యుల్లి ధర యాకసమ్మున కొనర నెగిరె యుల్లిగడ్డల దినువార లెల్ల ఖలు ల టం చనఁగఁ దగునే కంది యయ్యవారు? * గుండు మధుసూదన్ గారూ, పెద్దలమాట చద్దిమూట అన్న మొదటి పూరణ, ఉల్లి ధరలను ప్రస్తావించిన రెండవ పూరణ వైవిధ్యంగా చక్కగా ఉన్నాయి. అభినందనలు. రెండవ పూరణ మొదటి పాదంలో యతి తప్పింది. “ఉల్లిగడ్డల ధర జూడ నుప్పరమున” అంటే ఎలా ఉంటుంది?
శ్రీ శంకరయ్య గురుదేవులకు,శ్రీ నేమాని గురుదేవులకు వినమ్రవందనములతో శ్రీ పండితనేమాని గురుదేవులకు,శ్రీ శంకరయ్య గురుదేవులకు ధన్యవాదములు. ఉల్లిని సామాన్య జనులకు జేరనివ్వని వారిపై మాత్రమే ===========*========== కల్ల బొల్లి కబురు లాడి కనక మయము జేయు చుండ తెల్ల బోయి జనులు నేడు తెల్ల గడ్డలు దిను చుండ ఉల్లి గడ్డలు దిను వార లెల్ల ఖలులు, లోక మందు తల్ల డిల్లుచు నాడు వారు తలలు బట్టి దిరుగు చుండ.
పండిత నేమాని వారూ, పాత సామెతను గుర్తు చేసిన మీ పూరణ చాలా బాగుంది. అభినందనలు. * వరప్రసాద్ గారూ, మీ పూరణ బాగుంది. అభినందనలు. నాల్గవ పాదంలో ‘తల్లడిలుచు’ అని ఉండాలనుకుంటాను. * సుబ్బారావు గారూ, మీ పూరణ బాగుంది. అభినందనలు. * గూడ రఘురామ్ గారూ, బాగుంది మీ పూరణ. అభినందనలు. * గుండు మధుసూదన్ గారూ, మీ మూడవ పూరణ బాగుంది. అభినందనలు. * రాజేశ్వరి అక్కయ్యా, మీ పూరణ బాగుంది. అభినందనలు. * కెంబాయి తిమ్మాజీ రావు గారూ, సమస్య పాదాన్ని పద్యం మధ్య ఇమిడ్చిన మీ నేర్పు ప్రశంసనీయం. బాగుంది. అభినందనలు. * శైలజ గారూ, మీ ప్రయత్నం ప్రశంసింపదగినదే. మొదటి పాదంలో యతి తప్పింది. 2.4 పాదాలలో గణదోషం. సవరించండి.
రిప్లయితొలగించండిఉల్లి లేని కూర ఊనంబు రుచులకు
ఉల్లి ధర అల్లిబిల్లి ఆకాశాన కెగిరిన
ఉల్లి గడ్డల దినవల దెల్ల జనులు
అనంగ మీకు తగునా కంది వారు !
జిలేబి
"తామ సాహారముం గొనఁ దగదు; వెల్లి
రిప్లయితొలగించండియుల్లిగడ్డలఁ దినువార లెల్ల ఖలులు
గాను మారుదు" రంచుఁ బల్కంగ వింటి
నాదు బాల్యమ్మునందు మా నాయనమ్మ! (1)
ఉల్లిగడ్డల ధరలు విహాయసమున
విహరణము సేయుచుండంగఁ బేద లిపుడు
"నుల్లిగడ్డలఁ దినువార లెల్ల ఖలులు!
వలదు తినఁగా" నటంచును బల్కుచుండ్రి!! (2)
జిలేబీ గారూ,
రిప్లయితొలగించండిమీ భావానికి నా పద్యరూపం....
ఉల్లి లేని కూర రుచుల కూనము గద
యుల్లి ధర యాకసమ్మున కొనర నెగిరె
యుల్లిగడ్డల దినువార లెల్ల ఖలు ల
టం చనఁగఁ దగునే కంది యయ్యవారు?
*
గుండు మధుసూదన్ గారూ,
పెద్దలమాట చద్దిమూట అన్న మొదటి పూరణ, ఉల్లి ధరలను ప్రస్తావించిన రెండవ పూరణ వైవిధ్యంగా చక్కగా ఉన్నాయి. అభినందనలు.
రెండవ పూరణ మొదటి పాదంలో యతి తప్పింది.
“ఉల్లిగడ్డల ధర జూడ నుప్పరమున” అంటే ఎలా ఉంటుంది?
ఉల్లమందున విడలేక నుల్లి దినగ
రిప్లయితొలగించండిపిల్లలందరు నేడ్వగా తల్లి జెప్పె
నుల్లి ధరనేమొ తలచుక మెల్లగాను
" ఉల్లిగడ్డలఁ దినువార లెల్ల ఖలులు"
మిత్రులు శ్రీ కంది శంకరయ్యగారికి ధన్యవాదములు. మొదట "అధిక ధరలచే నుల్లి విహాయసమున" ననియే వ్రాసికొంటిని. మూఁడవపాదమున నుల్లిగడ్డల ప్రస్తావన వచ్చుటచే, మొదటి పాదమున "నుల్లిగడ్డల ధరలు..."నని మార్చితిని...యతిదోషమును గమనించకపోయితిని. తాము తెలిపినందులకు ధన్యవాదములు. తమరి సవరణము బాగున్నది.
