నిర్వచన భారత గర్భ రామాయణము - 100

రావిపాటి లక్ష్మినారాయణ

రామాయణము-

చం.      అరి(జనలోకభీకరుఁడునై తన భీషణశక్తిచేతఁ దా

గురుబలమున్) మహాదనుజకోటినిఁ గూల్చెను; మాల్యవంతు నా

శర(ఘనసేనఁ దోలు పృథుశల్యునిఁ జంపె యుధిష్ఠిరుండు నొ

ప్పు రణమునన్) వరుం డనిలపుత్రుఁడు దారిని; మంచె లక్ష్మణున్. (౧౧౫)

భారతము-

కం.       జనలోకభీకరుఁడునై

తన భీషణశక్తిచేతఁ దా గురుబలమున్

ఘనసేనఁ దోలు పృథుశ

ల్యునిఁ జంపె యుధిష్ఠిరుండు నొప్పు రణమునన్. (౧౧౫)

టీక- శక్తిచేత = (రా) బలముచేత, (భా) శక్తియను నాయుధముచేత; (రా) గురుబలమున్ = గొప్పసేనను, (భా) కురుబలమున్ = కౌరవసేనను; ఆశర - (రా) రాక్షసుల, పృథుశల్యుని = గొప్పబాణములు గలవానిని, (భా) గొప శల్యుని; యుధిష్ఠిరుండు = (రా) యుద్ధమునందు స్థిరమయినవాఁడు.