రిప్లయితొలగించండిఉల్లిగడ్డల ధరఁ జూడ నుప్పరమున
విహరణము సేయుచుండంగఁ బేద లిపుడు
"నుల్లిగడ్డలఁ దినువార లెల్ల ఖలులు!
వలదు తినఁగా" నటంచును బల్కుచుండ్రి!! (2)
ఉల్లి గడ్డల దినువార లెల్ల ఖలుల
రిప్లయితొలగించండిటంచు బల్కెడి వారలే యచట నచట
చాటు మాటుగ దినుదురు సంతసమున
తల్లి కంటెను మేల్గూర్చు నుల్లి గాదె
శ్రీ శంకరయ్య గురుదేవులకు,శ్రీ నేమాని గురుదేవులకు వినమ్రవందనములతో
రిప్లయితొలగించండిశ్రీ పండితనేమాని గురుదేవులకు,శ్రీ శంకరయ్య గురుదేవులకు ధన్యవాదములు.
ఉల్లిని సామాన్య జనులకు జేరనివ్వని వారిపై మాత్రమే
===========*==========
కల్ల బొల్లి కబురు లాడి కనక మయము జేయు చుండ
తెల్ల బోయి జనులు నేడు తెల్ల గడ్డలు దిను చుండ
ఉల్లి గడ్డలు దిను వార లెల్ల ఖలులు, లోక మందు
తల్ల డిల్లుచు నాడు వారు తలలు బట్టి దిరుగు చుండ.
ఉల్లి నందురు కద సామి ! తల్లి వంటి
రిప్లయితొలగించండిదనుచు మఱి యేల మీ రె య ట్లంటి రిపుడు ?
ఉల్లి గ డ్డల దిను వార లె ల్ల ఖలులు
గాదని సెల వీ యుడు మఱి కంది సామి !
ఉల్లిపాయధరలు హెచ్చనోడెనెన్ని
రిప్లయితొలగించండికలనొకడు అశ్రుధారలుగారుచుండ
నుల్లిగడ్డలదినువారలెల్ల ఖలులు
జూడమనెనుల్లి సాంబారు జుర్రుకొనుచు ॥
ఈ కామెంట్‌ను రచయిత తీసివేశారు.
రిప్లయితొలగించండినా మూఁడవ పూరణము:
రిప్లయితొలగించండిఉల్లి చేసిన మేలును తల్లియైనఁ
జేయ దందురు పెద్దలు! శ్రేష్ఠత నిడు
నుల్లిగడ్డలఁ దినువార లెల్ల ఖలులు
కారు కారయ్య శంకరా! కంది వంశ్య!! (3)
ఉల్లి జేసిన మేలంత తలి యైన
రిప్లయితొలగించండిచేయ దందురు విబుధులు సేద దీర
కల్ల యైనది తెలుపగ నుల్లి నిపుడు
ఉల్లి గడ్డలు దినువార లెల్ల ఖలులు
ఉల్లి జేసిన మేలంత తల్లి యైన
రిప్లయితొలగించండిచేయ దందురు విబుధులు సేద దీర
కల్ల యైనది తెలుపగ నుల్లి నిపుడు
ఉల్లి గడ్డలు దినువార లెల్ల ఖలులు
పండిత నేమాని గారికి శంకరయ్య గురుదేవులకు నమస్కారములు
రిప్లయితొలగించండిఉల్లిగడ్డలు దాచంగ కుళ్ళిపోవు
కల్ల కాదది వినుడహో ఉల్లిగడ్డ
లుతినువార లెల్ల ఖలులు లోభులగుచు
ఉల్లిధరలను పెంచిరి లోల్లిచేసి
నాల్గుమాసాలవ్రతమునునెరపువారు
రిప్లయితొలగించండికార్తీకమాసానపుణ్యకార్యాలలో
ఉల్లిగడ్డలుతినువారలెల్లఖలులు
యనుచుపెద్దలండ్రది అవునొ!కాదొ!
పండిత నేమాని వారూ,
రిప్లయితొలగించండిపాత సామెతను గుర్తు చేసిన మీ పూరణ చాలా బాగుంది. అభినందనలు.
*
వరప్రసాద్ గారూ,
మీ పూరణ బాగుంది. అభినందనలు.
నాల్గవ పాదంలో ‘తల్లడిలుచు’ అని ఉండాలనుకుంటాను.
*
సుబ్బారావు గారూ,
మీ పూరణ బాగుంది. అభినందనలు.
*
గూడ రఘురామ్ గారూ,
బాగుంది మీ పూరణ. అభినందనలు.
*
గుండు మధుసూదన్ గారూ,
మీ మూడవ పూరణ బాగుంది. అభినందనలు.
*
రాజేశ్వరి అక్కయ్యా,
మీ పూరణ బాగుంది. అభినందనలు.
*
కెంబాయి తిమ్మాజీ రావు గారూ,
సమస్య పాదాన్ని పద్యం మధ్య ఇమిడ్చిన మీ నేర్పు ప్రశంసనీయం. బాగుంది. అభినందనలు.
*
శైలజ గారూ,
మీ ప్రయత్నం ప్రశంసింపదగినదే.
మొదటి పాదంలో యతి తప్పింది. 2.4 పాదాలలో గణదోషం. సవరించండి.
ఆయు రారోగ్యములనిచ్చు నట్టి గడ్డ
రిప్లయితొలగించండిలుల్లి గడ్డలు, మనుజుల కెల్ల ప్రీతి
పాత్రమైన పాకము లందు వాడ నెట్టు
లుల్లి గడ్డలఁ దినువార లెల్ల ఖలులు?